ما هي ألابر التفجيريه

تاريخ التسجيل : 14/05/2012

ما هى الإبر التفجيريه ؟

هي إبرة hCG ويطلق عليها الإبرة التفجيريةلأنها تساعد على نضوج البويضة حتى يصل الجريب إلى مرحلة الانفجار وإطلاق البويضة
وهى تفجر الغطاء اللي حول البويضه " الحويصلة "…
يعني كأنها تفتح باب صغير في هالغطاء اللي يحاوط البويضه
وبكذا تسمح للبويضه بانها تخرج منه وتروح لقناة فالوب ،
ويسمى هذا اليوم بيوم " التبويض "
وبذلك فان عمل هالابرة يساعد بشكل كبيييييير على الاباضة
وهى عبارة عن هرمون مشابه لهرمون الحمل HCG
وهي عبارة عن ابرة مكونة من بودرة وماء … و تؤخذ في العضل
وتختلف في قوتها ….
ممكن تآخذي جرعة قوتها 5000 أو قوتها 10000

ولها اسماء تجارية مختلفة اشهرها:
كوريومون chorimon
ميونوجون meonogon
بريجنيل pregnyl
فوستيمون fostimone

امتى بيلجأ ليها الدكتور ؟

عادة البنات الي تأخر عندها الحمل او عندها ضعف في التبويض
ينصحها الدكتور انها تآخذ كلوميد أو ابر منشطة لتقوية التبويض
علشان تحفز المبيض على انتاج بويضات أكثر
علشان تكبر البويضات وتوصل لحجم مناسب للحمل ،
و يفترض ان يكون الحجم المناسب للبويضة من 18 الى 20
لأن الابرة راح تكبر البويضات 2 ملم قبل ما تفجرها
يعني لو كان مقاس البويضة 19 حتكبر الى 21 وبعدين تفجرها و هكذا ،
فتروحي للدكتور يتابع كبر حجم البويضة بالسونار ولما توصل حوالي 18 ملم
يعطيكي الابرة التفجيرية عشان البويضة تطلع من المبيض
و بعدها يحدد لك الوقت المناسب للقاء

طيب ما هو الوقت الي تحدث فيه الاباضة بعد أخذ الابرة؟
يختلف الوقت من جسم الى جسم و ايضا على حسب قوة الابرة
فالغالب تنفجر البويضة خلال 36 من اخذ الابرة
لذلك ينصح الاطباء باللقاء بعد هذا الوقت
أو بتكرار اللقاء خلال هالوقت ، يوم اه و يوم لأ
لان انفجار البويضة ممكن يحصل في اي ساعة خلال هذا الوقت ،
وتكون المتابعة بانها بعد 12 ساعة من أخذ الابرة تسوي سونار
واذا لم تنزل البويضة تسوي سونار ثاني بعد 24 ساعة
واذا لم تنزل البويضة تسوي بعد 36 ساعة …
وهذا الوقت في الغالب يفترض فيه ان البويضة خلاص قد انطلقت و نزلت لقناة فالوب و بعدها يكون اللقاء

نيجى لأهم سؤال الي معذب البنات …

امتى اعمل تحليل حمل بعد الإبرة ؟
تحليل الحمل لاااااازم يكون بعد 14 يوم من أخذ الابرة
لأننا زى ما قلنا ان في الابرة هرمون مشابه لهرمون الحمل
يعني لو حللتي بعد اسبوع من اخذ الابرة ولا سمح الله كان مافيش حمل
هتطلع لك نتيجة ايجابية يعني حمل بالرغم من عدم وجوده
لذلك الأفضل الصبر ثم الصبر … وبعد 14 يوم اما تحللي
واما الدورة هتنزل عليكي من نفسها

هنقول دلوقتى أهم الأخطاء االى بيقع فيها بعض البنات :

اول خطأ ..

اننا مش بنسأل الطبيب وهوبيعمل السونار عن عدد البويضات و احجامهم وده غلط
علشان لما ناخد الابرة التفجيرية ونروح نعمل سونار تانى منبقاش متلغبطين ومش عارفين اى البويضات خرجت وايهما كبرت وظلت مكانها

تانى خطأ ..

مش بنتابع البويضة بالسونار علشان نتأكد انها خرجت ,
يعنى ممكن نضيع شهور فى العلاج ومفيش حمل
ونبقى مش فاهمين فى ايه و يطلع فى الاخر ان البويضة لم تكن تخرج

تالت خطأ ..

ان الابرة التفجيرية لو اخذت و البويضة اكبر من 19 بتكون كيس ومش بتخرج
و اعتقد فيه كتير ممكن ياخدوها و البويضات 20 او حتى 24 وده غلط كبير

رابع خطأ ..

توقيت الجماع فهناك خطأ يرتكبه أغلب الاطباء عندما
يجعلون الجماع بعد 36 ساعة بالظبط وهذا خطاء , لماذا ؟؟؟؟؟

لأن البويضة ممكن ان تخرج بعد 12 ساعة و البويضة تعيش 24 ساعة فقط
اذا من الممكن ان تخرج البويضة و تعيش ثم تموت قبل ان يصل لها اى حيوان منوى من الاصل
( وخصوصا اللذين يمتنعون عن الجماع قبل الابرة بفترة من اجل محاولة انجاب الطفل ذكر )

هناك من سيقول ان بعض الاطباء قالوا ان البويضة ممكن ان تعيش 48 ساعة ..
ولكن هذا غير مؤكد لأن به اختلاف ولو فرضنا انه يحدث ليس بالضرورة ان يحدث لكل امرأة ولكل بويضة لذلك يجب علينا الأخذ بالأحتياط.

وبناء عليه يفضل الجماع بعد 12 ساعة من أخذ الابرة التفجيرية
ثم مرة اخرى بعد 24 ساعة ثم مرات أخرى على مدى يومان او ثلاثة

ويجب أن نتذكر ان كل شئ فى الأول و الأخر بيد الله
ولكن يجب علينا السعى .

هنكمل باقى الكلام عن الابر التفجيريه:

الابرة التفجيرية تستخدم للمساعدة على زيادة حجم الحويصلة من حول البويضة و
التي تساهم في خروج البويضة او انفجارها كما هو شائع ليساعدها على التلقيح و
حدوث الحمل

و بالتالي فيتم اخذها اذا ما كانت حجم البويضة من 18-19 ملم الحد الاقصى 20
ملم علما ان الحجم المناسب و الممتاز للبويضة هو 25 ملم و يمكن ان يحدث الحمل
بحجم بويضة اقل من ذلك و لا يزيد عن 26 ملم مع استخدام المنشطات

عمل الابرة التفجيرية باختصار فهو كالتالى :

خلال الدورة الشهرية يعمل هرمون LH بالتعاون مع هرمون FSH على المساعدة
النهائية في نضوج الجريبات المحتوية على البويضات وخلال منتصف الدورة MID
CYCLE يحدث ارتفاع مفاجيء لهرمون LH يعرف بLH surgeمما يؤدي الى حدوث انفجار
الجريب الذي يحتوي على البويضة وانطلاقها خلال 12-24ساعة من هذا الارتفاع
المفاجيء في مستويات الهرمون ....وبما ان هرمون الHCG ( الموجود في الابر
التفجيرية الدوائية )مشابه ويعمل عن التعويض عن هرمون LH لذلك يستخدم هنا
كعلاج وابرة تفجيرية لانطلاق البويضة في المرحلة النهايئة وبعد التوقف من اخر
جرعة من الابر المنشطة ...وايضا يحتوي هذا الدواء على نسب بسيطة من هرمون
الFSH الا ان تاثيره الغالب هو المشابه لتاثير هرمون LHاو لاحتوائه على
مركبات الLH

بالتصوير و متابعة الاباضة بعد اخذ الابرة التفجيرية فعادة تحدث الاباضة خلال
36 ساعة من اخذها ...
ويجب ان يكون الجماع خلالها كل يومين او يوم حسب حالة الزوج و راي الطبيب...
لان البويضة تعيش 24ساعة بينما الحيونات المنوية تستطيع البقاء حية لمدة تصل من الى72ساعة
او حتى الى 5ايام في بعض الحالات
لنسبة لموضوع تحليل الحمل:

عايزين نتكلم فيه شويه
بالنسبة للى بياخدوا الأبرة التفجيرية ياريت مش يحللو ابدا قبل ما يمر 16 يوم
اقولكم ليه ... لأن الدورة بتنزل فى الغالب بعد 16 يوم من الابرة
((يومان كحد أقصى لنزول البويضة + 14 يوم بعد انطلاق البويضة = 16 يوم ))
لما يعدى ال16 يوم دول نبدأنفكر نروح نعمل تحليل ...
وتانى سبب ان مفعول الابرة التفجيرية بيروح بعد 14 يوم اذا كانت بقوة 10000 وحدة ,
وبعد 10 ايام اذا كانت 5000 وحدة ,
لأن الابرة ده فيها هرمون يشبه هرمون الحمل
فلو استعجلنا فى التحليل ممكن يبان حمل و نفرح ونفرح اللى حوالينا
وبعدين ننصدم وخصوصا اذا كان تحليل حمل عادى وليس التحليل الدقيق ...
عارفة ان صبرنا بيبقى قليل لكن صدقونى الأستعجال مش هيغير حاجة من النتيجة
كل اللى هينوبنا الشكشكة من الأبر و غرامة الفلوس ده غير كسفتنا قدام أزواجنا
خصوصا اذا كانوا مش راضين عن التحليل قبل موعد الدورة .

أما اللى مش بياخدوا الابرة التفجيرية ومش بيتابعوا التبويض
وبالتالى مش عارفين البويضة خرجت امتى ..
اذا دورتهم منتظمه بدقة يحللوا بعد تأخرها بيوم أو يومين ,
ولو مش منتظمة يبقوا يصبروا اسبوع أو أكتر
ملحوظة .. ممكن يبان الحمل قبل كده وخصوصا ان مفيش أبرة تفجيرية هتأثر على نتيجة التحليل
ولكن كما سبق وقلت الأنتظار أفضل حتى نقطع الشك باليقين