هادي طريقة امي ربي يخليها لينا في حضير الكحلة و هي طريقة زوينة و كاع العيالات ديال العائلة كايطلبوها منها و حبيت انديرها و نقلها ليكم باش انستافدو جميع من الفوائد ديال الكحلة الطبيعية
اخديت الحجر من عند العطار و علف التمر وعضم الزيتون
حرقت عضم الزيتون و علف التمر فشوية الزيت
ودقيتهوم فالمهراز
اغربلتهوم
واخديت زلافة لبست ليها الليبا
و اغربلت فيها داكشي اللي انزل ليا من الغربال
و اخديت زلافة اخرى و دوبليت فيها الليبا و ادوزت فيها الكحلة
وعاوت دقيتها احتا ولات بحال الدقيق
وزدت لها قطيرات من زيت الخروع
و دوزتها مرة اخرى فتوب الاوراجانزا
و الباقي كانعاود اندقو و ندوزو فكل المراحل ديال الغربال احتا اتسالي
وهاهي الكحلة ديالي وجدات
و عمرت منها المكحلة ديالي
الثلاثاء سبتمبر 19, 2017 1:39 am من طرف 
موضوع: طريقة تحضير كحل العينين التقليدي الطبيعي في المنزل 
