ملوي بالدقة والأعشاب المنسمة في الفرن
نحتاج
دقيق الفرص
دقيق القمح
ملح
خميرة الخبز
قليل زعتر
ماء دافي
تخلط كل المكونات وتدلك جيدا وتقطع كريات وتغطى ببلاستيك غذائي بش متعملش قشرة حتى ترتاح شوية
ونمر الان للحشوة نحتاج فيها إلى قطع لحم
قليل شحمة كلوة
ملح
سالمية يابسة مطحونة
قزبر يابس مطحون
مرددوش يابس مطحون
زعتر يابس مطحون
ازير يابس مطحون
السودانية يابسة مطحونة
تخلط هاد المكونات مع قطع اللحم و الشحمة في المهراز ديال النحاس جيدا
حتى يطحن جيدا وتنسجم كل المكونات وتصبح كفتة متجانسة
ونعملها على نار هادية حتى تشحر جيدا
وتبرد نضيف ليها فلفل أخضر مشوي
وبصل مقلي في قليل زيت وملح ويبزار
بورو مقلي في قليل زيت وملح ويبزار
قزبر معدونس مقطعين يخلط الكل جيدا
ونرجع للعجينة نلقى أنا الكريات إرتاحوو
تبسط بشكل عادي ونعمل وسطهم حشوة الكفتة و الأعشاب
ونلوينها بشكل الملوي العادي أو شنيك ونتركها ترتاح قليلا
وتدخل للفرن حتى تحمر
تيجي رائع جدا وصحي