موضوع: المقيلة ديال عيد الأضحى بالصور للمبتدئات الأحد أغسطس 11, 2013 7:32 am
اخواتي عضوات وزائرات منتدى لالة بثينة اليوم غادي نحط ليكم المقيلة وهي طريقة لطبخ لحم الخروف بحيث يمكن بعد ذلك الاحتفاظ به في الثلاجة يعني كيبقى صالح للاستعمال من اسبوعين الى ثلاثة وربما اكثر واليكم الطريقة بالصور كالعادة
اولا كنحتاجو لحم الخروف مخلط كيلو او اكثر
كاس صغير ديال الزيت البلدية
معلقة ديال الملحة
معلقة ديال الكمون ونص معلقة ديال القزبور يابس مطحون التومة مدقوقة او مقطعة رقيقة تقريبا 5 فصوص زلافة ديال الشحمة محكوكة او مطحونة و من الافضل تكون ديال الكلوة
الماء الكافي
الطريقة
كناخدو الكوكوط كنديرو فيها الزيت و اللحم ونعملوها فوق النار حتى تبدا تسخن ونزيدو العطرية ونشحروها كنزيدو التومة ونحركو كنوجدو الشحمة ونزيدوها نبقاو نحركو حتى تدوب الشحمة عاد نمرقو بالماء حتى تتغطى اللحم كنسدو الكوكوط ونخليوها تطبخ حتى ينقص الماء واطيب اللحم
كنحلوها ونخليوها فوق عافية مهيلة حتى تنشف من الماء نهائيا هاهي المقيلة ديالنا واجدة بالصحة و الراحة