وصفات لالة مولاتي على ميد راديو الجزء الخامس

تاريخ التسجيل : 14/05/2012

ღوصفات 18.05.11ღ_‗ـ−¯«Ξ❤Ξ二₪

شهيوات ميد:
وصفات لالة مولاتي على ميد راديو الجزء الخامس V5xazdcdi3mh

بيسكوي بلكلاصاج:
مقادير لعجين:
3 بيضات
300غ سنيدة
250غ زبدة لينة
قشور حامضة صغيرة
نصف خمارة حمرة
طحين حسب لخليط

مقادير لكلاصاج:
بياض بيضة
شوي سكر كلاصي
1 فاني
م ك زبدة
نجمعو لعناصر ديال لعجين كاملة و نبقاو نزيدو طحين تدريجيا و خصها تكون مرخوفة و نورقوها بلمدلك و نقطعوها بلمراشم متنوعة و نستفوها فلاطة مدهونة و ندخلوها لفران تحمر.
لكلاصاج:نطربو بياض لبيض و نزيدو فاني و زبدة و نزيدو سكر تدريجيا حتى يصبح عندنا كريمة و ندهنو بيها وجه لحلوة و ندردرو عليها للوز و كاوكاو مقشر و مهرمش و نديرو عليها خطوط بشكلاط اسود للي دوبنا فحمام مريم.
وصفات لالة مولاتي على ميد راديو الجزء الخامس V5xazdcdi3mh

ياغورت بالشكلاط:
المقادير:
نصف لتر حليب منقوص منو كاس
2 درهم شكلاط اسود
2 م ك سنيدة
1 م ك كاكاو
2 م ك كريم باتسيير غبرة
ندوبو شكلاط فحمام مريم على عافية مهيلة حتى يدوب و نزيدو كاكاوو نخليوه يبرد شوي و نزيدو لحليب و سنيدة و كريم باتسيير و نخلطو مزيان و نردوه لحمام مريم و حنا تنحركو بملعقة خشبية حتى تعقاد و نحيدوها من لفوق لعافية و نزيدو ليها م ك زبدة و نخويوها فزليفات.
وصفات لالة مولاتي على ميد راديو الجزء الخامس V5xazdcdi3mh

زكية من كازا:
لسان الطير: نصلقو لسان طير فلماء و لملح و نصفيوه و نخليوه جانبا.
نشحرو 2 بصلات مشلضة مع لقشاوش ديال دجاج فشوي دزيت و نزيدو 2 عواد دلقرفة و لملح و لبزار و سكينجبير و 1 كنور و الربيع مفروم و نزيدو 3 كيسان متوسطين ديال لماء و نسدو عليها لكوكوط ربع ساعة و منين تطيب نخلطو لصوص مع لسان طير.
وصفات لالة مولاتي على ميد راديو الجزء الخامس V5xazdcdi3mh

عيشة من آسفي
اكلة لبطاطس:
كيلو بطاطا مقطعة مربعات متوسطة و نديروها فلكوكوط مع 3 ك حليب و 1 كنور بقري وم ك زبدة و ملح و ابزار و نسدو عليها من ربع الى تلت ساعة و من بعد نديروها فمول و نحكو عليها فرماج احمر و ندخلوها شوي لفران.

اكلة بطاطا 2:
نديرو بطاطا فمول مع كنور + 2ك حليب+ابزار+كريم فريش+م ك زبدة+ ابزار و نغطيوها ببابي المنيوم و ندخلوها لفران و حيت طيب ندردرو عليها لفرماج محكوك.
وصفات لالة مولاتي على ميد راديو الجزء الخامس V5xazdcdi3mh

كوتر من آسفي:
بطاطا مقلية:
5 بطاطات مقطعة طويلة + 2 م زيت رومية+ تحميرة+زعتر محكوك+ ملح و نديروها فلفران طيب.
وصفات لالة مولاتي على ميد راديو الجزء الخامس V5xazdcdi3mh

نعيمة من بوسكورة:
حلوة:
المقادير:عبار لعنبة
رابعة مركرين
3 كيسان زيت
3 ك سنيدة
3 خمارات حمرين
3 بيضات
فورص حسب لخليط
مقادير لحشوة:
نصف كيلو كاوكاومحمر و مطحون
رابعة زبيب مقطع
ك سكر كلاصي
نصف ك ماء زهر نجمع لمقادير دلعمارة مزيان و نخلطو كلشي.
نجمعو العناصر ديال لعجين مزيان و نكوروها كويرات صغار و نديرو فوسطها كويرة دلعمارة و نجمعو عليها لعجينة و نكوروها و نستفوها فلاطة مدهونة و ندخلها لفران و منين يطيبو نفندوها فلكونفتير + ماء زهر و نهزوها و نفندوها كلها فلكوك مخلط بلفيرميسيل ملون.
وصفات لالة مولاتي على ميد راديو الجزء الخامس V5xazdcdi3mh

كيكة كاوكاو:
المقادير:
250غ كاوكاو محمر و مهرمش
2 كيسان زيت
2 كيسان و نصف سنيدة
2 كيسان حليب
4 بيضات
3 خمارات حمرين
3 كيسان فورص
نخلطو زيت و لحليب و سكر و 3 م كاوكاو بالطراب حتى يطلع و نقصو منو كاس و نديروه جانبا فتلاجة. و داكشي لي بقا نزيد عليه لمقادير لاخرى كلها و نخلعو كلشي مزين و نديرو لخليط فمول مدهون و مرشوش بطحين و ندخلوها لفران و حيت تبرد شوية نقسموها على 2 و نديرو فوقها طبقة دلكريمة و نديرو عليها طبقة تانية دلكيكة و نديرو عليها لباقي من لكريمة و نزوقوها حسب الدوق.
وصفات لالة مولاتي على ميد راديو الجزء الخامس V5xazdcdi3mh

مليكة ام سارا
دجاجة فلكوكوط:دجاجة 2،5 كغ مغسولة و منشفة مزيان و نديروها فلكوكوط و يكون صدر لتحت و نديروها بلا ماء و لا زيت و على عافية مهيلة و غير تصفر نحسبو ليهانصف ساعة و حيت تطيب نكونو موجدين ملح و لكامون باش ندردروه عليها.

حورية من المحمدية:
ترطيب الشعر:

نطحنو الدركة و نعصروها فليبة و ناخدو منها كاس حياتي و نخلطوها مع صفر بيضة+4 م زيت الدرة+ 1م ك زبدة بلدية و نديروه علا الشعر 2 ساعات و نشللو بما الخرطال.

شربة للي عندو لامساك: 3 جزرات و الخص يطيبو مزيان و نطحنوهوم و نزيدو عليهوم م ص زريعة الكتان+ نصف م ورد بلدي محكوك +نصف م بابونج مطحون+م حبوب قزبور يابس ونشربوها كل ليلة.

الكواتر:1ـيشرب عصير لجزر 3 مرات فليوم
2ـاوراق للفت لابيض و نطيبوه بحال لبقولة و تؤكل.

الاسهال:نطيبو شوفان للي طحنا على شكل حساء + م الروز و شوية حريكة مقطعة رقيقة.

شربة لفقر الدم:كرنب لاحمر+زبيب احمر+للفت لموف+اوراق للفت لابيض و نجعله حساء يومي قبل لغداء.

الاعصاب:م خزامة ص فكاس حليب فايض+ م عسل
لوصفة2:بنانة نقسموها علا 2 بطول و ندردرو عليها خزامة مطحونة و نكلوها يوميا.

نمش:فقوسة صغيرة و تطيب فكاس ماء حتى تولي عجينة و ناخدو 4 م منها+ 1 م عسل لحر+دقيق الشعير و نزيدو ملعقة لحامض للبشرة الدهنية و للبشرة لجافة نزيدو 1 م عصير برقال و نخلطو كلشي حتى تولي كريمة و نديروها20دمرة فلاسبوع و كل ليلة ندهنو بعصارة لمعدنوس و تبات علا لوجه.

وصفة فعالة للنمش:بصلة حمراء محكوكة +2 م خل تفاح و نديروهم فقرعة و نخلطوهوم مزيان و نزيدو عليهوم 1م عصير لحامض و ندهنو بيه مكان النمش.

وصفات لالة مولاتي على ميد راديو الجزء الخامس V5xazdcdi3mh

عتيقة من مراكش:
حساسية الجلد:اوراق الريحان طرية نغسلوهوم و نطيبوهوم ف 6 لكيسان دلماءحتى يبقى غير نصف كاس و نزيدو عليه نصف كاس زيت لخروع و نطليهوم لاماكن لمصلوخة.

2ـ عرعار مطحون و مغربل+ ماء ورد او ماء زهر و نطليو للاماكن لمصلوخة.

تصفية البشرة: 1 م دقيق +حليب سائل+م عصير ليمون+م عسل حر و نخلطو كلشي مزيان و نديروه 20د.و يليق لكل انواع لبشرة.
وصفات لالة مولاتي على ميد راديو الجزء الخامس V5xazdcdi3mh

هند من اكادير:
وصفة فعالة للكزيمة: م ك زيت شيح+ م ك ماء معدني+م ك حليب سائل

لجمال و تقوية لاظافر:3 م س زيت زيتون+3 م ص خل تفاح+ صفار بيضة و نديرو هاد لخليط علا لاظافر.
2ـ زيت بلدية نسخنوها شوي و نمسحو بيها لاظافرو حتى يتشبعو مزيان و نمسحوهوم بلحامض.

كوتر من سلا:
تصفية البشرة:دانون مسوس+م فورص+م ص زيت بلدية+م حليب نخلطو كلشي و نديروه حتا ينشف و نديرو بيه كوماج.

وصفة لتصفية البشرة: م دانون مسوس+صفار بيضة+م ص قرفة مطحونة

م ص عسل حر+صفار بيضة+للوز مطحون غبرة+ م حليب سائل

الحد من الشيب للون العسلي:بابونج يطيب فماء مزيان و ناخدو لما ديالو و نخلطوه مع لحنة و نخليوه ساعة على لبشرة.
وصفات لالة مولاتي على ميد راديو الجزء الخامس V5xazdcdi3mh

باش يطيح السكر:نحمرو الصوجا و نطحنوها و ناخدو منو ملعقة مع كاس حليب

تاريخ التسجيل : 14/05/2012

تاريخ التسجيل : 14/05/2012

وصفات لالة مولاتي ليوم 09/06/2011

اقنعة للشعر الجاف

القناع الاول = 2 معالق عسل + كاس يوغورت طبيعي + صفار بيضة بلدية

القناع التاني = 2 معالق عسل + 2 معالق زيت العود+ 2 معالق زيت الكوكو + بنانة + افوكا

توضع هاد الاقنعة لمدة ساعتين على الشعر و نضع فوطة سخونة و معصورة من بعد نغسل الشعر بالشامبوان

لبريق ولمعان الشعر

بيضة بلدية +عصير حامضة

لتغدية و ترطيب الشعر

تفاحة مصلوقة + قشور بنانة ميبسة

توضع ساعة على الشعر من بعد يغسل

للقضاء على القشرة

كاس ماء + كاس خل التفاخ + ربطة صغيرة نعناع

يغلى كاشي من بعد يتصفى و يتدهن بيه الشعر مع تدليك الفروة

اقنعة للبشرة الجافة

القناع الاول= ملعقة كبيرة لوز مطحون + معلقة كبيرة قشدة طرية + معلقة كبيرة عسل الليمون

القناع التاني= معلقة كبيرة خرطال مطحون + ماء معدني

توضع على الوجه 15 دقيقة و تمسح بماء الورد

للبشرة الدهنية

بياض يبضة + 3 معالق كبار خرطال مطحون

للتخلص من التجاعيد

بنانة مطحونة مع الحليب توضع على البشرة و بالاخص مناطق التجاعيد

لازالة البقع السوداء

الحلبة مرقدة في كاس من الماء مدة 6 ايام بعد ذلك تصفى و يمسح الوجه بهداك الماء المصفى

لتبييض اليدين

بطاطا مصلوقة +زيت الزيتون

او

زيت الزيتون + سنيدة

لتشقق الشفتين

فازلين او زيت اللوز او زيت النعناع

تشققات الرجلين و الاقدام

طالك + فازلين تستعمل يوميا مع لبس التقاشر

للمرفقين و الكعبين و الركابي

خيارة محكوكة + صفار بيضة بلدية

لتبييض المناطق الحساسة

نصف كاس زيت العود + عصير حامضة +2 معالق كبار ماء ورد + 2 معالق كبار زيت الكليسيرين

طارط بالانناس

الكيك= 2 بيضات + 7 معالف زيت + 7 معالف سنيدة + 7 معالق حليب + 7 معالف فورص + 2 خمارات يخلط كلشي و ندخل الكيك يطيب

الكريما = 2 معالق كريم باتيسيير + 4 المعالق سنيدة + نص لتر حليب يطيب كلشي حتى يعقاد تم يصب فوق الكيكة ملي تطيب

الفلون = نص لتر عصير الليمون = 2 معالق سنيدة + فلون عادي + فاني يطيب كلشي حتى يعقاد و يصب فوق الكريم و تدخل للتلاجة

للتزيين دوائر اناناس

لتحضير الناباج

توضع على النار مهيلة حتى تقلال و يولي لونها ذهبي

لتر ماء + قشور حامضة + نص كيلو سنيدة

الغالية من اسفي
الفلون بالشكلاط

نص لتر حليب + 3 معالق كبار سنيدة + معلقة كبيرة كاكاو + فلون شكلاط + 100غ شكلاط اسود

نضع الكل فوف النر حتى يعقاد و يصب في زليفات و يبقى يبرد و عند التقديم يزين بالشكلاط محكوك

الفلون بالقهوة
نص لتر حليب + 3 معالق سنيدة + فلون فاني +معلقة قهوة سريعة الذوبان

سمحو ليا راه هادو نصائح يوم الخميس 9 في شهر 6
انا راه غلطت و كتبت يوم8
المرجو من الادارة تصحيح التاريخ

صليحة من الدار البيضاء
طورطة باردة

نص كاس زبدة مذوبة + فاني + بيضة + 3 البكيات بسكويت بالكوك

ترمل العناصر و تجمع بشوية الماء و ترتاح في التلاجة نص ساعة تبسط في المول و تدخل يطيب بلا متحمر

نعملو نستلي في الكوكوت حتى نحصلو على كراميل نصبوه فوق الطارط و ازينوه بالكركاع

كراتان الميرلان

ميرلات منقية من الشوك و مفورة في بابي المنيوم +ملي يطيبونزيد ضامة البنة وملح و ابزار + 4 البيضات +

بصبو كلشي غي مول ديال الفران و نرش بالفرماج الاحمر

تطيب في بان ماري في الفران

طجين بكفتة الميرلان

ميرلان منقية تطحن كفتة و نزيد عطرية الحوت و ضامة البنة و تعمل كويرات

في الطاجين نديرو 3 مطيشات + بصلة محكوكة + تومة و ربيع و العطرية و زيت البلدية و نصفف كويرات الميرلان

لطيفة من الدار البيضاء
سفة السميدة بعصير الليمون

كيلو السميدة رقيقة + نص كيلو كوك + نص كيلو الليمون

نخلط السميدة مع الكوك و ندهن بالزيت و نردها تفور من بعد نعاودها بالماء عادية حتى التفويرة التالتة و نرشها بعصير الليمون مخلط بسنيدة و نردها تفور من بعد نقجمها مزوقة باللوز او الكوك محمر شوية

رجاء من مراكش
كيكة الكوكوت

كاس حليب + نص كاس زيت + نص كاس سنيدة + 2 معالق كوبيل + 4 الشكلاطات مربعات + فورص حسب الخليط + 4 البيضات + 2 خمارات

تدهن الكوكوت بالزيت و الدقيق و نكبو الخليط و نسدو الكوكوت بلا صفارة على نار مهيلة مدة ساعة

للشعر الناشف

الصابون البلدي + الزيت الرومية

يدوبو على نار مهيلة و يدهن الشعر قبل الحمام

البقع السوداء في الجسم

زلافة العدس مطحون + 2 معالق نشا + شوية المسكة الحرة + الحنة + الصابون البلدي

للتخلص من البطن المنتفخ

حامضة +2اوراق الكرمب +لتر ماء مغلي +2 ليمونات + 2 معالق خل التفاح

يصب الماء المغلي على العناصر و يشرب منه كاس كل صباح

للترهلات

زيت السالمية + خل التفاح

يدهن به الترهلات يوميا

الحرشة كريب

2+ كاس حليب + نص كاس زيت +نص كاس سنيدة +خمارة + فاني + 2 زلايف سميدة رقيقة

بيضات يجمع الخليط و يطيب بحال الكريب

سناء من برشيد
كرتان بالحوت

بصلة +الحوت هبرة + معلقة كبيرة الزبدة + 2 كيسان يوغورت مسوس + كمون + سكنجبير + ملح + ابزار +100غ فرماج محكوك

قي المول نصتف البصلة دوائر رقاق + الهبرة + الزبدة + اليوغورت مخلط بالعطرية و نرش بالفرماج المحكوك

عصير الدلاح

نص دلاحة + لتر ماء بارد + كاس سكر كلاصي + كاس ليمون = ربع كاس سيرو الرمان

نطحنو كلشي في مولينكس و يقدم

عصير الحامض
زوج كيلو حامض + قالب السكر +فاني + بطيخة

نعصرو الحامض على قالب السكر و نخليوه يبات ليلة كاملة

نخدو كاس من الخليط و نزيدو عليه البطيخ و الفاني و لتر ماء بارد

نطحنوه في مولينكس و يقدم

نزهة من طانطان
فقاص صغير

بيضات2 + 150غ سنيدة +150غ زبدة طرية = 80غ زبيب مقطع + 100غ تمر مقطع + 125غ لوز مقطع + نص خمارة + دقيق حسب الخليط

تجمع العناصر و تعمل حرابل رقاق في الفريكو ثم تقطع دوائر او مائلة و تطيب حتى تحمر

كيكة الطبقات

فاني + 2 خمارات + 10 معالق دقيق + 8 معالق سنيدة +8 معالق حليب + 8 معالق زيت +3 البيضات نخلط الكل و تطيب الكيكة و تقسم علىزوج

الكريم = نص لترحليب + سنيدة حسب الذوق + 3 فاني + 3 معالق نشا تطيب حتى تعقاد

بسكويت عادي + كاس ماء دافئ مدوبة فيه نسكافي

نص الكيكة + الكريما+ البسكويت + الكريما +البسكويت + الكريما و كغطيو بالنص الاخر ديال الكيك و تغبر بالكاكاو

ماجدولين من اسفي
طارط بالحامض و اللوز

ملح + صفار بيضة + 2 معالق سنيدة +125غ زبدة + 250غ فورص يترمل و يتجمع بشوية الماء و ترتاح في التلاجة و تطيب شوية

علبة الكريم فريش + 100غ لوز + 3 صفار البيض + 2 حامضات معصورين + قشور حامضة 150غ سنيدة يخلط جيدا العناصر و تصب فوق الطارط و تطيب 15 دقيقة

نضرب 3 بياض البيض مع السكر كلاصي و يسرح فوق الطارط و تزوق بالفورشيط و تدخل الفرن شوية

فلون بنستلي

لتر حليب + 2 فلون عادي + علبة نستلي + 2 معالق نسكافي + كركاع مقطع

نغلي الحليب مع الفلون حتى يفيض و نزيدو نستلي و نسكافي نصبوه في المول و ندخلوه التلاجةو نزينوه بالكركاع

تاريخ التسجيل : 14/05/2012

وصفات ميد راديو يوم 16.5.2011) •·.·°¯`·.·•

وصفات لالة مولاتي على ميد راديو الجزء الخامس SeD90637

شهيوات ميد وصفات لالة مولاتي على ميد راديو الجزء الخامس SeD90637

كريب معمر بلقيمرون
مقادير العجين
نصف لتر حليب
225 غرام طحين
50 غرام زبدة مدوبة
2 بيضات
شوية ملح + ابزار
نفرغو الحليب في الخلاط نزيدو ليه طحين و الزبدة لي دوبنا و 2 بيضات و شوية الملح و ابزار ونخلطو كولشي ونبقاو نطيبوه ونخليوه جانبا
مقادير الحشوة
نصف كيلو قمرون مقشر
5 معالق زيت
5 ضروس تومة مدقوقة
2 معالق كبار حامض مصير مقطع طريفات صغار
شوية تحميرة + كامون+ربع معلقة ابزار+شوية ملح + معالق قزبور ومعدنوس+ علبة فطر+فلفلة حمراء و خضراء مقليين
التزيين الفرماج محكوك +2 بيضات مطربين شوية +شابلور +زيت للقلي
في مقلة غادي نوضعو فيها القمرون نقليوه مدة 15 دقائق و نضيفو تومة و قطع الحامض مصير نتبلو شوية تحميرة و كامون ابزار و ملح الربيع اتقلاو شوية نزيدو قطع الفطر نخلطو كولشي
و في مقلة اخرة نقشو الفلفلة لي كنا قلينا فزين نقشروهم ونديروهم في مقلة مع شوية زيت و مع ضرس تومة نبلو بلملح حتى تقلا ونضيفوها للخليط الاول
ناخدو لكريب وحدة نديرو فيها 2 معالق كبار في جنب ونرشو بلفرماج محكوك و نتنيو الجانبين باش ماي تسربش حتى نكملو لكريبات نفندوهم في البيض ونمرمدوهم في مسحوق الخبز المحمص حتى نكملو ونقليوهم في الزيت

عصير ديال الخوخ

كيلو خوخ
لتر ماء
وكاس كبير سنيدة
نغسلو الخوخ ونقطعوه على 2 بعد ما حيدنا ليه العضم نديروه فوق العافية مع لتر ماء ونخليوه على عافية مهيلة ونزيدو ليه سكار من بعد نخلطوهم في الخلاط ونديروه في قراعي ونخليوه حتى ابرد ونشربوه بالصحة و الراحة

سميرة من الرباط

مسمن ديال الفران

كيلو طحين مخلط نصف كيلو فورص ونصف كيلو قمح
2 معالق كبار زبدة
2 معالق كبار زيت
2 معالق كبار سنيدة
2 معالق كبار خميرة معجونة
شوية الملح
1 فاني
نجمعو العجينة بماء دافئ وندلكوها مزياان مزياان
نورقوهم بزبدة وزيت ونطويوها ونورقو تانية ونديرو وسطها الاولة المهم كل مسمنة اكون فيها 4
حتى نكلمو كان ستفوهم في لاطة مدهونة ونكرصوهم شوية ونخليوهم حتى اخمرو مزياان
وندردرو من الفوق سنيدة مخلطة مع فاني وندخلوها طيب و بالصحة و الراحة

طارت

5 بيضات
نصف رابعة سنيدة
نصف رابعة طحين فورص
1 فاني
1 خميرة حمراء
ناخدو البيض بوحدو و الصفر بوحدو
نطربو البيض مع شوية الملح حتى اطلع مزيان
ونطربو صفر مع سنيدة+ فاني حتى اطلع مزيان
ونشدو صفر نخلطوه مع البيض بشوية بملعقة خشبية
نديرو دقيق مع الخميرة نغربلوهم ونخلطو كولشي بلباطور
ناخدو طاولة الجينواز ندير ورق الزبدة
ونشدو داك الاناء لي طربنا فيه الخليط نطلعو ايدينا لفوق ونكبوه في لاطة باش اضرب فيها البرد وتجي زوينة
نخرجوها ونسقيوها ب
3 كيسان سنيدة + 3 كسان ماء
نطلعو لكريم فريش ونديرو طبقات ونزينو بلكركاع كات جي فحال ديال زنقة

مريم من العيون

البشرة المختلطة
ناخدو 8 حبات ثمر محيد العلف ناخدو 3
نديروهم مع حليب سائل حتى اطيبو شوية
و خليه ابردو نديرو عليه صفار بيضة بلدية ومعلقة نشا ونديروهم في خلاط ونديروه للوجه

وصفة للبشرة الجافة
ناخدو اللوز مطحون ونزيدو عليه لكوك ونطحنوهم مزيان وناخدو شوية ونزيدو عليه دقيق شعير الابيض اما نخلطوه بماء ورد

البسبوسة

نصف كيلو سميدة رقيقة
رابعة سنيدة
كاس زبدة مدوبة
خميرة حمراء
نخلطو كولشي ونديروه فمول وندخلوها طيب فاش تخرج نسقيوها ب نصف لتر ماء +فاني+ سكر حسب الدوق

ماجدولين من اسفي

رغيفة سلاوية
كيلو طحين
صفار بيضة
1 خمارة
معلقة ص سمن
معلقة ص زبدة
معلقة ك زيت
شوية ملح
زعفران
نخلطو كولشي ونعجنوه بحال مسمن نديروها كويرات ونخليوها حتى تطلق ونبقاو نكرصوها بشوية سمن مع زبدة ونبقاو نورقو ونلويو من قدام وجهة لي في القدام فاش ترتاح نلويوها على شكل حلازوني خص تكون رقيقة ونقليوها فطاجين سلاوي ونزينوها كيف بغينا

صبيعات سميد مقليين

كيلو سميد رقيق
رابعة زبدة
رابعة الحليب
وخمارة وحدة
نخلطو سميد مع زبدة حتى بسبس ونزيدو الخميرة ونجمعو بلحليب حتى تجمع ونكرصوها كريصات صغار حتى ارتاحو شوية نورقو بلمدلك ونلويوه ونقليوها فزيت ونخليوها في العسل بحال لمقروط ونرشوها كيف بغينا

حياة من مراكش

مملاحات العجين المورق
ناخدو عجين مورق جاهز
وناخدو الحشوة فيها فلفلة حمراء كبيرة مقطعة مربعات و ايضا فلفلة خضراء مقطعة مربعات 2 كيسان زيتون مقطع و ايضا اما قمرون و لا دجاج مقطع كاس فروماج محوك و نصف معلقة كامون ونصف معلقة زعتر و ملح حسب الدوق و بيضة للدهن
نعمرو العجينة كيف بغينا ونسدوهم بالبيض وندهنوهم وندخلوهم للفران

ناخدو الورقة وندهنوها بزبدة
ناخدو جزرة محكوكة وكرعة محكوكة و بصلة محكوكة وطرفاص صدر دجاج و شعرية صينية مصلوقة و ملح و فلفلة مقطعة و توابل و شوية تومة نخلطو كولشي ونشحروهم ونزيدو زتون و قزبور نخليوهم حتى ابردو ونعمرو بيهم الورقة على شكل لي بغينا و نقليوهم في زيت و تقديم حسب الرغبة

عجينة 10 دقايق
2 كيسان طحين فورص
2 كيسان ماء دافئ
2 معالق خميرة الخبز مرقيدين فماء
شوية سكر
شوية الملح
نخلطو كولشي ونخليوها ترتاح ونزيدو ليها كاس زيت و طحين حتى مات بقا تلصق العجينة ونديروهم كويرات ونديروهم فبلاستيك وندخلوهم للثلاجة وقتما بغينا نخدمو بها نجبدوها

حشوة عجين 10 دقائق

جبن
فطر
زعتر
شوية الملح
نخلطو كولشي ونعمرو به العجين نديروهم على شكل هرم ونلصقو جناب من لفوق دندهنووهم وندخلوهم للفران و بالصحة و الراحة

عتيقة من مراكش

عصير زبيب الاحمر

رابعة زبيب
2 عويدات قرفة
نصف لتر ماء
نخليوهم اغلا مزيان ونخليوه حتى ابرد مع داك الماء
ونطحنوه مع لتر حليب ونزيدو سكر حسب الخليط

قناع تصفية البشرة
2 معالق خيار محكوك
بياض بيضة
2 معالق حليب غبرة
نخلطو كولشي ونديروه مدة 20 دقيقة

وصفة للسكر
ناخدو بصلة صغيرة قبل الغداء و بصلة قبل العشاء

وصفة تخفيف البطن
50 غرام سكنجبير طري
2 خيارات مقطعين بالقشرة
2 حامضات مقسومين على 4
نغليو لتر ونصف ماء ونرقدو فيه المكونات 12 ساعة ونبقاو ناخدوكاس قبل الماكلة

تاريخ التسجيل : 14/05/2012

كيك

وصفات Med Radio 06/04/2011

4 زلايف دقيق 6 بيض كيلو تمر معجن 2 كيسان سنيدة 2 كيسان زيت 1 م قرفة 10 دراهم شكلاط ابيض و2 دراهم شكلاط اسود 3خميرات كنخلطو المقادير من غير الشكلاط ونسرحوه فاللاطة الطويلة ديال الفرن لي طولها 40 سنتيم تقريبا ولما تطيب نزينوها بالشكلاط الابيض والاسود على شكل ميل فوي

كيك بكوكاكولا
2 بيض كاس كوكاكولا 2 خميرات كاس شكلاط غبرة كاس زيت كاس سنيدة 2 كيسان دقيق كنديرو الخليط فمول وندخلوه الفرن يطيب من بعد نزينو الكيك بالشكلاط واللوز

فقاص بالكركاع
300غ دقيق 150غ زبدة فاني نصف خميرة ديال الحلوى 6 م ك زيت 150 سنيدة 6 م ك ماء زهر 300 كركاع نديرو منو عصيات ندخلوهم المجمد يقصاحو عاد نقطعوهم على شكل فقاص ندهنوهم باصفر بيضة ونطيبوهم فالفرن

محنشات بالخضر
نشحرو بصلة كبيرة فالزيت والزبدة نضيفو 2 جزرات محكوكات و 2 فلافل بالالوان ملح ابزار تحميرة نزولوه ونضيفو الشعرية الصينية حك الطون و4 م ك معدنوس
رابعة دقيق 1 م زبدة نصف م ص خميرة ديال الحلوى ملح نعجنو بالماء ونديرو منها كويرات صغار نورقوهم بالزيت نعمروهم بالحشوة ونشكلوهم محنشات ندهنوهم بالزيت ونطيبوهم فالفرن

كوكيز
رابعة زبدة 2 كيسان سنيدة 3 اصفر بيض كاس زيت كاس حليب 2 فاني 2 خميرات زلافة شكلاط مقطع الدقيق حسب الخليط تقريبا كيلو

البسبوسة
500 سميدة رقيقة 100 كوك مطحون 50 غ زبدة خميرة بلدية 1 خميرة حمراء نصف كاس الى كاس ماء زهر2 م ك نيدو كاس ونصف سنيدة نطيبوها فالمقلة التقيلة تم نسقيوها بالسيرو محضر بكاس ماء وكاس ونصف سنيدة و 2 م ك عصير حامض

تاريخ التسجيل : 14/05/2012

حلوة الطابع المقلية
وصفات لالة مولاتي على ميد راديو الجزء الخامس Dsc00810xe5

بيضة واحدة + 2 صفار
100 ملل حليب
50غ نشا + 50 غ فرينة
قرصة ملح
ملعقة كبيرة عصير البرتقال
ملعقة كبيرة ماء زهر
ملعقة صغيرة خمارة حلوة (بيكن بودر)
ملون اصفر ( اختياري )
طريقة التحضير:
نخفق البيض جيدا ثم الحليب وعصير البرتقال و ماء الزهر و الخميرة و الفرينة والنشاء والملح
و الملون الغدائي
ونخلط الخليط جيدا بدون ترك كتل
نسخن جيدا الطابع في الزين نضع في الخليط 4/3 من ارتفاع الطابع
يقلى في زيت ساخن حتى تنفصل الحلوة عن الطابع بسهولة
تقطر الحلوة من الزيت يمكن رشها بالسكر الناعم او رشها بالعسل

ملاحضة
يمكن استعمال 2 بيضات
ادا كان الخليط مكثل اي ( grumeaux) يمكن تصفيته
بعض انواع الطابع المستعمل

الوصفة 2
بيضة
ملعقة كبيرة فرينة
ملعقة كبيرة نشا
ملعقة صغيرة سكر( يمكن الاستغناء عنها)
قرصة ملح
زيت للقلي
عسل + جنجلان او كوكاو للتزيين
نفس الطريقة السابقة
الخطوات موضحة في الصورة
وصفات لالة مولاتي على ميد راديو الجزء الخامس 00086

وصفات لالة مولاتي على ميد راديو الجزء الخامس 00086

وصفات لالة مولاتي على ميد راديو الجزء الخامس 00073

وصفات لالة مولاتي على ميد راديو الجزء الخامس 00082

وصفات لالة مولاتي على ميد راديو الجزء الخامس 00072

وصفات لالة مولاتي على ميد راديو الجزء الخامس 00083

وصفات لالة مولاتي على ميد راديو الجزء الخامس 00075

وصفات لالة مولاتي على ميد راديو الجزء الخامس 00076

وصفات لالة مولاتي على ميد راديو الجزء الخامس 00077

وصفات لالة مولاتي على ميد راديو الجزء الخامس 00078

وصفات لالة مولاتي على ميد راديو الجزء الخامس 00084

تاريخ التسجيل : 14/05/2012

كيكة السباعية
7معالق حليب
7معالق زيت
7معالق سنيدة
7معالق فورص
2خميرة 1فاني
نخلط الكيك عادي نعملوها في مول نستفو التفاح دوائر فوقهاونرشو فاني من فوق وندخلوها الفرن مني تطيب نسقيوها بكاس عصير البرتقال

حلوى مشكلة
رابعة الزبدة
2كيسان السنيدة
2بيضات
1خميرة شوية الزهر
الدقيق حسب الخليط
تطلق بالدلاك وتقطع مثلثات يغطس الوجه ديالها في ابيض البيض والكاوكاو مهرمش او اللوز

عتيقة من البيضاء

طارط بالفريز

250 طحين /قبسة ملح / معلقة سنيدة كبيرة/ 125 غ زبدة
نعجن الطارط وندلك وسط بابي سولوفان
ندهن المول بالزبدة ونقلب في مول طيب من بعد

كريمة

4 معالق سنيدة/ نصف لتر حليب /3 اصفر بيض/ فاني /على عافية مهيلة حتى يعقاد
تم نضيف الحليب بشوية
تم نصب كريم نقسم الفريز ونستفوه فوق الطرط ونسقيوه بسيروا
سيرو

كاس ماء نصف كاس سنيدة سنيدة 2 معالق حامض

كيك بالاناناس

.علية اناناس/ 150سنيدة/ 200غ طحين 50 غ سنيدة/ 150 غ زبدة مدوبة 4 بيضات 2/ خمرات
الطريقة

علبة اناس ونصف سيروا العلبة نفرغوها في المول ونضع فوقه 50 سنيدة ونخليو انناس يتعسل شوية
نخلط كيك 150 سكر مع الفرينة والزبة وكل العناصر ونفرغ فوق المول تم الى الفرن

امينة
حلو كاوكاو بكوبيل

نصف كيلو زنجلان /نصف كيلو كاوكاو رقيق/ بكية كاوبيل نصف معلقة قرفة شوية ماء زهر عسل رابعة كوك كيلو
ناخد الزجلان نحمروه وكاوكاو مطحون وزنجلان غير شوية تم القرفة والشكلاط والماء الزهر والعسل والكوك
نشد المقادير نديروهم في كويغطات

طون

2 كيلو كبايلة نسلخوها من الجلدة في كوكوت نصف حامضة زعيترة الزعتر كاس زيت العود وكاس زيت العادي ضامة البقري شوية كامون شوية تحميرة شوية حارة 4 دروس توم سدي عليه على هافية مهيلة بعد عشر دقائق تم نحلو ونحركو ونكبو عليه زيتون مقطع

سيروا لسقي الكيك

نصف كيلو ليمون ليمون 3 معالق سنيدة يتبخ نسقيو بيه الكيك او ساشي ليمون في كاس ماء ونسقيو بيه الكيك

الدجاج على الطريقة التقليدية
دجاجة نصف ماطيشة محكوكة بصلة مشلضة 3 الى 4 فصوص توم مدقوقين مع الربيع القزبر يكون غالب على المعدنوس عصير نصف حامضة خضراء ملح ابزار سكنجبير بسيبسة قع قلة سمن زعفران شعرة خرقوم بلدي خرقوم ملون كاس صغير ماء نخلطو كلشي ونشرملو فيه الدجاج
نديرو فطنجرة زيت زيتون زيت عادية نزيدو الدجاج الماء نخليوه يطيب بلا مانغطيو الطنجرة كاملة ولما يطيب نزولو الدجاج ونحمروه فالفرن والمرقة نزيدوها زيتون وحامض تغلى شوية ونزولوها يمكن لنا نقطعو الدجاجة على 4 عاد نطيبوه

كيك سريع التحضير من لالة مولاتي
المقادير
4بكيات صابلي كبير
فلان فاني
فلان شكولاطة
للتزيين
الفواكه المتوفرة
الطريقة
ناخد مول نضع في الطبقة الاولى البسكويت والثانية فلان الشكلاط محضر على الطريقة العادية والطبقة الثالثة البسكويت والرابعة فلان الفاني محضر على الطريقة العادية يدخل المبرد حتى تبرد و تزين بالفواكه تقدم باردة.

بيني معمر
العجين
نصف كيلو طحين 50غ زبدة شوية الخميرة مرخوفة فاني بيضة ملح نصف كاس ماء زهر نصف كاس حليب تدلك جيدا تم نخليوها تخمر

الحشو

2 بطاطات مسلوقين ومقطعين مربعات 2 بيضات مسلوقين ومحكوكين زيتون مقطع حك طون بالزيت ديالو شوية الربيع فلفل مشوي ومقطع فرماج محكوكو
ناخد العجين ونطلقها ونقطعها دوائر نخليوها تخمر تم نقليوها في الزيت تم نعمرها بالحشو

كيك الاخت فتيحة
المقادير
3 بيضات /زلافة صغيرة زيت /زلافة صغيرة سنيدة / زلافة صغيرة ماء دافئ /فاني /2خمارات /دانون 2/معالق كاكو/ الدقيق حسب الخليط
الطريقة
نطيب الماء سنيدة وكاكاو حتى يتبخو مزيان تم نخليوهم يبردوا نضيفو بيضة ونطرب وبيضة ونطرب حتى نكمل البيض تم الدقيق مع التطراب تم نصبها في مول وندخلها للفرن 45 دققية على درجة 160 فاش تخرج نسقيها بالسيروا ماء والحامض ونزين بدانون ولوز مهرمش

بيتزا للاخت سلوى
مقادير العجين
300غ دقيق+كاس حليب+معلقة كبيرة خميرة +الزبدة +ملح شوية الابزار //بيضة

الحشو

2 حبات الدنجال + صلصة مطيشة +شوية الزيت+ الفرماج محكوك +الزعتر+ زيتون اسود +العطرية الملح +الابزار+ تم الربيع +شوية الطحين
طريقة العجين
ونسخن الحليب والزبدة والخميرة
في ايناء نضع دقيق والبيض مع ملح الابزار تخلط جيدا ونجمعها ب الحليب والزبدة والخميرة ونطلقوها بنديروها في المول وندخلها للتلاجة بما نوجد الحشو
نشحر صلصة الطماطم مع العطرية والزيد
ونشد الدنجال نقيه ونقطعه شرائح طوينة ونقليه تم نشد العجين دير ليها الصلصة تم نستف شرائح الدنجال ونحك الفرماج وندخله للفرن

طورطة بالحامض
3بيضات كاس سنيدة
كاس زيت
2كيسان ونصف الدقيق
نصف كاس الحليب
1فاني 2خميرة
نخلط المقادير وندخلها الفرن

الكريما
نصف لتر حليب
3معالق غبرة الكريم باتسيير
3حامضات معصورين
3معالق سنيدة
نخلط الحليب مع الكريم باتسيير مع الحامض مع سنيدة ونعملوهم فوق البوطة وحنا نحركو حتى الحصول على كريم تقيلة نزولوها من العافية ونعملوها في الكيك من بعد منخرجوها من الفرن وندخلوها لثلاجة حتى تبرد ونقدموها

طورطة بالليمون
المقادير 5 بيضات+كاس زيت+4 خمارات+كاس و نصف سنيدة+كاس عصير ليمون+رابعة طحين+شوية خميرة معجنة
السيرو

كاس كبير عصير ليمون+2 فاني+3 م ك سنيدة
الطريقة

نخلطو كل مقادير العجين و ندخلوها للفرن
ملي تنضج الطورطة نسقيوها بالسيرو و نرشوها بكاوكاو واو لوز مهرمش

الروز مرافق للدجاج
في الكوكوط نعملو بصلة مشلدة مع معلقة الزبدة شوية الملح وشوية البزار نزيدو الروز والجلبانة الجزر مربعات زائد الما الكافي ونعملوه يطيب ويقدم مع الدجاج

شوربة
2 طماطم محكوكات بصلة مشلضة 1 م مركز طماطم ربيع كرافص مدقوقين كنور ديال الحوت ملح ابزار الماء نديرو هاد الخليط على النار يغلى تم ندوروها بالبلبولة ديال الشعير نزيدو اي نوع حوت ابيض عندنا وكلامار وفي الاخير الربيع

مقادير لصوص بيشاميل

الشيف ضيف برنامج للامولاتي

نصف لتر حليب
30غ القيق
30غ الزبدة
ملح ابزار الكوزة
الطريق المعتادة اللي كلشي كيعرفها

المايونيز التقليدية
صفر البيض لموتارد الخل الملح الابزار الزيت
الى مبغيناش نعملو اصفر البيض نعوضوه بابيض البيض ةكتجي زوينة بالفعل كتجي زوينة انا مجرباها وكنستعملها في البيت
المدة اللتي يمكن حفضها في الثلاجة 3ايام فقط

تاريخ التسجيل : 14/05/2012

وصفات لالة مولاتي ليوم 13.06.2011
من بين الوصفات التي قدمت خلال الأسبوعين اللذين خصصا "للعريسات"

شهيوات ميد
غريبة باللوز
500 غرام لوز
قبصة مسكة حرة
ملعقة صغيرة خميرة الحلوى
ملعقة صغيرة زبدة
4 بيضات
250غرام سكر كلاصي
2 معالق كبار قشور حامضة
للتزيين:
أبيض البيض+ سكر كلاصي
الطريقة:
يصلق اللوز وينقى ويطحن ونضيف مسكة حرة+ خميرة الحلوى+ الزبدة+بيضة و 3 أصفار البيض ونحتفظ بأبيض البيض للتزيين.ثم نضيف قشور حامضة+ سكر كلاصي.تجمع العجين جيدا ونشيكلها غريبات تغطس في أبيض البيض وتفند في السكر الكلاصي. تصفف في لاطة الفرن مدهونة بالزيت ومرشوشة بالدقيق أو مفروشة بورق الزبدة وتدخل إلى الفرن مدة 20 دقيقة(من الأحسن الفرن التقليدي).. بالصــحــة والــراحــــة.

غريبة بالكوك والسميد
500 غرام كوك
غرام سكر كلاصي
200 غرام سميدة رقيقة
قشور حامضة
4 بيضات
نصف كاس زيت
نصف كاس صغير زبدة مدوبة
1 خمارة د الحلوى
الطريقة:
نخلط الكوك+ السميدة+ سكر كلاصي+ قشور حامضة نخلطوهم ونضيف تدريجيا الزيت والزبدة ثم تترك لترتاح مدة ساعة ونضيف بعد ذلك الخميرة ونعيد خلطها جيدا ونشيكلها كويرات تفند في السكر الكلاصي.تصفف في لاطة الفرن مدهونة بالزيت ومرشوشة بالدقيق أو مفروشة بورق الزبدة و تدخل إلى الفرن حتى تتحمر.. بالصــحــة والــراحــــة.

مليكة أم سارة
الشباكية
2 كيلو دقيق عادي(غير ممتاز)
2 قرعات ماء الزهر
2 كيسان زبدة عادية مذابة
2 كيسان زيت الزيتون
نصف كاس خل نضع فيه زعفران حر ليلة قبل ما الإستعمال
ملعقة كبيرة قرفة
ملعقة كبيرة حبة الحلاوة
ملعقة كبيرة نافع
زلافة كبيرة جنجلان محمر ومطحون
زلافة لوز جنجلان محمر ومطحون ومغربل جيدا
قبصة ملح
شوية خميرة العجين
خمارة حلوى
ملعقة كبيرة سمن
كوزة محكوكة
الطريقة:

تخلط المقادير ونضيف الدقيق تدريجيا وندلكها جيدا حيث أنها كتجي قاسحة،ونضعها في بلاستيكة ونتركها تترتاح ونعيد إخراجها ودلكها مرة أخرى وتشكل بعد دلك كويرات ثم نتم بالطريقة العادية والمعروفة لصنع الشباكية.

سميرة من الرباط
نوكا باللوز

نصف كيلو لوز مكلي في الفرن ومهرمش
حليب محلى مركز(يوضع ساعة في الكوكوت للحصول على كراميل)
رابعة الشكلاط أسود
رابعة الشكلاط أبيض
فواكه معسلة
الطريقة:
نجمع اللوز مهرمش بالكراميل ثم نذيب الشكلاط أسود مع ملعقتين ونصف من الزيت ونسرح الشكلاط أسود فوق صفيحة ونتركه حتى يبرد ونضع فوقه طبقة
اللوز والكراميل ونضيف فوقها طبقة الشكلاط الأبيض المذاب والمخلط مع
الفواكه المعسلة وتترك لتترتاح قليلا ثم تقطع على شكل مكعبات أو مربعات
على حسب الرغبة.. بالصــحــة والــراحــــة.

حلوة الكيكة بالشكلاط
علبة حليب محلى مركز
بكية الشكلاط غبرة(كاوبيل)
كيكة محكوكة في الحكاكة الغليظة أو الرقيقة،يكون قد مضى على إعداد الكيكة يومين تقريبا.
20 درهم كركاع مهرمش
نصف رابعة زبيب مقطع رقيق
علبة فواكه معسلة
للتزيين: الشكلاط أسود – فرمسيل – كويغطات

الشكلاط أسود
الطريقة:

تجمع المقادير بالحليب محلى مركز ونشكلها كويرات تفند في الشكلاط الأسود ونضعها في كويغطات لونها أسود ونرشها بالفرمسيل الأسود.. بالصــحــة والــراحــــة.
عتيقة من مراكش:

وصفات لتبييض البشرة:

2 معالق عصارة الخيار+ملعقة عسل حر+ملعقة ياغورت طبيعي+ ملعقة نخالة...توضع على البشرة 20 دقيقة وتغسل بالماء الدافئ ثم الماء البارد.
ملعقة كبيرة دقيق فورص+ ملعقة صغيرة خميرة الخبز+ عصيرنصف حامضة+ ملعقة حليب سائل.
ملعقة دقيق الروز +3 معالق كبار حليب ساخن + نصف ملعقة عسل حر..نأخذ الروز ونصب عليه الحليب ويترك 10 دقائق ثم نضيف العسل ونستعمله للبشرة..
للاشارة حسب صاحبة الوصفات يمكن استعمال الوصفات يوميا لمدة أسبوع إلا كان العرس ما بقا ليه لوقت بزاف..
تبريمة للجسم:
ربع كاس حلبة مطحونة + ربع كاس فول مطحون+ ربع كاس دقيق الشعير+ ربع كاس حليب غبرة+عصير حامضة+ نصف كاس ماء الورد+ نصف كاس لبن+قشور ليمونة+قنينة زيت الكلسرين..توضع على الجسم قبل الحمام.
لتقوية الحاجبان:
3 علف التمر+3 عواد القرنفل..نحمروهم مزيان ونخلطوهم بزيت الخرواع ونبقاو نكحل به الحاجبان.

حورية من المحمدية :
تبريمة للجسم:

كاس عدس مطحون(كاس عنبة) + كاس دقيق الذرة + 3 معالق كبار حنة + كاس دقيق الروز + ملعقة صغيرة عكر فاسي حر + ملعقة صغيرة زعفران حر + 1 ياغورت طبيعي + 2 معالق كبار زعتر يابس + 2 معالق نعناع يابس + 3 فرماجات مربعين.تخلط المكونات إما بماء الورد أو ماء الروز.
يمكن إستعمالها كذلك للوجه وتستعمل هذه التبريمة للجسم ثلاث أيام قبل الذهاب إلى الحمام تستعمل بالنهار وتترك حتى تنشف ونعمل كوماج إما بزيت اللوز أو زيت الكلسرين واليوم الثاني تعاد نفس العملية وكذلك اليوم الثالث ويغسل الجسم بعد ذلك.
لمعان البشرة(صالحة للوجه والجسم):

جزرة نزيل لها الجهة السفلية ونصلقها في الماء الكافي بعد تقطيعها وتترك تنضج نصف طبية ونطحنها في الخلاط الكهربائي مع صفار بيضة بلدية + رأس ملعقة زعفران حر + 2 معالق عصير البرتقال + 2 معالق عسل حر.تخلط المكونات جيدا حتى الحصول على كريما وندهن به الوجه،هذه الوصفة تناسب جميع أنواع البشرة وبالنسبة لصاحبات البشرة الدهنية يتم تعويض عصير البرتقال بعصير الحامض.. تستعمل الوصفة ثلاث أيام قبل العرس..هذه الوصفة تمنح للوجه والجسم لمعان وبريق ونضارة للبشرة..

قناع للبشرة(مناسب لجميع أنواع البشرة) :

بياض بيضة بلدية + ملعقة كبيرة زيت الزيتون وتخلط المكونات بدقيق الروز
مرطب وقناع للشعر(Démêleur)
نصف كاس ذرة مطحونة جيدا + صفار بيضة بلدية + 3 معالق زيت الذرة + 2 معالق ياغورت طبيعي + ملعقة زبدة بلدية..تخلط هذه المكونات بالخلاط الكهربائي حتى الحصول على كريما نضعها على الشعر مدة نصف ساعة ثم يغسل بعد ذلك..

أم هاني من أكادير
حلوة الخنجر
مقادير الحشوة:
500 غرام لوز
شوية مسكة حرة
250 غرام سنيدة
ملعقة كبيرة زبدة
صفار بيضة
2 معالق كبار ماء الزهر
مقادير العجين:
500 غرام دقيق من النوع الممتاز
ملعقة كبيرة سكر كلاصي
ملعقة كبيرة زبدة
بيضة
نصف كاس ماء الزهر
قبصة ملح
ماء لجمع العجين
للتزيين:200 غرام الشكلاط أسود– 200 غرام لوز مهرمش بقشوره–
أبيض بيضة.
الطريقة:
يصلق اللوز وينشف ويطحن مع السنيدة وتضاف باقي المقادير،تشكل الحشوة قضبان ونتركهم جانبا.ثم تحضر العجين بالطريقة العادية وتدلك جيدا ثم تبسط بالمدلك وتقطع مستطيلات ثم توضع قضبان الحشوة وسط مستطيلات العجين وتلف،تقطع بالسكين بشكل مائل كتقطيع الفقاص ونصففهم في لاطة الفرن ونتركهم ليلة كاملة في الصباح نأخذ جانب كل حلوى نغطسها في أبيض البيض ونفند في لوز مهرمش وتدخل إلى الفرن عند إخراجها نفند الجانب المتبقي في الشكلاط الأسود..بالصــحــة والــراحــــة.

حلوة باللوز والجنجلان
500 غرام لوز
شوية مسكة حرة
125 غرام سنيدة
125 غرام سكر كلاصي
2 معالق كبار ماء الزهر
100 غرام زبدة مذابة
صفار بيضة
للتزيين:300 غرام جنجلان محمر– 2 بيضات مطربين.
الطريقة:

يصلق اللوز وينشف ويطحن مع السكر وتضاف باقي المقادير ونشكل العجين صبيعات ونغطسهم في البيض ونفندهم في الجنجلان المحمر ونشكلهم على شكل هلال وتدخل إلى الفرن.. بالصــحــة والــراحــــة

تاريخ التسجيل : 14/05/2012

<BLOCKQUOTE class="messageText ugc baseHtml">وصفات 8.05.11

عطيفة من اكادير:
نصائح:
غاسول ليدين:م ك عصير الحامض+ م ك عصير بطاطا و ندحن به ليدين طول ليوم.
لوحم ديال لحمل:عصير حامضة+ 1لتر ماء+شوي اوراق نعناع + م ك زنجبيل طري محكوك+ سنيدة نخلط كولشي فمولينكس و يشرب طول نهار.
ماسك للبشرة لحساسة:م ص عصير جزر+ م ص عسل حر و نديروه 15 د على لبشرة.
رائحة و باكتيريا لحمام:نخويو كل ليلة جافيل فمجاري لمياه الله إعزكوم.

بغرير:3 ك عنبة سميدة رقيقة+2 م ك فورص+2 م ص خمارة دلحلوة+شوية لخميرة دلخبز+م ص سنيدة+4ك ماء دافي نطربو كلشي فلخلاط لكهربائي.

كيكة دلقرفة:نديرو فلخلاط لكهربائي 3 بيضات و نبقاو نطربو و نزيدو 1 فاني ثم 1 خمارة لحمرة ثم ربع كاس زيت ثم كاس سنيدة ثم كاس لفورص ثم 2م ك قرفة مطحونة ثم 1 حليب مركز غير محلى و نخلطو كلشي و نديروه فمول و ندخلوه لفران. ونوجدو لكريمة:علبة كريم فريش+ 3 كيسان صغار سنيدة+كاس صغير زيت+2م ص قرفة مطحونة+1 علبة حليب محلى نديرو كلشي على عافية مهيلة حتى تعقاد وحيت نخرجو لكيكة من لفران نخويوها عليها.

كيكة كراميل:لعبار بكاس ياغورت:1 ياغورت طبيعي+ك فورص+ك سنيدة+ك لاروب زيت+1خمارة دلحلوة+1 فاني+2بيضات نطربو كلشي و نديروه فمول لتيتحل وندخلوها لفران تطيب.
نوجدو فلان:كاس و نصف حليب+فلان كرميل غبرة نغليوهوم و نخويوهوم على لكيكة ديالنا و هي سخونة ون دخلوها لثلاجة نصف ساعة و نمشيو نوجدو لكراميل:نديرو ك و نصف سنيدة على عافية مهيلة تحمر+ طريف زبدة وحنا تنحركو بسرعة ونزيدو علبة صغيرة كاملة دكريم فريش وحنا تنحركو دغية دغية حتى يدوب كلشي و يولي كراميل ونخويوه على لكيكة ونردوها لثلاجة وبصحة و الراحة.
سيرو ديال لكيكة سانوج للي نسات لاخت ماعطاتها:سنيدة+ماء+عصير لحامض و حيت يطبخ نسقيو به لكيكة.
غزلان من تزنيت:
كرواصة دلبطاطا:3 بطاطات متوسطين،2 بيضات،نصف كاس سنيدة،خميرة دلخبز دايبة فشوية دلحيب دافي،قبصة ملح،كاس زبدة مدوبة،نصف كاس زيت، 1فاني،شوية زنجلان و نافع، بيضة فيها حكة قشرة لليمون. طريقة:نصلقو لبطاطا ف 2 كيسان د لماء ونمعكوها مزيان فلماء ديالها و زيدو طحين ولعناصر كاملة و فلا خير لبيضة و ندلكوها مزيان و نكوروها فشكلاط مقطع طريفات و نبقاو ندهنو يدينا بزبدة و نشكلو منها كويرات و نستفوهم فلاطة ونخليوها تخمر وندهنوهم باصفر لبيض وندخلوهم لفران و بالصحة و الراحة.

كاشير منزلي:3م الروز مصلوق مزيان+3م سميدة رقيقة+نصف م راس لحانوت+نصف م سكين جبير+م ك قزبور مدقوق+شوية ملح+نصف م هريسة حسب الرغبة+فص تومة+م ك ملون احمر+4 بيضات+2 ضامات دلبنة+ك زيت. الطريقة:نخلطو كلشي فمولنيكس و نديروه فمول دلكشير و نطيبوه فلكوكوط 30د و لي بغا يزيد زيتون او كفتة مشحرة حسب رغبة.

حرشة:نصف كيلو سميدة رقيقة ناقص واحد لكاس، 3 م ك زيت،3م ك سنيدة،ملح نبسبسو كولشي ونزيدو 1 بيضة و 1 فاني و 2 خمارات دلحلوة ونخلطو كولشي بكاس كبير ديال عصير لليمون+كاس كبير حليب و حكة ديال قشرة لليمون و خسها تكون جارية بحال لكيكة و إلا كانت مازال قاصحة نبقاو نزيدو شوية دلحليب و ليمون حتى تجي هي هاديك وندهنو لمقلة دوجدة بزبدة و نرشوها بسميدة و نخويو فيها لحرشة و ندخلوها لفران لتحت عاد لفوق و منين تطيب نسيوها بعصير ليمون.

حنان من طنطان:
بسطيلة بالروز:كيلو روز كلاصي،دجاجة،بصلة،الربيع،شوية كل من قرفة+ملح+راس لحانوت،زيت.
الطريقة:نصلقو الروز و نصفيوه و نفوروه 3 مرات و كل مرة نرشوه بشوية دلماء.و نطيبو دجاجة+ شوية زبدة+لعطرية+بصلة مشلضة+ربيع ولما تطيب نحيدو ليها لعضام ونديرو طبقة روز ثم طبقة دجاج وهكدا و فلاخير طبقة الروز ثم ندردرو عليه اللوز للي طحنا بقشورو مع سنيدة.

بغرير للي تايطيب بلا ميخمر:3كيسان ماء دافي+4 كيسان سميدة رقيقة + كاس ياغورت فاني+3 خمارات حمرين نطحنو كولشي فالخلاط الكهربائي و عاد نزيدو كاس ماء بارد و نخلطوه مزيان ونبداو نطيبو مباشرة.

طورطة:عبار د لعنبة:ك سنيدة+ك زيت+ك ماء+ك كاكاو+كاس حليب غبرة+3 خمارات حمرين+2ك فورص+4 بيضات نطربو كلشي و نديروها فمول و ندخلوها لفران.
الكريمة: فلخلاط لكهربائي ندير كاس لماء و نزيد كاس حليب غبرة و نزيد كاس سنيدة ثم كاس كاكاو مسوس و لكاس ديال زيت نبقاو نزيدوه تدريجيا و هاد لكريمةللي وجدنا نخويوها فوق لكيكة من بعد مطابت و نزوقوها بشكلاط ابيض دايب فحمام مريم بحال ميل فوي.

عصير تايديرلينا 5 لتر: نصف كيلو لليمون ،نصف كيلو سنيدة نصف لتر ماء ندير فكوكوط لليمون مقطع بقشورو + سنيدة+ماء ونسدو عليه لكوكوط يطيب ثم نطحنوه و نصفيوه بلا منمعكوش عليه باش مايجيش مار.و هاد لخليط نزيدو عليه نصف كيلو سنيدة+ 5 لتر ماء+ م سنيدة للي حامضة و نخلطو كلشي مزين او هالعصير واجد.

فرماج منزلي: كاس نيدو+كاس زيت+كاس ماء+ 3 فرماجات مربعين+ شوي ملح+ شوي من عرق الليم و نخلطو كلشي فلخلاط لكهربائي.
نزهة من طنطان:
غريبة :عبار كاس لعنبة: 5بيضات، كاس سنيدة، كاس زيت، ربع كاس ماء، كاس كوك، كاس كاوكاو محمر و مطحون بلقشرة، كاس زنجلان محمر و مطحون، 2م كاكو، كاس زبيب مقطع، 2 خمارات دلحلوة. نخلطو هاد لعناصر كلها مزيان و نبقاو نجمعو بشوي بنخالة ونبقاو نفزكو يدينا ب ماء زهر و نكوروها على شكل غريبة و نفندوها فسكر كلاصي ندخلوها للفرن اولا لتحت عاد لفوق.

بينيي بياغورت: 500غ فورص، شوي ملح، 3م ك سنيدة، م ك زبدة، 2 بيضات، 1 خمارة دلحلوة، 1 فاني، م ك خميرة دلخبز. الطريقة: اولا نديرو فشي زليفة لخميرة + شوي سنيدة+ شوي ماء دافي و نخليها تطلق 10 د.ونجمع لعناصر كاملة مع لخميرة و نجمعوها بماء دافي و ندلكوها مزيان و ندروها فكوكوط و نسدو لغطاية و نخليوها تخمر ثم ندلكوها للمرة ثانية مزيان و نسرحوها بلمدلك ونقطعوها دوائر ثم نقطعو لوسط دائرة صغيرة و نخليوهم يخمرو و ندهنوهم بأصفر لبيض و ندخلوهم لفران.

كيكة دلحامض: 200غ زبدة، 250 غ سكر كلاصي، 4 بيضات، 2م ص قشور دلحامض، 6 سل عصير حامض، 1 ياغورت فاني أو فريز، 2 خمارات دلحلوة، 280غ فورص أو اكثر حسب لخليط.
طريقة:نطربو سكر و زبدة حتى يولي بومدة و نزيد 4 اصفر لبيض بوحدة بوحدة و حنى تنطربو ثم نزيد عصير لحامض و قشور دلحامض وياغورت ثم دقيق.ثم نطرب 4 بياض لبيض كالثلج و نزيدو لخليط و نحركو بشوية بم خشبية و نديروها فلمول لمطقوب مدهون و مرشوش بدقيق و ندكلوها لفران.
سيرو:100غ سكر كلاصي، 2م عسير لحامض، 3م ياغورت طبيعي نخلطو مزيان بلفرشيطة و نسقيو لكيكة و هي سخونة.

دجاجة فلفران: زلافة كبيرة فورص+ زلافة كبيرة ملحة و نجمعوهم بلماء بحال لعجينة ي نسرحوها بلمدلك و نديرو دجاجة فلوسط و نجمو عليها لعجينة و ندخلوها لفران حيت نخرجوها تتكون لعجينة قصاحت ونحليوها .هي قالت ماتدير فيها لا ملح و حتى حاجة و لكن للي بغا يشرملها عاد يدير ليها هاد طريقة على حسب رغبة.
سعدية من ورزازات:
غريبة دلكوك:رابعة زبدة، ك سنيدة، ك زيت، 3 خمارات حمرين، زلافة دلكوك، 1 فاني نجمعو لعناصر كلها و نكوروها على شكل غريبة و نفندو لوجه ديالها فلكوك و ندخلها لفران.

تبييض لوجه: عسير خيارة+ م عسل حر+ شوية الروز مطحون نخلطو كلشي و نديروه 20د.

عتيقة من مراكش.
طورطة د ليمون: لعجين: 6م ك فورص+ 6 م عصير ليمون+ بيضة+3 م سنيدة+ 1 خمارة حمرة+ 1 فاني+6م زيت نخلطو كلشي و نديروها فمول و ندخلوها لفران تطيب.
سيرو:نصف كاس عصير حامض+2م سنيدة+ربع كاس ماء و نديروه فوق عافية مهيلة حتى تعقاد.
كريمة:3 فلان ديال درهم+ 3 م ك سنيدة+نصف لتر عصير ليمون و نديرهم فوق عافية مهيلة حتى تعقاد. و حيت تبرد طورطة نديرو لكريمة وهي باردة و نسقيوها بسيرو بارد و نستفو فوقها لفريز.

كعك وجدة:2 كيلو فورص، 3 بيضات، 3 فاني، نصف كاس ماء زهر، نصف لتر مشروب غازي احمر، كيلو لاروب سنيدة، 1لتر لاروب زيت، 4 خمارات حمرين، زلافة زنجلان محمر و مهرمش، قشور حامضة، كاس صغيرنافع مهرمش، نصف كاس حبة حلاوة مهرمشة. 4 بيضات للدهن.
نعجنو كلشي مزيان و نديروها حريبلات صغار و نديرهوم دائرة و نقطعوهم بالمقص من لجناب و ندهنوهوم و ندخلوهم لفران.

ترطيب ليدين و حمايتهم من تجاعيد:م ص سنيدة+م ص زيت بلدية+م جليسرين ونديرو بهم كوماج.

لوصفة ثانية:م و نصف عسل حر+10 م ماء ورد+ 4م زيت جيلسرين+نصف م ص خل و نديرو به كوماج.

إرتفاع الضغط: بورو مقطع نطيبوه فلماء و شوي دلمح و نشربوه يوميا بحال شوربة.

وصفة فعالة لسد المسام: يدهن الوجه كل ليلة بزيت الصبار.
خديجة الهلالي:
وصفة فعالة د لكزيمة: فبانيو للي غادي نديرو فيه رجلينا نديرو ماء سخون+ م ملحة الحية دلحجرة+الشيح+ اوراق لبصلة لحمرة+حلبة و نخليو فيه رجلينا و من بعد نشفوهم مزيان و نطليو ليهم خليط ديال حب رشاد +م حنة+ ماء ورد+ اوراق خيزو يابس مطحون و نلبسو تقاشر و نباتو به.

كاشير زوين: 3 فرماجات+4 بيضات+ 2 ضامات لبنة+ هريسة+م كامون+الربيع مفروم+2 تومات محكوكين+شوي زيت +ملح+شوي فورص نخلطو كلشي بدون فورص عاد نزيدو طحين بشوي بشوي ونديروه فقالب دلكاشير ونطيبوه 20د فلكوكوط.

لهريسة: نقطعو لفلفلة لحارة شرائح +3 ثوم مكرض+الربيع مفروم ندو كلشي فقرعة زاج و نزيدو عليهم زيت و نكليوها 15 يوم حتى تطلق.
جميلة من رباط:
مقروط:4 زلايف سميدة لمتوسطة+زلافة زبدة نخلطوهم و نديروهم فشي ميكة فتلاجة ليلة كاملة.و ناخد 2 كيلو تمر محيد لعلف و لقشور و نفوروه و نمسحوه و نديروه حتى هو فتلاجة.
فصباح نخلط تمر+م قرفة+ م قرنفل+ 2م زبدة مدوبة و نديرها حربلات و نبقىناخد شوي سميدة و نعجنها بماء زهر و نحفرو لوسط و نديرو تمر و نشدو واحد لميسطرة و نبقوه نعبرو باش يجيو مقادين ونقليوها فزيت أو نديروها فلفران ونطفيهوم فلعسل فيف كموسة ص قرفة+كموسة ص قرنفل.

طارطة: العجين:150غ فورص، 50 غ زبدة لينة+بيضة+قبصة ملح نعجنو كلشي و نطلقوها بلمدلك و نديروها فمول و ندخلوها لفران تطيب نصف طيبة. الحشوة: 2 اصفر لبيض، 75غ سنيدة، 2 حكاك ياغورت مسوس ، كاس عنبة حليب معامرش، م ك فورص، 1فاني نخلطو كلشي و نديروه فوق طارط و نطربو غير شوية بطراب ليدوي بياض 2 بيضات+ فاني ونديروه فوق لحشوة و ندخلوها لفران.
بشرى من اكادير:
ماسك يعمل قبل لمكياج: بياض بيضة بلدية+م فورص نخلطوه ونديروه فوق لوجه ورقبة 20د</BLOCKQUOTE>

تاريخ التسجيل : 14/05/2012

وصفات لالة مولاتي على ميد راديو ليوم 21/3/2011

شهيوات ميد

فقاص مالح بلوز
المقادير
250 غرام طحين فورص
نصف معلقة ملح
100 غرام زبدة لينة
2 فرماجات مثلتين
بيضة
شوية ماء دافئ
100 غرام اللوز مهرمش بلقشور ديالو
.طريقة
في اناء نخلطو 250 غرام طحين + نصف معلقة ملح +100 غرام زبدة لينة + 2الفرمجات مثلتين + صفر بيضة ونحتافضو بلبيض
نخلطو جميع المقادير بلماء دافئ حتى تجمع نحصلو على عجينة مرخوفة شوية ونحربلهم اكونو رقاق شوية تقريبا العرض 2 سنتيم ندهنهم ب بيض البيضة لي خلينا ونمرمدهم في اللوز المهرمش ونلفوهم في بلاستيك ندخلهم لفريكو حتى اشدو راسهم ونقطعهم قطع دائرية وندخلهم للفران اطيبو مدة 15 دقيقة تقريبا و بالصحة و الراحة

حلوة ديامونتين
المقادير
100 غرام سنيدة
كيس فاني
5 معالق ماء زهر
3 معالق حليب سائل
250 غرام طحين
معلقة شكلاط غبرة كاكاو
معلقة خمارة الحلوة
100 غرام زبدة لينة
التزين

شوية سنيدة

الطريق
في اناء متوسط غادي نخلطو 100 غرام سنيدة مع كيس فاني مع 5 معالق زهر مع 3 معالق حليب سائل ونخلطو كولشي ونخليوه على جنب
ناخدو اناء اخر نخلطو فيه 250 غرام طحين مع معلقة شكلاط غبرة مع معلقة خمارة الحلوة نديرو حفرة في الوسط ونفرغو الخليط الاول نخلطو كولشي ونبقاو نضيفو تدرجيا 100 غرام الزبدة مقطعة طريفات صغار حتى نحصلو على عجينة مجموعة نحضرو من العجينة حريبلات طوال وعراض نبقاو وحنا تان حربلو ندوزوهم في سنيدة ونديروهم في بلاستيك وندخلهم للمجمد حتى اجمدو شوية ونخرجهم نقطعهم قطع دائرية و نستفهم في لاطة لي درنا فيها ورق ديال زبدة باش مات لصق وندخلهم اطيبو مدة 20 دقيقة تقريبا و بالصحة و الراحة
نصائح مطبخية

1- الى بغينا نطيبو بطاطة بكل سهولة نغليوها في الماء مدة 10 دقايق و من بعد نقليوها و لا ندخلوها للفران

2- الى بغينا نقشرو البصلة بدون مادمع عينينا ندخلوها للمجمد حتى تجمد شوية ونقطعوها و لا نديرو ااناء تحت المكان لي تان قطعو فيه البصلة

3- الى بغينا لحم اطيب دغيا نعملو فطنجرة نوات ديال ثمر *عظم ثمر* ما نساوش نزولو النوات عند التقديم اولا ممكن فاش نغسلو اللحم نشفوه مزياان كاي طيب بكل سهولة

4- الى بغينا نتخلصو من المرقة لي مالحة بزاف نضيفو حبة البطاطة و لا بصلة كات متص كل الملوحة
5- الى بغينا روز بيض بزااف و رطب نضيفو معلقة عصير حامض لكل زلافة ديال روز و زلافة ماء الى ضفناها كاي خلي الروز رطب و لديد بزااف

6- الى نطيبو البقولة مان ضيفوش الملحة في الاول نخليوها حتى الاخير باش تسهال طياب

7- الى بغينا نسهلو عملية تقشير بطاطة المصلوقة نوضعو البطاطة مباشرة في بانيو فيه ماء بارد

8 - الى بغينا نتفداو الزيت لي تان قليو فيها باش ماي طيرش علينا زيت نديرو شوية ملح

9- الى بغينا نتخلصو من رائحة الحوت نغسلوها بماء بارد ثم الغسلة التانية نغسلو بتخت ديال القهوة
عتيقة من مراكش

""فقاص كبير""
المقادير
كيلو غرام طحين
6 بيضات
150 غرام لوز مهرمش شوية بقشورو
زلافة زيت و زبدة مخلطين
زلافة سنيدة
كاس صغير زنجلان
2 معالق نافع بلدي رقيق
2 خمرات الحلوة
كيس فاني
التزين
قهوة سريعة الدوبان
و صفر بيضة
الطريقة
نخلطو جميع المكونات بحال اي فقاص ونديروهم حرابل كبار شوية وندهنوهم بصفر بيضة لي مددوبة فيه قهوة
وندخلوه اطيب ونلويوه في ثلاجة فشي زيف ومن بعد نقطعوه و نطيبوه بالصحة و الراحة

""وصفة كوماج لليدين""

*3 معالق عصير فريز نزيدو معلقة ملح ومعلقة زيت الزيتون نخلطو كولشي ونديرو لليدين ونحكو بحركات دائرية

""وصفات ترطيب اليدين""

*شمع نحل + 2 معالق فازلين+2 معالق زيت ويل بغافين+2 معالق زيت اللوز+2 معالق عصير خيار نديرو كولشي فحمام مريم ونبقاو ندهنو بيه اليد ممكن نعملوها في ثلاجة نحتافظو بها
*عصير طامط +معلقة كلسرين+نصف عصير حامضة

""كريم للبشرة الجافة ""
معلقة كبير شمع نحل +معلقة زبدة كاكاو + معلقة زيت لافوكا+2معالق زيت اللوز
ناخدو جميع المكونات نديروهم في حمام مريم ونحتافظو بهم ونبقاو نعملوهم للوجه ديالنا مدة 20 دقيقة 3 المرات في الاسبوع كات رطب البشرة
ليلى من اكادير

""ازالة البهك""

2 حمضات + سواك نطبخوهم فوق العافية ناخدو شوية الحنة نخلطوها مع الماء لي طبخنا فيها سواك و 2 حمضات نديروها لبلاصة لي فيها لبهق و صباح نغسلو

""مادلين ""

المقادير

2 بيضات
100 غرام زبدة
50 غرام اللوز مهرمش
80 غرام شكلاط حبيبات
100 غرام كوك
100غرام سكر صقيل
200غرام طحين
1 خميرة
كاس كبير الحليب

الطريقة

ناخدو الزبدة و سكر نخلطهم نزيدو عليهم الكوك + بيض + حليب + حبيبات شكلاط+ طحين وخميرة الحلوة+اللوز ونخلطو كولشي مات كونش العجينة قاصحة ونعملوهم في لاطة خاصة بمادلين ولا كويغطات مادلين

ام زينب من الرباط

""فقاص صغير حلو ""

3 بيضات
كاس زبدة مدوبة
كاس زيت
150 غرام سنيدة
1 فاني
1 خميرة الحلوة
طحين حسب الخليط
نخلطو كولشي ونطلقو العجينة ندهنو بشوية الزبدة مدوبة نرشو اللوز مقطه و نبقاو نحربلو اكون صغار وندخلوهم اجمدو من بعد فاش اقصاحو شوية نخرجوهم ونقطعه وندخلوه اطيب في الفران
حورية من المحمدية

""حبيبات في صد و الظهر""

نمسحو بماء نيترون من بعد فاش نمشيو لحمام و لا دووش ناخدو 2 معالق حنة + معلقة الحلبة +معلقة صغيرة شيح اتخلط كولشي اتدهن الجسم مدة 20 دقيقة و في اخر تشليلة تشلل بماء زعتر

""حبيبات بعد لاسير""

قبل ما ديري لاسير ضروري تكون داهنة الوجه بزيوت اما زيت الدرة اولا زيت جنجلان اولا زيت الورد تعمليه بنهار قبل نهار لي غادي ديري لاسير الى بغيتي تعملي لاسير دهني بطالك وديك ساعة ديري لاسير ديالك

""طنين الادن ""

واحد طريف شيبة عملي في كاس وكبي عليه 2 معالق ماء طايب و خليه ادفا و قطري في الادن

""اوجاع بحال روماتيزم ""
100 غرام اوراق سلمية مدقوقين مزيان نديروهم في نصف كيلو زبدة بلدية بدون ملح نخلطو كولشي نزيدو معلقة زيت كاليبتوس ونبقاو ندهنو المفاصيل ديالنا بالخلطة

""وصفة للكلف""

نحكو دركة ناخدو منها 3 معالق وناخدو دقيق الروز مطحون نديروه للوجه 20 دقيقة ونبقاو نكوميو حركات دائرية ومن بعد نغسلو الوجه بماء دافئ ثم بارد ونكونو موجدين خلطة ماء الكرمب مع صفر بيضة بلدية و نخلطو بدقيق شعير ونديروهم للوجه30 دقيقة ونغسلو الوجه عادي ونبقاو نمسحو بماء الكرمب

""مشروب للبشرة الدهنية لي تاي خرجو فيها الحبوب بزااف و لي فيهم الكلف""

زريعة كرومب +6 ضروس ثومة + نصف لتر ماء نغليو المكونات ونزيدو 2 معالق عسل حر ونبقاو نشربوه ونبعدو على الماكولات الدهنية

"وصفة لناس لي تي حسو بالعيااء"

نطيبوالبلبولة عادي فاش تقرب طيب ونحكو فيها بصلة و شوية كرافس ومعلقة نافع وشوية ملح

""لي تاي عاني من قرحة المعدة او مكروب ""

عصارة بطاطة حلوة كل صباح

"" وصفة الزيادة في الوزن ""
راعبة زنجلان محمر ومطحون معلقة صغيرة زعتر و رابعة حمص مقلي و رابعة ثمر نخلطو كولشي ونبقاو ناخدو في صباح مع الحليب و في الليل نخليوها هي اخر حاجة ناكلوها

البشرة الحساسة

2 معالق عصير الجزر + 2 معالق عصير البرتقال ندهنو به الوجه ديالنا دائما مفيد للبشرة الحساسة
شرافة من هولاندا

بطاطة في الفران""

كيلو بطاطة مغسولة مزيان نقطعوها على 4 ونزيدو معلقة يازير + معلقة زعتر + معلقة ثومة + شوية بزار + شوية هريسة+ شوية زيت العود+شوية تحميرة + شوية ملح نخلطو كولشي ونديروها في الفران كات جي بنية

""كيكة""
كاس كوك
كاس دقيق
كاس سميدة رقيقة
كاس سنيدة
كاس زيت
2 خمرات
فاني ولا قشرة حامض
قبصة ملح
5 البيضات
نخلطو كولشي ونديروها فمول مدهون فاش طيب ندير سيرو ديال 3 معالق كونفتير +شوية ماء ونسقيوها ونرشوها بلكوك و لا شكلاط فرمسيل و بالصحة و الراحة
رحاب من سلا

وصفة بشرة مختلطة

تفاحة مصلوقة + معلقة طحين + زيت الزيتون نعملوه ماسك

عصير فريز + بودرة الطين الاخضر +كريم فريش+ زيت الزيتون نخلطو كولشي نبقاو نعمولوه مدة اسبوعية

ام هاني من اكادير

""وصفة الشعر المجعد ""

زيت العنبر وزيت السالمية و زيت الخس نخلطوهم ونديروهم فشي قريعة ونبقاو ندهنو بيهم الشعر الى درناهم الصباح نبقاو نغسلو في العشية

""وصفة للبهك ""

ناخدو طاجين لي ماطايبش نكبلوه لشمس ندقوه وندعملوه مع صابون بلدي ونعملوه للبهك

""وصفة الافرازات المهبلية ""

ماء قشور البلوط نتبخوه اما توضاي بيه و لا الملحة العادية نديروها في ماء دافئ ونبقاو نغسلو
الوصفة نافعة المكروبات المهبلية و حريق البول

""حلوة الكوك بالفواكه المرقدة""

400 غرام كوك
400 غرام سكر كلاصي
6 ابيض البيض
2 معالق كبار زيت
علبة فواكه المرقدة
نشدو سكر و البيض البيض نديروه في حمام مريم ونبقاو نطربو بطراب حتى اطلع ونحيدوه من فوق العافية وحنا تان طربو حتى ابرد ونزيدو زيت و الكوك وناخدو غير برؤوس الاصابع نحطو فوق طاولة لي فرشنا فيها الورق الابيض ونبقاو نهزو غير شوة برؤوس الاصابع حتى نكملو ونزينو بالفواكه وندخلوها للفران

الطريقة الثانية لنفس الحلوة

500 غرام الكوك
500 غرام سكر سنيدة
1 فاني
10 ابيض البيض
معلقة زيت

بطريقة لدرنا في الاول هادي تان ديروها بلبوق ونزينو بلفواكه المرقدة الحلوةكات بقا بيضاء فاش كا طيب
خديجة ام ايمان من راشيدية
""حلوة بلفلان فاني""
المقادير
رابعة زبدة
زلافة صغيرة زيت
زلافة صغيرة سنيدة
زلافة صغيرة من اللوزمهرمش و شوية زنجلان و شوية زبيب و شوية الكركاع
2 اكياس فلان فاني
نجمعو بطحين حتى تجمع نكوروها ونرشموها اما بالمرشم ولا نديرو 3 خطوط بلموس بطول و 3 بالعرض وندخلو لاطة ديالنا طيب ونطيبوها
حتى طيب ونخليوها تبرد ونرشو بسكر كلاصي و بالصحة ارلاحة
حلوة فلان فريز
راعبة زبدة
2 خمرات
2 كيسان سنيدة
2 كيسان زيت
2 كيس فلان فريز 1 نديروه في العجين 1 غان ستعملوه في التزيين
طحين
ناخدو المقادير نخلطوها كاملة ونزيدو الطحين حتى تجمع مات كونش قاسحة بزااف
نديرو اناء و نديرو فيه سنيدة ونزيدو كيس ديال فلان فريز نخلطووهم بمعلقة
نشدو العجين نبقاو نكورو ونديروها في سنيدة ونستفوها في لاطة بغينا نرشموها بمرشم و لا نخليوها هكداك
نطيبوها من لتحت مزيان فاش نزلوها لتحت تكون غير مدهبة شوية غووز باردد و بالصحة و الراحة

""كيكة بلفلان كراميل""
نصف كاس ماء مع 4 معالق سكر سنيدة نديروهم فكاسرونة نخلطووهم حتى نحصلو على كريك كراميل ناخدو المول ونكبو فيه الكراميل وندوزوه في المول
مقادير الفلان
2 بيضات
2 كيسان حليب غبرة
2 كيسان ماء
كاس سنيدة
1 فاني
نخلطو هادشي كولو نديروه فوق كراميل
//مقادير الكيكة//
2 بيضات
كاس سنيدة
كاس حليب
نصف كاس زيت
2 معالق كبار شكلاط غبرة
كيس ونصف خميرة الحلوة
2 كيسان طحين
نخلطو كولشي ونكبو فوق الفلان
نديرو المول فحمام مريم *نديرو شي طاوة نعمروها بلماء ونديرو فيها الموول *وندخلوه للفران طيب فاش طيب نقلبوها في طبق التقديم و بصحة و راحة

ايمان

كريب باللوز

2 بيضات
2 معالق سكر
2 فاني
كاس بودرة اللوز
قبصة الملح
نصف لتر حليب
200 غرام طحين
نخلطو كولشي ونطيبوهم فاش اطيبو ندهنهم بشكلاط

تاريخ التسجيل : 14/05/2012

الوصفةعطاتها الخالة كنزة

زيادة الدراري الصغار

نصف رابعة كركاع
نصف رابعة زنجلان
شوية عسل حر
شوية زيتالعود
نصف كوزة
ندقو الكركاع و زنجلان محمروه شوية ونطحنوه ونغلوه مع العسلالحر و الكركاع و الكوزة بعد ما حكيناها
ممكن نعملوه ك معلقة مع الحليب ونديروهفي رضاعة و ولا ناخدو سكاتة لي كات كون متقوبة نعمروها ليه ونعطيوها ليهامصها

» وصفات لالة مولاتي على ميد راديو الجزء الثالت
» وصفات لالة مولاتي على ميد راديو الجزء الرابع
» وصفات لالة مولاتي على ميد راديو الجزء السادس
» وصفات لالة مولاتي على ميد راديو الجزء السابع
» وصفات لالة مولاتي على ميد راديو الجزء الثامن

وصفات لالة مولاتي على ميد راديو الجزء الخامس

وصفات لالة مولاتي على ميد راديو الجزء الخامس

مواضيع مماثلة

مواضيع مماثلة