البنات الوصفة كتصفي الوجه وكترجعلك بحال ايلا دايرة فوندوتان واكيد ايلا تبعتيها غترجعي فنة حيت طبيعية والحوايج اللي فيها طبيعيين الصراحة انا كان وجهي صافي غير الكينة ديال الحمل خسرتولي ودارلي الكلف رجع وجهي كله كحل والحبوب وكلت نجرب هادي والحمد الله وافقتي وحتى راجلي كل نهار كيكولي بياضيتي هههههه
اكتر عليكم واقيلة يلاه نخليكم مع الوصفة
كتاخدي
+ خيارة تغسليها وتقطعيها مربعات بقشورها وبزريعتها
+ 1 خيزو منقي ومقطع
+ شوية ديال الروز داك الصغير ماشي داك الطويل
+ قرعة ماء الورد الاصلي وغير واحد الملاحظة راه ماء الورد اللي كيتباع ماشي اصلي حيت كنت كنشريه قبل وملي جيت لقلعة مكونة شريته واحد النهار ولاحظت بلي كاين فرق كبير بين ماء الورد اللي كنشريوا وبين هدا
+ ربطة معدنوس مغسولة ومنقية
+ماء معدني
كتاخدي معدنوس وديريه فكاصرونة مع ماء معدتي وتخليه يطبخ شوية
كتزيدي عليه الروز وخليهم يطبخه شوية وطفي البوطة ملي يبرد زيدي عليه الخيار وماء الورد وخيزو وطحنيه فمونينكس وديريه فمكعبات وكل نهار دوزيه 2 مرات لمدة 15 يوم وشوفي كيف ترجعي وملي توصلي النتيجة اللي بغيتي بقاي ديريها مثلا 3 مرات فالسيمانة
ها الخليط كيف كيكون



بقاي بيه نص ساعه وغسلي وجهك وكنصحك بصابونة ديال الورد حتى هيا لقيت فيها راحتي كتصفي الوجه وكتخلي ريحة زوينة ورخيصة ولكن خصها تكون اصلية يعني من بلاصة الورد


والله ا تهناي من اثار الحبوب وغادي تبياضي وجهك يولي صافي وكل هادشي كيطيح عليك رخيص وكتهناي حيت كديري حاجة طبيعية ماشي بحال الكريمات
واي استفسار البنات انا هنا

السلام عليكم اختي بغيت نسولك انا عندي فوجهي شوية الكلف و النمش مشيت عند مول المكياج عطاني واحد البومادا و قلي راها كتحيد الكلف و النمش و كتصفي الوجه و درتها لوجهي كنديرها بالليل و قشرتو لي وكحال و دارت لي الحبوب في وجهي ولا حالتو ماقدرتش نخرج و رجعت عندو و قالي راها هيا كدير هاكداك و منبعد غادي يتحيد ليك داك الشي دابا جوج سيمانات و انا كنديرها و باقي هاكداك ماعرفتش واش نحبسها او نكمل الله اجازيك بخير جاوبني او اعطيني حل

أختي سمحي ليا تطفلت على موضوع  الأخت منيار لي مواضيعه جد  ناجحة  وعن تجربة 

ديما وصفاتها  كنجاربهم  وكايعطيوني  ناتجة هائلة

أما ب نسبة  لسؤالك ف ف نظري  مادام بديتي لعلاج   خاصك  تاكمليه  خصوصا أنه طبيب  قال  ليك راه عادي

ماكين لاش تبقي  تخربكي  لوجه ماماعاهش لعب  و بنسبة  وصفات  أو حلول  ف تبرك لله  منتدى فيه عديد من وصفات  تقدر تفيدك


سامحيني ختي مرة خرى  و تقبلي مروري

شكرا

خلطة رااائعة وسهلة ان شاء الله نجربها ... و لكن مفهمتش كيفتش ديريه في مكعبات واش زعما ديريه يثلج في المجمد و دوزيه على البشرة و لا شنو تاني حاجة بغيت نعرف المعدنوس كتقطعيه ولا كترميه كيف ما هو طويل يتصلق .. وشكرا لك مرة أخرى غاليتي )

خلطة رااائعة وسهلة ان شاء الله نجربها ... و لكن مفهمتش كيفتش ديريه في مكعبات واش زعما ديريه يثلج في المجمد و دوزيه على البشرة و لا شنو تاني حاجة بغيت نعرف المعدنوس كتقطعيه ولا كترميه كيف ما هو طويل يتصلق .. وشكرا لك مرة أخرى غاليتي )

شكرا لك اختي على الوصفة الرائعة