الفقاص بالشكلاط المقادير + الطريقة كيلو كاوكاو محمر مزيان كناخدوه نفرشوه فوق طاولة العمل ونهرمشوه مزيان بالدلاك ونحتفظوا به جانبا نأخد شي اناء ديال زجاج يكون كبير ونديرو فيه نصف كيلو من عجينة تمر تباع جاهزة نمعسوها جيدا تم نزيدو عليها رابعة ديال الكوك مطحون مزيان نخلطوهم جيدا تم نجمعو الخليط بكيلو شكلاط من نوع الجيد يكون دايب في حمام مريم بسرعة وبخفة يد ناخذو ورق الومنيوم نفرشوه فوق طاولة العمل ونصوبو رولو من العجين نحطوه فوق الورق لي فرشنا ونغطيوه بالالومنيوم ونروليوه مزيان ونسدو جناب ملي نصاوبو الرولوات كاملين ندخلوهم للمجمد واحد 3 ساعات باش يبردو ثم نخرجوهم وناخدو موس يكون حاد ونقطعوا رولوات بحال طريقة لي كانقطعو بها الفقاص العادي و نخليوه بلالومنيوم ديالو ميتحيدش ليه باش يبقى زوين في ديكور ويبردش الكاوكاو يبقى مكرمل نتمنى نكون بسطت ليكم المقادير و سمحوا ليا الى طولت عليكم