الرايب من تحضيري أحسن من ديال المحلبات
أقدم لكم وصفة الرايب كتصدق مئة بالمئة واقتصادية في المكونات
وكتعطينا كمية كثيرة وهي وصفة كنستعملها دائما في رمضان نبرد بها عائلتي وخصوصا رمضان كيجينا في الصيف



نحتاج الى:
لتر حليب
ساشي فاني ودانون فاني
كأس كبير من حليب غبرة أو نيدو الي متوفر عندكم في المنزل
كأس كبير سنيدة
لتر من الماء
طريقة تحضير الرايب
نأخد الماء وحليب غبرة وساشي فاني ودانون فاني وسنيدة نطحنهم في مولينكس
أما الحليب نفيضوه ونزيدوه على الخليط من بعد ماطحناه
ونضع الكل في بواطة بلاستيكية ونغلقها جيدا
ومن الأحسن نغطيوها بمانطا صغيرة لكي تختمر ونتركها ليلة كاملة تبات حتى الغد عاد نوضعها في الثلاجة لتبرد
وأكرر يجب تركها تختمر أي اتجمع الرايب ليلة كاملة
ويقدم الرايب بارد
وبصحتكم وراحتكم وكنتمنى منكم تجربوها راه ساهلة الوصفة وكتصدق والي جربتها ترد عليا الخبار