زريعة الكتان لنقص الوزن الزائد للكرش
تاخدي زريعة الكتان كتحمريها في المقلة غير الديها وجيبيها متحرقيهاش وحيديها من فوق البوطة
وطحنيها غير هرمشيها وسدي عليها فشي قرعة الزاج او اي حاجة بالغطاية وخزنيها متلا في البلكار بلاصة مضلمة
ومني تبغي تستعمليها ديري معيلقة كبيرة فمقدار كاس متوسط اوكبير وخويها هي والماء في كسرونة او ابريق وخليها تغلى مني تبغي تفيض بحال الحليب حيديها وكبيها بالصفاية فالكاس اللي سبقتي عبرتي بيه الماء وخليه حتى يدفا وشربيه على الريق مرة واحدة صباحا وخلي نصف ساعة عاد فطري وداوميه مدة شهر فقط