ما كاينشي فينا لي ما عمرها تخوى ليها شي كاس دلماء على الزربية. ايوا باش تنشفيه بلا ما تنشريها ما عليك غير ب la bouillotte
ديك القرعة ديال الكاووتشو لي كنسخنو بيها رجلينا او الفراش فايام البرد .عمريها بماء غليان جدا سديها وحطيها على البلاصة الفازكة بدون الغشا ديالها. خليها واحد المدة من بعد غتلقايها نشفات .الى كانت البلاصة لي فزكات كبيرة او مبلولة بزاف عاودي العملية مرة اخرى . هاد الطريقة انا مجرباها مرات عديدة وكتنفع بزاف خاصة الى كانت الزربية كبيرة وتقيلة وداخلة تحت الطوابل اش جا ما هزها ليك.
نتمنى تستافدو من هاد الفكرة وما تنساونيش من الدعاء.