تشيز كيك بكريمة الحامض سهل جدا :

اليوم جبت لكم واحد الحلوى أو طارت بجبن بنسمة الحامض زوينة قلبا و قالبا
كيف العادة مقاديرها بساط ، و طريقة التحضير أسهل ما يكون


مقادير الطبقة التحتانية نحتاج :

_150g بسكوي (ممكن تستعملي لي عندك )
_100g زبدة دايبة (إلى ماجمعات ليكش لبيسسوي زيدي زبدة)

مقادير الكريم :

_230g جبن أبيض (أي جبن أبيض)
_10 سل قشدة طرية
_2 بيضات
_100g سنيدة
_عصير حامضة


نطحن لبيسكوي مزيان و نخلط معاه زبدة حتى يتجمع أنقدو فلمول


نخلطو مقادير الكريما مزيان و نديروها فوسط لمول



و ندخلها لفرن على درجة 180 لمدة 35 هتل 40 دقيقة (حمام مريم)


هاهي منين خرجت من لفرن نخلوها تبرد شوية أدخلوها لتلاجة تبرد مزيان عاد نزينوها


بعد ما تبرد ندردرو عليها سكر صقيل و نزينها من الجوانب بالقشدة الطرية مطربة



و نقدمها بالصحة و راحة