انا نحكي لكم على التجربة ديالي كانو ظفاري رقاق بزاف و دغيا كيتهرسو و خصوصا مع الدوش و لا الشقا و بعد المراه الى غي حكيت شي حاجة بظفري تيطرطق ايوا و بقيت تنقلب على شي وصفة باش يقواو شوية و جربت شحال من حاجة و اخر وصفة كانت زوييينة و فعالة و حسيت بالفرق واخا حتى دابا كيتهرسو و لكن ماشي كيف الاول مابقاوش على سبة هههه
شديت قرعة تاع الصباغة خاوية درت فيها شوية زيت زيتون شوية زيت خروع و شوية ديال عصير الحامض و زيدو ليها  ضرس صغير ديال التتومة و سدو القرعة و حركوها و خليوها واحد سيمانة و لا اقل و بداو تديرو على الاظافر بحال الى كاتسبغوهم و خليوهم مدة شي ساعة او اكثر على حسابكم و من احسن تديروها ملي تكونو مساليين ماتابعكمش مايدار  هاد الوصفة كتبغي تدار يوميا و اسبوعين عاد تبداو تحسو بالفرق تبعوها ديما و ماخسرتو والو انا عام دابا و انا كنديرها مرة مرة كنساها و لكن تنحاول نتبعها