وصفة طبيعية فعالة لإزالة أتار جرح عملية الولادة القيصرية( سيزاغيان) من البطن 


كاتصلح لسيكاتريس تاع سيزاغيان .المهم خاص الجرح يكون باري مزيان .كاتاخدي الحمرة يعني النخالة الرقيقة تاع القمح والحلبة مطحونة كاتخلطيهم بالماء الطايب وتخليهم يطلقو فبعضياتهم ويكون الخليط كيف لعجينة تعمليه فوق الجرح وتغطيه بالفاصمة واللصقة وتباتي بيه حتى للصباح وتغسليه .غادي تبقاي تكرري العملية كل ليلة وغادي الجرح يبدا يتنبل هاذا يعني ان الجلد كايتفاعل مع الوصفة ملي ملي يبان ليك الجلد طلع حبسي يعني عينك ميزانك .وما تخافيش من التنبال خاص غير الجرح مايتقيحش الى تقيح ليك حبسي الوصفة.ونقول ليك ليك راه الوصفة قلتها لختي وجرباتها على الفتحة ونقصات ليها من ديك الشوهة واحد شوية حيت هيا عندها الجلد خايب وقالو ليها الاطباء بالي الطبيب لي دار ليها العملية ماخلاش من جهدو والديفو منها هيا