الوصفة هي
ملعقة صغيرة من الودع
هاد الودع معرفتش شنو هو و أول مرة سموعتو من الدكتور جمال الصقلي
و قلبت عليه ف
google
و عطاني هاد الصورة


صراحة مقتانعتش بلي هادشي يصلح لتبييض الوجه
إوا و عرفت الاغلبية بغاو اعرفوه من كثرت ما شكر فيه الدكتور الصقلي لتبييض البشرة و حيت انا جديدة معاكم في منتدى لالة بتينة بغيت نقدم شي حاجة كاملو و مشروحة
و عاد تأكدت بلي هوا هادا الودع لي تكلم عليه الدكتور جمال الصقلي
و جيت نكتب لزائرات منتدى لالة بتينة على وصفة الودع

و بغيت نزيدكم الدكتور جمال الصقلي اي وحدة تاصلات بيه قاتلو فيا ليطاش اول كحولية او كلف كينصحها بالودع
عكوزتي جابت ليا 2 ودعات ب 2 دراهم لوحدة غير باش نشوفهم و نتأكد
يعني الثمن ديالو مشي رخيص بزاف حيت غادي تحتاجو لشحال من ودعة حيت ملي كيدق و كيتطحن مكيبقا فيه والو

ندوزو دابا للوصفة لي غادي تحتاجي فيها
كيف ما سبق لي قلت ملعقة صغيرة من الودع
ملعقة صغيرة غسول ابيض
ملعقة أبيض البيض مطرب كالثلج
ملعقة عصير الحامض
ملعقة عسل حر
يتخلط كلشي

المهم إليك الطريقة: ديري الودع فالحامض لمدة 3 دقائق، تم من بعد كتخلطي جميع المقادير ملعقة صغيرة من كلشي تخليه فوجهك، خليه حتى ساعة ونص خاصك تكوني مسترخية، و مضحكيش و ياريت و نتي دايرة الوصفة تكوني كتفكري فشي حاجة زوينة هادشي كامل وصى عليه الدكتور جمال الصقلي
حيت لوحدة إلا دارت شي وصفة و بقات كضحك او كتهضر راه كيخرجو ليها التجاعيد
من بعد ملي تغسلي وجهك دهني بزيت الزيتون مزيااان
ديري الوصفة 3 مرات في الاسبوع
و انا جربت وتبارك الله و لا وجهي تيشعل على حسابي جربوها
و نتيجة جي عاودي لينا عليها بنفسك

مشكورة حبيبتي أم آدم
حتى أنا سمعت أنها فعالة لي عندهم ليتااا ش بنين بحلة كلف

يارب يجازيك عنا كل خير
لكن هاد الودع معرافتوشي ف شكلو كيف عامل

مشكورة أم محمد آدم

فعلا وصفة فعالة

لا تحرمينا من جديدك ختي الغالية

وبوسي ليا هداك خنيفس لي في الصورة

الله يصلحو ليك