اولا نتمنى كل العرايس يكمل عليهم الله بخير
واللي مزال ما تخطبات الله يسر ليها في الزوج الصالح
موضوع اليوم هو اشياء كتحتاجها العروس نبداو
بمواد التجميل والعناية
نتمنى الموضوع يفيدكم ويعجبكم
ملاحظة: ماشي ضروري تشريو بالظبط اي حاجة غنقولها ممكن تشوفو شي حاجة في الموضوع تفكركم باشنو نسيتو
وممكن تشريو بالظبط المواد اللي غنحط.انا غنحط مواد التجميل اللي مجرباها شخصيا.
بنوار ديال الحمام
سواء تشريو اللي كيكونو مجموعة
او تشريو فوطات كبار
او تشريو بينوار عادي وطرزوه على ذوقكم
فرشة الاسنان والمعجون
الشامبو والبلسم وماسك الشعر(ممكن تستغنيو على البلسم و الماسك الا كان شعركم دهني او رطب )
اللي كتستعملي او اللي كيناسبوك
ريم مرطب للجسم اي كريم يناسبك او كتستعمليه وممكن يكون مرطب ومعطر في نفس الوقت
هادو روووعة ديار اوريفلام
بعطر divine
بالنسبة للكريمات او الاشاء اللي فيها رائحة من الافضل تكون من نفس الرائحة حتى جل دوش مثلا حتى لو ماكانتش نفس الماركة ممكن تاخذو مثلا كلشي ديال الكوك او الفريز..اما اللي كتكون ريحته محايدة ماشي مشكل بحال كريم جليدوليد.غير باش ميتخلطوش الروايح ومتبقى حتى ريحة باينة
هاد من عند أوريفلام
متنساوش زيت للشع بعد الحمام بالنسبة للشعر الجاف
وزيت قبل الاستحمام للشعر اي زيت كيناسبك غير بعدو على اللي فيهم ريحة بحال الحلبة او الثومة..
ممكن تستعملو غير زيت اللوز او الكوكو او الخروع او تخلطو اكثر من زيت المهم ريحة لا.
مقص الاظافر
اعواد الاذنين
قطن مزيل للمكياج
من عند أوريفلام
هاد من عند أوريفلام
مزيل للمكياج
فوط الصحية سواء اليومية او الشهرية
اللي مبغاتش اليومية او مكتبغيش تستعملها كيبقى لها الاختيار
لاسييييييييير هادي عنداااكم تنساوها خاصة فالاول
هادو احسن ماكاين ومهاهم مناديل فيهم زيت مهدئ وكيخليو ريحة غزاالة
مزيل العرق من عند أوريفلام
(كلهم جربتهم روووعة)
وبطبيعة الحال حتى مغربية مغتنسى الصابون البلدي والكيس والحجرة ديال الرجلين والكيس د صابون
انا كنستعمل الصابون التونسي تاكدو منه راه فيه انوااع هادا اللي فالصورة هو الاصلي انا مجربة ديال النيلة /العكر الفاسي والودع
متنسواش الفوطات
غاسول منظف للمنطقة الحساسة
عند أوريفلام
déodorant للمنطقة الحساسة (اختياري)
مناديل منظفة للمنطقة الحساسة
ضروريين كينفعو الا كنتي مزروبة وبغيتي تنظفي شي منطقة بسرعة او بغيتي تزولي المكياج بسرعة
خوذو ديال الاطفال من الاحسن
زيت للجسم استعمليه بعد الاستحمام وانتي مزال مبلولة بالماء
هدا الافضل متواجد فمرجان وعند بائعي المكياج
بالنسبة لبشرة الوجه كل وحدة على حسب نوع بشرتها وعلى حسب سنها
المهم متكتروش كريم الليل وكريم النهار والا بغيتو كريم لمنطقة العينين.
غادي نكتفي بهاد القدر ونكمل في موضوع اخر بعدما كملنا العناية بالجسم والشعر والوجه
نمرو للمكياج في موضوع جديد
غادين تلاحظو أغلبية المواد من عند أوريفليم وهدا راجع لاني كيف قلت ليكم ف أول حبيت نقل ليكم تجربتي الخاصة
وهاد المواد مجرباها ومرتاحة ليها داكشي علاش بغيتكم حتى نتوما تساتفدو
إلى لقيت تعليقاتكم وعجبكم الموضوع نزيد أجزاء أخرى
شكرا ليكم وسمحولي لا طولت عليكم غير بش نبسط وكان