زيت الفلفة السودانية

نحتاجو مقدار خمس معالق صغار فلفلة سودانية مطحونة مع 100ml زيت الزيتون او اي زيت نباتية
ASTUCE

ادن نعملو الفلفلة السودانية مع الزيت فقرعة الزاج تكون مقاومة للحرارة ونعملوهم يسخنو فحمام مريم مدة عشرين دقيقة على الاقل وساعتين على الاكتر على نار مهيلة جدا تم نزلو القنينة ديالنا من على النار ونحتافظو بيها بعيدا على الضوء والحرارة مدة اسبوعين
لون الزيت كيكون احمر

علاش عطيتكم هاد الزيت العجيب من مكون ربما عمركم سمعتو عليه انو تحضر منو زيت
طيب نشرح لكم
الفلفة الحارة كتحتوي على مكون مهم جدا واللي هوا الكالويد اسمو الكابسايسين اللي كيدخل فتركيب العديد من البوماد والكريمات اللي كتسولاجي الام العضلات والمفاصل
ونفس الامر اي نفس الخاصية عند هاد الزيت بحيت نعملو بيه مساج بدلك جيد لمكان الالم
اتناء عمل هاد المساج كتحسو بالسخونية علاش لانو الكابسايسينويد عموما عندهم الخاصية دبال تحفيز مستقبلات الحرارة على الجلد وبالتالي كنحسو بالحرارة والسخونية وهدا المطلوب تماما

نقدرو نعملو هاد الزيت كدلك على الشعر لغرض تطويلو بحيت كنعملو حمام زيتي اسبوعي كناخدو شوية الزيت نسخنوه فاليدين تم نعملوه على فروة الشعر علاش
لانو ببساطة الفلفل الحار كيحفز تدفق الدم باش كيجيب لنا اكتر كمية من الغداء لفروة الشعر

فقط نحاولو مانوصلوش للعين ومنين نساليو نغسلو اليدين بالحليب باش نخفو تاتير الزيت على اليدين