تارت بكريم باتسري وبوذرة اللوز :


مقادير العجينة :

أصفر 2بيضات
100 غ سكر جلاصي
250 غ دقيق
125 غ زبدة باردة

كنخلط الدقيق مع الزبدة حتى يولي مرمل ونجمعو بأصفر البيض راه فالأول مكيبغيش يتجمع غير شوية شوية حتى تجمع

نعملها في بلاستيك غدائي ونخليها ترتاح 30 دقيقة فالثلاجة


نطلقها بين السولفيريزي باش متقطعش ونلبسها للمول نشكها مزيان من الوسط ونعمل وسطها سولفيريزي وكمية من الحبوب باش يتقلوها ومتطلعش من الوسط و ندخلوها طيب







الكريم باتسري بنكهة النيسكافيه :

كاس كبير حليب
2 اصفر بيض
2 م ك دقيق او نشا
م ك نيسكافيه
2 م ك سكر او حسب الذوق
(ممكن فقط نصف المقادير والكمية ستكفي)



كنخلط كلشي مزيان ونعملو على نار متوسطة وانا كنحرك حتى يعقاد الخليط





الكريم باتسري ببودرة اللوز:

كاس كبير حليب
2 اصفر بيض
2 م ك دقيق او نشا
2 م ك سكر او حسب الدوق
2 م ك بودرة اللوز
(ممكن فقط نصف المقادير والكمية ستكفي)



كنخلط كلشي مزيان ونعملو على نار متوسطة وانا كنحرك حتى يعقاد الخليط

عملت طبقة من كريم النيسكافيه وخليتها حتى بردات عاد طيبت الكريم الثانية حيت إدا طيبت حتى كريم بودرة اللوز غادي تعقد ومنقدرش نوزعها مزيان فوق الكريم الأولى
هاهي هنا الكريمة بردات مزيان وولات طبقة متماسكة


شوفو لي قلت ليكم دابا الكريمة باقية سخونة وسائلة غادي تتوزع على الطبقة الأولى بسهولة

خليتها حتى بردات مزيان وزينتها بالفريز وكيوي وممكن تزيتوها بلي يناسبكم ولي متوفر عندكم