السلام عليكم ورحمة الله وبركاته
كيفكم ؟ نتمنى تكونو بألف ألف خير وهناء

2شوربات من شغل يدي

شربة أو حسوة إيلان

كنحتاجو ليها :250غ إيلان منقي ومغسول ومحمر ومطحون
ملح+قليل من إبزار+أعشاب التنسيم/هما زعتر+زعيترة+فليو+تيميجة/مطحونين كنخليهم خاصين للحسوات الشعيرأو قمح٠٠٠٠٠
1لتر ونصف ماء +زيت زيتون والحليب في الأخير
نغلي الماءوالملح والإبزار ثمأضيف الزيت وإيلان مع التحريك باش مايتكورش ونخليه يطيب نصف ساعة ثم أضيف لحليب والأعشاب المنسمة ونخليه يطيب 10دقائق وهاهي واجدة شربة صحية ومفيدة للعظام
ممكن نعملو حليب بوريسيما كتجي بيه زوينة وإلىماكانش نقديو بلي عندنا


شربة لكرعة خضرة

500غ كرعة خضرة
حبة بصل أوبورو
ملح+إبزار+ضامة بنة
معلقة كبيرة زبذة+2فرماجات
2معالق كبار دقيق الأرز أوميزينة+ربطة صغيرةربيع مخلط
الماءنصف لتر
في طنجرة كنشحرو البصلة والكرعةمقطعةمع معلقة الزبذة ؛ ثم نرش الملح والإبزار ونضيف لماءوضامة البنةونخليهم يطيبو20دقيقة ثم نطحنها مع الربيع والفرماج ونردها فوق النار وندورها بدقيق الروز ونخليها تطيب6دقايق وهاهي واجدة خفيفة وصحية خاصة لأصحاب السكري ومن يتبعون حمية

merci beaucoup pour ces recettes

ربي يخليك شكرا لردك العطر