اخواتي بمناسبة اقتراب عيد الاضحى المبارك اجيو نديرو تنظيف عميق للثلاجة






اولا كنحيدو الفيش ديال الكهرباء و نخرجو المواد لي عندنا فالثلاجة نرميو لي ما بقاش صالح و نحاولو نمسحو العلب لي غادي نرجعوها و الا كنت مزروبة تقدري تسخني الماء باش تسهال عليك عملية اذابة الثلج لي كيكون فالفريكو



كنغسلو الثلاجة ديالنا بالماء و الصابون ديال الاواني ثم نشفوها مزيان و نمسحوها بالخل الابيض



او بيكاربونات الصودا



نردو الفيش ديال الضو و نخليوها على الاقل ساعة عاد نعمروها



و حاجة مهمة اخواتي وهي نخليو الثلاجة هي الاخيرة فالتنظيف يعني نغسلوها يومين او ثلاتة قبل العيد و ما تنسايش تحطي فيها اناء صغير و تحطي فيه فحمة باش تمتص ليك الروائح او قشور ديال الليمون او البرتقال جافة او لا كاس صغير ديال القهوة

و باش تبقى لينا الثلاجة نقية كنحاولو نمسحوها كل يوم بزيف نقي

كنتمنى نكون افدتكم و لو قليلا اخواتي و مرحبا بالردود و الدعوات الحلوة و السلام عليكم و رحمة الله