كيف الأحوال إيوا الجو ربيعي والشميشة خرجات إيوا نوضو نحداكو باش حتى دارنا تولي ريحتها زوينة بحال ريحة لوريدات
اليوم جبتلكم واحد لختزاع وطلع هائل وقتصادي وديرو بيه كلشي نتمنى تجربوه راه غادي يعجبكم
طولت عليكم فرحانة بختراعي ههههههههههه
المهم ندخل فالموضوع الفكرة هي الصابونة ديال الريحة أنا مكنستعملهاش كنستعمل غير الجيل ومن مدة وهوما عندي واحد الصابونات ديال الريحة فين ما نحل لبلكار نلقاهم قلت أش غادي ندير ليكم طلعتو ليا فراصي خاصني نستغلكم فشي حاجة
المهم شديت صالونة حكيتها فالحكاكة


معلقة ديال فانش ديال التصبين ضد البقع الصعبة

نصف كأس ديال جافيل


نخلط كل المكونات فسطل ديال الميكة بغطايتو ونضيف 3 لتر الماء دافي

ونحرك بلمغرفة ونخليهم من ربعة حتال خمسة ديال السوايع كيولي بحال شامبوان جامد


أنا لي عجبني فيه رائحة رائعة وحتى ريحت جافيل كتقهرني مبقاتش
أنا ستعملت الصابونة بريحت فاني والبانونج ونتوما ختارو الريحة لي بغيتو
أنا حكيت بيه لفابو ديال الكوزينة عندي بيض كيقهرني ماكيجي الليل حتى كيتبهدل شوفو كي ولى بيض







والريحى فالكوزينة غزالة مبقاتش كتبقى ريحت الطياب
وتحكو بيه الجليج ديال الدار ولموزيك والطواليت حشاكم كتخرج كتلمع وريحتها غزالة والحمام وقولو بيباي لمعطر الجو
وكيبقاو اليدين رطبين
إيوة كي جيتكم مخترعة ياكو
واخى كتبت جريدة راني مكنعرفش نختاصر هههههههه