ابردي أظافرك في اتجاه عقارب الساعةالإيدين والقدمين من أكتر الأجزاء في جسم المرأة اللي بتبيّن مدى اهتمامها بنفسها وبجمالها وبنظافتها،  لازم كل أنثى تهتم إنها تعمل باديكير لإيديها ورجليها مرة كل أسبوع،  تحافظ على مظهرهم رائع وصحي، وخصوصا في فصل الصيف.

  خطوات سريعة  باديكير في البيتي المحترفين، وتوفّري الوقت والفلوس اللي بتدفعها عند الكوافير.

قبل ما نبدأ في الخطوات، لازم يكون عندك طقم الباديكير واللي بيحتوي على قصافة ومبرد خشبي ومقص وأداة لإزالة الجلد الميت حول الأظافر، وفرشاة صغيرة لإزالة الأوساخ اللي بتترسّب تحت الأظافر، ومبشرة أو حجر لإزالة الجلد الميت من كعب الرجل،  يلا نبدأ خطوات الباديكير:

1- أوّل خطوة تعمليها إنك تنقعي رجلك في وعاء فيه مية سخنة بدرجة حرارة اللي بشرتك تقدر تستحملها، لمدة كافية، لغاية ما تحسّي إن الجلد الناشف اللي في رجلك بقى طري وتقدري تفركيه بسهولة.

2- ابدئي بالقدم اليمنى بإنك تفركيها باستخدام الحجر الطبيعي أو الحجر الصناعي اللي بيبقى موجود في الصيدليات، وممكن تستخدمي معاهم مبشرة القدمين اللي بتفرك الجلد الميت من كعب وبطن الرجل و عند منطقة الأصابع، لكن ابعدي تماما عن أدوات إزالة الجلد الميت اللي بتستخدم الموس؛ لأنها بتخلّي الجلد يطلع ناشف، واستمري في فرك رجلك بشكل لطيف لغاية ما تحسّي إن كعب رجلك بقى نضيف تماما، وإنك تخلصتي تماما من الجلد الميت اللي عليه.

3- حطّي رجلك مرة تانية في وعاء المية السخنة، وطلّعيها، وباستخدام فرشة القدمين ابدئي في إزالة آثار الجلد الميت من على رجلك، وفي تنظيف الأوساخ اللي بتتراكم تحت الأظافر.

4- اشطفي رجلك، وابدئي في إزالة الجلد الزائد حول الأظافر، باستخدام الأداة المخصصة ،  خلّي بالك إنك تبقي حريصة جدا وإنتي بتقومي بالخطوة .

5- باستخدام القصّافة، قصّي أظافر رجلك من المنتصف بشكل مستوي، وبعد  ابرديهم باستخدام المبرد الخشبي بالشكل؛ سواء كان مربع أو مدوّر.

6- نشّفي رجلك ، ورطّبيها باستخدام أي كريم مرطب بعد الباديكير، وبعد كرّري نفس الخطوات  مع الرجل اليسرى، وبالنسبة للإيدين فإنتي تعملي نفس الخطوات، لكن من غير استخدام الحجر أو مبشرة القدمين.

7- تضيفي على كعب رجلك اللون الأحمر الوردي، ممكن تجيبي بودرة عكار فاسيمن عند العطار، وتحطّي كمية صغيرة جدا جدا منها على أي علبة كريم عندك وتخلطيها مع الكريم، وبعد  تدهني كعب رجلك بالكريم

8- آخر خطوة تعمليها  اختيارية طبعا، هي إنك تختاري لون طلاء الأظافر اللي تحبّيه، وتبدئي في طلاء أظافرك بالفرشاة بدءا من المنتصف الظفر، وبعد وزّعي الطلاء على الأجناب.