- 3 بيضات - كاس زيت - فانيلا
-كاس سنيدة - 2 yogourt طبيعي
- 3 كيسان كوك -2 كيسان سميدة رقيقة
-كاس دقيق أبيض -2 خمارة ديال الحلوة
كاوكاوأو لوز مهرمش للتزيين

الطريقة

نضرب البيض و السكر تم نضيف الفانيلا و قبصة الملح و الزيت و اليوغوورت


في إناء آخر نخلط الكوك و السميدة و الدقيق و خمارة الحلوة تم نضيفها للخليط الأول
نخد المول و نفرش فيه ورق الفرن و نفرغ فيه الخليط و نزينه بكاوكاو مهرمش و ندخلها للفرن تطيب

السيرو

2 كيسان السنيدة - كاس الماء عود القرفة
نخلط الماء و السكر ف كسرونة و عود القرفة و نديرهم فوق البوطة على نار
مهيلة مع التحرك حتى يختر و نضيف ملعقة عصير الحامض و نزيله من فوق النار
فاش نخرج البسبوسة من الفرن نسقيوها بالسيرو و نقطعها
إوا بالصحة و الراحة سمحو لي طولت عليكم
راه هادي أول وصفة تنشارك بها معكم نتمنى تشجعني راه دائما تنشارك غيربالتطبيق ديال الحادقات ههههه تبارك الله عليكم
نخليكم مع التصأور