لاصوص ديال الكسكس إلا شاطت لوحي فيها بطاطا مقشرة أأطراف حتى تصلق و طحني كلشي و ها صوبة واجدة في دقائق و كذالك مفيدة بزاف.وحدة أخرى تفكرتها تاني ههه
لاصوص ديال الرفيسة إلى شاطت ,كنرمي الشعرية أو لسان الطير كتجي غزالة منسمة بالعطرية والسمن.قبلوا علي
الخميرة الكيماوية إلا سالا ليها تاريخ الصلاحية ما كنرميهاش كنعملها مع مسحوق التصبين في الة التصبين للحوايج البيضين و الخوامي كخرجو نقيين بزاف


بالنسبة لقشور الحامض كيف كتعرف جميع كنحك القشرة باش نستعملها فالحلويات ونعصر اللب تم كناخد هديك الجلدة لي كتبقى من العصير كنجمعها فالبلاستيك ونحتافض بها فالمجمد وملي نبغيو نبخر شي حاجة كناخد جلدة ونرميوها فالماء بيش متكحالش البرمة كتبقى بايضة ومنحتاجوش نبقاو نحكو فيها ملي نساليو الطياب كتبقى بايضة مكتكحالش


إلى تقادى تاريخ ديال لركول الكحول منرموهش نمسحو به تلفازة _ زاج _ pc _كيولو يشعلو
بالنسبة للصودا والخل إلى تقاد لهم تاريخ كنحيد بهم دهون لكتكون فوق و حد البوطة كنرش صودا وندير عليها الخل ونخلها مدة ونحكها
منين تسلقو روز مترموش لما ديلو دريه فقرعة فثلاجة ومنين تبغي دري ورقة بسطيلة عجنيها به هكدا كاع متقطعش
إوا قبلو علي حتى نفكر شي حاجة أخرى

إلى درتي كسكس بزاف وشاطلك ومابغتيس دريه سكوك مع البن
دهنيه بالزبدة بزايد ودريه فطبسيل وزوقيه بالوز وقرفة وسكر وبيض وهاهو ولا سفة لكوتي مع براد أتاي

باش ميكحالكش نعناع فالثلاجة دريه فورق لكنشفو به زيت ولويه فيه وعاد دريه فبلاستيكة

من تسلالك القراعي دزاج ديال مربى أو مطيشة متميهمش غسليهم مزيان وستعمليهم لتخزين الأعشاب المنسمة اليابسة بحا ل زعتر ـ لويزة ـ رند ـ .....

من تخوي الطن من حك ديالو مترميش زيت خبيها فقرعة دزاج ونسمي بها الباييلا

من تكون عندك مطيشة بزايد قشريها وقسميها على 4 ودريها طيب مزيا من بعد طحنيها فلألة ليدوية ورديها للطنجرة وزيدي عليها ملحة لكافية وتحميرة وبزار وزيت ورديها طيب مرة 2 ومن تشوفيها شوي نشفت كوبيها وهي سخونة فقريعات زاج وسديهم مزيان باش ميدخلش لهو ى وقلبيها على غطاية ديالها ودريها فمكان مظلم تحت بوطاجي مثلا وكل ماجبتي قرعة باش تستعمليها دريها فالثلاجة

من يبقالك المرق تاع كسكس مترميهش قلي رز فشوي زيت وضس ثوم وكوبي عليه مرق وزيدي ملحة حسب الحاجة ومن يغلى نقسي لعافية وها عشيوة واجدة


من تشري حب الملوك حيديلو الأغصان ديولو وغسليهم ونشفهم مزيان وأستعمليهم لتزيين حلويات لكتكون على شكل فواكه

لغلاقة نتاع شمبوان لأوفال غسليها وستعمليها بحال مرشم تاع حلوة


إلى كنتي عكزانا باش توجدي لكوتي من تعجني فصباح حيدي شي كرة تاع لعجينة دلخبز وحتافظي بها فالثللجة وفلعشية إجبديها كرصيها غتكون خمرات وقطعيها مربعات وقليهم وهالبطبوط عندك واجد


إلى كانت فخاطرك مونادا ومقدتيش تشربيها حيت فيها الغاز بزاف دري فيها قطعة ديال الخبز غادي تشرب الغاز كامل لفالكاس

لمعلقات لكيكونو فالقابسة تاع السيرو متلوحيهمش ستعمليهم فقيريعات العطرية وهكد غتفاداي توسخي الملحة سكينجبير بتحميرة وزعفران ...............

إلى كنتي مسافرة وكان عندك المأكولات فالكنجيلاتور وخفتي يكون تقطع الكهرباء وكلش داب وولا جمد ونتي معرفاش غتخدي كاس ديال لماء ولونيه ودريه يجمد من بعد حيديه من لكاس وولي رجعيه فشي بلاسيكة إلى كان ضوء تقطع مدة طويلة غتلقاي ماء ملون مبقاش فشكلو هكدا غتعرفي واش الحويجات فسدو إلى لكاس بقى هو هو يعني كلش راه مزيان



لخنشة ديال أرز أوسميدة غلفيها بشي ثوب ودري فها الخبز كيبقى رطب

إلى كان عندك حب لملوك بكثرة غسليه ودري عليهه سنيدة وبيتيه فثلاجة ولغد ليه دريه فوق العافية مهيلة حتى يطيب مع تحراك مرة مرة ويولي مربى بصحة وراحة كيجي هائل


مني تسالي ليك لبواطة تاع معجون غسل الاواني بحال oni ماتلوحيش لغلاقة
ستعمليها كقطاعة تنفعك في البينيي البطبوط الحرشة الشوصون و غيرها
و كل مرة شري حجم مختلف باش يولي عندك قطاعات دائرية من كل الاحجا


انا هوايتي هي الشمع
و غنعطيكم بعض الملاحطات
اولا غتشريو الباكية العادية تاع الشمع الابيض راها رخيصة
مول الحانوت تيحسابليه واش غادا لشي سيد هههههههه
غتدوزي لعند مول المكتبة غتشري علبة اقلام التلوين تاع الشمع
راه غير ب 3dh واقيلا
الشمع تنحيدو ليه الفتيلة و ندوبوه في baim marie و نقسمو طريف من لون اللي ببغينا
و نزيدوه يدوب مع الشمع الابيض غيتلون
تم نغسلو البيضة من الداخل و نحيدو ليها واحد القشرة كتكون لداخل
و ندهنوها بالزيت و نوقفوها فشي كاس و نكبو فيها الشمع و نخشيو الفتيلة
مني تقصاح نقشروها


بالنسبة لعلب الطون الفارغة واش صحية فالاستعمال او لا هاد القضية في الاول فكرت فيها و بحثت عنها في الانترنيت
و وجدت انه لا خوف من استعمال داك الحكاك ديال المعلبات في الفرن
لانه اصلا هما صانعينهم باش يتحملو درجات حرارة ما تصوريهاش على بالك
بحيت انهم تيعرضو هادوك العلب و في قلبهم الماكلة الى درجة حرارة عالية جدا اتنااء التصنيع بغية تعقيمها