نهاركم مبروك العزيزات اليوم بغيت نشارككم تجربتي في تحضير املو
والمقادير هي
نصف كيلو لوز/او رابعة لوز+رابعة كاوكاو غليظ
نصف رابعة سنيدة
2 ملاعق صغار كمون
3 قرنفلات مدقوقة
نحمرو اللوز وكاوكاو ونقشرو هاد الاخير
نطحنو جميع المقادير فمولينكس مزيان
ونخدو شوية من الخليط ونوضعوه فالكاس ديال مولينكس نضيفوليه زيت الزيتون+زيت عافية الكمية ليغادا تكفينا باش نطحنو لكن ميكونش جاري بزاف
و ها املو وجد.
ملاحظة= بطبيعة الحال متيكونش بنين بحال املو الحر ديال البلاد اللي فقط باللوز وزيت اركان الحر لكن على الاقل ندوقو حاجة جديدة ولذيذة
تقبلو تحياتي ومتبخلوش عليا بالرد
الثلاثاء سبتمبر 19, 2017 1:39 am من طرف 
موضوع: املو طريقتي في تحضيره 
