بيتزا بالسردين اللي عمرو جربها يجي يجربها
هادي واحد البيتزا دترها بالسردين جات زوينة تبارك الله ما شاء الله
و قلت نتقاسمها معاكم
العجين نحتاجو ليه
الفورص (ما تنعبرش القياس اللي جغطي ليك المول)
الملح
شوية الخميرة معجونة
شوية الزعتر محكوك بايدينا
الماء للعجن
نجمعو العجينة و نغطيوها بشي بلاستيكة و نخليوها تخمر على ما وجدنا الحشوة
نجيوو للحشوة دابا
هي السردين طايب في الفران مع شوية الملح
في مقلة يشلدو بصلة و نشحروها في شوية الزيت
ملي تهبط البصلة نزيدو بصلة مقطعة طراف و نخليوهم يتشحرو
من بعد نزيدو شوية القزبر مقطع
و الملح و الإبزار و التحميرة
و السردين من بعد ما تنحيدو ليه الشوك و نفرتوه
نرجعو العجين
نمددوها فوق الطاولة
و نفرشوها في المول
و نحطو عليها شي 2 معالق كبار ديال ماطيشة الحك
و نطلقوها عليها مزيان
و من بعد نحطو الحشوة ديالنا و نزوقوها بشرائح الفلفلة مشوية و لا مقلية
و الزيتون الاسود
انا ما تنديرش فروماج باش تبقى خفيفة
و ندخلوها للفرن
و ها هي واجدة