السلام عليكم و رحمة الله وبركااته

حبيت اشارككم بوصفة لاطارط كتجي غزاااالة و سهلة جدا


المقادير





العجين
100غ زبدة
200 غ دقيق الفورص
1 بيضة
3 مع ك سنيدة
1 خمارة

الطبقة الثانية
2 مع ك كريم باتسيير
4 مع ك سنيدة
نصف لتر حليب

و للتزين
الفواكه لي حبيتي
انا استعملت التفح و الموز





الطريقة
نجمعو مقادير العجينة كلها و نسرحوها في مول و نثقبوها كاملة على هذا الشكل



ندخلوها الفرن حتى يولي اللون ديالها ذهبي و نزولوها

نصيبو لا كريم باتسيير في كسرولة
الحليب و سنيدة و بودرة الكريم باتسيير
و نصبوه فوق الطبقة الاولى
و نزوقة بالفاكهة اللي عندني
بالنسبة للتفاح
كنعسلوه في الماء و السكر
و بالصحة و الراحة
نتمنى الوصفة ديالي تعجبكم

Lah Y3tiiiiiiiiiik Sha akhtii Om_rihab Bayna Ghzala lah y3tik sha wakha hawchtini fiha pas grave hhhhhh lah ikhli lik idayadik ya rbii

لله يلحبيبة شحال شهيتيني فيها له يعطيك رضى

حاذقة معندي منقول ماتحرميناش من وصفاتك لي أكيد راتفيد بزاف بنات

الله يخليكم ليا
فرحتوني بزاف بالردود ديالكم
لهلا يخطييكم
نتمنى نكون عند حسن ظنكم

تتبيت الموضوع لي أهميته في يومه وتاريخه

tbark allah 3lik jat ghzala obnina ch chitini fiha

allah i3tik assaha okhti bayna ldida okatchahi