وصفات لالة مولاتي على ميد راديو الجزء الثالت

تاريخ التسجيل : 14/05/2012

24.05.11

شهيوات ميد:

فخيدات الدجاج مشرملين:

نصف كاس عصير الحامض
8 ريوس ثومة مدقوقين
2 م ك زعتر
2م ك زيت العود
ملح ابزار ورقة سيدنا موسى

تشرمل الفخيدات تلات سوايع و تعمل فالفران وتقدم مع بطاطا

بسبوسة:

حاجتنا ل
زلافة سنيدة زلافة السميدة الغليضة زلافة اللوز مطحون بقشورو 4بيضات زلافة الا ربع زيت م ص قرفة مطحونة تلات الخمارات كاس حليب قبيصة ملح وم ك خميرة دلخبز

الطريقة:
تخلط العناصر تعمل فمول والى الفور
من بعد نسقيو بالسيرو اللي فيه ماء الزهر ...

كيكة البرتقال:
المقادير:
3 بيضات كاس زيت كاس سنيدة كاس عصير الليمون قشور الليمون فانية وخمارة حمرا طحين اللي يجمع تقريبا شي 10 معالق

الطريقة:
يضرب البيض مع سنيدة وينضاف لو العناصر الاخرى تم الدقيق والخميرة نتكو بالكيردو الكيك مين تخرج من الفران ونسقيوها بالسيرو المتكون من نصف كاس عصير الليمون و م ك نشا + 1 فانيوفانيا و 2 م سنيدة و نطيبو كلشي على عافية مهيلة حتى تعقاد شوي.

سميرة من رباط:

دجاجة فالكوكوت تم ادراجها للمرة التانية:
ناخدو دجاجة نشرملوها بليقامة الحوت ليلة كاملة من بعد نعملوها فكوكوت الصدر لتحت ونعملو عليها وبيدة وليترو الزيت ونخليوها 10 دقايق على عافية مهيلة فكوكوت مسدودة بعدلا الزيت تسخن و صافي هاهي فنة شهوة منها

شنيك:

المقادير:
3 {كيسان فورص م كبار نيدو م كبار سنيدة}
خمارة حمرا وقبيصة مليحة وشوية خميرة الخبز

الطريقة:
العناصر تجمع
نوجدو الكريم باتسيير بالغبرة اللي كتباع واجدة 4 معالق+الحليب نص ليت و السنيدة زوج معالق
ونعملوها تعقاد

نسرحو لعجين بلمدلك على شكل مستطيل و نعملو عليها لكريمة و نرشوها بلفواكه لجافة وتلوى طو ليا

ندخلوها لمجمد تقساح و من بعد نقطعوها و نستفوها فلاطة و نخليو بيناتهوم لفراغ حيت تتنفخ و ندهنوهوم باصفر لبيض و منين يخمرو ندخلوهوم لفران
و مين يطيبو ندهنوهوم بناباج او سكر كلاسي او اللوز مهرمش حسب الذوق:

مادلين مالحة:
المقادير:
بيضةكاس حليب مسوس 80غ فورصم كبيرة نشازوج م كبار خمارة دلحلوةدريص التومةراس م ملح
راس م ص ابزارم كبيرة زيت بلدية3م كبار زيتون اسود مقطع صغير

الطريقة:
نخدمو البيض تم نضيفو المقادير تم الدقيق ونعملو فكويغطات كبار د مادلين والى الفرن

وصفات المستمعات

ايمان من مراكش

حلوة الفريزة باللوز:

عقدة اللوز مع ملون تشكل على شكل فريزة

الحاجة زهرة من مراكش

اللحم فطنجرة:
حاجتنا ل
كيلو دللحم زوج بصلات مشلضين
ملح
م ص ابزار
م ص سكينجبير
نصف م ص زعفران شعرة
شوي خرقوم ملون
كاس عنبة زيت الرومية
م كبيرة سمن
يعوض بي الزيت العود

الطريقة:
اللحم يتشحر مع الزيت ومع التوابل و لبصلة و زيت و نرويو بلماء و نخليوه يطيب.

ناخدو نصف كيلو ديال لبصيلة الصغيرة صحيحة نديروها فطنيجرة مع ملح وابزارو سكينجبير ونصف كاس الزيت و كاس الما و نخليوها تطيب و خاصها تكون شادة فراسها.
نوجدو رابعة دللوز مصلنعملو اللوز يتقلى بعد
حاجتنا للبيض 8 ناخدوهم ونضربوهم ونعملو منهم معلقة فطيفال باش يكون عندنا de petit omelettes.

التقديم:
نحطو اللحم مع الدغميرة فالطبسيل ديالنا و ناخدو اومليطة نعملو فيها حبة اللوز ثم اومليطة فوقها ثم بصلة فوقهم و هكدا حتى نكملو و بالصحة ا لعافية.

طارطا بالشعرية الصينية و الطون:

المقادير:
بيضةربع كاس زيت بلدية 5ك حليب غبرة زوج كيسان فور ص زوج كيسان ماء
م ص خميرة دلخبز م ص خمارة دلحلوة م ص ملح
الطريقة: نخلطو لعناصر كاملة فمولينكس و نعملو الخليط فمول مدهون و مرشوش بطحين ثم نعملو فوق لكيكة باكية صغيرة ديال ا لشعرية الصينية معملوة مسبقا في ما طايب فوقها نحطو حك طون فروماج محكوك وكاشيؤ محكوك

ام هاني من اكادير:

بريوات:
المقادير:
500غ اللوز
كاس كبير و نصف سنيدة
معلقة صغيرة مسكة الحرة مدقوقة
8 م كبار ماء زهر
2 م كبار زبدة
م ص قرفة
للتزيين:
600غ ورقة دلبسطيلة
2 كيلو العسل
الزيت للقلي
125 غ زبدة للدهن
خليط ديال طحين + ماء باش نسدو لورقة
الطريقة:
الطريقة عادية د البريوات
عقدة اللوز
نشكلو البريوات يتقلاو فالزيت ويتعملو فالعسل

مقروط:
مقادير لعجين:
كيلو و نصف سميدة الغليضة
300غ زبدة مدوبةكاس صغير زيت شوي ملح
زوج كيسان كبار ماء ماء زهر باش نجمعو لعجين

مقادير لعقدة:
750غ تمر
م ص النويورة مطحونة
2 م كبار زبدة
3 م كبار ماء زهر
م ص قرفة
الطريقة:
يتخلط التمر مفور مع عناصر العقدة.
نخلطو سميدة و ملح و زبدة مدوبة و زيت
نعملوها 6 ساعات ترتاح فالتلاجة
و من بعد نخرجوها و نحلوها بيدينا و نزيدو زوج كيسان كبار ماء و ماء زهر و نقسموها على 8 لكويرات و كل كويرة نسرحوها مستطيلة 5سم طول و 2 سم سمك
نقطعو مستطبلات نقليو ونطفيو فالعسل

بناشي:
خيزيا ،
زوج تفاحات ،
بنانة،
نصف ليتروعصير لليمون،
3 م ك سنيدة ،
دنون مسوس
2م ك ماء.
نسلقو الجزر والتفاح بعد مايتنقاو .
نطحنو كلشي فلخلاط لكهربائي.

امينة
عصير سكينجبير:
90غ سكينجبير طري محكوك
1لتر ماء
4 حبات قرنفل
؛ 4 حبات قزبور يابس
5 م عصير لحامض
قشور حامضة محكوكة
ناخدو 1 لتر ماء
سنيدة حسب الدوق
نغليهوم 2 مرات
نزولوهم و منين يبرد نزيد عليهوم لمكونات لاخرى و نخليهوم 12 ساعة فتلاجة عاد نشربوه.

كريصات:
المقادير:
3 بيضات
2 كيسان حليب
2 كيسان عصير لليمون
1 فاني
كاس ما زهر
1 خمارة حمرة
شوي دلخمير دلدار
كاس زيت
كاس سنيدة
قشور ليمونة محكوكة
دقيق حسب لخليط
الطريقة:
تجمع العناصر وتعطن وتشكل على قياس مشماشة وتعمل فوسطها شكلاط والى الفرن

عصير: حامضة جامدة مقطعة فالمولكنكس مع الماو وريقات نعناعو سنيدةو فاني حتى تطحن مزيان و نصفيوها و ها لعصير مرحبا.

حورية من المحمدية:

الدوخة: و ناخدو 50غ تيميجة و 50 غ بابونج. يتعملو فما مغلي و يتخادو قبل الغدا وقبل العشا

شربة لناس للي عندهوم الدوالي :الهندباء 3 خيزو معدنوس ملح و نطحنوه و نشربوه على طول النهار.

تنقية البشرة :
عصير كرنب+زوان مطحون وقالت انو الزوان مهم بزاف فالضومين د التجميل و هو موجود+م عسل + م ياغورت مسوس+ م للوبية بيضة مطحونة .يخلط الكل الى الحصول على قوام كريمي ونمسحو بما معدنوس و فلليل نمسح لوجه بعصير لكرنب و نباتو بيه.

العيا و التعب:3 بصلات يطيبو ف لتر ما و نصفيوه و نزيدو عليه 3 م عسل حر و م نافع ونشربوه على طول نهار.

السكر: يشرب على الريق و في الليل زوج معالق عصارة البصل.

الوجع : مساج بخل تفاح بحركات دائرية+ كمادات من كمية من وريدات الاقحوانمضاف اليها معدنوس ولا نعملوهم فلبانيو مع ما طايب ونعاينوه لين يبرد عاد نكلسو فيه

تاريخ التسجيل : 14/05/2012

بسبوسة على شكل كيكة
زلافة بيض( 5 بيضات ) + زلافة سنيدة + زلافة زيت + زلافة اللوز مطحون مزيان بقشرته
زلافة سميدة رقيقة + 1 خميرة حمراء
العبار بنفس الزلافة
كنخلطو الكل ونوضعوه في مول مذهون بحال الكيك وملي طيب تسقى بالعسل المخلط بماء الزهر ثم ندردرو عليها اللوز افيلي

الحرشة بالبرتقال
4 بيضات / 1 خميرة فاني / 2 خميرات حمرين / 100 غ سميدة رقيقة
150 غ دقيق / 100 غ سنيدة / كاس صغير عصير البرتقال / كاس صغير زيت
تخلط المقادير العجين يكون رخو ونديروها في مول مذهون وتدخل الى الفرن من بعد الطهي
تسقى بسيرو اللي هو عصير البرتقال وسنيدة

وصفة من للامولاتي
حلوة باللوز
500 غ من اللوز+ قبصة مسكة حرة مدقوقة
م.ص خميرة الحلوى+ نصف ملعقة ك زبدة
4 بيضات ( صفار البيض وبيضة كاملة )+ 250 غ سكر كلاصي + 2 م ك قشور الحامض محكوك
للتزيين
100 غ لوز مصلوق ومنقي
كنصلقو اللوز وكنشفوه مزيان وكنطحنوه في الطحانة
كنعملوه في اناء كنظيفو عليه 3 صفار البيض وبيضة كاملة كنخلطو الكل وكنزيدو
سكر كلاصي وقشرة الحامض كنجمعو الكل وكنديروه في جيب حلاواني ونشكلو منو وريدات
في لاطة مدهونة
ونزينوها بنصف حبة من اللوز
ثم ندخلوها الى الفرن

تاريخ التسجيل : 14/05/2012

بسم الله الرحمان الرحيييم
والسلام عليكم ورجمة الله وبركاااته

فرماج منزلي (نعيمة من بوسكورة)
المقادير
نصف لتر حليب
2 كيسان عنبة حليب غبرة (نيدو)
2 فرماجات كيري
خمارة حلوى
شوية ملح
الطريقة
نخلطو جميع العناصر في الخلاط الكهربائي حتى يبان لينا الخليط اختار ثم نديروه في بواطة و نحتفظ به في الثلاجة

بسم الله الرحمان الرحيم
عصير الافوكا
حبة افوكا لتر حليب ٢٥غ لوز ٢معالق زبيب ٨تمرات ملعقة سنيدة
نخلط الكل في المولينكس و يقدم فالحين

الزيتون مشرمل
نصف كيلو الزيتون اخضر بلا عضم نصف كيلو الزيتون اسود معلقة كبيرة مطيشة الحك 3معالق كبار المايونيز ملح ابزار كمون تحميرة الثوم المعدنوس حك الطون الكاشير محكوك زيت العود
نخلط الكلونعملوه في قريعات ديال الزجاج ونعملوه في الثلاجة لوقت لبغناه نلقاوه موجود

غريبة الكوك اقتصادية
6الكيسان الكوك
3البيضات
3الكيسان سنيدة
تعمل مثل الغريبة وتدخل الفرن

كتشوب
معلقة كبيرة مطيشة الحك ملح ابزارسنيدة حسب الذوق معلقة صغيرة زيت معلقة كبيرة نشا معلقة صغيرة خل
يعمل الكل فوق النار مع التحراك حتى تعقد تترك حتى تبرد وتدخل الثلاجة الى حين الاستعمال

غريبة بالشكلاط
رابعة الزبدة 4كيسان الزيت 4كيسان السكر كلاصي الدقيق حسب الخليط تكور تعمل مثل الغريبة وتدخل الفرن لما تطيب تغطس في الشكلاط وتقدم

بسكوي
4البيضات زلافة زبدة مدوبة وزيت زلافة سنيدة 1خميرة 2معالق كاكاو قبصة ملح
تخلط وتورق بالمدلك ونقطعوها الاشكال لي بغينا مربعات دوائر تدهن باصفرالبيض المخلط مع نسكافيه وتزين باللوز مهرمش او اللوز ايفيلي او كاوكاو وتدخل الفرن
بريوش بالليمون
زلافة عصير إلليمون ـ زلافة حليب دافئ ـ زلافة زبدة مدوبة ـ زلافة سنيدة ـ 3 بيضات ـ 3خمارات ـ 1فاني ـ شوية خميرة العجينة ـ شوية النافع والزنجلان ـ الدقيق
كتكون عجينة خفيفة نديروها كويرات نخليوها تخمر ندهنوها بالبيض و نيسكافي وندخلوها الفران تطيب

» وصفات لالة مولاتي على ميد راديو الجزء الرابع
» وصفات لالة مولاتي على ميد راديو الجزء الخامس
» وصفات لالة مولاتي على ميد راديو الجزء السادس
» وصفات لالة مولاتي على ميد راديو الجزء السابع
» وصفات لالة مولاتي على ميد راديو الجزء الثامن

وصفات لالة مولاتي على ميد راديو الجزء الثالت

وصفات لالة مولاتي على ميد راديو الجزء الثالت

مواضيع مماثلة

مواضيع مماثلة