غريبة معلكة بالكاوكاو

كيلو كاوكاو،3البيضات،خمارة،2م.ك كونفتير،حامضة محكوكة،فاني،نصف كيلو ناقص مينو كاس العنبة سكر كلاصي وراس م.ص روح اللوز

كنطحنو الكاوكاو مع السكر كلاصي وكنضيفو ليه الكونفتير،قشور الحامضة،فاني،البيض وروح اللوزوكنخلطو مزيان والسر ديال هاد الغريبة هو نخليوها تبات ليلة كاملة في الثلاجة ومنين نبغيو نطيبوها نضيفو الخميرة ونخلطو مزيان ونديروها كويرات نفندوها في السكر كلاصي وندخلوها للفرن تطيب من فوق ومنين تبدا تتشقق نشعلو عليها من تحت.

تبارك الله عليك
بغيت نسولك إلا جات على خاطرك واش الكاوكاو مطحون بقشرته و واش نحمروه ولا لا ؟
و شكرا

جاوبني أختي الله يخلي على السؤال ديالي