لكيش بالطون

المقادير على حسب الكمية

طريقة العجين :

كنخلط 2 كيسان الطحين مع بيضة وحدة ،معلقة سكر سنيدة ،ربع كاس زيت ،رشة ملح،رشة قليلة من الخميرة، معلقة زعتر كنعجن العناصر كلها مع بعض بالقليل من الما ثم نخليها ترتاح شوية ومن بعد نفردها ونشكلها فالقوالب الصغيرة تكون مدهونة بالزبدة ونضغط عليها بالاصابع مزيان ونتقبها بالفرشيط باش ماتنفخش ثم ندخلها للفرن طيب

طريقة الحشوة :

كنقطع 2 بصلات مع 4 حبات الفلفلة ورشة من الابزار والتحميرة والملح والخرقوم والقليل من الزيت ونشحرهم مزيان حتى تدبل البصلة والفلفلة
من بعد ماطاب العجين كنوضع فيه طبقة الاولى من حشوة الفلفلة والبصلة ثم زيتون اخضر مقطع ثم الطون الزيت مصفي ثم نضيف عليهم من الفوق البيض مخفوق مع رشة ملح والابزار واخيرا نضيف الجبن محكوك وندخلهم للفرن حتى يتحمرو ونقدمهم بالصحة والراحة .