المهبل عندو بكتيريا نافعة كتسمى
flore normale
اللي هي عبارة على بكتيريات الاسم ديالها
flore de doderlein
اللي فيها
les lqctobqcilles
اسم ديالها هكدا لانها كتحول الحليب لياغةرت الشي اللي كسعاون انو المهبل يبقى بصحة جيدة فقط بمجرد ماكيكون
perturbation
ديال النظام الطبيعي فهاد المنطقة نتيجة عدة عومال كتقد تجي امراض او التهابات
des infecttions

كيف قبنا بمجرد ماكيكون لخبطة فهاد النظام هاد البكتيريات ماكتقاش تؤدي
الدور ديالها لانها كتقل و بالتاالي القلة فحد داتها كتعني امراض واحيانا
نتيجة لخبطة هاد النظام بعض المكروبات اللي كتعيش عادي فهاد المنطقة كتولي
هي فحد داتها ممرضة

اشعر العوامل ديال الالتهابات المهبلية هوما
التهابات كتسببها بكتيريات
واخرى كتسببها فطريات غالبا كنتكلمو على
candidose
والنوع الاكتر ممرض فيها هو
candida albucans
نوع اخر اللي هو التريكوموناس فاجيناليس
trichomonas vaginalis

طيب اشنوى الاعراض ديال la vaginite
الاعراض كتقد تكون افرازات غير عادية او ريحتها خايبة لانو عادة الافرازات
المهبلية كتكون بدون رائحة وكيكون اللون ديالها ابيض شفاف يعني باش نقرب
لكم اكتر فحال الشكل ديال اللصاق
uhu
تماما بالتالي هنا كنتكلمو على
pertes normales ou anormales
كيكونو كدلك des leucorrhées وهي وجود الكريات البيضا فالافرازات وهدا كيدل على انو كين
une réction bactérienne
والجسم فحال دفاع على نفسو الشي اللي كيخليه يفرز الكريات البيضا اللي هي اليات دفاع الجسم على نفسو
يقد يكون حكة démongeaisons et prurit
هاد الحكة كتقد تكون خفيفة وتقد تكون قوية
يقد يكون الام اتناء العلاقة الجنسية
dyspareunie
احمرار الجلد ويقد مايكونش اعراض واضحة
بالنسبة للافرازات الى كانت ملونة سوا صفرا او خضرا او حمرا هنا كيكون السبب بكتيري
الى كانت بيضا فحال شكل الحليب crémeuse والريحة ديالها فحال ريحة الخميرة هنا كنقولو السبب فطريات
وكيكون احيانا كدلك
coinfection
اي انو كيكونو بزوج بكتيريات وفطريات
المهم
الحل سهل جدا
كتمشي عند الطبيب كيعمل لك فحص الى عطاك الدوا فقولي لو لا انا بعيت نعمل تحاليل
FCV OU FV
[وحدهم المشرفون لديهم صلاحيات معاينة هذه الصورة]
اي بمعنى
FROTTIS CERVICO VAGINALE
هدا كيتعمل للمراة ماشي البنت باش نشوفو واش عندها مشاكل فالمهبل فقط ولا حتى الوالدة كيفاش كيتعمل
كيتخاد
écouuvillon
فحال شكل ديال الكتون تيج اللي كنقيو بيه الودنين غي هو اكبر ومعقم كيتحمل
فالمهبل وفحالة المراة كندخلوه مزيان ونحاولو ناخدو الافرازات وكدلك
المكروبات العالقة كيتعمل لهادشي دراسة كطروسكوبية وصافي كيتم التعرف على
البكتيريات اللي كينة من بعد الى كان فعلا السبب بكتيري كتم دراسة مقدار
الانتبيوتيك ونوع الانتبيوتيك المناسب وهنا صافي كيخرج النتيجة والدوا من
المختبر كياخد الطبيب النتيجة وكيعطيك الدوا اللي خاصك وكوني اكيدة ماغاديش
تقولي العلاج لم ينفع

فحالة الى كنتي بنت مازال مامزوجاش كيتعمل ليك
Fv frottis vaginale
هنا نفس الطريقة فقط ماكندخلوش للوالدة حدنا المهبل
وهنا كنعرفو بنفس الطرييقة السبب او
le facteur pathogène
وفحالة الى كان السبب ماشي بكتيريا ولكن فطريات كدلك كيتم دراستهم وكيتعمل لهم
antifangigramme
اي بمعنى مقدار ديال
les antifongiques
ونوعها باش يكون العلاج دقيق

كتشمل الدراسة زراعة هاد البكتيريات باش تتكاتر وندرسو ال
réaction chimiques et enzymatiques
[وحدهم المشرفون لديهم صلاحيات معاينة هذه الصورة]
هادو نصائح هامة
.
اولا لابد من الغسل مرة فاليوم غي بالما بلا صابون علاش لانو الصابون كيضر بنظام الحموضة
ph
فهاد المنطقة وبالتالي الى كان تغيير فدرجة الحموضة كيكون ضرر للبكتيريا
النافعة والى كان ضرر لها فهنا كتبدا تبان بدكتيريات اخرى يا اما ضارة يا
اما اللي ماكتضرش بحكم انو المنطقة ولات ضعيفة كتولي ممرضة بالنسبة لها

من بعد الغسيل لابد تنظفي مزيان المهبل بفوطة او ورق المرحاض المهم الما
مايبقاش علاش لانو الرطوبة من احب الاوساط للفطريات les champignons
adorent l'humidité
اما الى عملتي الخروج فالمرحاض هنا لابد عليك تغسلي بطريقة خاصة المؤخرة
بحيت تغسليها من القدام للوراء علاش لانو كيف معروف المصران كيكون فيه
بكتيريات نافعة كيف ال
flores vaginale existe la flore intestinale
هاد الفلور نافعة فالمصران لكن كيف كتخرج منو لمنطقة اخرى كتولي ضارة
فهاديك المنطقة اي بمعنى البكتيريات اللي كتخرج من المصران فالخروج les
selles الى مشات المهبل كتولي ضارة كيفاش هنا علاش اشرت لطريقة الغسل من
القدام للوراء لانو الى غسلنا من اللور للقدام غادي نجيبو بكتيريات المصران
للمهبل وهنا كنسببو ضرر فقط بقلة النظافة
غادي تقولو لالا مايمكنش انا نعمل هكدا
التجربة اكدات انو اغلبية
les infections vaginales
السبب ديالها
e coli
اللي هي بكتيريا غير ممرضة عادية كتواجد بكترة فالمصران كتخرج فالخروج عادي
لكنها الى مشات للمهبل مع طريقة الغسل الغالطة اللي قلت هنا كتولي ضارة
وكتسبب التهابات
الناس اللي يالله كيبدا عندهم السكر للاشارة فقط كيولي عندهم ضعف فالمناعة
كنتكلم غي فبداية ظهور السكري فانه يحدت ضعف فالجهاز المناعاتي وهاد
البكتيريات الغير ضارة
saprophytes
كتولي كتعمل لهم مشاكل وغالبا كنكتشفو مرضى السكري من التهابات مهبلية يا اما ب
e coli
ولا بفطريات غالبا هنا كنطلبو من الشخص يعمل تحليلة السكر باش نتاكد
طيب كيف قلنا بعد الخروج غسل مزيان بالما والصابون بالطريقة اللي قلت ونشف مزيان
عمرك تخللي الما بلاتنشاف اطلاقااااااا
région

حاولي تشربي مزيان لانو الما كينقي الدات من البكتيريات وماتنسايش انو
الالتهابات ديال المسالك البولية تقد تكون سبب فالتهابات المهبل هدا علاش
الما مهم بزاف لانو كيساعدك تخلصي من المكربات وحتى قبل وبعد العلاقة
الجنسية حاولي تبولي
حاولي كل مرة تبدلي المايو ديالك يوميا فالحالة العادية واكتر من مرة الى
كنتي مريضة هاد المايو لابد يكون مشمس مزيان لانو الشمس كتقضي على
البكتيريات والى كماكانتش الشمس حاولي تحدديه بالمصلوح لانو الحرارة تقتل
بعض المكروبات
ماتستعمليش ججافيل لانو كيضر البكتيريا النافعة والى استعملتيه فالضروري القصوى حاولي تغسلي وتشلي جيدا
مسحوق التصبين لا
الغسل ديال المايو يكون بصابونة الحجرة
اي حاجة عندها علاقة بالمهبل بعدو منها الملونات الديودوران الريحة وحتى الملابس الداخلية من الافضل تكون بيضا قطنية
اللي مريض يبعد على النيلو بالمرة ممنوع
حتى الانجيت
lingettes
الى كانت معطرة بلاش الفوط الصحية الى كانت معطرة بلاش المناديل الورقية
معطرة بلاش حتى الجيل دوش الى كنتي مريضة او كيعمل لك حساسية بلاش منو

.فحالة الى كنتي عندك التهابات بعدي بالمرة من لبس اي حاجة مزيرة وجربي يوم
واحد تلبسي لباس مزير غادي تلقاي الحكة زادت بشكل لايطاق الافرازات كترو
لدرجة المايو يولي فازك واحمرار الشفتين لدرجة كيوليو حساسين بزاف.
حاولي تبعدي على السروال المضيق الدجين ضيق مايويات ضيقة او من النيلو او اي شي من غير القطن الكولونات لا
حاولي تعملي خريقات قطنية كنقول خريقات ماشي
proteges slipe
اللي كيتباعو .
الى كنتي مرضة لابد راجلك يعمل الواقي الدكري او
préservatif
الى كان الالم ماتعمليش علاقة جنسية فالحالة العادية كنؤكد على النظافة واحاولي اتناء العلاقة تعملي حليب او زيت
lubrifiants
باش مايكونش احتكاك يسبب الم والتهابات .

بالنسبة للعلاج كنؤكد حددو العامل المسبب للمرض بزيارة طبيب وتحاليل بسيطة
كيكون غالبا العلاج فنيد انتبيوتيك فحالة التهابات بسبب بكتيريات
ولا قويلبات اونتيفونجيك فحالة الى كانو السبب فطريات وكانت المصابة ماشي فتاة بل امراة
بوماد الى كانت المصابة بنت
وممكن اخد كلشي هاد شي الى كان السبب هما بزوج

وحاولو تستاعنو بالانتسبتيك اللي كيتعملو فالدار
البيكاربونات الصوديوم مع الما والمقدار مكتوب فالعلبة
اليوزين او دوا الحمر مع الما بحيت يكون مخفف بزاف
الزعتر مع الما لانو من خاصية الزعتر كيساعد على تحويل الطفيليات من حالة نشاط الى حالة خمول

merci