* كيلو سردين منقي و مطحون مع بصيلة و ربيع و تومة
* 2بصلات 2بطاطا 2مطيشة فلفلة خضراء و حمرا و صفرا الا موجودة
* زلافة روز مصلوق نصف صلقة
* بيضة قزبور و معدنوس و تومة
* توابل. ملح ابزار خرقوم تحميرة شوية كمون
* بنة ديال الحوت او بكري
* ملعقة مطيشة ديال الحك عصا موسى نصف حامضة معصرة نصف كاس زيت
الطريقة:

نخلطو كفتة سردين مع روز و بيضة و التوابل
ناخدو لاطة نحضو فيها شي وريقات من عصا موسى و نستفو فيها الخضر دواور بصلة عاد مطيشة عاد فلفلة مشكلة
نعملو دواور ديال الكفتة شوية كبار و نستفوهوم فوق الخضر
نديرو فوقها بطاطا دواور و نزوقو بأنواع الفلفلة و الحامض
نخلطو شرمولة من توابل ربيع تومة و عصير الحامض و ضامة البنة و مطيشة الحك و الزيت
نضيفو للشرمولة لقياس ديال الماء لي غادي يطيب الكفتة ماشي بزاف و نسقيو بها اللاطة مزيان

و بالصحة و الراحة