طريقة تحضير زيت الدرة في المنزل

تاريخ التسجيل : 29/07/2012

زيت الذرة

ناخدو 2 معالق كبار ديال طحين الذرة الصفراء ، نعملوهوم ف قرعة و نغطيوهم بزيت الزيتون . نغلقو القرعة و نحركوها مزيان باش تنسجم العناصر مع بعضياتا ، نخليوها مدة يوماين او 3 ايام و نعاودو نحركوها مزيان ، نخليوها حتى تتصفى وبولي الزيت الفوق و نزولوها . وهايدا غدي نحصلو على زيت الذرة من صنع ايدينا وف بيوتنا .

للاشارة ، هاد الزيوت بجوج كيتستعملو قبل الاستحمام ، بحيث كندهنو بزيت اللوز الجسم كامل و نخليوه مدة 20 دقيقة ثم يغسل
يمكن نديروها داخل الحمام و نصف قنينة صغيرة منوكافية لكامل الجسم .
الفائدة د زيت اللوز انها تمنع من ترهل البشرة و كتشدها بصورة رائعة .
فيما يخص زيت الذرة ، يدهن الجسم كامل بالزيت ديالا و نخليوه كذلك مدة 20 دقيقة ثم يغسل عادي .
فائدة زيت الذرة انها ترطب الجسم بشكل رائع

الزيوت الطبيعية بطبيعة الحال ما كايناشي بحالا ، كتصلح دواء وتجميل ، بعد المرات كنشريوها من برا وكنوقعو فيها مغشوشة وماشي طبيعية مية ف المية ، وبعد المرات كيكون الثمن ديالا غالي وماشي ف استطاعة الكل . المهم اليوما ف هاد الورقة غادي ننقلكم الطريقة اللي يمكن نعدلو بيها الزيوت الطبيعية ف ديورنا باش نضمنو الجودة ديالا ونستعملوها واحنا مرتاحين حيت احنا اللي عدلناها بيدنا .

زيت اللوز

كناخدو حفنة د اللوز بالقشور ديالو نعملوه ف الخلاط الكهربائي مع شوية د الماء ، نطحنوه مزيان حتى يتعسل ونعملوه ف اناء واسع (قصعة مثلا ) مع اضافة قليل من الماء وندلكو بيدنا مزيان ، نعاودو نضيفو شوية د الماء ونزيدو ندلكو . من بعد نصفيو الخليط اللي عندنا ف شاش او ثوب د حياتي ونقطرو مزيان . هاداك السائل اللي كيهودنا واحنا كنعصرو هو الزيت الخالص د اللوز .
- نفس العملية كنطبقوها ايضا ن استخلاص زيت الزنجلان .
ملحوظة :
التخت ديال اللوز اللي كيبقالنا كنزيدو عليه بيضة بلدية وكنعملوه ن الشعر وخصوصا الشعر الجاف ومن بعد مدة من الوقت كيتغسل الشعر كالعادة .

أحيي السيدة ربيعة من مدينة القصر الكبير ، اختصاصية ف التجميل و التخسيس اللي فادتنا بهاد الطرق هادي على امواج الاذاعة الوطنية من خلال برنامج اللقاء المفتوح ، وهايدا كتكون السيدة القصرية متميزة دائما في افكارها وابداعاتها و عطاءاتها . تحية لكل سيدات القصر الكبير من منبر منتديات القصر الكبير

تاريخ التسجيل : 09/06/2013

فليحميكم الرب