هده الرفيسة عملتها لصديقتي مسكينة بعد ماعملت فوص كوش وجات لذيذة
الله يعوضها خير ويرزقها الصبر


المكونات

فروج بلدي مغربي ههه جاني من مغرب

زيت الزيتون+ملح+فلفل اسود+خرقوم بلدي +الزنجبيل غبرة+عشوب مدقوقين او راس الحانوت انا داقاهم على يدي+سمن مالح من صنع يدي ايضا+زلافة صغيرة عدس+معلقة كبيرة حلبة +قزبور ومعدنوس قبطة صغيرة
حب الرشاد  و فول ثوم
3بصلات كبار مشلضين غلاض باش ميدوبوش


لتر حليب بقر طازج أو يمكن إستبداله بالماء
الطريقة

نصبو الدجاج+زيت الزيتون +ملح+فلفل اسود+بصل+خرقوم بلدي+قزبور ومعدنوس+نصف كاس صغير ماء

نخليو الكل فوق النار حتى يتقلا الدجاج والمكونات مزيان

نضيفو له من بعدوراس الحانوت والسمن البلدي المالح
+

عدس بعد ما نكونو سلقناه سواء لوحده او مع الحلبة او كل حاجة مسلوقة لوحدها حب الرشاد و الفول +كاس كبير ماء مغلى




من بعد ما يطيب كلشي نصفيو باش نخليو غير لاصوص لي كنزيدو عليها الحليب فايض



ونخلوه يغلي لمدة نصف دقيقة

ونكونوطيبنا المسمن وقطعناه

مكونات المسمن

كيلو ونصف دقيق +زيت الزيتون +ملح+ماء دافئ
تيدهن الدقيق  بثلاث معالق زيت زيتون +ملح ثم تعجن ونعملو المسمن

من بعد ما طيب نقطعها بالمقص

ونفوروه في الكسكاس

ثم نضيفها لللاصوص لي زدنا فيها الحليب فايض

ونخليوها لمدة 5دقائق فوق النار حتى تشرب مزيان مع التحريك طبعا

ثم نصبوها في القصعة

نسقيوها شوية بلاصوص لي باقا مع الدجاج والدغميرة

ثم نوضعو الدجاج والدغميرة الفوق وبالصحة والراحة