طاجين القوق والطماطم معسلة
نحتاج
اللحم حساب الكمية كيلو أو جوج
1 بصلة كبيرة
4 دروس ثوم
إبزار أبيض  ملح  خرقوم زعفران حر
بسبيسة  نويويرة  سكنجبير الربيع
الزيت مخلط مابين بلدية ورومية

الخضر لي نحتاج
2 كيلو قوق
1 كيلو طمطم
القرفة مدقوقة
السكر أو العسل
زيتون أسود
2 معلق كبار زبدة

في طنجرة نضع اللحم و التوم و البصل وكل التوابل بستناء الزعفرن الحر
هو حتى الأخير الطياب
يطيب غير على التهنديبة  مع شوية الماء  حتى يشرب التوابل
لان الزيت مكيخليش اللحم يشرب التوابل
ندووز للقوق  نسلق نصف سلقة  في ماء مملح

بنسبة للطماطم نقيوها   ونحايدو الجلدة والزريعة  ونعملها في مقلة مع الزبدة والقرفة
ونمعكوها حتى تدبل نزيد و سكر

عند التقديم
نوضعو  اللحم  في وسط لطبسيل وفي جوانب القوق نصبو عليه شوية المرقة  بش يتلذذ ونزيدو فوقو لطامطم المعسلة
ونوضعو فوق كل قوقا زيتونة سوداء
ونرشوه بالمعدونس
وبصحة و الراحة