اليوم في حديث ومغزل مع سناء الزعيم قدمو لينا مستميعاتنا اللي فرحنا بسماع صوتهم لأول مرة على أصوات مجموعة من الشهيوات لتحضير الخبز بالمنزل و هذه البعض منها:

* حكيمة من سوق السبت : الخبز بزريعة الكتان // القمح مغسول و منقي مزيان كنجمعوه مع الخميرة و الماء ثم كنضيفو الصوجا و ايلان و زريعة الكتان و الخميرة البلدية مخلطين و ناخذو منهم 2 معالق كبار نضيفوهم للعجين ثم نخليوه يخمر و نكرصوه و ندخلوه للفرن .

* عائشة من تارودانت : الخبز بالبصل و الكامون // الشعير بالنخالة ديالو ، بصلة مشلظة خضراء ، الكامون حبوب ، ملح ، ابزار ، الزيت البلدية ، كنجمعو الكل مزيان ثم نصنعو كويرات نطيبوهم في المقلا الثقيلة و منين نقدموه نرشو بزيت العود .

* أم فاطمة الزهراء من اسفي : الخبز لمشاكل الهضم   // حفنة من الشعير و القمح والطحين و خميرة ديال الدار البلدية ، الحبة السوداء ، الكامون حبوب أو مدقوق ، 2معالق كبار من خل التفاح ، 2 معالق من زيت العود ، نخلطو الكل و نخليوه يخمر ثم نطيبوه في الفرن .

- الخبز لضعف الشهية : نخلطو جميع أنواع الحبوب و القمح ، الزنجلان ، زريعة الكتان ، النافع والزعتر و معلقة ديال الحلبة مدقوقة ، نعجنو الخبز ونطيبوه في الفرن ونقدموه للأطفال فهو صالح لفتح الشهية عند الأطفال.

* نزهة من الجديدة : الخبز بايلان للأطفال فاقدي الشهية // 2 معالق من ايلان منقي و محمر و مطحون في الخبز ديال القمح بالنخالة ديالو و نكرصوه و نطيبوه ثم نقدموه في الوجبات .

* أم ليليا من الدار البيضاء : الخبز بالنافع // 2 زلافات من القمح مطحون ، 2 معالق الخميرة ، 2 زلافات ونصف ماء دافئ ، معلقة من الملح ، نجمعو الكل و نخليوه يرتاح مدة 10 دقائق ثم نضيفو 3 الزلافات ديال القمح و نصف زلافة ديال زيت العود و نعجنوهم ثم نزيدو النافع و الكركاع و الزبيب أو التمر و ندهنو بأصفر بيضة بلدية مع رشة من الزنجلان ثم نطيبوه ونقدموه بالصحة و الراحة.

اليوم في حديث ومغزل مع سناء الزعيم قدمو لينا المستمعات مجموعة من الطرق لتحضير السمن بالبيت و هذه البعض منها :

 * فاطمة من بنجرير : نروبو الحليب حتى يدير الفرارة من الفوق ، ونبقاو نمخضو فيه بالماء البارد أو سخون حسب الفرارة واش ثقيلة أو خفيفة.

* فاطمة من خنيفرة : نخلطو الزبدة البلدية بالزعتر و الملح و يتعركو باليد مزيان حتى يتدلك أو يتعجن و هاهو جاهز.

* عيشة من مراكش: 2كيلو من الزبدة ندلكوها مزيان مع الملح و نزيدو ليها "أزوكني" أي الزعيترة أو الزعتر حسب الاختيار ، و في بلاستيكة نوضعوهم حتى يطلع الماء لمدة 4 أيام ثم تخوى العلبة حتى ينشف منها و هاهو السمن جاهز.

* أمينة من أوريكا : الزبدة تعجن مزيان حتى نحيدو الماء ثم نيضيفو الزعيترة و الملح و نغليوها و نحيدو الفرارة ثم نصفيو بزيف حياتي ثم نحافظو عليه في قرعة خارج الثلاجة.

 

اليوم في حديث ومغزل مع سناء الزعيم خصصنا هاد الحصة لشهيوات مختلفة لتحضير الفقاص و مستمعاتنا كيف العادة كانو في الموعد وتحفونا بشهيوات مختلفة لتحضير الفقاص و هذه البعض منها:

* دنيا من أحفير : فقاص حلو بالكاوكاو // 4 البيضات ، 4الخمارات حمرين ، 2كيسان سنيدة ، 2كيسان الزيت ، نخلطو الكل ثم نضيفو الدقيق حسب الحاجة حتى تجمع العجين ثم نفصلوها الى كويرات ونورقوها وندهنو الوجه بالمربى و ندردرو الكاوكاو ثم تلوى على شكل كوميرات وندخلوها للفرن حتى تبرد وندهنو بالمربى و ندردرو الكاوكاو مرة أخرى ونقطعوها طريفات صغار.

* مريم من العيون : فقاص حار // 4 الفرماجات ، 4البيضات ، 2خمارات حمرين ، 3 الكيسان و نصف ماء دافئ ، 3الكيسان و نصف ديال زيت المائدة ، 1معلقة زنجلان محمر و مطحون و الدقيق حسب الاختيار و الهريسة كذلك .

نجمعو الكل بالدقيق ونفرقو العجين الى كويرات ثم نحربلوه ، نحضرو قهوة سريعة الذوبان مع الماء و نبداو نتكو هاد الحريبلات بفورشيط ثم ندخلوهم للفرن باش يطيبو نصف طيبة ، ثم نغطيوهم بفوطة فازكة حتى يبردو و نقطعوهم و ندخلوهم مجددا للفرن يكملو الطيبة.

* رشيدة من اسفي: فقاص مالح// 2 فرماجات مربعين ، كأس زيت ، 2 معالق كبار ديال الهريسة و معلقة الموطارد ، 2خمارات ، 2بيضات ، كأس ماء بارد ، ضامة البنة ديال الغنمي ، ضرس ثومة محكوكة، معلقة كبيرة من الربيع مخلط ، 1معلقة كبيرة مطيشة الحك ، ملح ، تحميرة ، دقيق حسب الخليط ، في قصرية نجمعو الكل بالطحين و نجمعوها على شكل حريبلات رقاق و ندخلوهم للفرن يطيبو نصف طيبة ، فاش يبردو نقطعوهم بالمقص على شكل كويرات وندخلوهم للفرن حتى يتحمرو وهاهما واجدين .

* سناء من فاس : فقاص مالح بالبصلة و الهريسة// كأس زبدة مذوبة ، كأس زيت ، كأس معدنوس ، كأس بصلة محكوكة ، 1بيضة ، نصف خمارة ، 2 فرماجات ، ضامة البقري ، نصف معلقة صغيرة من الابزار ، معلقة صغيرة هريسة أو سودانية ، ملح ، الفرص حسب الحاجة .

نجمعو العجين و نلويوها حريبلات و نديروهم في المبرد ثم فاش تطلق العجينة نقطعوها و ندخلوها للفرن حتى تتحمر .

- و قدمات لينا الاخت سناء وصفة ثانية للفقاص الحلو : رابعة الزبدة ، رابعة السكر كلاصي ، رابعة اللوز أخضر مقطع ، 4البيضات ، 1خمارة حمراء ، 2 فانيلا  ، نجمعو الكل على شكل حريبلات ثم نوضعوهم في المبرد و نقطعوهم ثم ندخلوهم للفرن و نطيبوهم في الفرن .

* نادية من الدار البيضاء : فقاص بلدي // 7 البيضات ، 3فانيلا ، 3 خمارات ، 3كيسان زيت ، 3 معالق سنيدة ، معلقة كبيرة من النافع وحبة حلاوة ، حفنة ديال اللوز وكل لوزة مقسومة على أربع قطع ، الدقيق حسب الخليط ثم نعملو كويرات بالعجين و ندهنو الوجه بأصفر بيضة و قهوة سريعة الذوبان ثم نطيبوهم و نقطعوه و نرجعوه يتحمر من جديد في الفرن.

* نعيمة من زاكورة : فقاص بالكاشير و الفرماج والحار // رابعة من الدقيق ، فرماجة واحدة ، 2معالق كبار زبدة ، ملح ، فرماج  أحمر محكوك ونجمعو بالحليب ثم نورقوها ، نحكو الكاشير الحار من فوق العجين و الفرماج ثم نطويو العجين بشكل دائري و نقطعو بالسكين ونلويوه بالسلوفان ونديروه في المجمد ثم نستفوهم في لاطة و ندخلوه للفرن.

اليوم في حديث ومغزل مع سناء الزعيم خصصنا هاد الحصة الصباحية لشهيوات مختلفة للشوفلور وطرق تحضيره من طرف مجموعة من المستمعات اللي متعونا و استمتعنا بسماع صوتهم لأول مرة و هذه بعض الشهيوات:

* رشيدة من أكادير : الشوفلور مقلي // نغليو الماء ثم نسلقو الشوفلور نصف سلقة.

أصفر بيضة نطربوه مع الكامون و الملح و الابزار ثم نرقدو فيه أطراف الشوفلور ثم ندوزوهم في الطحين و نقليوه وممكن مصاحبته مع أطباق متنوعة كالسمك.

* رشيدة من كلموس : الشوفلور في الفرن // نسلقو الشوفلور نصف سلقة مع الثومة و ورقة سيدنا موسى و شوية الملح ، ثم نصفيوه و نوضعوه في مول و نضيفو ليه البيشاميل و نرشو بالفرماج محكوك و ندخلوه للفرن حتى يتحمر و نقدموه بالصحة و الراحة.

* أم فهد من البيضاء : الشوفلور مشرمل // نسلقو الشوفلور نصف سلقة ثم نجمعو شرمولة ديال الحوت ونوضعو فيها الشوفلور ثم نطربو 2 بيضات و نغمسو فيهم أطراف الشوفلور و ممكن نقليوه أو نحمروه في الفرن و نقدموه بالصحة و الراحة.

* غزلان من فرنسا : طاجين الشوفلور // نطيبو اللحم كيف العادة مع العطرية اللي كتستعمل كل امرأة و نخليوه يتقلى مزيان ، وفي الأخير نضيفو الشوفلور لأنه ما كيحتاجش للطبخ بزاف و ندردرو على الوجه الربيع و الحامض مصير و شوية الزيت بلدية و نخليو الطاجين يتشرب لينا مزيان و نقدموه بالصحة و الراحة.

* صالحة من الرباط: الشوفلور مرقد و محمض// نعقمو قراعي ديال الزجاج .

الشوفلور مقطع أو على شكل شجيرات و كل قرعة نعمروها بالماء للنصف ثم نعصرو فيها حامضة و شوية الملح و الخل حسب الاختيار و الزيت البلدية و نشدوهم مزيان و نوضعوهم في مكان بارد مافيهش الضوء وممكن نخليوهم لمدة أسبوع كما يمكن استعمال نفس الوصفة لترقاد أي نوع من الخضر.

اليوم في حديث ومغزل مع سناء الزعيم قدمو لينا المستمعات اللي سعدونا بسماع صوتهم لأول مرة وتحفونا بمجموعة من الوصفات للحامض و بأفكار مختلفة وهذه بعض هذه الشهيوات:

* ألما من مدينة وجدة : طاجين ديال الدجاج مقلي مع الحامض // 2 دجاجات متوسطات الحجم ، معلقة سكينجبير ، زعفران ، بصلة ، ضامة البنة ديال الدجاج ، ثومة ، 2معالق كبار من القزبر و المعدنوس ، نصف كأس من زيت العود وزيت المائدة ، ابزار ، زيتون أحمر و حامضة مصيرة و مقطعة .

كنشرملو الدجاج مزيان بالعطرية ثم نرويو بالماء و نخليو الدجاج يطيب لينا ثم نضيفو الزيتون و الحامض و نخليوه يتقلى مزيان ثم نقدموه بالصحة و الراحة.

* زينب من البيضاء : طارطا ديال الحامض // 200 غرام من الدقيق ، 100 غرام زبدة ، 30 غرام سكر كلاصي كنجمعو العجينة بأصفر بيضة و الا اقتضى الأمر ممكن نضيفو الحليب حتى تجمع لينا العجين و نخليوها ترتاح نصف ساعة في الثلاجة ثم ندلكوها و نفرشوها في مول الطورطات كيدخل للفرن .

الكريمة : حامضة محكوكة و معصرة ، 3 معالق كبار سنيدة ، 2 كيسان و نصف ديال الحليب ، 2معالق مايزينا ، 2أصفر بيضة ، نحركو الكل حتى يتجانسو و تعقاد الكريمة ، ثم جانبا ناخذو 4 أبيض بيض و نطلعوهم مزيان  بحال الثلج ثم نخلطوهم مع الكريمة الأولى و نعمرو بهم العجينة و ندخلوها للفرن حتى يتحمر الوجه .

* سعاد من فاس : كريمة بالحامض // نصف لتر من الحامض معصر ، زلافة كبيرة من سنيدة ، 3 أصفر بيض ، 2فانيلا و 2 معالق ديال النشا.

في كاسرونة نسخنو الحامض و نخلطو باقي المكونات في اناء اخر و نبداو نضيفو ليهم عصير الحامض اللي دفيناه ونرجعوهم في كاسرونة فوق عافية مهيلة مع التخلاط حتى تعقاد ثم ندخلوها للثلاجة و هاهي الكريمة موجودة .

وممكن ندهنو بها الكيكة ثم نزينو بخيوط الشكلاط و حبات اللوز مهرمش، كيف ممكن نفتحو الكيكة من الوسط و نعمروها بهاد الكريمة ثم نزينو الوجه بالشكلاط و الكركاع كيفما ممكن ندهنو بها وجه القريشلات أو الكريصات .

اليوم في حديث ومغزل مع سناء الزعيم وبمناسبة تأهل فريق الرجاء العالمي لنهائي كأس العالم للأندية وبفرحة الفوز خصصنا هاد الحصة الصباحية لشهيوات بخضر لونها أخضر و كانو المستمعات في الموعد بتقديمهم مجموعة من الوصفات مختلفة ولكن بخضر خضراء وهاد هي مجموع الشهيوات اللي قدمو لينا:

*رحمة من بن أحمد : البقولة أو الخبيزة // تغسل البقولة مزيان تقطر و تقطع رقيقة .

نوضعوها مباشرة في كوكوط مع الملح والثوم ، الكامون ، فلفلة حمراء ، الهريسة ، الحامض وكأس ديال الماء ، نسدو عليهم ونخليوهم يطيبو بالمهل حتى تتقلى و نزينو في الأخير بالزيتون و أطراف الحامض صغار.

* سناء من البيضاء : السبانخ مشرملين // نغسلوهم مزيان و نقطروهم و نبخروهم مع 5 فصوص ثوم ، ثم نوضعوهم في مقلاة فوق نار مهيلة مع الملح ، الابزار ، التحميرة ،الكامون ، معلقة مطيشة الحك ، الهريسة وفي الأخير الحامض مصير .

* فاطمة الزهراء من تاوجطات : الفول الأخضر مشرمل // الفول مغسول و مقطع ثم ونوضعوه غي الكسكاس يتبخر ، نوضعوه في طنجرة و نضيفو ليه الكامون ، الثومة ، الربيع ، السودانية ، زيت العود ، تحميرة ، نخليوه يشرب العطرية ثم ندعكوه  بفورشيط .

* السالكة من كلميم : بيصارة بالجلبانة الخضراء اليابسة// نغسلو الجلبانة و نضيفو طريفات من الدروة و الماء في طنجرة ثم نضيفو ملح ، كامون و الماء و نخليوها تطيب بالمهل.

* ايمان من بودربالة اقليم الحاجب : الفول الأخضر مشرمل // الفول الأخضر الطري و يستحسن يكون صغير ونبخروه في الكسكاس .

الثوم ، القزبر ، المعدنوس و الحرور حسب الاختيار ثم ندقو الشرمولة في المهراز ، ثم  في كاسرونة نوضعو مطيشة محكوكة و التحميرة و السودانية و الزعفران  والتشرميلة اللي دقينا و نخليوهم يتشحرو و نضيفو الفول ونخليو الكل يطيب فوق عافية مهيلة و نقدموه بالصحة و الراحة

* خديجة من بين الويدان: كفتة ديال البكري // ضرس ديال الثومة ، صلصة الطماطم ، كمون ، سكينجبير ، ملح وبصلة مشلظة ، نجمعو كل هاد المكونات مع الكفتة بعدما نطحنوها ثم نكورو الكفتة و نشويوها أو نطيبوها طاجين.

* خديجة من زاكورة : كفتة ديال الديك الرومي // بصلة مشلظة ، زيت مخلط ، ملح ، كمون ، ابزار ، أعواد الخرقوم ، تحميرة و الثومة و القزبر و المعدنوس و ممكن نضيفو للكفتة شوية القزبر مطحون ، ثم نكورو الكفتة كويرات صغار و ممكن نطيبوها في طاجين أو بأي شكل نبغيو.

* سعاد من الجديدة : طاجين الكفتة و الروز و الفلفلة// نفرشو في الطاجين بصلة مقطعة دوائر ، رابعة الكفتة مع شوية من الروز مسلوق،  ضرس الثومة و سكينجبير و الخرقوم و التحميرة ، ابزار ، زيت العود ، ثم نقطعو الفلفة ونكورو الكفتة و نعمرو بها دوائر البصل و نخليو الطاجين يطيب بالمهل .

* فدوى من الناظور : كفتة الغنمي مع الروز // كفتة مطحونة ثم نضيفو ليها ، الخرقوم ، سكينجبير ، ابزار ، ملح ، ثوم ، قزبر مقطع ، بصلة ، زيت مخلطة ، نخليو الكفتة حتى تشرب البنة ثم نكوروها و نخليوها  ، نطربو بيضة و نغطسو فيها كواري الكفتة ثم ندوزوها في الشابلور أو الخبز محمص ثم نقليوها في الزيت .

نسلقو الروز في الماء مع شوية السكر ثم في زلافة أو طبسيل نقدمو الروز مع كويرات الكفتة ونزينو بشرائح مطيشة و الخص و نقدمو الطبق بالصحة و الراحة. 

* رجاء من سلا : كيكة بالشكلاط // 3 البيضات ، 2خمارات فانيلا وواحدة حمراء ، كأس زيت ، كأس سنيدة و ياغورت فانيلا ، شكلاط غبرة ، كركاع مهرمش و الدقيق حسب الخليط باش يتجمع مزيان .

ندهنو المول بالزبدة ونضيفو فيه الطحين ثم نكبو الخليط و ندخلوه للفرن ، ومنين نخرجوها نسقيوها بعصير الليمون و نرشو من الفوق شكلاط شعرية بعدما نكونو دهنا الوجه بفلان الشكلاط و نزينو في الأخير بالكركاع.

* بشرى من طنجة:  كيكة بالقهوة //  في خلاط كهربائي كنوضعو فيه كل ما كنحتاجو لتحضير الكيكة ، 6 بيضات ، زلافة زيت ، زلافة سنيدة ، زلافة قهوة، 2معالق كبار من الكاوكاو ، نخلطو الكل و نزيدو زلافة ديال الطحين و 4 الخمارات ، في طاوة ندهنو بالزبدة و نرشوها بالطحين ، فاش تطيب الكيكة و تبرد ندهنوها بالياغورت بنكهة الشكلاط و اللوز مقطع .

* أم فرقان من مراكش : كيكة "Dessert"// في خلاط نوضعو 2 بيضات ، نصف كأس زيت ، نصف كأس سنيدة ،4 معالق كبار من الكاوكاو زلافة من الدقيق ، نخلطو مزيان ثم نضيفو معلقة كبيرة من القهوة سريعة الذوبان ثم ندخلوها للفرن.

الكريمة : 5 معالق كبار من حليب غبرة ، 1 ياغورت طبيعي ، 4 معالق سنيدة ، 2 فانيلا و نخلطو مزيان الكريمة ثم ندهنو بها الكيكة وهي سخونة ثم نردوها للفرن 5 دقائق ثم في الأخير نزيدو عليها الناباج "NAPPAGE" .

طريقة تحضير الناباج : 3 كؤوس ماء ، 2 فلان شكلاط ، 4 معالق سنيدة ، فانيلا ، معلقة صغيرة من القهوة سريعة الذوبان ، فوق نار مهيلة نخلطو مزيان حتى يقرب يجيب الغلية وفاش يبرد نكبوه على الكيكة و ندهنو الوجه ثم ندخلوها للثلاجة تبرد.

* باهية من البيضاء : كيكة بالفواكه // 1كأس زيت : 2بيضات ، 2ياغورت فاني ، 2خمارات ، 1كأس سنيدة ، 1حامضة محكوكة ، 2كيسان و نصف من الدقيق و الفواكه التفاح أو الاجاص حسب الموجود ،  غادي نحتاجو مول ديال الطورطات حتى ماتقطعش ، فاش تطيب لينا الكيكة و يتحمر الوجه ندهنوها بالمربى أو العسل ثم ندخلوها للفرن 2 أو 3 دقائق.

* زهرة من البيضاء : كيكة بالخضر // بطاطا ، خيزو ، كرعة ، جلبانة ، لوبيا خضراء الكل مسلوق و مصفي ، نضيفو القزبر المعدنوس ، ملح ، ابزار  تحميرة كامون  و الثومة و نزيدو عليهم 4 البيضات و 1خمارة ديال الحلوى و نخلطو الكل ، ندهنو مول بالزبدة أو الزيت و ندخلوه للفرن ، وممكن السيدة تزيد أي نوع من الخضر .

اليوم في حديث ومغزل مع سناء الزعيم قدمو لينا المستمعات مجموعة من الشهيوات و الأفكار لاستعمال الثوم من طرق لترقادها وكذلك استعمالها كدواء و هذه بعض الوصفات اللي قدمو لينا مستميعاتنا :

* أم منال من أكادير : طبق الدجاج بالثوم // في اناء نوضعو الطحين و الملح و الابزار ، ونطربو  2أبيض بيض ، نسخنو الزيت و ندوزو الدجاج في الطحين ثم أبيض البيض و نقليوهم .

نشلظو بصلة و 4 أو 5 أطراف ثوم ، ملح ، ابزار وسكينجبير عرق نحكو منه شوية ، ثم نضيفو قطع الدجاج و المعدنوس وراس ديال البرو و نخلطو الكل من بعد ناخذو 2معالق ونصف ديال الصوجا وفوق نار هادئة ، نقدموه ساخن مع الكاتشوب بالصحة والراحة.

* فتيحة من الرباط : الثومة مرقدة // يفضل تكون الثومة الحمراء تقشر و تغسل و نحيدو ليها العروق الداخلية ثم تدق في المهراز مع الملح ثم نوضعوها في قراعي معقمة .

* حنان من سطات : الثومة دواء // نصف رابعة ثومة ، رابعة من شريحة ، يتطبخو في 2 كيسان ديال الماء ثم نضيفو نصف كأس زيت العود ونخليوهم يطيبو ثم نصفيوهم .

* ماجدة من مراكش : محمصة بالثومة و فليو // 2ضروس من الثومة ، ملح ، ابزار ، خرقوم وسكينجبير ثم فليو مدقوق في المهراز ، ثم نضيفو الماء و نشدو الطنجرة من بعد نضيفو المحمصة ثم نزيدو عليها  الحليب و نقدموها بالصحة و الراحة.

* جميلة من تامنصورت : وصفة لازالة البرد و تساعد على الحمل عند السيدات // رابعة ثوم أحمر ، رابعة من الزبيب ، رابعة ديال العسل الحر و زعفران شعرة و شوية المساخن و الكوزة و الفوة ، نصف كيلو ثمر بعدما نحيدو ليه العظم و نفوروه ثم نخلطو الكل وتبدا المرأة تاكل الخليط معلقة صغيرة قبل النوم .

وهنا أكد الدكتور عماد ميزاب على ضرورة تجنب المساخن و الفوة و كذلك الكوزة و استعمال الخليط كله بدون هذه المكونات.

* أمينة من خنيفرة : ثومة غبرة // 1كيلو ثومة منقية ونحيدو القلب ديالها (العرق) ، ندقوها مزيان في المهراز مع الملح ثم نفرشوها في الميكة و نخليوها تنشف و نبدا نهرسوها ثم ندقوها من جديد في المهراز و تنحصلو على غبرة ديال الثومة و توضع في قراعي ديال الزجاج معقمة .

اليوم في حديث ومغزل مع سناء الزعيم قدمو لينا المستمعات اللي سمعنا صوتهم لأول مرة مشكوات مجموعة من الشهيوات ديال الحريرة و الشربات الساخنة  وهذه هي الشهيوات :

* زهور من وزان : حريرة وزانية // حمص ، عدس ، قزبر ، معدنوس ، كرافس ، عظام أو طريفات اللحم ، سكينجبير ، ملح ، ابزار و قرفة ، نقليو الكل مع مطيشة ثم نمرقو و نضيفو قطرة زيت ثم زنزيدو الماء و نسدو الكوكوط ، فاش يطيب لينا نضيفو مطيشة الحك و الشعرية والمحمصة ثم ندورورها بالطحين مخلط مزيان ونحركو ، نفقسو بيضة ونطربوها مزيان في زلافة ثم نزيدوها في الكوكوط في الختام نخليوهم يغليو شوية و نقدموها بالصحة و الراحة  .

* أم كاميليا من البيضاء: بركوكش // بصلة متوسطة محكوكة ، حمص مفرك ، طريفات اللحم أو الكديد يكون بايت مرقد في الماء ومقطع طريفات ، أعواد الكرافس ، عود قرفة ، ابزار ، خرقوم ، سكينجبير، زعفران حر ، نقليو الخليط و نمرقوه بالماء و نضيفو معلقة ديال السمن و نزيدو الماء و نسدو الكوكوط ، نضيفو مطيشة صغيرة مسلوقة في شوية الماء و مطحونة و مصفية ، معلقة كبيرة من مطيشة الحك ، تكريضة ديال القزبر و المعدنوس ويكون القزبر أكثر في الكمية ، نغليو الطنجرة وهي محلولة ثم نضيفو بركوكش ونحركو مزيان ونزيدو راس معلقة صغيرة ديال الكروية و شوية القزبر طري و نخليوه فوق عافية مهيلة مدة 5 دقائق و نقدموه بالصحة و الراحة.

* خديجة من زاكورة : شربة الخضر // بصلة محكوكة ، ملح ، ابزار ، سكينجبير ، نقليو الكل ثم نضيفو الماء ، ونزيدو عليها  2كرعات ، 2لفتات ، 3 خيزو ، 3 بطاطا ، 1 فلفلة حمراء حلوة ، مطيشة محكوكة ، 1زلافة ديال الربيع مقطع يكون المعدنوس كميته أكثر ، بعدما تطيب الخضرة ندوروها بشوية الشعرية و الربيع و نضيفو طريفات ديال الدجاج حسب اللي متوفر و نخليو الكل يطيب بالصحة و الراحة .

* فاطمة الزهراء من اسفي : حسوة الشعير // بصلة مقسومة على أربعة ، ملح ، كامون، ابزار ونضيفو الماء حتى يغليو مزيان ثم نضيفو نصف كيلو ديال السميدة ديال الشعير غليظة تكون مغسولة مزيان و مقطرة حتى تطيب مزيان و نضيفو 1 لتر من الحليب و شوية زيت العود .

* مريم من سطات : فتات الشطبة // نصف كيلو مطيشة محكوكة ، بصلة ، ملح ، ابزار ، سكينجبير ، تحميرة ، عرق الخرقوم ، حب رشاد ، العدس و الفول ، شوية المساخن ، الثومة ، القزبر يابس ومطحون  ، الحلبة نقليو الكل و نمرقوهم و نخليوهم يطيبو ثم نضيفو الدقيق ديال الفرص بعدما نكسكسوه و تدوري به الخليط و نخليوهم يطيبو مزيان و نزيدو السمن الحار في الأخير .

* خديجة من مراكش : حريرة بيضاء // بزيزلات الغنمي نغسلوهم و نقشروهم و نرقدوهم في الماء و الخل حتى يتحيد ليهم الرائحة ، نشلظو بصلة و شوية زيت العود و الرومية ثم نشحرو مزيان طريفات اللحم ، نصف كيلو برو ، قبطة ديال الكرافس مكرض ونخليو الكل كيغلي ، من بعد نزيدو 2 بطاطس صحاح في الطنجرة وفاش يطيب الكل نطحنوهم و نقدمو الحريرة بالصحة و الراحة.

- وقدمات لينا الأت خديجة من مراكش فكرة أخرى للحريرة البيضاء بالجلبانة اليابسة غادي نحتاجو نصف رابعة من الجلبانة اليابسة ، نصف رابعة عدس  ونرقدوهم بالليل ، بصلة مشلظة ، ضامة البنة ، كنجمعو الكل في طنجرة حتى يطيبو و نطحنوهم ثم نضيفو ابزار و حك ديال القشدة الطرية و نحركوهم حتى يخثرو و نقدموهم بالصحة و الراحة .

اليوم في حديث و مغزل مع سناء الزعيم قدمو لينا المستمعات مجموعة من الشهيوات ديال الخرشوف وهذه البعض منها :

* ماريا من الرباط : طاجين الخرشوف باللحم // بصلة ، 2ضروس ثومة ، خرقوم بلدي ، سكينجبير ، ملح ، ابزار ، نصف كأس زيت ، نقليو اللحم و نزيدو 2 الكؤوس ديال الماء و نشدو عليه .

ناخذو الخرشوف نقشروه و نغسلوه ونسلقوه في الماء و الملح ثم نقطروه و نضيفوه للحم و نزينو بالزيتون و الحامض و نخليوهم مدة 10دقائق و نقدمو الطاجين بالصحة والراحة.

* الهام من الصويرة : الخرشوف بالزيتون البلدي // 1 كيلو من لحم الماعز ، بصلة ، ربيع ، 3 ضروس ثومة ، عصير نصف حامضة ، ابزار ، سكينجبير ، ملح ، خرقوم بلدي ، زعفران حر و كأس و نصف ماء .

نقيليو اللحم مع العطرية ثم نضيفو الماء و نخليوه يطيب ثم نضيفو الخرشوف اللي غادي نكوكنو سلقناه نصف سلقة  و الزيتون البلدي .

لتنقية الخرشوف نصحات الأخت الهام بمسح اليدين بالحامض.

*سمية من ايطاليا : طاجين الخرشوف بالأرنب //  القنية مغسولة و مرقدة في الحامض ، نرقدوها في العطرية و نشلظو بصلة و نخليوها تطيب .

نسلقو الخرشوف نصف سلقة ثم نظيفوه للطنجرة و نضيفو ليهم في الأخير القرفة و سنيدة و نخليوهم يتعسلو و تقلى مزيان ونقدمو الطبق بالصحة و الراحة.

*مريم من البيضاء قدمات لينا فكرة كيفاش نقيو و نحافظو على الخرشوف ، كنوضعوه في كأس طويل به الماء باش ما يذبلش ثم نقيوه و نغسلوه و نقطروه .

وللحفاظ عليه يمسح جيدا ثم يلف في منديل كبير (زيف حياتي ) و نحتافظو به في الثلاجة لمدة شهر .

* خديجة من طنجة : طاجين الخرشوف بالقوق و الجلبانة مع لحم البكري أو الدجاج // بصلة مشلظة ، ملح ، ابزار ، سكينجبير ، زعفران الحر ، خرقوم بلدي ، زيت بلدية و رومية نقليو اللحم أو الدجاج ثم نمرقوه ، نسلقو الخرشوف نصف سلقة و القوق كذلك ثم نضيفوهم للطاجين في الأخير لأنهم ما كيتطلبوش بزاف ديال الوقت في الطياب.

* سميرة من بني ملال : ترقاد الخرشوف // نقيو الخرشوف مع مسح اليدين بالحامض ثم نقطعه على شكل مستطيلات و نغليوه في الماء فيه الخل و زيت البلدية و الملح ثم نخليوه يبرد بلا مانصفيوه .

اليوم في حديث و مغزل مع سناء الزعيم قدمو لينا المستمعات اللي متعونا بمجموعة من الوصفات لتحضير القراشل و الكرص بطرق مختلفة و سهلة و ماكتكلفش و هذه البعض منها :

* نعيمة من الدار البيضاء : قراشل // 1 كيلو فرص ، 1 كأس زيت ، 2 بيضات ، 1 خمارة ، رابعة من الزبدة ، رابعة سنيدة و حك ديال الحليب المحلى .

نخلطو الزبدة و سنيدة ثم نضيفو البيض ثم الزيت ثم الفرص و الخمارة و نجمعو الكل بالحليب ثم نعملو بهم كويرات و نوضعوهم في لاطة و نطيبوهم في الفران ديال الحومة و نقدموهم بالصحة و الراحة.

* هند من مراكش : قراشل // 2 كيلو فرص ، رابعة من سكر كلاصي ، رابعة زيت ، شوية من النافع و الزنجلان ، 2خمارات حمرين ، نصف رابعة زبدة مذوبة  و نعجنو بالماء ونعملو منهم كويرات و نخليوهم يخمرو ثم ندخلوهم للفرن .

* سارة من أفوغاغ : كريصات بالزيتون // نصف كيلو من دقيق القمح ، رابعة من الفرص ، معلقة ملح ، نصف معلقة زعتر ، نصف كأس زيت الزيتون ، 60 غرام  زيتون أسود مقطع ، 2 معالق كبار ديال الخميرة ، معلقة كبيرة سنيدة و ماء دافئ ، نجمعو الخليط و نشكلو كويرات ثم نطيبوهم في الفرن و نقدموهم بالصحة و الراحة.

*لبنى من الرشيدية : كريصات // 2 بيضات ، 2كيسان سنيدة ، 1كأس زيت ، 3الكؤوس من الحليب ، 1خمارة حمراء ، 2معالق كبار من خميرة العجينة ، 1بطاطا حلوة مسلوقة و مطحونة بالشوكة ، البسباس كارم و الزنجلان ، نخلطو كل هاد المقادير و نعجنوهم مزيان و نقطعو على شكل كريصات و ندخلوهم للفرن .

* فاطمو من خنيفرة : قراشل //  كأس و نصف من الحليب ،  كأس ونصف سنيدة ، كأس و نصف زيت ، حبة حلاوة والنافع  ، قشرة ليمونة أو حامضة ،  الخمارات ، الفرص حسب الخليط حتى يتجمع ثم نفندو الكويرات في السميدة الغليظة و نوضعوهم في لاطة مدهونة و ندخلوهم يطيبو و منقدموهم بالصحة و الراحة

*خديجة من المحاميد :قراشل //  كيلو دقيق ، كأس زيت وسنيدة ، 1خمارة ، حفنة نافع و زنجلان ، 2 معالق كبار خميرة بلدية و الماء دافئ ، كتجمع العجين في كوكوط و ندلكوها مزيان حتى يجيو مفشفشين ثم نشدو عليهم الكوكوط بدون نار ثم نصنع كويرات نضعهم في لاطة وندهنو الوجه بالبيض وندخلوهم للفرن حتى يتحمرو

*فاطمة من تطوان : كريصات بالبطاطس // نصف كيلو بطاطا مسلوقة و محكوكة ، نصف كيلو دقيق ، 2بيضات ، معلقة كبيرة من الخميرة البلدية ، 1خمارة حمراء ، 1كأس زيت ، كأس سنيدة ، 2معالق زبدة مذوبة وقرصة الملح .

اليوم في حديث ومغزل مع سناء الزعيم قدمو المستمعات اللي سمعنا صوتهم لأول مرة على أصوات و في حديث و مغزل مع سناء الزعيم مجموعة من الأفكار لتحضير الكاتشوب و مطيشة معلبة بالمنزل و هذه هي الوصفات اللي قدمو لينا مشكورات :

* فاطمة من القنيطرة : الكاتشوب // 165 غرام أي نصف كأس ماء ديال العنبة من مطيشة الحك ، معلقة صغيرة من البصلة يابسة  ، و نصف كأس ماء ، كنرقدوهم مدة ساعتين .

كنضيفو 2معالق كبار سنيدة ، ربع معلقة صغيرة ديال الموطارد ، معلقة صغيرة ديال الثومة ميبسة ، راس معلقة قرفة ، ملح ، ربع معلقة قرنفلة مطحونة ، ربع معلقة ابزار و 3 المعالق من الخل الأبيض ثم نحركو الكل باليد و نوضعو الكاتشوب في قنينات معقمة .

- وقدمات لينا الأخت فاطمة فكرة لتيباس البصلة و الثومة ،  كنقطعوها رقيقة و في كل مرة كنطيبو في الفرن  بعدما كنطفيوه وكيبقى سخون  كنوضعو فيه البصلة أو الثومة ومنين كتولي يابسة كنطحنوها و هكذا كنحصلو على البصلة ميبسة و كذلك الثومة .

وأيضا  قدمات لينا السيدة فاطمة  فكرة لتحضير الموطارد : نصف رابعة من الخردل مخلط اللي لونه غادي للأصفر و اللي اللون ديالو غادي للبني ، معلقة كبيرة من الخرقوم البلدي ، معلقة صغيرة ديال الملح ، ربع كأس ماء ، ربع كأس خل أبيض ، ثومة يابسة ، ابزار حسب الاختيار ، فوق عافية مهيلة نحركو الخليط مدة 15 دقيقة حتى يدفى ثم نخليوه يختار و نوضعوه في قراعي ديال الزجاج يكونو معقمين .

* حكيمة من خنيفرة : مطيشة ديال الحك// القشرة ديال مطيشة بكمية كبيرة نضيفو ليها الملح ، تحميرة ، زيت المائدة وفوق عافية مهيلة نوضعوهم مدة 10 دقائق ثم نطحنوها مزيان و نسموها بالزعتر أو ورقة سيدنا موسى .

* زبيدة من البيضاء : الكاتشوب الطبيعي // 1ضرس ديال الثومة ، 2حبات فلفل أخضر مقطع أطراف صغيرة ، 1 مزيودة ، 1 كأس عصير مطيشة محكوكة بلا قشرة و لا زريعة ، 2 معالق كبار زيت العود ونصف كأس ديال الماء ، ملح ، ابزار ، نصف معلقة من الخل و معلقة كبيرة ديال السنيدة .

في طنجرة نقليو الثومة و الفلفل و نضيفو الكل ماعدا الخل فوق عافية مهيلة حتى يعقد وفاش يبرد نضيفو الخل  ثم نوضعوها في قراعي معقمين .

* أمينة من الصخيرات : مطيشة ديال الحك // قشور ديال مطيشة نحافظو عليها في المبرد و نسلقوها مزيان و نطحنوها ثم نصفيوها و نديروها على النار حتى تعقد ، و نوضعوها في قراعي معقمة .

* فاطمة من البيضاء : صلصة الطماطم للبيتزا و العجائن و كذلك تستعمل في طبخ كويرات السردين  // قشور ديال مطيشة و نضيفو ليها الزعتر قبل مانوضعوها في المبرد . 

نصف كيلو مطيشة محكوكة  وقشور المطيشة ، ملح ، ابزار ، ثومة محكوكة و زعتر ، نوضعو الكل فوق نار مهيلة ثم نضيفو 2 معالق من زيت العود ثم نطحنو الكل فاش يبرد .

ندهنو القرعة بالزيت ثم نسكب فيها الصلصة حتى ماتصوفش ، وممكن الحفاظ عليها لمدة طويلة .

* أمينة من بني ملال : مطيشة الحك // 4 كيلو ديال مطيشة بلا زريعة و لا قشور نديروها في الكوكوط مع 2 معالق كبار من التحميرة و 2معلق ملح ثم نشدو عليها مدة نصف ساعة ثم نطحنوها و نخويوها في قرعة ديال الزجاج و نضيفو ليها الزيت .

شكرا لكل مستمعاتنا لتواصلهم معانا ديما على أصوات و برنامجكم حديث و مغزل مع سناء الزعيم  برنامج كل امرأة مغربية من الاثنين الى الخميس ابتداء من 10 صباحا.

اليوم في حديث و مغزل مع سنلء الزعيم قدمو لينا مستميعاتنا مجموعة من الشهيوات ديال الشكلاط و طرق تحضيره و هذه البعض منها :

* رباب من البيضاء : شكلاط للدهن // 8 دراهم شكلاط ، كأس الحليب ، 2خنيشات بشكيطو ، كأس صغير من زيت المائدة ، نوضعو الحليب في حمام مريم ثم نضيفو الشكلاط و البشكيطو حتى يذوب ثم نوضعوه في علب معقمة .

* عائشة من مراكش : كيكة الشكلاط // رابعة الشكلاط نذوبوه في حمام مريم ، 200 غرام لوز محمر في الفرن ، 200 غرام كركاع ، 200 غرام زبيب ، الفواكه المعلبة و المعسلة بالألوان ، نخلطو الكل مع الشكلاط ثم نوضعوه في قالب طويل و نغطيوه بالميكة ثم ندخلوه للمبرد ونقدمو الكيكة بالصحة و الراحة  .

* أمينة من وجدة : شكلاط الدهن // 75 غرام شكلاط غبرة ، رابعة ديال زبدة الماركرين ، كأس قهوة سريعة الذوبان ،كأس زيت ، نصف رابعة سنيدة ، 2 دراهم شكلاط أسود ( 10 المربعات ) و بيضة .

نخلطو الكل في اناء على نار مهيلة حتى يغلي ماعدا البيضة ثم فاش يبرد الخليط نضيفو البيضة و نخلطو في الخلاط الكهربائي ثم نوضعو الخليط في قنينات معقمة .

* عائشة من الصويرة : شكلاط للدهن // رابعة من الزبدة ، كأس صغير ديال سنيدة ، 1كأس شكلاط الغبرة ، 10 المربعات من الشكلاط الأسود ، معلقة صغيرة من القهوة سريعة الذوبان ، بيضة وكأس ديال الزيت .

في كاسرونة نوضعو الكل فوق نار مهيلة حتى يذوب الكل ثم نوضعوهم في قنينات معقمة بعدما ندهنوهم بالزبدة .

* مريم من مراكش : كيفية تحضير قطع من الشكلاط// 100غرام من غبرة الشكلاط وكأس الحليب كنذوبوهم في حمام مريم و كنخلطو مزيان و نحيدوهم من فوق العافية ثم نضيفو ليه 50 غرام من الزبيب ، 50 غرام ثمر ، 60 غرام كركاع مهرمش ، 60 غرام لوز مقلي و مهرمش ، 3 النقاط من الروح ديال اللوز ، 2 معالق صغار من سنيدة ، كنخلطو الكل و كنوضعوهم في علبة المثلجات اللي كتكون في الثلاجة على شكل مربعات و كندخلوه للمبرد مدة 4 حتى 5 ساعات

اليوم في حديث ومغزل مع سناء الزعيم قدمو لينا المستمعات اللي سمعنا صوتهم لأول مرة في حديث و مغزل مع سناء الزعيم  مجموعة من الشهيوات للسفرجل وهذه البعض منها :

* خديجة من الدار البيضاء : مربى السفرجل // 1 كيلو سفرجل مغسول و مقطع طريفات و نضيفو كأس ديال الماء و حامضة معصرة و نخليو الكل يطيب لينا بالمهل و في الأخير نزيدو السنيدة و نخليو المربى حتى يتخثر و نطفيو عليه من البوطة ثم نطحنوه ونخليوه يبرد و نوضعوه في قنينات زجاجية معقمة و نضعه في المبرد .

* فريدة من الناظور : طريقة لترقاد السفرجل و يبقى مدة 6 أشهر حتى لسنة واحدة // سفرجل مقسوم على زوج مفلح من الوجه على شكل علامة (+) ثم نستفوه في اناء زجاجي و نضيفو زلافة ديال سنيدة و نعوموه بالماء و ناخذو كدرة أو طنجرة فيها الماء ونوضعوها على نار هادئة ( حمام مريم ) ونضيفو ليها الطنجرة ديال طريفات السفرجل و نخليوهم يطيبو مدة 45 دقيقة من بعد كنغطيو مزيان بالسلوفان و بغطاء وفاش كيبرد كنوضعوه جانبا في مكان بارد دون الثلاجة و جاف وممكن الحفاظ عليه مابين 6 الى 12 شهرا .

* حسناء من بركان : حلوى ديال السفرجل // 1 كيلو سفرجل مقطع مربعات ، القشور و اللب نوضعوهم في ثوب نقي و نسلقوهم مع السفرجل ثم نمعكوه بالشوكة و نوضعوه في مقلا مع نصف كيلو ديال سنيدة و نعسلوه مزيان ثم نسرحوه في صينية و ندخلوه للمبرد لمدة ساعتين ، و نقطعوه بالمرشم على أشكال مختلفة ثم نفندوها في اللوز و الكاكاو و الكوكو مهرمشين و نقدموهم بالصحة و الراحة .

*الهام من الجديدة : طاجين السفرجل معسل // ممكن نخضرو هاد الطاجين باللحم أو الدجاج أو الأرنب ( قنية ) .

- العطرية : ابزار ، سكينجبير ، خرقوم ، ثومة ، بصل ، زعفران و الملح ، نشحرو الكل سواء مع اللحم أو الدجاج أو الأرنب و نخليو الكل يطيب بالمهل .

- السفرجل ، نسلقوه مع الماء و القرفة و السنيدة ثم ندعكوه حتى يولي مطحون مزيان و نضيفو ليه الزبيب اللي كان مرقد في ماء الزهر و مقطع صغير و ندعكو الخليط مزيان و نضيفو القرنفل و الكوزة و الزنجلان محمر و مطحون ثم نخلطو مع السفرجل اللي معكناه و نديرو كويرات و نفندوه في الزنجلان و نزينو به الطبق الرئيسي و نقدموه بالصحة و الراحة و هذه  فكرة مختلفة في تقديم السفرجل معسل في الطاجين المغربي .

* نعيمة من سلا : طاجين السفرجل // كيلو و نصف من لحم الغنمي ، بصلة مشلظة ، ملح ، قزبر حبوب ، شوية السمن الحار ، الابزار ، ثومة ، سكيينجبير ، خرقوم  وأعواد القرفة في الأخير .

 - السفرجل نسلقوه حتى يقرب يطيب و نقطروه مزيان.
 نحكو مطيشة و نضيفو الثومة ومنين كيتشحرو مزيان كنضيفو معلقة ديال السنيدة و نخليوها تعسل ، نحيدو اللب للسفرجل و كنعمروه بمطيشة معسلة ونزينو به الطبق فوق اللحم و نقدموه بالصحة و الراحة .

* فاطمة من تاونات : طاجين بالسفرجل مقلي // نصبو الطاجين ديال اللحم بالسمن و زيت العود و العطرية .

نسلقو السفرجل في الماء و طرف ديال الحامض ونخليوه يقطر مزيان قبل القلي و نفندوه في سنيدة و القرفة وفنيلا ، ثم في مقلا فيها زيت سخون نقليو السفرجل ثم نقدموه في الطاجين ديال اللحم و نوضعو كركاعة فوق كل سفرجلة و نقدموه بالصحة و الراحة

اليوم في حديث و مغزل مع سناء الزعيم قدمو لينا المستمعات مجموعة من الشهيوات ديال البيتزا و طرق تحضير العجين و هذه هي الشهيوات اللي اقتارحوها علينا مستمعاتنا الوفيات :

* مريم من الرباط : بيتزا بالطون :

العجين : رابعة فرص ، الملح ، الخميرة ، زبدة و الحليب اللي غادي نجمعو به الخليط ثم نغطيوها و نخليوها تخمر نصف ساعة.

الصلصة : 2 معالق كبار من مطيشة الحك و شوية الملح و الابزار ، بصلة مقطعة شرائح و فلفلة مقطعة شرائح ، نسلقو البصلة و الفلفلة في ماء فيه الابزار .نطيبو العجينة نصف طيبة ثم نزيدو عليها الحشوة مع الفطر و الطون و الزيتون الكحل من الفوق .

*رقية من أكادير : بيتزا بالقمرون :

العجين : زلافة و نصف فرص ، الخميرة ، زعتر ، زيت العود و الملح ، نجمعو هاد المكونات بالماء الدافئ و نخليوها تخمر .

الصلصة : حك المطيشة ، ملح ، زيت العود و نطيبوهم فوق عافية مهيلة .

نخلطو القمرون مع شوية الملح و الابزار و الكمون و بيضة مطربة و نضيفو الفرماج وندخلو البيتزا للفرن تطيب .

* نادية من تطوان : بيتزا بالكفتة :

العجين : طحين ، زيت بلدية ، خميرة الخبز و الحليب باش نجمعوها و نخليوها تخمر .

الصلصة : بصل ، ابزار ، ملح ، زيت ، شوية الكوزة ، الكفتة ، ورقة سيدنا موسى ، زعتر و مطيشة الحك و نجمعو الكل فوق عافية مهيلة.

نطلقو العجينة و نتكوها بشوكة ونخليوها تطيب نصف طيبة ثم نضيفو الحشوة و نرشو بالفرماج و نقدموها بالصحة و الراحة.

* لمياء من أكادير : عجين البيتزا و صلصة تدوم مدة طويلة //

العجين : الفرص أو الدقيق الأصفر بحال السميدة ، بيضة ، زبدة ، خميرة بلدية ، زيت العود ، زعتر مطحون ، ملح و نعجنوها بالحليب ثم ندلكوها مزيان و نوضعوها في بلاستيك حتى يتضاعف الحجم ديالها و نقسموها و ناخذو اللي غادي نستعملو و الباقي نوضعوه في المبرد .

الصلصة : 2بصلات ، مطيشة صغيرة أو عادية ، أوراق سيدنا موسى ، الكمون ، سكينجبير ، زعتر  و الابزار ، نخليو الصلصة تطيب مزيان ثم نحكو مطيشة على جنب مع البصل و نخلطو الكل مع شوية الملح و الابزار و التحميرة و زيت العود و شوية من مطيشة الحك ونخليوها حتى تبغي السيدة استعمالها و الا بغات السيدة الحفاظ على هذه الصلصة في المبرد فلا داعي لزيادة الطماطم المعلبة .

ثم كنضيفو الكلمار مقطع صغير و الفرماج الأحمر محكوك و الموتزاريلا و ندخلوها للفرن .

* أم ادم من بني ملال : بيتزا بالفلفلفة و العجين باللبن //

العجين : رابعة ديال الدقيق ، نصف معلقة من الخل ، زيت العود ، ملح ، كامون أو الزعتر ، نصف معلقة سنيدة ، معلقة كبيرة من الخميرة البلدية ثم نجمعوها باللبن و نخليوها ترتاح .

الصلصة : مطيشة ديال الحك ، فلفلة بالألوان مقطعة طريفات صغار ، ثومة ، ملح ، زيت العود و البصلة مقطعة نطيبو هاد الصلصة و نضيفوها للعجين و نزينو بالزيتون الكحل و الفرماج الأحمر و ندخلوها تطيب .

* فاطمة الزهراء من الدار البيضاء// بيتزا بالخيزو :

رابعة من الدقيق ، بيضة ، زعتر ، زيت العود و الملح و نجمعوها بالماء الدافئ و نخليوها ترتاح .

الصلصة : 2مطيشات طريين محكوكين و نحكو فيهم الجزر و نخليو الصلصة تطيب و من بعد نطحنوهم و نضيفو زيت العود و نصف ضامة البنة و التحميرة و الابزار ثم نعمرو نزيدو الصلصة على العجين اللي غادي نطيبوها نصف طيبة ثم نفرتتو الطون و الفرماج الأحمر و نخليوها تكمل طيابها و نقدموها بالصحة و الراحة.

اليوم في حديث و مغزل مع سناء الزعيم قدمو لينا المستمعات مجموعة من الأفكار لاستعمال سكينجبير بطرق مختلفة و هذه البعض منها :

* أم مهدي من فاس : سكينجبير دواء للكوليسترول // طرف ديال سكينجبير محكوك في لتر و نصف من الماء نخليوه ليلة كاملة ثم في الغذ يشرب على طول اليوم فهو كيساعد على تخفيض نسبة الكولسترول في الدم .

* ليلى من كلميم : سكينجبير لتخسيس الوزن // معلقة صغيرة من النافع البلدي ، معلقة صغيرة من الكروية بلدية ، معلقة صغيرة من الكامون البلدي ، نصف حامضة مقسومة على جوج و سكينجبير مقطع نخلطو الكل و نشربو كأس بعد كل وجبة .

 

* عيشة من مراكش : عصير الحامض بسكينجبير // 2 حامضات كبار بايتين في المبرد  ، 100 غرام سكينجبير طري و مغسول مزيان مع المحافظة على القشرة ديالو ثم يقطع أطراف ، 1 لتر و نصف من الماء و نصف كيلو سنيدة ثم نطحنو الكل مع سكينجبير مقطع و نوضعوه في الثلاجة و يصفى ثم يشرب كعصير بنكهة الحامض .

* سعيدة من مكناس : فقاص بسكينجبير // كيلو و نصف من الطحين ، 2معالق زيت العود ، 2معالق كبار من الزعتر مطحون ، 1 معلقة من الزعيترة ، 1 معلقة من خميرة الخبز ، معلقة ديال سنيدة و الملح حسب الذوق .

ناخذو سكينجبير الطري و نحكوه ثم نضيفوه للمقادير اللي هي 4 البيضات و نصف ملعقة من النافع مطحون ، معلقة كبيرة من الزنجلان مطحون ، نخلطو الكل مع شوية الحليب باش تجمع العجينة ثم نحربلوها و فاش تخمر ندخلوها للفرن و في نصف طيبة نخرجوه و ندهنوها بأصفر بيضة مخلطة بقهوة سريعة الذوبان و ندخلوها تكمل الطياب ثم نخرجوه و نغطيوه بفوطة فازكة حتى ما يتكسرش في التقطاع و تيجي الفقاص صغير و محمر .

* بهيجة من تمارة : عصير سكينجبير // كيلو من البرتقال معصر ، 1 حبة ديال سكينجبير محكوكة  ونخلطو و نطحنو في الطحان الكهربائي  مع معلقة صغيرة من القرفة و 1 كأس ديال الماء .

* لبنى من الراشيدية :مربى  سكينجبير // نصف كيلو سكينجبير مقطع طريفات صغار ، 1 لتر من عصير البرتقال و كيلو سنيدة ، نجمعو الكل و نديروه فوق عافية مهيلة مدة نصف ساعة حتى يبدا يعقد وفاش يبرد  نوضعوه في قراعي معقمة .

اليوم في حديث و مغزل مع سناء الزعيم قدمو لينا المستمعات مجموعة من الشهيوات ديال الطاجين بالخضر بلا لحم و هذه البعض منها : 

* أمينة من البيضاء : طاجين بخيزو و البطاطس // نصف بصلة مقطعة ، مطيشة مقطعة بالزريعة ديالها ، ابزار ، الملح ، سكينجبير ، تحميرة ، سمن ،  خيزو و بطاطا مقطعين ، نصف ضامة البنة ،كنستفو كل الخضر في الطاجين مع العطرية ثم كنضيفو الابزار من الفوق و زيت العود و كنرشو بالربيع و تقريبا كأس ديال الماء و كنخليو الكل كيطيب فوق عافية مهيلة .

* أم منال من أكادير : طاجين بالكرعة // بصلة مقطعة صغيرة نستفوها في الطاجين ثم نزيدو عليها زيت أركان و الملح و الابزار  القزبر ، تحميرة ، سكينجبير و نخليو البصل يتقلى لينا مزيان ثم نضيفو خيزو  على شكل طولي و الكرعة الخضراء اللي غادي نقطعوها على شكل قضبان ثم نضيفو الملح و ضامة البنة ديال السمن ثم نزيدو الكرعة الحمراء و البطاطس اللي غادي نقطعوها على شكل أصابع و نزيدو مطيشة مقطعة على شكل مربعات و نضيفو الربيع مقطع من الفوق و نزينو بالزيتون و شوية التحميرة و نخليو الطاجين يطيب لينا على المهل .

* احسان من البيضاء : طاجين مشكل بالخضر // منين كتبقى لينا شوية شوية من كل خضرة كنقطعوها  وفي الطاجين كنستفوها مع 1 كأس ديال الماء فيه الملح ثم نخليوها تطيب بالمهل و نزيدو الربيع مقطع و مطيشة محكوكة و العطرية اللي غادي نخلطوها مع مطيشة محكوكة ونخليو الطاجين يطيب و نضيفو ليه زيت العود على الوجه و نخليوه 5 دقائق أخرى فوق عافية مهيلة ثم نقدموه بالصحة و الراحة.

* حياة من كلميم : طاجين الخضر // نقطعو مطيشة على شكل دائري و كذلك البصل ثم البدنجال ثم  البطاطس وكل هاد الخضر تقطع بشكل دائري ثم الجلبانة وفي الوسط نربطة ربطة ديال الربيع ثم ناخذو كأس ديال الماء نخلطو فيه العطرية سكينجبير ، خرقوم ، ملح ، السودانية و القزبر يابس و نكبو هاد الخليط فوق الخضر و نزيدو زيت العود من الفوق و نخليو الطاجين يطيب فوق الفاخر بالمهل .

* أم كوثر من بركان : طاجين الجلبانة و القوق // جلبانة ، القوق ، خيزو و بطاطا ، نصف مطيشة محكوكة ، القزبر و المعدنوس مقطعين نستفو كل هاد الخضر في الطاجين و نضيفو ليهم العطرية مع شوية الماء و نخليو الكل يطيب فوق عافية مهيلة بالصحة و الراحة .

اليوم في حديث ومغزل مع سناء الزعيم اقتارحو علينا المستمعات مجموعة من الشهيوات ديال ليباط أو العجائن و كيفية تحضيرها بطرق مختلفة و حتى كيفاش نحضرو ليباط في الدار و هادي هي الطريقة  واللي قدماتها لينا السيدة أم يزيد من القنيطر واالي غادي نحتاجو ليها 2كيسان العنبة ديال الفرص ، 3البيضات كبار ، شوية الملح ، نطربو البيض و نجمعو مزيان بيدينا و نخليو العجينة ترتاح 10 دقائق ثم تبدا السيدة تخدميها في الالة  ديال الشباكية ثم تقطعها و تدردر عليها شوية ديال الطحين ثم نديروها في الماء ثم نطيبوها على عصا خشبية بحال الكديد تكون منشورة باش ما تقطعش وسط الطنجة و ها ليباط موجودين .
وصفات المستمعات:

*فاطمة من طنجة : ليباط بلاصوص بيشاميل // نسلقو ليباط في ماء مملح و شوية زيت العود و الزعتر .
بصلة محكوكة و الكرعة و خيزو محكوكين و الربيع ، في مقلا نقلييو الكل ثم نخلطوهم مع ليباط و نضيفو ليهم البيشاميل و نقدمو الطيق ديالنا بالصحة و الراحة 

* منى من ايموزار : ليباط بالخضر // كرعة ، بدنجالة ، بصلة ، 2 ضروس الثومة ، سيقان الكرافس ، 3 المطيشات ، ابزار ، سكينجبير ، تحميرة ، زيت العود و شوية الملح .
نشحرو البصل هي الأولى ثم نزيدو عليها الكرعة ثم الخضر ثم الكفتة أو الكانصات ديال الدجاج و في الأخير البدنجال و مطيشة و منين يطيبو لينا نزيدو شوية الزعتر و نقدموه بالصحة و الراحة.

* مليكة من الدارالبيضاء : ليباط الفراشات رفيسة //نسلقو ليباط ديالنا كيف العادة ثم نطيبو الدجاج بالقوام ديال الرفيسة العدس و البصلة و الحلبة حسب الاختيار ثم التوابل اللي كيستعملوها  السيدات ديال الرفيسة ثم نقدمو ليباط و نضيفو ليهم القوام ديال الرفيسة و نحاولو مانسقيوش بزاف حتى ما تعجنش لينا ليباط .

* سميرة من الجديدة : صلصة اقتصادية // نسلقو ليباط كيف العادة مع ورقة ديال سيدنا موسى ، و بالنسبة للاصوص كنوجدوها بحال لاصوص اللي كنحضرو مع البيض و مطيشة و شوية الملح و الابزار و نسكبو هاد لاصوص من فوق ليباط بالصحة و الراحة.

* لطيفة من البيضاء: ليباط بالكفتة و البيشاميل // نسلقو ليباط مع عود اليزير و الملح والابزار .
نحضرو الكفتة و البيشاميل و نديرو طبقات في مول كيدخل للفرن ونديروه يطيب و نقدموهم بالصحة و الراحة.


اليوم في حديث ومغزل مع سناء الزعيم كانت هاد الحصة الصباحية مخصصة لشهيوات حلويات أعياد الميلاد و المناسبات و قدمو لينا المستمعات مجموعة من الشهيوات و الطرق لتحضير حلوى عيد الميلاد و هذه بعض الوصفات :
* زهرة من اسفي : كيكة مستطيلة // 4 البيضات ، 4 الكيسان ديال الطحين الممتاز ديال الحلوى ، 2 كيسان من الزيت ، 2 كيسان حليب ، 3الخمارات ، 3كيسان سنيدة ، 5 دراهم شكلاط أسود مربعات ، شوية من الشكلاط الأبيض ، 1ياغورت بالشكلاط و حبات الكركاع .
نخلطو المقادير ماعدا الكركاع و الشكلاط في الخلاط الكهربائي ثم نكبو في طبسيل ديال الفرن مستطيل ، في فرن فيه عافية مهيلة كتطيب الحلوى بالمهل ثم نديرو  الشكلاط في حمام مريم مع 2 معالق من الحليب و الياغورت ديال الشكلاط و الكركاع و نصبو هاد الخليط على الكيكة و ندهنو الوجه مزيان و نديروها في الثلاجة تبرد .
نذوبو الشكلاط الأبيض و نديروه في شوكة ديال الحلوى و نكتبو الاسم ديال صاحب عيد الميلاد و نردوها تبرد مجددا و نقدموها بالصحة و الراحة.
* هند من الدار البيضاء : 4 البيضات ، كأس سنيدة ، كأس زيت و نطربو مزيان هاد العناصر ، ناخذو نصف رابعة ديال الدقيق و نضيفو ليها 3 الخمارات ديال الحلوى و نخلطوهم مزيان مع كأس قهوة مطبوخة و الشكلاط غبرة و نضيفوهم بشوية بشوي على العجينة مع التخلاط .
نطربو القشدة الطرية ، و منين تطيب لينا الحلوى نقطعوها على 2 ثم نسقيوها بسيرو الحامض ثم ندهنو بالقشدة الطرية و نخليوها تبرد شوية و نقدموها بالصحة و الراحة .
* أمينة من خنيفرة : 125 غرام سنيدة ، 125 غرام فرص ، نصف باكية من الخميرة ، حامضة محكوكة ، 5 البيضات ، شوية الملح ، معلقة كبيرة من الماء طايب ، نطربو كل هاد العناصر مزيان ماعدا الفرص و الخميرة و نزيدوهم من بعد بالمعلقة بشوية بشوية مع التخلاط و نديروها في مول و ندخلوها للفرن .
نحضرو سيرو ديال الحامض : كأس من الماء ، كأس سنيدة و عصير حامضة، وهذا هو باش نسقيو الحلوى .
نطلعو القشدة الطرية مع السكر كلاصي و ندهنو بها وسط الحلوى منين نخرجوها من الفرن و تكون بردات ثم نجمعو الطرفين و ندهنو الوجه هذه المرة بالقشدة الطرية و نلصقو فيها شرائح اللوز ثم نزينو بالقشدة الطرية على شكل أزهار على الوجه و نضيفو شوية من الشكلاط الأسود و نزينو به على شكل أوراق الأزهار ( بالملعقة) ثم نديروه في شوكة و نكتبو به الاسم و التهاني و بالصحة و الراحة.

اليوم في حديث و مغزل مع سناء الزعيم قدمات لينا مستمعة وفية من مدينة مراكش وصفة لتحضير الخل البلدي بالعنب و المعروف بمنافعه الكثيرة فهو مخفض جيد لدرجة الحرارة و ذلك بترقاد الجوارب أو التقاشر بخل العنب و تلبيسهم للطفل أو حتى لشخص بالغ أو تبليل فوطة و نوضعوها  على الجبهة فهي طريقة جيدة لتخفيض درجة الحرارة .
* كيفية تحضير الخل البلدي بالعنب : 10 كيلو ديال العنب نغسلوه مزيان و نقسموه في بيدوزات و نحيدو ليه الأعواد ثم نخليوه من 25 الى 30 يوم و نصفيوه و نديروه في قراعي معقمة .

وينصح الدكتور عماد بوضع البيدوزات الي يتم ترقيد الفواكه بها في وعاء كبير ملئ بالماء الساخن حتى لا تتنفس الغازات التي تكونت بفعل تخزين الفواكه لأيام كثيرة .

اليوم في حديث و مغزل مع سناء الزعيم قدمو لينا المستمعات مجموعة من الوصفات لتحضير الخل بالمنزل و هذه البعض منها :
* سعيدة من مدينة مكناس : الخل بالحامض // كيلو و نصف من الحامض يتغسل و نحيدو ليه العظام ثم نرقدوه في الماء طايب حتى يبرد عليه الماء و نضيفو كيلو و نصف تفاح و كاس و نصف زيت العود و نشعلو عليه الكوكوط ونحسبو 10 دقائق منين تصفر الكوكوط ثم نصفيوه في ثوب حياتي أبيض حتى يتقطر مزيان و نضيفو كأس خل طبيعي و عويدات الزعتر ، ورقة سيدنا موسى و 2 قرنفل ، كأس الورد البلدي مغلي ومصفي ثم نرقدو الخليط كله 15 يوم بلا ما نحلو عليه ثم نصفيوه و نسكبوه في قنينات معقمات و نسدوهم مزيان و نعرضوه لأشعة الشمس لمدة 7 أيام .

* فضيلة من بني ملال : الخل بالتفاح البلدي // 5 كيلو من التفاح البلدي مغسول و مقطع على 4 و في بيدو فيه الماء نرميو فيه التفاح و نسدو مزيان لمدة 40 يوم ثم نقطروه بزيف حياتي حتى يتصفى مزيان .

* مريم من الدار البيضاء : الخل البلدي // حفنة ديال العنبر ، حفنة الورد البلدي يابس ، حفنة السنبل ، حفنة الريحان ، 5 أوراق الحنة ، شوية السرغينة ، حبات من الخدنجال ، 7 الحبات من القرنفل ، 7 أعواد القرفة ، شوية الزعتر ، نصف جوزة محكوكة ، شوية من الملحة الحية ، أطراف السواك ، أطراف ديال الخرقوم عرق ، طرف ديال سكينجبير طري ، حفنة ديال اللويزة ، شوية ديال لحية الشيخ ، زعفران شعرة ، أوراق سيدنا موسى ، 7 ثمرات ، 10 الحبات لوز بلدي ، 3 الحامضات بلديين مغسولين و مقسومين على 4 ، و في اناء كبير نرقدو كل هذه المواد و نغطيو بزيف حياتي ثم نشدو عليه 10 أيام .

اليوم في حديث و مغزل مع سناء الزعيم قدمو لينا المستمعات مجموعة من الوصفات السريعة و البسيطة و هذه البعض منها :
* زينب من الراشيدية : طورطيا بالبطاطس // 4 البطاطات مقطعين مربعات ، 2 كرعات خضراء مقطعين مربعات ، دنجالة مقطعة مربعات ، معلقة من الزعتر ، كأس حليب صغير ، ربع كأس من الخل ، شوية الملح ، شوية الابزار ، ضرس ديال الثومة و شوية الزيت .
في مقلا كنوضعو شوية الزيت البلدية و الرومية و كنقليو فيها البطاطا ثم نحيدوها و نقليو فيها طريفات الدنجال ، ثم نقليو الكرعة ، من بعد كنحكو شوية الزعتر ، وفي المقلا ثقيلة كنوضعو فرشة ديال البطاطا ثم فرشة ديال الدنجال ثم فرشة ديال الكرعة ، كناخذو 4 البيضات و كنخلطوهم مزيان مع شوية الملح ، الابزار شوية الزعتر ، و كأس ديال الحليب و معلقة ديال الخل و كنكبو هاد الخليط في المقلا اللي فيها الخضر و كنغطيو المقلا وكنخليوهم فوق عافية مهيلة الوقت اللي يتنفخ فيه البيض نحيدو الطورطيا من فوق البوطة و نقدموها بالصحة و الراحة.
* فتيحة من الدار البيضاء : بطبوط معمر // بصلة مشحرة في شوية الزيت ، خيزو مقطع رقيق و مشحر في الزيت ، كرعة خضراء مشحرة ، القزبر و المعدنوس مقطع ، الفرماج و الكاشير أو الطون .
كندهنو البطبوط بالفرماج و كنضيفو ليه الخليط و من الفوق كنزيدو الكاشير أو الطون حسب الموجود .

* نجاة من الدار البيضاء : بانيني بالكومير كارم // كومير كارم لاصوص ديال مطيشة بحال اللي كنوجدو بها البيتزا ثم كنزيدو طريفات البصلة و طريفا الفلفلة و ندخلوهم للفرن حتى يتحمرو لينا و نقدموهم بالصحة و الراحة

اليوم في حديث و مغزل مع سناء الزعيم قدمو لينا المستمعات مجموعة من الشهيوات بالبطاطا الحلوة و البطاطا القصبية و هادي البعض منها :
شهيوات البطاطا حلوة :
* فاطمة من الشماعية : البطاطا الحلوة مشوية في الفرن // بطاطا حلوة صغيرة مغسولة مزيان و ندخلوها للفرن بالقشرة ديالها ، منين تطيب نقشروها و نديرو عليها الملح و الكامون و التحميرة حسب الاختيار و نقدموها بالصحة و الراحة.
* فاطمة الزهراء من العيون : كيكة بالبطاطا الحلوة // 2 كيلو بطاطا حلوة ، 2 معالق كبار من الزبدة العادية ، 2 بيضات ، 1 فاني ، 2 معالق كبار سكر ، 2 معالق كبار من الكوكو و خميرة الحلوى .
الحشوة :2 معالق كبار من  القرفة مطحونة ، سكر ، اللوز ، الكركاع ، كاوكاو و الزبيب ، نهرمشو الكل و نخلطوهم .
نسلقو البطاطا ثم نقيوها و نمعسوها و نضيفو عليها القرفة و السكر ، ندهنو المول بالزبدة و نرشوه بالنشا و نديرو طبقة ديال البطاطا ثم طبقة ديال الحشوة ثم طبقة ديال البطاطا و في الوجه نزيدو علها شوية ديال النشا أي "la chapelure" ، و نطيبو الكيكة في الفرن حتى يتحمر الوجه و نقدمو الكيكة بالصحة والراحة.
شهيوات البطاطا القصبية :
* هند من البيضاء : طاجين البطاطا القصبية باللحم الغنمي // لحم الغنمي ، ملح ، سكينجبير ، ثومة ، الزعفران الحر ، بصلة مشلظة ، لب الحامض مصير ، القزبر و المعدنوس ، في قلب الطاجين ديال الفخار نوضعو اللحم و العطرية و نزيدو البطاطا القصبية مغسولة و مقشرة و نستفوها في الطاجين وسط اللحم حتى ما تاخذش البرد و نخليو الطاجين يطيب بالمهل .
* خديجة من الحسيمة : طاجين البطاطا القصبية // في الطاجين نستفو البصلة ثم نضيفو العطرية : الملح سكينجبير ، خرقوم ، شوية الابزار ، شوية السمن ، و الثومة زيت العود ، القزبر و المعدنوس ربطة ، و نضيفو البطاطا القصبية مغسولة و مقشرة ومدهونة بالملح و نستفوها  فوق اللحم حتى يتقلى و نزيدو عليها زيت العود و شوية الماء و نسدو الطاجين و نخلوه يطيب فوق نار هادئة.
* خلود من المحمدية : طاجين ديال الكديد و البطاطا القصبية // نرطبو القديد و نرقدوه في الماء حتى يزول منو الملح ثم نقطعوه و نضيفو ليه بصلة مشلظة و الربيع مقطع و الثومة محكوكة ، الملح و الابزار سكينجبير ، الخرقوم ، زيت البلدية ثم نستفو البطاطا اللي حجمها صغير ثم نضيفو الماء و شوية زيت العود و الربيع و مانزيدوش الماء من بعد حتى يتشرب لينا المرق اللذة و من الضرورة نطيبو في طاجين الفخار.
* فاطمة من بن ـحمد : طاجين الدجاج بالبطاطا القصبية // 1 دجاجة "croisé"، بصلة ، ملح ، سكينجبير ، ابزار ، خرقوم ، زيت العود ، نشحرو الدجاج مزيان ثم نشدو عليه حتى يطيب ثم نضيفو البطاطا القصبية و البصلة الصغيرة و نخليو الطاجين يطيب و يتشحر مزيان.

* حنان من الناظور : سلطة بالبطاطا القصبية // 2 بطاطات قصبيات نسلقوها بالقشرة ديالها ، ثم نقشروها و نضيفو البصلة مقطعة طريفا  و مطيشة مقطعة طريفات و 2 معالق من زيت العود و 2 معالق كبار من زيت المائدة ، الملح و المعدنوس الكامون و شوية ديال الخل و نقدمو الشلاظة بالصحة و الراحة.
اليوم في حديث و مغزل مع سناء الزعيم قدمو لينا المستمعات مجموعة من الشهيوات بالبطاطا الحلوة و البطاطا القصبية و هادي البعض منها :
شهيوات البطاطا حلوة :
* فاطمة من الشماعية : البطاطا الحلوة مشوية في الفرن // بطاطا حلوة صغيرة مغسولة مزيان و ندخلوها للفرن بالقشرة ديالها ، منين تطيب نقشروها و نديرو عليها الملح و الكامون و التحميرة حسب الاختيار و نقدموها بالصحة و الراحة.
* فاطمة الزهراء من العيون : كيكة بالبطاطا الحلوة // 2 كيلو بطاطا حلوة ، 2 معالق كبار من الزبدة العادية ، 2 بيضات ، 1 فاني ، 2 معالق كبار سكر ، 2 معالق كبار من الكوكو و خميرة الحلوى .
الحشوة :2 معالق كبار من  القرفة مطحونة ، سكر ، اللوز ، الكركاع ، كاوكاو و الزبيب ، نهرمشو الكل و نخلطوهم .
نسلقو البطاطا ثم نقيوها و نمعسوها و نضيفو عليها القرفة و السكر ، ندهنو المول بالزبدة و نرشوه بالنشا و نديرو طبقة ديال البطاطا ثم طبقة ديال الحشوة ثم طبقة ديال البطاطا و في الوجه نزيدو علها شوية ديال النشا أي "la chapelure" ، و نطيبو الكيكة في الفرن حتى يتحمر الوجه و نقدمو الكيكة بالصحة والراحة.
شهيوات البطاطا القصبية :
* هند من البيضاء : طاجين البطاطا القصبية باللحم الغنمي // لحم الغنمي ، ملح ، سكينجبير ، ثومة ، الزعفران الحر ، بصلة مشلظة ، لب الحامض مصير ، القزبر و المعدنوس ، في قلب الطاجين ديال الفخار نوضعو اللحم و العطرية و نزيدو البطاطا القصبية مغسولة و مقشرة و نستفوها في الطاجين وسط اللحم حتى ما تاخذش البرد و نخليو الطاجين يطيب بالمهل .
* خديجة من الحسيمة : طاجين البطاطا القصبية // في الطاجين نستفو البصلة ثم نضيفو العطرية : الملح سكينجبير ، خرقوم ، شوية الابزار ، شوية السمن ، و الثومة زيت العود ، القزبر و المعدنوس ربطة ، و نضيفو البطاطا القصبية مغسولة و مقشرة ومدهونة بالملح و نستفوها  فوق اللحم حتى يتقلى و نزيدو عليها زيت العود و شوية الماء و نسدو الطاجين و نخلوه يطيب فوق نار هادئة.
* خلود من المحمدية : طاجين ديال الكديد و البطاطا القصبية // نرطبو القديد و نرقدوه في الماء حتى يزول منو الملح ثم نقطعوه و نضيفو ليه بصلة مشلظة و الربيع مقطع و الثومة محكوكة ، الملح و الابزار سكينجبير ، الخرقوم ، زيت البلدية ثم نستفو البطاطا اللي حجمها صغير ثم نضيفو الماء و شوية زيت العود و الربيع و مانزيدوش الماء من بعد حتى يتشرب لينا المرق اللذة و من الضرورة نطيبو في طاجين الفخار.
* فاطمة من بن ـحمد : طاجين الدجاج بالبطاطا القصبية // 1 دجاجة "croisé"، بصلة ، ملح ، سكينجبير ، ابزار ، خرقوم ، زيت العود ، نشحرو الدجاج مزيان ثم نشدو عليه حتى يطيب ثم نضيفو البطاطا القصبية و البصلة الصغيرة و نخليو الطاجين يطيب و يتشحر مزيان.

* حنان من الناظور : سلطة بالبطاطا القصبية // 2 بطاطات قصبيات نسلقوها بالقشرة ديالها ، ثم نقشروها و نضيفو البصلة مقطعة طريفا  و مطيشة مقطعة طريفات و 2 معالق من زيت العود و 2 معالق كبار من زيت المائدة ، الملح و المعدنوس الكامون و شوية ديال الخل و نقدمو الشلاظة بالصحة و الراحة.
اليوم في حديث و مغزل مع سناء الزعيم قدمو لينا المستمعات مجموعة من الشهيوات بالبطاطا الحلوة و البطاطا القصبية و هادي البعض منها :
شهيوات البطاطا حلوة :
* فاطمة من الشماعية : البطاطا الحلوة مشوية في الفرن // بطاطا حلوة صغيرة مغسولة مزيان و ندخلوها للفرن بالقشرة ديالها ، منين تطيب نقشروها و نديرو عليها الملح و الكامون و التحميرة حسب الاختيار و نقدموها بالصحة و الراحة.
* فاطمة الزهراء من العيون : كيكة بالبطاطا الحلوة // 2 كيلو بطاطا حلوة ، 2 معالق كبار من الزبدة العادية ، 2 بيضات ، 1 فاني ، 2 معالق كبار سكر ، 2 معالق كبار من الكوكو و خميرة الحلوى .
الحشوة :2 معالق كبار من  القرفة مطحونة ، سكر ، اللوز ، الكركاع ، كاوكاو و الزبيب ، نهرمشو الكل و نخلطوهم .
نسلقو البطاطا ثم نقيوها و نمعسوها و نضيفو عليها القرفة و السكر ، ندهنو المول بالزبدة و نرشوه بالنشا و نديرو طبقة ديال البطاطا ثم طبقة ديال الحشوة ثم طبقة ديال البطاطا و في الوجه نزيدو علها شوية ديال النشا أي "la chapelure" ، و نطيبو الكيكة في الفرن حتى يتحمر الوجه و نقدمو الكيكة بالصحة والراحة.
شهيوات البطاطا القصبية :
* هند من البيضاء : طاجين البطاطا القصبية باللحم الغنمي // لحم الغنمي ، ملح ، سكينجبير ، ثومة ، الزعفران الحر ، بصلة مشلظة ، لب الحامض مصير ، القزبر و المعدنوس ، في قلب الطاجين ديال الفخار نوضعو اللحم و العطرية و نزيدو البطاطا القصبية مغسولة و مقشرة و نستفوها في الطاجين وسط اللحم حتى ما تاخذش البرد و نخليو الطاجين يطيب بالمهل .
* خديجة من الحسيمة : طاجين البطاطا القصبية // في الطاجين نستفو البصلة ثم نضيفو العطرية : الملح سكينجبير ، خرقوم ، شوية الابزار ، شوية السمن ، و الثومة زيت العود ، القزبر و المعدنوس ربطة ، و نضيفو البطاطا القصبية مغسولة و مقشرة ومدهونة بالملح و نستفوها  فوق اللحم حتى يتقلى و نزيدو عليها زيت العود و شوية الماء و نسدو الطاجين و نخلوه يطيب فوق نار هادئة.
* خلود من المحمدية : طاجين ديال الكديد و البطاطا القصبية // نرطبو القديد و نرقدوه في الماء حتى يزول منو الملح ثم نقطعوه و نضيفو ليه بصلة مشلظة و الربيع مقطع و الثومة محكوكة ، الملح و الابزار سكينجبير ، الخرقوم ، زيت البلدية ثم نستفو البطاطا اللي حجمها صغير ثم نضيفو الماء و شوية زيت العود و الربيع و مانزيدوش الماء من بعد حتى يتشرب لينا المرق اللذة و من الضرورة نطيبو في طاجين الفخار.
* فاطمة من بن ـحمد : طاجين الدجاج بالبطاطا القصبية // 1 دجاجة "croisé"، بصلة ، ملح ، سكينجبير ، ابزار ، خرقوم ، زيت العود ، نشحرو الدجاج مزيان ثم نشدو عليه حتى يطيب ثم نضيفو البطاطا القصبية و البصلة الصغيرة و نخليو الطاجين يطيب و يتشحر مزيان.

* حنان من الناظور : سلطة بالبطاطا القصبية // 2 بطاطات قصبيات نسلقوها بالقشرة ديالها ، ثم نقشروها و نضيفو البصلة مقطعة طريفا  و مطيشة مقطعة طريفات و 2 معالق من زيت العود و 2 معالق كبار من زيت المائدة ، الملح و المعدنوس الكامون و شوية ديال الخل و نقدمو الشلاظة بالصحة و الراحة.
اليوم في حديث و مغزل مع سناء الزعيم قدمو لينا المستمعات مجموعة من الشهيوات بالبطاطا الحلوة و البطاطا القصبية و هادي البعض منها :
شهيوات البطاطا حلوة :
* فاطمة من الشماعية : البطاطا الحلوة مشوية في الفرن // بطاطا حلوة صغيرة مغسولة مزيان و ندخلوها للفرن بالقشرة ديالها ، منين تطيب نقشروها و نديرو عليها الملح و الكامون و التحميرة حسب الاختيار و نقدموها بالصحة و الراحة.
* فاطمة الزهراء من العيون : كيكة بالبطاطا الحلوة // 2 كيلو بطاطا حلوة ، 2 معالق كبار من الزبدة العادية ، 2 بيضات ، 1 فاني ، 2 معالق كبار سكر ، 2 معالق كبار من الكوكو و خميرة الحلوى .
الحشوة :2 معالق كبار من  القرفة مطحونة ، سكر ، اللوز ، الكركاع ، كاوكاو و الزبيب ، نهرمشو الكل و نخلطوهم .
نسلقو البطاطا ثم نقيوها و نمعسوها و نضيفو عليها القرفة و السكر ، ندهنو المول بالزبدة و نرشوه بالنشا و نديرو طبقة ديال البطاطا ثم طبقة ديال الحشوة ثم طبقة ديال البطاطا و في الوجه نزيدو علها شوية ديال النشا أي "la chapelure" ، و نطيبو الكيكة في الفرن حتى يتحمر الوجه و نقدمو الكيكة بالصحة والراحة.
شهيوات البطاطا القصبية :
* هند من البيضاء : طاجين البطاطا القصبية باللحم الغنمي // لحم الغنمي ، ملح ، سكينجبير ، ثومة ، الزعفران الحر ، بصلة مشلظة ، لب الحامض مصير ، القزبر و المعدنوس ، في قلب الطاجين ديال الفخار نوضعو اللحم و العطرية و نزيدو البطاطا القصبية مغسولة و مقشرة و نستفوها في الطاجين وسط اللحم حتى ما تاخذش البرد و نخليو الطاجين يطيب بالمهل .
* خديجة من الحسيمة : طاجين البطاطا القصبية // في الطاجين نستفو البصلة ثم نضيفو العطرية : الملح سكينجبير ، خرقوم ، شوية الابزار ، شوية السمن ، و الثومة زيت العود ، القزبر و المعدنوس ربطة ، و نضيفو البطاطا القصبية مغسولة و مقشرة ومدهونة بالملح و نستفوها  فوق اللحم حتى يتقلى و نزيدو عليها زيت العود و شوية الماء و نسدو الطاجين و نخلوه يطيب فوق نار هادئة.
* خلود من المحمدية : طاجين ديال الكديد و البطاطا القصبية // نرطبو القديد و نرقدوه في الماء حتى يزول منو الملح ثم نقطعوه و نضيفو ليه بصلة مشلظة و الربيع مقطع و الثومة محكوكة ، الملح و الابزار سكينجبير ، الخرقوم ، زيت البلدية ثم نستفو البطاطا اللي حجمها صغير ثم نضيفو الماء و شوية زيت العود و الربيع و مانزيدوش الماء من بعد حتى يتشرب لينا المرق اللذة و من الضرورة نطيبو في طاجين الفخار.
* فاطمة من بن ـحمد : طاجين الدجاج بالبطاطا القصبية // 1 دجاجة "croisé"، بصلة ، ملح ، سكينجبير ، ابزار ، خرقوم ، زيت العود ، نشحرو الدجاج مزيان ثم نشدو عليه حتى يطيب ثم نضيفو البطاطا القصبية و البصلة الصغيرة و نخليو الطاجين يطيب و يتشحر مزيان.

* حنان من الناظور : سلطة بالبطاطا القصبية // 2 بطاطات قصبيات نسلقوها بالقشرة ديالها ، ثم نقشروها و نضيفو البصلة مقطعة طريفا  و مطيشة مقطعة طريفات و 2 معالق من زيت العود و 2 معالق كبار من زيت المائدة ، الملح و المعدنوس الكامون و شوية ديال الخل و نقدمو الشلاظة بالصحة و الراحة.

اليوم في حديث و مغزل مع سناء الزعيم قدمو لينا المستمعات  مجموعة من الوصفات لطرق تحضير الزيتون في المنزل و هادي البعض منها:
* ماجدة من مراكش : زيتون مشرمل على شكل سلطة // نحيدو ليه العظام ونسلقوه نصف سلقة حتى نحيدو الزفورية و الكحولية ثم نضيفو الملح التحميرة و الكامون و الابزار و القزبر و المعدنوس و الثومة مدقوقة و زيت العود و نصف حامضة معصرة ، ثم نقليوه حتى بنشف الماء و نقدموه في أطباق على شكل سلطة.
* جميلة من الرباط :ترقاد الزيتون الأخضر و الأحمر // نغسلو الزيتون و نضيفو ليه الماء مغلي حتى يبرد ثم نفرشخو الزيتون و نرقدوه حتى يبدا يطيب .
* فدوى من طنجة : ترقاد الزيتون // الزيتون الأخضر مغسول و مشقوق نخليوه في الماء و الحامض المصير و المزيودات لمدة 15 يوم ثم نغيرو الماء و نضيفو الملح .
مريم من تيسا : الزيتون الأحمر مشرط // الزيتون الأحمر نشرطوه 3 شراطي و نديروه في الماء و نبدلو الماء على رأس كل أسبوع و منين يطيب نضيفو ليه الحامض و الملح و نبداو ناكلوه.
* حسناء من تاوجطات : الزيتون مرقد و الزيتون مشرمل // الزيتون الأخضر نفرشخوه و نديروه في اناء و نبدلو الماء كل أسبوع و نضيفو الملح ، ثم نحيدو الماء و نضيفو ليه عصير 3 حامضات و 5الحامضات مقطعين طريفات بقشورهم و فلفلة خضراء مقطعة و مزيودات مقطعين ، 3 المعالق هريسة و نخلطو الكل و نخليوه في اناء و نغطيوه بشوية الماء و الزيت لتفادي يصوف لينا الوجه.

* زهور من الناظور : الزيتون الأسود مثقل بالزعتر // الزيتون الكحل طايب وهو في الخنشة ديال السميد نثقلوه بحجرة ونخليوه يقطر ثم نغسلوه و نقطروه ثم ندهنو بالزيت البلدية ثم نضيفو ليه الكامون و الزعتر و الحرور حسب الاختيار و نقدموه بالصحة و الراحة.

ليوم في حديث و مغزل مع سناء الزعيم  قدمو لينا المستمعات مجموعة من الشهيوات ديال البيصارة من مناطق مختلفة و هادي البعض منها:
* زينب من الراشيدية // البيصارة " تمراقت" : رابعة ديال الجلبانة ، رابعة الفول ، 3 ضروس من الثوم ، 4 معالق كبار من زيت العود ، ملح ، بعدما نقيو و نغسلو القطاني كنضيفو الماء و الملح ثم كنسدو عليها حتى تطيب ، ثم الا كان المراك أو العود ديال الزيتون كنخلطو مزيان ثم نقدم البيصارة بالصحة و الراحة .
* زهرة من تارودانت : البيصارة بزيت أركان // الفول اليابس مغسول يطيب مع شوية زيت المائدة ، كامون ، ابزار ، ملح ، 2 ضروس ثومة ، شوية الخرقوم ، منين يطيب لينا نديرو مزيودة حتى تطلق لينا ثم نطحنو في الطحان الكهربائي ثم نقدموها في طبق و نزينو بخيوط من زيت أركان مع خبز أفرنو "خبز تقيلدي " و شهية طيبة.
* فتيحة من البيضاء : بيصارة بالشحمة ديال الظهر ديال الجمل  "بالدروة ديال الجمل" // نصف كيلو فول ، نصف رابعة من شحمة الدروة ديال الجمل " الشحمة اللي في ظهر الجمل " ، 3 ضروس ثومة، ابزار ، كامون ، تحميرة ، زيت العود ، ملح ، 1 لتر من الماء ، نسدو على الكل حتى يطيب ثم نقدمها و نزينو بزيت العود و الكامون .
* نادية من خنيفرة : بيصارة بالفول الأخضر الطري // الفول الأخضر الطري  نقشروه و نطيبوه مع زيت العود مدة 10 دقائق ، القزبر اليابس ، الكامون ، تحميرة ، ثومة ، ملح ، نجمعو الكل و نخليوهم يطيبو مدة 3 دقائق و نقدموها بزيت العود و الهريسة حسب الاختيار .
* لطيفة من أكادير : بيصارة باللفت المحفور // الفول اليابس منقي و مغسول مع  شوية زيت و نخليوهم يطيبو بالمهل مزيان حتى يتنفخ ، ثن تقطعي اللفت المحفور و تزيديه في الطنجرة ، تحركي و تضيفي الثومة و القزبر مدقوقين في المهراز مع شوية الملح ثم نضيفو الكامون و التحميرة و زيت العود.

* نعيمة من تطوان : رابعة من الفول و رابعة من الجلبانة ، نغليوهم حتى تطلع الكشكوشة و نبقاو نحيدوها حتى ماتبقاش ، نزيدو الزيت الكامون ، 5 ضروس ثومة ، ملح ، ثم نقفلو عليها الكوكوط و ندوزوها في الخلاط الكهربائي ثم نقليوها حتى تولي كتطلق الخيوط و من بعد نصبوها في زلايف و نزينوها بزيت العود و السوداني و الكامون و نقدموها بالصحة و الراحة.


اليوم في حديث و مغزل مع سناء الزعيم متعونا المستمعات بشهيوات مختلفة للحسوة بأنواعها و هذه البعض منها :
* سعيدة من طنجة : حسوة بالزرع // الزرع مهرس و مفزك في الليل ، في طنجرة نوجدو القوام  نحكو البصل مطيشة زعفران ابزار سكينجبير ، زيت العود ، زيت رومية ، فاش تقلى لينا الطنجرة نضيفو ليها الزرع ونخليوهم يطيبو بالمهل ، ثم نضيفو زلافة ديال حب الرشاد و نخليوه يغلي و نزيدو حب الرشاد و الحليب حسب الاختيار.
* فوزية من مراكش : تشيشة بالفول الأخضر // تشيشة منقية نكبو عليها الماء ، التحميرة ، الملح ،الابزار ،معدنوس ، و القزبر و زيت العود ، ضامة البنة ثم نسدو عليها في الكوكوط ، الفول الأخضر منقي ،أطراف اللحم حسب الموجود ونضيفو الماء حتى يطيب لينا مزيان .
* نجاة من تيزنيت : تشيشة // نصف كيلو تشيشة تغسل و تقطر ، نضيفو ليها زيت العود و الملح و لابزار ، ومنين تطيب نضيفو زعتر و الحليب .
* مريم من اسفي : الحسوة بالبلبولة // بلبولة رقيقة ، بصلة محكوكة ، زيت العود ، ابزار ، كامون ، ملح ، ومنين يطبخ لينا المرق في الطنجرة كنضيفو حب رشاد و الشانوج و الحلبة ثم في الأخير كنزيدو البلبولة و الحليب.
* ابتسام من البيضاء: البلبولة بالشعير و الأعشاب // البلبولة مرقدة ، فليو ، زعتر ، ورقة سيدنا موسى ، حلبة ، ملح ،كامون حبوب ، نخليوهم يطيبو مع معلقة صغيرة من حب الرشاد و معلقة ديال زيت العود ثم نزيدو الحليب في الأخير.
* رشيدة من تطوان : فتات الشطبة // بصلة مشلظة ، ابزار ، ملح ، زيت العود ، زيت رومية ، حب الرشاد ، الحلبة حسب الاختيار ، العدس نمرقوهم و نخليوهم يطيبو .

في قصرية نديرو الفرص و نبداو نحربلوه بين يدينا باضافة شوية ماء ثم نفوروه و نضيفو في الأخير الزعتر و تيميجة و بالصحة و الراحة.


ليوم في حديث و مغزل مع سناء الزعيم قدمو لينا المستمعات الوفيات مجموعة من الشهيوات وهادي البعض منها :


* حسناء من مراكش : "mille feuilles " على شكل طورطة دائرية // 250 عجينة مورقة ، 50 غرام شكلاط غبرة ، نصف لتر حليب ، 4 أصفر بيض ، 75 غرام سنيدة ، 1 كيس فانيلا ،1 كأس عنبة ديال القشدة الطرية ، نصف كأس فرص ، 50 غرام شكلاط أطراف .

نشدو العجينة و نقسموها على 3 دوائر كبيرة و ندخلوهم للفرن حتى يتذهب اللون تقريبا 10 دقائق ثم نغليو الحليب و نطربو أصفر بيضة مع سنيدة و الطحين ، نحركو مزيان و نبداو نضيفو الحليب بشوية باش ما تكونش لينا كويرات و نضيفو الشكلاط غبرة حتى نحصل على كريمة  ثم نطربو القشدة الطرية بالخلاط الكهربائي و نبداو نخلطو الكريمات بزوج بشوية بشوية حتى نحصلو على كريمة منسجمة و خفيفة ، نخرجو العجينة ثم نوضعو طبقة من الكريمة ثم طبقة من العجين ثم طبقة من الكريمة 3 طبقات  ثم نزين الوجه حسب اختيار كل سيدة اما بالسكر و الشلاط أو "napage" و شهية طيبة.


* نادية من تارودانت : شنيك // العجين : 1 كيلو فرص + 2 بيضات + 2 فاني + 1 خمارة حمراء + 1 معلقة من خميرة الخبز + ملح + معلقة كبيرة من الزبدة + 4 معالق كبار من السنيدة + معلقة كبيرة من حليب غبرة ، نجمعو الكل بماء دافئ و ندلكو مزيان ثم نعملو منها كويرات و نخليوهم يخمرو .

الحشوة : 100 غرام سنيدة + 60 غرام ديال الكوكو محكوك + 2 فانيلا ، نخلطو الكل و نخليوه .

ناخذو كل كرة ديال العجينة و نسرحوها حتى نحصل على شكل مستطيل و ناخذو 1 معلقة ديال الحشوة ثم نطويوها من اليمين و الشمال حتى نحصل على شكل مستطيل ثم تلوى العجين على شكل سيجار و نوقفوها و نكرصوها للحصول على شنيك و ندهنو الوجه بالبيض والكوكو و الكنفيتور ثم ندخلوها للفرن يطيبو بالصحة و الراحة.


* سعيدة من كلميم : شنيك مالح // العجين : نصف كيلو فرص ، معلقة صغيرة سنيدة ، معلقة كبيرة من الخميرة ، 1 خمارة حمراء ، ملح ، 2 معالق كبار من الحليب غبرة ، نجمعو الخليط بالماء الدافئ و ندلكو مزيان.

الحشوة : 2 كريعات خضرين محكوكين ، 2 خيزويات محكوكين ، راس البصل ، 1 بطاطا محكوكة ، الابزار ، الخرقوم ، كامون ، تحميرة ، ضامة البنة ديال الحوت ، زيت رومية ، حك طون ، حك الشعرية الصينية .

نحمرو الخضر مع العطرية و الزيت و نطيبو الشعرية و نضيفوها للخضر ثم نخليوهم يبردو .

نقطعو العجين على شكل دائري و نعمرها بالحشوة و ندخلوها للثلاجة و نخليوها نصف ساعة حتى يشدو مزيان ثم من بعد نقطعوها دوائر صغيرة  نخليوهم يخمرو لينا قبل ماندخلوهم للفرن نرشو بشوية الفرماج و الزبدة و ندخلوهم يطيبو كيجيو بحال البسطيلة و بالصحة و الراحة.


*خديجة من مراكش : شوصون بالبنان // نصف كيلو بنان ، معلقة كبيرة من الزبدة ، 5 معالق كبار سنيدة ، معلقة صغيرة قرفة ، 2 معالق كبار من الماء ، 500 غرام عجينة مورقة و بيضة .

كنقشرو البنان و كنقطعوه  دوائر و نحمروه في الزبدة و القرفة و السنيدة ثم نخليوه يبرد ، ندلكو العجينة و نقسموها على أحجام صغيرة و نبداو نصاوبو الشوصون و نعمروهم و نجمعوهم ثم ندهنو الوجه بالبيض و ندخلوها للفرن .

ممكن نحضرو نفس الشوصون بالتفاح و بنفس الطريقة .


بالصحة و الراحة .


 اليوم في حديث و مغزل مع سناء الزعيم كانو شهيوات ديال الحوت المعلب و متعونا مستمعاتنا بشهيوات مختلفة و هادي البعض منها:
أمال من مكناس : السردين على شكل طون // نصف كأس زيت ، نصف ملعقة كامون ، 4 ضروس ثومة ، 2 مزيودات  و الملح ، نسدو عليه في الكوكوط لمدة 5 دقائق بلا ماء كيجي مقلي و كنوضعوه في علب بالثلاجة .
و بالنسب الا بغينا نعملوه بالخضر كنديرو بطاطا مقطعة طريفات صغار ، الجلبانة ، خيزو ، نسلقو كل هاد الخضر نصف سلقة و نزيدو عليهم المعدنوس طري و نضيفو السردين و نخليوهم يطيبو لينا المدة الكافية.
 
أم خولة من البيضاء : سردين الطون// 1 كيلو من السردين صغير نحيدو ليه السنسول ، 2 أوراق سيدنا موسى ، معلقة كبيرة من الخل ، نصف كأس زيت العود ، 2 معالق كبار من مطيشة الحك ، 2 خيزويات مقطعين ، 2 مزيودات و شوية الملح ، نستفو دوائر الخيزو ثم نضيفو ليها السردين و أوراق سيدنا موسى و نخليوهم يطيبو مدة 15 دقيقة فوق عافية مهيلة .
 
فتيحة من تاونات : طون بالسردين // 1 كيلو سردين مغسول بلا سنسول ، 1 حك صغير مطيشة ، شوية الملح ، نصف كأس زيت رومية ، نصف كأس خل ، كأس ماء و الابزار ، نديرو مطيشة في الكوكوط و نخلطوها مع القوام ثم نرتبو السردين من الفوق و نسدو عليها المدة اللي غادي يطيب فيها الحوت و نوضعوه في علب ثم نوضعوهم في الثلاجة.
 
ابتسام من بني ملال : الطون بنكهة الزعتر // 1 كيلو سردين مغسول ، ملح ، نصف كأس من الزيت ، مزيودات ، نشرملو السردين بهاد المكونات و نشدو عليه في الكوكوط لمدة 10 دقائق و من بعد نوضعوه في قراعي ديال الزجاج و نضيفو أوراق الزعترو الزيت  كيجي منسم و لذيذ.
 
يسرا من الناظور : الطون أو سمك "   "// 1 كيلو من الطون مقطع فيلي ، نصف كأس من الخل ، نصف كأس من الماء ، 1 كأس زيت المائدة ، مزيودات حسب الاختيار ، نشرملو الحوت و نسدو عليه لمدة 15 دقيقة حتى يطيب و نوضعوه في علب و ندخلوه للثلاجة.
حديث و مغزل برنامج كل امرأة مغربية من الاثنين للجمعة ومن 9 لل 10 مباشرة على أصوات.


اليوم في حديث و مغزل مع سناء الزعيم متعونا المستمعات بشهيوات مختلفة لتحضير الياغورت بالمنزل و هادي بعض الوصفات: 
نعيمة من سطات : ياغورت بالكركاع // 2 كؤوس ديال العنبة ديال الحليب غبرة + 1 كأس سنيدة ، 1 فانيلا ، 1 ياغورت فانيلا ، 1 لتر ماء بارد ، 1 لتر ماء غليان ثم كنضيفو الكركاع طريفات و نخلطو الكل مزيان في الخلاط و نخليوه مدة 8 الساعات في نفس الإناء الكبير و نغطيوه بفوطة تكون سخونة حتى يبرد و نصبوه في أواني زجاجية صغيرة و نوضعوه في الثلاجة.
حورية من اسفي : ياغورت بنكهة البنان // 1 ياغورت  بنان + 2 بنانات مقطعين دائريا + خنيشة ديال الحليب غبرة + 1 فانيلا + 2 كؤوس ماء عادي + 1 كأس سنيدة ، نخلطو الكل في الخلاط ثن نديروه في كؤوس زجاجية و نغطيوهم بزيف حياتي و نضعه في الثلاجة  لمدة ساعة و نقدموه بالصحة و الراحة.
أم أميمة  من تاونات :  ياغورت بنكهة  أو السيرو حسب الاختيار // 1 لتر حليب + 1كأس ياغورت  بايت خارج الثلاجة + سنيدة  حسب الذوق +  1خمارة ديال الحلوى ، نغليو الحليب و منين يبرد نخلطوه مع الياغورت و الكل ثم نضيفو النكهة ح

اليوم في حديث ومغزل مع سناء الزعيم كانت معانا الدكتورة سناء العيناني أخصائية في التغذية و طب التجميل وكان موضوعنا اليوم هو عن بعض الخضر فوائدها وطرق تحضيرها وسنتطرق للباقي في حلقاتنا المقبلة  :

* البطاطس : يجب طهيها 20 دقيقة مع عدم ازالة قشرتها للتنفع بالأملاح المعدنية و الفيتامينات التي تحنوي عليها و اذا تم طهيها أكثر من ذلك في الفرن مثلا أو مطحونة فيتوجب اصطحابها بخضروات خضراء و قسط من البروتيين ( السمك ، اللحوم ، دواجن ، بيض ، ....) .

* البطاطا ال حلوة : تحتوي على الفيتامين "A" و "B6" و النحاس و المنغانيز وهي تقي من السرطان فالرجال اللي كيتناولو البطاطس الحلوة و اللوبيا اليابسة و الملوخية ، الروز هم أقل تعرضا لسرطان البروستات.

أيضا هي تخفض من الكوليسترول السيء و تنقص من تمركز الدهون داخل الشرايين و تصفي الكبد ، و بها مادة مضادة للأكسدة و تحتوي على الفيتامين "A" .

- و تحتوي البطاطس عاى سعرات حرارية بمعدل 77 سعرة حرارية في كل 100 غرام و المؤشر السكري لها ضعيف مما يجعلها من الخضروات المحبذة عند مرضى داء السكري.

* أوراق البطاطا الحلوة : هناك دراسات تحاول أن تبين دورها في الوقاية من سرطان الرئة و القولون بخلاف أوراق البطاطس العادية فهي سامة .

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة لتحضير الدجاج وهذه البعض منها :

* ايمان من البيضاء : الدجاج بخيزو // نشرملو الدجاج بالملح و الابزار و سكينجبير و الثومة و يبات مرقد و في الغذ نشلظو البصل و الثومة و شوية الماء و نخليوه يتقلى مزيان و نضيفو ليه شوية الخرقوم و الابزار و نخليو الدجاج يطيب ، نقطعو الخيزو على شكل صبيعات بالطول ثم نزيدوه للطنجرة و نخليوه يطيب و فاش يطيب نضيفو الحامض مصير و الزيتون و نقدموه بالصحة و الراحة.

* سناء من القنيطرة : طاجين الدجاج بالخضر // الدجاج ، بصلة مشلظة ، ربيع مشكل ، حامض مصير ، نجمعو الكل و نديروه في طاجين و نشحرو الدجاج مع الابزار و التحميرة و سكينجبير و الخرقوم ، الثومة و شوية الزيت و فاش يتقلى نزيدو الخضر كالجلبانة و خيزو و القوق و نرويو بالماء و نخليو الكل يطيب و نقدموه .

* نادية من البيضاء : الدجاج مقلي // طريفات الدجاج و الربيع مقطع ، سكينجبير ، ابزار ، الثومة ، التحميرة و الحامض معصر و الخرقوم و الملح ثم نخلطو الكل مزيان و نفندوه في الدقيق و نسخنو الزيت مزيان و نقليوه .

* حياة من خنيفرة : الدجاج معمر // 1دجاجة ، الكبادي نكونو سلقناهم في ماء مملح ، و نفس الماء نسلقو فيه الشعرية الصينية ثم نجمعو الكبادي مع الشعرية الصينية اللي غادي نكونو قطعناها و الحامض مصير ثم نعمرو الدجاج و نهنوه بالزبدة و ضامة البنة و الخرقوم و نبخروه في كسكاس و نخليوه يطيب و نقدموه بالصحة و الراحة.

* وفاء من جزيرة ليلى : الدجاج بلاصوص ديال مطيشة  // 2 بصلات مشلظات ، 2 فلفلات حمرين ، 2 مطيشات ، الثومة ، ورقة سيدنا موسى ، معلقة من مطيشة الحك ، تحميرة ، ابزار ، سكينجبير و الملح .

نشلظو البصلة و نشحروها ثم نضيفو ليها العطرية و نزيدو عليها الدجاج و نضيفو ليهم مطيشة محكوكة و ديال الحك بعدما نخلطوهم مع شوية الماء و نخليو الكل يطيب لينا و نقدموه بالصحة و الراحة .

* نعيمة من تطوان : دجاج معمر // 1 دجاجة صغيرة مشرملة بالثومة و المعدنوس و القزبر و الحامض و الابزار و الملح ، سكينجبير و الخرقوم و الزعفران ، نسلقو الشعرية الصينية و كذلك قشاوش الدجاج جانبا .

عطرية الشعرة : السوداني ، الابزار ، معدنوس ، سكينجبير ، اليمون مخلل ، السمن أو زيت الزيتون ، الزيتون مقطع و نعمرو الدجاجة بهاد الخليط و نخيطوها .

نشلظو البصل مع الابزار و القرفة ، سكينجبير ، المعدنوس و شوية الماء و نطيبو الدجاجة في هاد المرق و نقدموها بالصحة و الراحة .

* نادية من وزان : خبز بالزيتون // نوضعو الزيتون الأسود في قنينة و نغطيوه بزيت الزيتون و فلفلة حارة و شوية الزعيترة و بهذه الطريقة يمكن الحفاظ عليه لمدة طويلة .

- الخبز بالزيتون : يقطع الزيتون الأسود شرائح و يضاف للعجين ديال الخبز ويطبخ بشكل عادي .

* نورا من فاس : مسلالة بالبيض // حفنة ديال مسلالة تسلق و من بعد نضيفو المعدنوس مقطع مع الثومة و التحميرة و الملح و زيت المائدة ، الفلفلة السودانية ،  يشحر الكل و نضيفو مسلالة ثم نفقصو فيها البيض و يقدم على شكل شلاظة سخونة.

* نوال من البيضاء : الحرشة بالزيتون // نصف كيلو من السميدة رقيقة ، نصف كأس من الزيت ، 1كأس زيتون مقطع أسود ، ملح ، خمارة ، زعتر محكوك ، كنجمعو الكل و كنطيبو الحرشة في مقلا ثقيلة على نار مهيلة.

*بشرى من قلعة السراغنة : تشرميلة الزيتون// 2 معالق من الكمون ، 1معلقة كبيرة من التحميرة ، كورة الثوم نمعسوها بجلوفها و معلقة صغيرة من القزبر حبوب ، 6الفلفلات الحمراء ، 4أوراق سيدنا موسى ، 5 خيزويات ، 3 الفتات صغار نقشروهم و نحافظو على الأوراق الخضراء ديالها و زيت الزيتون ، نحكو الخيزو و اللفت صاينة و تشرميلة الزيتون اللي وجدنا من قبل و الملح حسب الاختيار

- عجينة بالزيتون : الزيتون الأسود ديال الدار محيد ليه العظم ، 3ضروس من الثومة ، 3معالق كبار زيت العود ، شوية الابزار ، قرصة الكامون ، شوية الحبق ، يطحن الكل في الطحان الكهربائي .

نصف كيلو طحين ، 3البيضات ، معلقة و نصف خميرة مذوبة في كأس دافئ ديال العنبة ، 150 غرام من الزبدة مقطعة ، كأس وربع ديال الحليب .

نخلطو الكل و نخليو الزبدة حتى الأخير ثم نبداو ندلكوه حتى نحصل على عجين مطاطية و رطبة ، نخليو العجين تخمر ثم نخدموها من جديد و نقطعوها كويرات و من قبل نخلطو الزيتون مع العجين ثن نكرصوها و نطيبوها

اليوم في حديث ومغزل مع سناء الزعيم كان معانا الدكتور عماد ميزاب الدكتور في الصيدلة و الأخصائي في التداوي بالأعشاب و اليوم كلمنا الدكتور عماد على الزعتر فهو نبات أخضر ينحذر من حوض البحر الأبيض المتوسط و له فوائد كثيرة :

* فهو يرفع من مناعة الجسم خاصة عند الأطفال وذلك بأخذ نصف ملعقة صغيرة مع كأس ماء مغلى و نخليوها مدة 10 دقائق ثم ناخذو ثم ناخذو نصف كأس في الصباح  أو في الليل ابتداء من سن 6 سنوات .

* علاج وجع الحيض بمضغ 4 أوراق زعتر 3 مرات في اليوم .

* الزعتر فعال لعلاج الزكام بوضع 10 نقاط في كأس صغير لماء دافئ 3 مرات في اليوم .

* الزعتر مضاد للبكتيريا بذهنه على أماكن الجروح و باستعماله كمطهر .

* الزعتر فعال لتساقط الشعر و ذلك بطبخ معلقة كبيرة منه في 2 كؤوس كبيرة من الماء و نستعملو مائه في رشاش ثم نبقاو نرشو به شعرنا بعد الغسل .

 

اليوم في حديث ومغزل مع سناء الزعيم قدمو لينا المستمعات طرق للحفاظ على الربيع مدة طويلة  وهذه بعض الطرق : 

* فاطمة من بنجرير : يغسل الربيع مزيان و نقطروه في الشبكة و يتكرض و يوضع في خناشي ديال الميكة ونوضعوها في المجمد .

* وداد من تارودانت : يلف في منديل حياتي بلا مايتغسل و نحيدو منه الأوراق الخايبة و نوضعوه في الثلاجة .

طرق لازالة الطبايع الصفرا من الملابس :

* نعينة من شيشاوة : الخل الأبيض مع الحامض نوضعوهم على الطبايع و نخليوهم.

* نوال من البيضاء : خمارة مذوبة في ماء دافئ و الحامض وصابون الحجرة محكوك و يرقد الثوب أو اللباس ربع ساعة ثم يفرك

اليوم في حديث ومغزل مع سناء الزعيم قدمو لينا المستمعات اللي سمعنا صوتهم لأول مرة في حديث ومغزل مع سناء الزعيم على أصوات و هذه بعض الشهيوات :

* سعيدة من أكادير : البطبوط بالخليع // نصف كيلو من الفرص ، و شوية الملح والخميرة و نعجنو العجين مزيان .

الحشوة : نشحرو  3 البصلات مشلظات مع شوية من زيت العود و نقطعو فيها الخليع و نزضعو الحشوة وسط كويرات البطبوط في الوسط ونشدوهم في الوسط ثم نطيبوه .

* حياة من البيضاء : بطبوط معمر بالصوصيص // 250 غرام من الصوصيص ، 2 بصلات مقطعين ، 2 معالق من الزيت ، 2ضروس ثومة ، ملح ابزار ، فلفلة  خضراء مشوية و مقطعة و الكرومب محكوك ، 250 غرام من الكاشير و معلقة كبيرة من الصوجا .

نقطعو الصوصيص و نشحروه ، ثم جانبا نشحرو البصل مع العطرية و طريفات الفلفلة ، الكرومب محكوك ثم نشحرو الكل و نضيفو النقانق و في الأخير زيت الصوجا ثم نعمرو البطبوط ثم نضيفو الكاشير مقطع و نقدموه بالصحة و الراحة .

من الأفضل  تفادي اضافة الزيت لأن النقانق فيها الذهنيات .

* رحمة من فاس : بطبوط بالكفتة و الزيتون // نصف كيلو من الفرص الرطب و شوية من الخميرة البلدية و الملح ثم نخلطو بالماء و نخليو العجينة خضراء .

نشحرو البصلة مشلظة مع الكفتة فيها القوام ثم نضيفو الزيتون بلا عظم و الشعرية الصينية و نعمرو بهاد الخليط البطبوط ثم نطيبوه .

* سميرة من تيزنيت : البطبوط بالطون و الزيتون // نوجدو البطبوط كيف العادة ثم نجمعو الطون و الزيتون الأسود و الخص و نخلطوهم بالمايونيز ثم نعمرو البطبوط بعدما نطيبوه و نعمروهم بالحشوة .

* مليكة من البيضاء : البطبوط بالخضر // نعجنو البطبوط كيف العادة و نطيبوه .

بصلة مشلظة مع زيت العود و المكور مقطع طويل و أعواد القرفة و أطراف الحامض اليابس وتخلي الكل يطيب بالمهل بدون اضافة الماء و كتغطي الطنجرة وتحكي الخيزو و نضيفو الديك الرومي و نشحرو الكل ثم نعمرو البطبوط بالحشوة .

* مريم من مراكش : بطبوط بأطراف الدجاج // نعجنو العجينة كيف العادة ونطيبوه و نرشو بشوية سنيدة حتى يعطي اللون ،

ناخذو أطراف صدر الدجاج ونقطعوه رقيق وتشحر مع البصل و التوابل ابزار و الملح يمكن اضافة الكبد الا كان متوفر ، ثم نضيفو صلصة الطماطم ثم الزيتون مقطع والكاشير محكوك ويمكن كذلك دهن البطبوط بالفرماج أو أصفر البيض و ندردر الزنجلان و نديروه في الفرن .

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة وهذه البعض منها :

* جميلة من البيضاء : طاجين الغنمي على شكل طنجية // لحم الغنمي ، ثومة ، تحميرة ، ابزار ، زعفران ، خرقوم البلدي ، سكينجبير ، ربيع مقطع ، زيت المائدة وفاش يطيب نضيفو الزيت البلدية و نقليوه بالمهل .

نقشرو القوق و نغسلوه ثم يضاف اللحم و زيت العود و أطراف الحامض المصير و فاش يوجد نضيفو الزيتون مسلالة و نقدموه بالصحة و الراحة.

* السعدية من مراكش : طاجين القوق و الدجاج // الدجاج البلدي ، 2بصلات ، مطيشة ، ابزار ، ملح ، سكينجبير و زيت العود كنشرملو الدجاج و كنخليوه يطيب بالمهل ،  نسلقو القوق مع شوية الحامض وكذلك السفرجل  ثم كنضيفوهم للطاجين ونزيدو الزيتون و نقدمو الطاجين بالصحة و الراحة.

* مريم من الدار البيضاء : القوق مقلي // نقشرو القوق و نحيدو ليه الشعر ديالو و نحكوه بالحامض ثم نسلقوه .

نجمعو البيض مع الثومة و المعدنوس و الابزار ، الملح ثم نوضعو فيه القوق ثم ندوزوه في الطحين و نقليوه في زيت سخونة و نوضعوه على الورق النشاف و نقدموه بالصحة و الراحة.

* نعيمة من أكادير : طاجين القوق و الجلبانة // لحم البقري مع الابزار و الملح و الزعفران و نقليوه مزيان ثم نضيفو البصلة مشلظة و نخليوه يطيب و نضيفو ليه القوق من الفوق

نقيو القوق و نخويو ليه القلب و نسلقوه مع الحامض و يبقى شاد في راسو ، نسلقو السبانخ مع الحامض مصير و الثومة و نعمرو بهم القوق و ندردرو على الوجه الفرماج الأحمر .

* زهور من سيدي قاسم : كراتان القوق // القوق مقشر و مقطع ، الجلبانة يتسلقو في الماء و شوية الملح .

نشحرو الثومة في شوية الزيت البلدية و نشحرو الفطر مع شوية الزبدة و الملح ثم نحضرو البيشاميل و نوضعو تفريشة ديال القوق و الجلبانة و الفطر ثم نوضعو البيشاميل و نرشو بالفرماج من الفوق و ندخلوه للفرن يتحمر .

ليوم في حديث ومغزل مع سناء الزعيم خصصنا الحلقة لشهيوات المخللات اللي تحفونا المستمعات بطرق مختلقة لشهيوات المخللات و هذه بعض الشهيوات :

* فضيلة من بني ملال : الشيفلور مخلل// راس الثومة ، 2 أوراق سيدنا موسى ، الماء غليان ، كأس ديال الخل الأبيض و شيفلور ، كتجمعي الكل و تسدي عليهم باحكام في قرعة فيها الخص و البسباس و الخيار لمدة 10 أيام .

* ثورية من الشاوية : الفلفلة مرقدة // الفلفلة مقطعة على شكل شرائح و نضعها في قرعة بها الخل و الملح و الماء و نسدو عليهم لمدة 15 يوم وممكن اضافة الربيع و الثومة وورقة سيدنا موسى و الزعتر و زيت العود و السودانية حسب الاختيار .

* حميدة من الشماعية : خيزر مرقد // رابعة خيزو مقشر و محيدين ليه القلب و مقطع على الطول ، نصف كأس من سكينجبير طري محكوك ، 3ضروس ثومة صحاح و الملح الحرش و الماء الدافئ و تسدي عليهم لمدة 10 أيام و ممكن اضافة سيقان الكرافس .

* نعيمة من أكادير : خيزو مع اللفت مرقدين // 2 خيزويات مقطعين مربعات صغيرة ، 2 حبات اللفت مقطعين طريفات صغار ، السوداني ، 4فصوص ثوم ، ورقة سيدنا موسى ، و نزيدو عليهم الماء غليان و الخل و الملح و نسدو عليهم لمدة 15 يوم .

ونفس الطريقة صالحة للخيزو مع الجلبانة و اللوبيا الخضراء و تضيفي فقط الماء غليان و الخل و الملح و تقفلي عليهم لمدة 15 يوم و عند تقديمها تضيفي ليها زيتون محمص.

* فتيحة من مراكش : البصلة مرقدة // 3 البصلات مسلوقين نصف سلقة مع الملح و نصفيوهم و نوضعوهم في زجاجة معقمة و نضيفو ليهم الماء الدافئ و 2 ضروس من الثومة و الملح ، 4 الحبات سوداني و 2 عروش من القزبر و 2 معالق من زيت العود و 1 حامضة مقسومة على  4 و نقفلو عليهم مدة 10 أيام .

* جميلة من تاونات : الزيتون مشرمل // 2 كيلو من الزيتون الأخضر مهرس وماشي حار ، معلقة الهريسة ، نصف كيلو خيزو مقطع مربعات و مسلوق نصف سلقة مع الملح ، رابعة المعدنوس ، الحامض معصر شوية و مقطع بقشورو ، وفي اناء زجاجي يخلط الزيتون مع خيزو و المعدنوس و الهريسة و ماء الحامض و يمكن اضافة القليل من الماء لتفادي حموضة مرتفعة و أطراف الحامض و 1 كأس من زيت العود أو المائدة حسب المتوفر.

* نجمة من البيضاء : الحار مرقد // الفلفل الحار الأخضر مفور و نضيفو ليه  الكروية مدقوقة ، القزبر حبوب ، ملح ، ثوم حسب الذوق ، شوية زيت العود و يرقد الكل مدة 4 أيام .

اليوم في حديث ومغزل مع سناء الزعيم قدمو لينا المستمعات اللي اسمعنا صوتهم لأول مرة في البرنامج مجموعة من الشهيوات لتحضير أملو و هذه بعض هاد الشهيوات :

* فوزية من سطات : أملو بزيت العود و اللوز // 2 كيلو ديال اللوز مقلي في مقلا ثقيلة بلا زيت أو في الفرن و فاش يبرد يمسح بزيف أبيض ثم يدق في الطحان الكهربائي أو في الرحى اذا كان متوفر و نضيفو ليه معلقة صغيرة من الكامون و 2معالق كبار من سنيدة و نبقاو نضيفوها بشوية بشوية حتى ما يبقاش صحيح و تضيفي زيت العود .

* أمينة من طنجة : أملو باللوز و زيت العود // 1 كيلو من اللوز محمر في مقلا و يطحن في الطحان الكهربائي ديال القهوة ثم يجمع في كأس الطحان و نضيفو ليه زيت العود قياس نصف كأس و عند تقديمه نضيفو ليه العسل و زيت الزيتون حسب الذوق .

* نعيمة من مكناس : أملو بأركان // 1 كيلو من اللوز ، 1 لتر من أركان ، 2معالق كبار من العسل ، 1 عود قرنفل ، معلقة صغيرة من الكامون .

نحمرو اللوز فوق مقلا أو في الفرن يكون سخون ثم يمسح بمنديل ناشف و يطحن بقشوره في الرحى أو الطحان الكهربائي الصالح للعطرية ثم يقدم مع البغرير أو الملاوي أو البطبوط ...

* مريا من أكادير : أملو بزريعة الكتان // 1 كيلو من الكاو كاو يتحمر في مقلا أو في الفرن ، رابعة من زريعة الكتان تحمر جانبا وفي الطحين يطحن الكل على حدة ، ثم تبدئي في المزج بينهما من بعد مانضيفو كأس سنيدة أو العسل و زيت العود و يطحن الكل مع اضافة الزيت حسب رغبة كل سيدة .

* نعيمة من تطوان : أملو بالطحين ديال القمح // الطحين ديال القمح يكون بالخالة ديالو و يطحن مع شوية الفليو و السكر و نضيفو ليه السمن و الزيت البلدية و يقدم دافئ و هذه الوصفة تصلح للسيدة النفيسة .

* بديعة من البيضاء : أملو بكاوكاو // 1كيلو من اللوز محمر في مقلا و نضيفو ليه 2معالق كبار من السنيدة و زيت أركان و يطحن في الطحان الكهربائي وعند تقديمه يضاف له زيت أركان .

* عيشة من الصويرة : أملو بالكامون و الكوزة // 1 كيلو كاوكاو أحمر ينقى بقشوره و يحمر في الفرن ، 1لتر من نوار الشمس في كاسرونة حتى يغلى و تتحمر وباش نعرفوها نوضعو فيها طرف الخبز ، ثم نطحنو الكاوكاو في طحان القهوة مزيان ، ثم في اناء تخلطي الكاوكاو و الزيت و الكامون و تحكي شوية الكوزة و السكر الكلاصي و يخلط مزياناليوم في حديث ومغزل مع سناء الزعيم قدمو لينا المستمعات طرق للحفاظ على طراة النعناع و هذه هي:

* زكية من فاس : ينقى النعناع جيدا و يلف في خرقة بيضاء ناشفة و تبداي ترشي بالماء للحفاظ على طراوة النعناع .

و بالنسبة للشيبة نوضعوها في طاسة فيها الماء و نخليوها بأعوادها .

* أمينة من طنجة : ينقى النعناع و يوضع في مناديل ورقية ثم في علبة و نضعه في الثلاجة كيبقى طري لمدة أسبوع .

اليوم في حديث ومغزل مع سناء الزعيم قدمو لينا المستمعات طرق للحفاظ على طراة النعناع و هذه هي:

* زكية من فاس : ينقى النعناع جيدا و يلف في خرقة بيضاء ناشفة و تبداي ترشي بالماء للحفاظ على طراوة النعناع .

و بالنسبة للشيبة نوضعوها في طاسة فيها الماء و نخليوها بأعوادها .

* أمينة من طنجة : ينقى النعناع و يوضع في 

ليوم في حديث ومغزل مع سناء الزعيم قدمو لينا المستمعات مجموعة من الشهيوات للحرشة و طرق تحضيرها بأشكال مختلفة و هذه بعض الوصفات :

* زكية من البيضاء : حرشة مالحة بالخضر و الدجاج // 2 خمارات ،  معلقة الزبدة ، معلقة صغيرة من الملح ، معلقة صغيرة من سنيدة ، نصف كأس زيت ، فانيلا ، قشرة ليمون أو برتقال محكوك ، خميرة الخبز ، كأس  الماء أو الحليب مغلي ثم نخلطو الكل بملعقة خشبية و كنخليو الحرشة ترتاح مدة 10 دقائق .

الحشوة : الكرعة الخضراء ، 4 خيزو ، 1 بطاطا بقشورها مغسولة مزيان ، نحكو الكل في حكاكة الرقيقة و نشحروهم مع الثومة و الملح الابزار و نصف معلقة من  القزبر اليابس و صدر الدجاج اللي تيبقاو لينا من الماكلة كيتقطعو و نضيفوهم للخليط أو الكفتة الا كانت متوفرة أو الطون   .

ناخذو السميدة و نعملو بها كويرات و نفندوها في الدقيق ثم نعمروها بالحشوة و ندخلوها للفرن تطيب .

*ليلى من تطوان : حرشة بالحليب // 1 بيضة نوضعوها في كأس العنبة و نكملو نعمروه بالزيت و نضيفو الملح و معلقة كبيرة من سنيدة و 1 فاني و كأس العنبة ديال الحليب مغلي أو ماء مغلي و نخلطو الكل بالسميدة الرقيقة حتى تبدا تجمع ، وفي مقلاة البغرير نكرصوها و نطيبوها بالمهل .

* مينة من سبت كزولة : حرشة بالليمون // كأس برتقال معصر ، 1 كأس سنيدة ، 2خمارات ، 2 بيضات ، 2 كيسان من الفرص و 100 غرام سميدة ، نخلطو الكل في الخلاط الكهربائي حتى تجمع العجينة و في مقلا رقيقة ندهنوها بالزبدة و نرشها بالسميدة ثم نكرصو فيها كويرات الحرشة و ندخلوها للفرن .

* سكينة من البيضاء : الحرشة مالحة // نصف لتر حليب بارد ، نصف كيلو سميدة رقيقة ، 1كأس زيت ، شوية الملح، 1 فاني زهر ، كأس سنيدة ، تدهن مقلا الثقيلة بالزبدة و ندردرو عليها السميدة الغليظة ديال الكسكس و نطيبوها بالمهل .

* مريم من وجدة : حرشة مالحة // نصف كيلو سميدة رقيقة ، ملح ، سنيدة ، خميرة حمراء ، نصف كأس زيت .

الحشوة : فلفلة بالألوان مقطعين مربعات بصلة و مشحرينهم مع الملح و الابزار و شوية الثومة الكامون و التحميرة و الربيع و الطون حسب الاختيار و الزيتون الأخضر مقطع  ، يخلط الكل و نكوروهم و نكرصوهم و فوق عافية مهيلة نطيبوها.

* مريم من زايو : حريشات بحال غريبة // 1 زلافة من الفرص ، 1 زلافة سميدة رقيقة ، 1كأس زيت ، 1كأس حليب ، 2 خمارات حمرين ، 2 فاني ، نخلطو الخليط بالزيت و بيضة و الملح و كأس سنيدة و الحليب هو الأخير  نجمعو الحرشة على شكل كريصات و نبزطوها شوية في طبسيل الفرن و نطيبوها من التحت و كتجي بحال غريبة ومن الفوق غير السخونة ديال الفرن كافية حتى يتحمرو .

* زهور من سلا الجديدة : الحرشة بالزرع // 1 كيلو من زرع النخالة و نصف كأس زيت العود ، 1فاني ، معلقة صغيرة من سنيدة ، الملح ، 1 خمارة حمراء في الأخير نضيفوها ، ناخذو الزرع و نحركوه باضافة الكل ثم الزيت البلدية ، السميدة تفزكيها في الزيت البلدية و تبداي تفندي فيها كويرات العجين .

اليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير الديك الرومي و بطرق مختلفة و هذه البعض منها :

* سارة من خنيفرة : كراتان الديك الرومي // أطراف الديك الرومي و نضيفو ليهم الموطارد و الملح ، الابزار ، الثومة ، الفطر معلب ، نشرملوهم و نوضعوهم في قضبان العود وندخلوهم للفرن يتحمرو مدة 10 دقائق .

ناخذو البطاطس مسلوقة و نمعكوها ونضيفوها للقضبان ثم نصبو لاصوص بيشاميل و نرشو بالفرماج محكوك ثم ندخلوها للفرن لمدة ربع ساعة و نقدموه بالصحة و الراحة.

* كوثر من تطوان : سباكيتي بلاداند // بقايا الديك الرومي نشحروهم مع الملح و الابزار قعقلة و بسيبيسة و فلفلة حارة مقشرة و مقطعة و مشحرة في شوية الزيت مع الملح والابزار وبنفس الطريقة نشحرو خيزو و الكرعة الخضراء اللي نكونو حكيناهم .

نوجدو صلصة الطماطم مع الثومة و الربيع وورقة سيدنا موسى و الملح والابزار و شوية الزعتر و نضيفو ليها فاش تطيب الفلفلة الحارة و الخضراء المشحرة و يخلط الكل و يقدم .

- قضبان الديك الرومي : صلصة الصوجا و الملح ، الابزار ، ياغورت بدون سكر و شوية الخردل نبيتو فهاد القوام القضبان ليلة كاملة ثم نشويوهم في الغذ.

* حنان من فاس : قضبان الديك الرمي // قضبان مقطعة قطع صغيرة ، بصلة مشلظة مع الملح و الابزار و التحميرة و الكامون و القزبر و المعدنوس ، 2معالق من زيت العود و 2فصوص من الثوم مرقدين حتى تشرب اللذة .

ناخذو فلفلة خضراء مقطعة مربعات و مطيشة مزولين ليها الزريعة ومقطعة مربعات ثم نعمرو بها القضبان.

* كوثر من مكناس : الديك الرومي مرقد و مشرمل // نوضعو الديك الرومي في القليل من الماء مدة 5 دقائق .

ثومة محكوكة ، زعتر و الزعيترة ، ملح ، ابزار ، زريعة الكتان ، أزير ، شوية ديال زيت الزيتون نشرملو القضبان و نخلطوه مزيان ثم نخليوه لمدة ساعة واحدة ، وبهذه الطريقة يمكن قسمه الى علب و الحفاظ عليه  في مجمد و طبخه عند الحاجة بوضع فرشة لشرائح بصل وشرائح الطماطم ثم يقدم ، وهذه الوصفة صالحة لكل سيدة تريد حذف الخبز في أكلها .

* نجاة من البيضاء : شرائح الديك مقلية // شرائح الديك مغسولة بالملح والحامض و يقطرو جيدا .

نطربو 3 البيضات مع الثومة محكوكة و الخردل ، الملح ، الابزار و عصير الحامض ، نفندو الشرائح في الطحين ثم في البيض ثم في النشا و نقليوهم في الزيت تكون سخونة .

* خديجة من مراكش : الديك الرومي في الطاجين // تنقي الديك الرومي .

تحكي مطيشة مع مطيشة الحك و الكامون ، تحميرة ، ملح ، ابزار ، قزبر ، معدنوس ، الثومة ، الحامض معصر ثم نشرملو فيهم الديك .

2 خيزويات مقطعين بالطول نفرشوهم في الطاجين ثم تقطع البطاطس ونضيفو لاداند و يزين الوجه بالفلفل بالألوان و الحامض مصير و الزيتون و شوية الماء و نخليوه يطيب بالمهل .

* الدريسية من مكناس : طاجين الديك الرومي بالقوق و الجلبانة // نرقدو الملوج ديال بيبي في الماء و الحامض و سكينجبير غبرة ثم ينصب ببصلة و الثوم ، سكينجبير الملح ، الابزار و الخرقوم و زيت العود و نرقدوهم شوية ثم يطبخ في طاجين بالجلبانة و القوق بالمهل و يقدم بالصحة و الراحة وممكن استعمال البرقوق معسل .

* فاطمة من العيون : كفتة الديك الرومي // يرقد الديك الرومي بالملح و الحامض مع بسيبيسة و قعقلة ثم يقطر ويطحن من بعد مع الربيع و الملح و الثومة و التحميرة و الزعتر و سكينجبير و الابزار .

نكورو الكفتة و نطيبوها في زيت العود في الطاجين و تحضري من بعد صلصة الطماطم و تطهى جانبا ، تحضري 4 الفلفلات خضرين مشويين و مقشرين و مقطعين بالطول و نضيفوها لكويرات الكفتة و الفلفلة و نوضعوها فوق عافية مهي

اليوم في حديث ومغزل مع سناء الزعيم قدمو لينا المستمعات شهيوات محضرة بالكرعة و هذه بعض الشهيوات اللي قدمو لينا المستمعات مشكورات:

* كجمولة من الداخلة : الكرعة الخضراء معمرة في الفرن// الكرعة الخضراء مقسومة على زوج ومخوي القلب ديالها وندهنو كل طرف بعصير الحامض .

مطيشة مكركبة ، ثومة ، ربيع مكرض ، زيت العود ونشحرو الصلصة و تضيفي ملح و الابزار و سكينجبير ثم تضيفي مطيشة ديال الحك و تعمري الكرعة بهذه الصلصة و تدهني المول و تدردري عليها فروماج محكوك و تدخليه للفرن .

* خديجة من الجديدة : شربة الكرعة //  الكرعة الخضراء الطويلة مقطعة و مسلوقة مع الملح مع  الدجاج أو القمرون ثم تطحن دافئة بالماء ديالها و نضيفو 2معالق ياغورت طبيعي و فرماجة مربعة ثم نطحنو من جديد و نغليوها من جديد و تقدم مزينة بأوراق اليازير و المعدنوس.

* خديجة من الرباط : كرعة في الفرن // طبسيل الفرن واضعين فيه شرائح البصل و الملح الابزار، الزعتر و الكرعة الخضراء مقطعة دوائر ، أطراف ديال الدجاج و المعدنوس و نغطيو بالأليمينيوم و فاش يطيب نضيفو الفرماج محكوك و نغطيو من جديد و نخليوها في الفرن مدة 10 دقائق حتى يتعلك الفرماج .

* مريم من البيضاء : شربة بالكرعة الحمراء // 1كيلو من الكرعة الحمراء ، 2بطاطات ، بصلة صغيرة ، بورو ، نسلقو الكل مع الملح والابزار ويطحن الكل ، ثم نضعه فوق نار مهيلة ونضيفو القشدة الطرية أو كأس ياغورت طبيعي ومن الأحسن يمون اللي فيه القشدة الطرية ثم يغلى الكل ببطء وفي التقديم يقدم مزين بأوراق المعدنوس المصاحبة لشرائح الخبز المحمص.

* عفيفة من مكناس : طاجين الكرعة الخضراء // لحم الجدي ، خرقوم ، سكينجبير ، زعفران الحر ، ملح ، ثومة ، بصلة ، نشحرو اللحم و نضيفو ليه زيت العود و نمرقو شوية ومن الأفضل نطيبوه في طاجين ، الكرعة الخضراء نقطعوها طريفات ثم تدردري عليها الزعتر و تخليها تطيب بالمهل .

* غيثة من سلا الجديدة : مربى بالكرعة // 1 كيلو كرعة حمراء ، حامضة معصرة ، 800 غرام سنيدة ، 1 كأس عصير البرتقال ، تحكي الكرعة في الحكاكة الغليظة ثم تضيفي سنيدة و يبات مرقد فيها ، في الصباح 
تشعلي نار مهيلة و تضيفي ليها الحامض و الليمون و نخليوه يطيب حتى يتعلك .

*فاطمة الزهراء من أبي الجعد عصير الأفوكا الكذاب : نصف لتر حليب ، 2كرعات خضرين ، 1ياغورت طبيعي ، 1فاني ، سكر و يطحن الكل و نقدموه بالصحة و الراحة.

* لمياء من البيضاء : شربة الكرعة الخضراء // نصف كيلو كرعة خضراء ، 1حبة بطاطا ، 1حبة خيزو نسلقوهم ونطحنوهم ، ثم فوق عافية مهيلة نغليوهم من جديد مع اضافة الشعرية الصينية و معلقة النشا و الابزار و الكامون و تحركي مزيان حتى تغلى ببطء 

اليوم في حديث ومغزل مع سناء الزعيم قدمو لينا المستمعات شهيوات مختلفة و هذه البعض منها :

* ندى من الناظور : فلان بالكراميل // 4 البيضات ، 4 معالق من السكر ، فانيلا ، نصف لتر من الحليب بارد ، يخلط الكل ويخفق البيض مع السكر و الفانيلا ثم الحليب الدافئ في اناء و يوضع في حمام مريم ثم نضيفو الكراميل بعدما نذوبو السكر ثم نضعه في الثلاجة و نقدمه بالصحة و الراحة .

* نادية من البيضاء : دجاج في الفرن // دجاجة صغيرة مغسولة نحكو فيها 3 الضروس من الثوم ، سكينجبير ، ابزار ، ملح ، سمن ، خرقوم بلدي ، عصير حامضة ، ثم نشرملو الدجاجة و تجمع بالخيط .

في طبسيل كيدخل للفرن نفرشو الملح الغليظ ثم ندخلوها للفرن ساخن مسبقا ثم نخفظو من درجة الحرارة و نتكوها مرة مرة و نخليوها تتحمر .

* عزيزة من البيضاء : سلطة متنوعة // شوية روز ، 2 خيزويات ، جلبانة ، 2بطاطس ، الباربة جانبا ، القوق ، خص ، زيتون أسود ، مطيشة ، الطون ، 2 بيضات مسلوقة .

نسلقو الكل وفي اطار المول تقدمي الخضر باش تاخذ على الشكل اللي تحب السيدة .

الصلصة : عصير حامض ، زيت العود ، ملح و الابزار ثم نفرشو الروز ثم الباربة و الجلبانة ثم الروز و الطون و البطاطس و كتفرشي الخضر اللي عندك محكوكة أو مقطعة و تحي البيض من الفوق و تزيني بالقوق و مطيشة و الخص و الزيتون الأسود .

* لطيفة من مراكش : حرشة  بالسميدة // رابعة السميدة ، رابعة الفرص ، 1 كأس حليب ، 1 كأس زيت ، السكر حسب الذوق ، خمارة حمراء ، 1 حامضة محكوكة ، يخلط الكل ثم نعملو بهم كويرات و ترشمي بالكأس ديال العنبة ثم تدخليها للفرن .

اليوم في حديث ومغزل مع سناء الزعيم قدمو لينا المستمعات مجموعة من الشهيوات و هذه هي :

* عائشة من مراكش : الحوت كفتة // السردين منقي و مطحون ، 1 بطاطا ، 1 خيزو ، حامض معصر ، ابزار ، ربيع ، الروز كلاصي  ، نسلقو الكل و نجمعوهم بكويرات و نقليوهم ،
 نحضرو لاصوص ديال مطيشة مشرملة و كنضيفو ليها مطيشة الحك ثم الكويرات ديال الكفتة ديال السردين و نخليوهم يغليو وسط هاديك الشرمولة و نقدموهم  .

- اللبن يابس : فاش كيحماض اللبن كنوضعوه في كوكوط حتى يطبخ و يولي مكور ثم نوضعوه في زيف حياتي و تقطريه مزيان ثم يتفتل ، نضيفو ليه الحلبة و الزعتر و تيميجة تكون يابسة و منقية ثم نوضعوه بعيدا على الضوء و ممكن نستعملوه في الحريرة أو المحمصة أو هربل .

* دنيا من أحفير : السمك مقلي // سمك مغسول و مشرمل و نعمروه من الداخل ، ثم نسخنو الزيت و نقليو فيه الحوت ، وجانبا نحكو مطيشة و التحميرة الكامون و ربيع و نقليوها مزيان ثم تخويها على الحوت و نقدموه بالصحة و الراحة.

* حكيمة من سطات : البيض مبخر //  8 البيضات ، 2 بطاطات ، زيتون أخضر مقطع ، زيتون أسود بلا عظم ، مورتاديلا و كاشير و معدنوس ، زيت العود ، 2 بصلات خضاريين ، كامون ، ملح ، ابزار ، تخوي الكل في بلاستيك التبريد و تحزميه من الجانبين و تطيبيها في البرمة أو الكوكوط لمدة ربع ساعة ثم تقطع كطورتيا .

* ليلى من أكادير : 1دجاجة ، 2ضروس الثومة نوضعوهم داخل الدجاجة ثم تضيفي التوابل و الزعفران الحر ، ضامة البنة ، ملح ، تحميرة ، ابزار ، شوية من الزعتر ثم تشرملي الدجاجة و نمرقوها و كتزيدي عليها الروز باش يطيب .

 جانبا في زلافة تخلطي ضروس الثومة و التحميرة و الزبدة  و تدهني الدجاجة وتحمريها في الفرن .

- وصفة للبطاطس لمصاحبة الطبق : نحكو البطاطا في حكاكة طويلة ، 4 البيضات مطربين ، ملح ، ابزار ، شوية الكوزة ، ياغورت طبيعي ونخلطو الكل و تصبيهم في طبق الفرن ثم يحمر و نقدموها مع الدجاج .

* أمال من البيضاء : الروز مسقي بالدجاج والخضر// كتطيبي الدجاج بالمرق و التوابل مع البصل و الكرعة ، اللفت ، الخيزو مع اضافة الخضر المتوفرة في البيت و الروز يسلق نصف سلقة ثم يفور في كسكاس اللي فيه كيطيب الدجاج والخضر و يقدم مثل الكسكس الروز مسقي بالمرق و الدجاج والخضر.

*كرمة من مديونة : تيراميسو رخيص // باكية من غبرة الشانتيي ، 2 فلان كراميل ، 1معلقة كبيرة من قهوة سريعة الدوبان ، 1 كأس من حليب بارد ، 2باكيات بشكيطو دائري بدون شكلاط ، 1 كأس قهوة سائلة تكون قاصحة و نوضعوهم في طبسيل دائري أو مربع .

بودرة الفلان و الكراميل و القهوة سريعة الدوبان يطرب الكل مع الحليب و في طبسيل نضع أول طبقة من الشاتيلي ثم البشكيطو المفزك في القهوة و تعيدي العملية حتى تحصلي على طبقات و الشانتييي في الوجه و في الأخير الباكية ديال الفلان ترشيها على الوجه و ك\لك الكاكاو غبرة و تغطيها بالسولوفان و تتركها في الثلاجة لمدة 6 ساعات على الأقل و يقدم .

* ليلى من أكادير : 1دجاجة ، 2ضروس الثومة نوضعوهم داخل الدجاجة ثم تضيفي التوابل و الزعفران الحر ، ضامة البنة ، ملح ، تحميرة ، ابزار ، شوية من الزعتر ثم تشرملي الدجاجة و نمرقوها و كتزيدي عليها الروز باش يطيب .

 جانبا في زلافة تخلطي ضروس الثومة و التحميرة و الزبدة  و تدهني الدجاجة وتحمريها في الفرن .

- وصفة للبطاطس لمصاحبة الطبق : نحكو البطاطا في حكاكة طويلة ، 4 البيضات مطربين ، ملح ، ابزار ، شوية الكوزة ، ياغورت طبيعي ونخلطو الكل و تصبيهم في طبق الفرن ثم يحمر و نقدموها مع الدجاج .

اليوم في حديث ومغزل مع سناء الزعيم قدمو لينا المستمعات مجموعة من الشهيوات بمطيشة وهذه البعض منها :

* أسية من فرنسا : مطيشة معمرة // كفتة مخلطة و محمرة فوق عافية مهيلة ثم تخلط مع الأرز مسلوق نصف سلقة ثم نعمرو بها مطيشة مخوي ليها القلب .

* نادية من البيضاء : التكتوكة // مطيشة منقية و مقطعة بلا زريعة مع شوية الملح و الكامون و الثومة و تحميرة و القزبر و المعدنوس ثم نخلطوها مع الفلفلة مشوية و مقطعة ونحمرو الكل و نقدموها بالصحة و الراحة .

* نادية من شيشاوة : الهريسة // القشور ديال مطيشة مسلوقين ثم يطحنو في الطحان مع السوداني و الفلفلة ثم هالهريسة موجودة .

* مريم من فرنسا : الكاتشوب // 2 كيلو من مطيشة يكونو طايبين ، 2بصلات ، 2 ضروس من الثومة ، 2 معالق كبار من الخل الأبيض ، 2 معالق كبار من الخل ، 100 غرام سكر ، 2 معالق صغار من الملح ، ابزار ، 2 قرنفلات ، نصف معلقة من السودانية .

تقشر الطماطم و تقطع و البصل و الثومة في كوكوط و يطيب الكل مع كأس ماء ، وفي كاسرونة أخرى تخلط التوابل و الخل مع السكر حتى يختر  ثم نضيفو صلصة الطماطم و على نار مهيلة و نخليوه يختر .

* أمينة من تارودانت : طيشة معمرة // 1 كيلو مطيشة مقطعة الى أنصاف و نفوروها في الكسكاس بلا زريعة ، في مقلا تشحر الكفتة مع القزبر و الفلفلة بالألوان ثم نعمرة بهاد الحشوة الطماطم اللي فورنا ونحكو الفرماج الأحمر من الفوق و ندخلوها للفرن

ليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير السفنج و هذه البعض منها :

* فاطمة الزهراء من الناظور : سفنج بلدي // 1 كيلو من الطحين يعجن بالخميرة ديال الخبز و الملح والماء و يبقى خفيف و نخليوه يخمر ثم من بعد يتقسم و يتكرص على شكل سفنج ثم يقلى في الزيت يمون ساخن .

*سهام من اسفي : سفنج بعصير البرتقال // 2 بيضات ، 1 كأس عصير الليمون ، 1 فاني ، خميرة ديال الدار ، 1 خمارة ، 1 كأس زيت ، 1 كأس سنيدة ، تخلط المقادير و تعجن العجين وتبقى خفيفة ثم تقع بكأس و نقليوهم في زيت ساخنة ثم يرش الوجه بسنيدة أو الكوك.

* نور من الداخلة : البينيي // 1 كأس ياغورت ، 1 كأس زيت ، 1 كأس حليب ، معلقة من خميرة بلدية ، 1 خمارة حمراء ، ملح ، شوية الخل ، يعجن الخليط بالدقيق ثم يدلك و يقطع بزلافة و يقلى في زيت ساخن ، ويمكن أن تقطع من الوسط و تملؤ بالمربى من الداخل .

* اشراق من فرنسا : التشورو // 1 مغرفة من دقيق الفرص ، 1 مغرفة من الماء الدافئ ، ملح ، يخلط الكل جيدا ثم تعمري الاناء أو الخنشة اللي غادي تخرج التشورو ساخن و من بعد القلي يدردر عليه سكر كلاصي أو السنيدة .

* سمية من البيضاء : البينيي بالشكلاط // نصف كيلو دقيق و شوية السنيدة ، خميرة بلدية ، فانيلا ، زيت ، أصفر بيضة ، ملح ، شوية الخرقوم ، ماء دافئ لجمع العجين ثم نخليوها تخمر على شكل كويرات و تكرصيهم ثم يقلى و من بعد يفتح الوسط و نعمروهم بالشكلاط ديال الدهن .

اليوم في حديث ومغزل مع سناء الزعيم قدمو لينا المستمعات مجموعة من الأفكار لتحضير الكيش و هذه البعض منها :

* بهيجة من كلميم : كيش بالطون // رابعة من الدقيق ، ملح ، سكر ، 1 بيضة ، نصف رابعة زبدة ، نجمعو الدقيق بالزبدة و الملح و السكر حتى تجمع العجين و تدلك مزيان حتى يطوع ثم ندخلوها للثلاجة مدة ربع ساعة .

تقطع الفلفلة ملونة بالطول ثم تشحر في الزيت ، ابزار ، ملح ، و البصلة حتى هي تشحر حتى تنشف ، يقطر الطون من الزيت .

تطلق العجين وتدخل للفرن حتى تطيب نصف طيبة ثم تعمر بالبصل والفلفل و الطون في اناء يطرب البيض مع 2 معالق من القشدة الطرية أو ياغورت طبيعي و الملح و الابزار و يسكب الخليط فوق العجين معمرة ثم تدخل للفرن حتى تطيب ثم تدردري الفرماج على الوجه و تقدم بالصحة و الراحة .

* فاطمة من شيشاوة : كيش بطاطا مسلوقة // العجين مملح نفس المقادير مع اضافة معلقة من الخل حتى يجي مفشفش .

بطاطا مسلوقة ثم تصفيها وتضيفي ليها 125 غرام من الفرماج محكوك و المعدنوس و الملح ، الابزار و البصلة صغيرة و يشحر الكل ثم نضيفوه للبطاطا و نمعكوها بشوكة . في مول نفرشو العجين ثم نضيفو ليها الخليط ديال البطاطا .

نطربو 4 البيضات مع شوية الملح و الابزار و 3معالق من الحليب و 3 معالق من القشدة الطرية و نخويوه على البطاطا و ندخلوها للفرن بالصحة و الراحة .

* الزوهرة من الرباط : كيش بالديك الرومي المدخن و العجين المورق // 4 البيضات ، ملح ، ابزار ، 1 كأس و نصف حليب ، نصف كأس قشدة طرية ، الفرماج محكوك و النوع حسب الذوق ، الديك المدخن يقطع مربعات أو بالطول ،  نفرشو العجين ثم نخويو الخليط و نضيفو الفلفلة بالألوان وندخلوها للفرن ، وتقدم هذه الكيش مع سلطة خضراء بالصحة و الراحة .

* نادية من البيضاء : كيش بالبرو و صدر الدجاج // دقيق ، ملح ، ابزار ، زبدة مذوبة ، زيت ، 1خمارة ، 1كأس ماء و الطحين حسب الخليط ثم تجمع وندخلوها للثلاجة .

1 كيلو من البرو منقي ومغسول ويقطع دوائر رقيقة و يتسلق في الماء مع الملح ثم يوضع في زيف حياتي و يتعصر مزيان من الماء و يشحر بالزبدة و الملح و الابزار ، ثم ناخذو صدر الدجاج ويقطع مربعات صغار مع الملح و الابزار و سكينجبير ويشحر الكل ، جانبا يطرب البيض و القشدة الطرية و الكوزة و نسكبوه على الكل و نرشو بالفرماج الأحمر و ندخلوه للفرن بالصحة و الراحة .

وقدمات لينا المستمعة فتيحة من فاس شهيوة للبينيي ريجيم : نصف كيلو فرص ، نصف كأس سنيدة ، خميرة بلدية ، 2أصفر بيض و معلقة خميرة وكأس زبدة مذوبة و زيت ، الملح ، يخلط الكل بالحليب ثم نترك العجين تخمر و تقسم الى كويرات و نتركها ترتاح مجددا و ندلكوها و تقطع بكأس ثم تستفي في طبسيل الفرن و نخليوهم يرتاحو ساعة .

ندهنوهم بببيضة و قهوة سريعة الذوبان ، الخل نطربوهم و ندهنو بهم الوجه و ندخلوهم للفرن مع المراقبة

اليوم في حديث ومغزل مع سناء قدمو لينا المستمعات مجموعة من الشهيوات لتحضير الفلان و دانيت بالبيت و هذه بعض الشهيوات :

* ليلى من البيضاء : دانيت ديال الداؤ // 1 كأس ماء ، 2 معالق شكلاط غبرة ، 2 معالق من نشا ، 2 معالق قهوة سريعة الذوبان ، 3 معالق سنيدة ، 2 معالق زبدة .

يخلط الكل و نوضعوه فوق نار مهيلة حتى يعقد و يسكب في اناء و يترك حتى يبرد في الثلاجة .

* سعاد من طنجة : فلان بالبرتقال // 1 كيلو من البرتقال يعصر و يوضع فوق نار مهيلة ، 1 كأس ديال العصير نزيدو ليه سنيدة و 2 فلان خنشة و يغلى ثم يخلط مع العصير الاخر حتى يغلى الكل ثم يسكب في أواني أو طبسيل مجموع كبير و يدخل الى الثلاجة .

* ايناس من فاس : الفلان على الطريقة الفاسية // نصف لتر حليب ، 1 خنيشة الفلان ، فواكه مقطعة رقيقة ، سكر حسب الذوق ، 1فانيلا .

يخلط الكل ثم الفانيلا ثم السكر حتى يفيض الحليب ثم يسكب في زلايف اللي نفرشو فيها أطراف الفواكه ثم تسكبي شوية السائل ديال الفلان ثم فرشة ديال الفواكه ثم الفلان تيكون على شكل طبقات من بعد يبرد في الثلاجة و يقدم بالصحة و الراحة .

* سامية من تيزنيت : دانيت // نصف لتر حليب ، 4 الى 5 معالق سنيدة ، 3معالق كبار من الكاوكاو ، 3 معالق من النشا ، فوق عافية مهيلة يخلط الكل حتى يعقاد ثم يسكب في كؤوس زجاجية حتى يبر ثم يزين الوجه بالكريمة باتيسيير و الشكلاط غبرة أو شعرية .

- تحضير الكريم باتيسيير : نصف لتر حليب ، 1 بيضة ، 3 معالق كبار من بودرة باتيسيير ، 4 معالق كبار سنيدة ، 1فانيلا ثم تحركي حتى يعقد و تزيني به الوجه .

* فوزية من الناظور : الفلان بالبيض// نصف لتر حليب يغلى و نضيفو ليه 3 البيضات فوق عافية مهيلة و 2 معالق سكر ، 3 معالق كاوكاو ، 1 معلقة سريعة الذوبان ، ثم يسكب في زلايف ديال الفرن و نوضعوهم في لاطة مليئة بالماء ( حمام مريم ) و يترك ثم نضعه في الثلاجة .

* فاطمة الزهراء من خنيفرة : فلان بالجزر // نصف كيلو جزر يغسل و ينقى و يقطع أطراف ثم يطحن مع نصف لتر حليب ثم يسكب الخليط في كاسرونة فوق نار مهيلة و تضيفي خنيشة الفلان العادي و 3معالق سنيدة و يحرك بدون توقف .

في كاسرونة أخرى تعيدي العملية مع الحليب و يطحن مع 2 بنانات في زلايف صغار نسكبو الخليط .

1لتر ليمون ، 3فلان ، 3معالق سنيدة وفوق عافية مهيلة تخلطي و تحركي ثم تسكبيه في طبسيل أو لاطة الكيك الدائري ثم يبرد و تديريه في الثلاجة .

اليوم في حديث ومغزل مع سناء الزعيم قدمو لينا المستمعات مجموعة من الشهيوات بالفول و هذه البعض منها :

* الهام من الجديدة : بيصارة // الفول اليابس منقي ومغسول ثم يرطب في الماء ثم في الغد يتم طهيه في كوكوط و خاص السيدة تحرك بتواصل حتى ما تفيضش ثم فاش يبرد يطحن في الطحان ثم كنضيفو التوابل و نقدموها بالصحة و الراحة .

* نبيلة من فرنسا : كراتان بالفول // 500 غرام كفتة ، في مقلا كنشحرو البصل ثم مطيشة حتى يتقلاو ثم نضيفو الكفتة و المعدنوس ومعلقة من الطحين و أصفر بيضة ، نسلقو البطاطا و نطحنوها ، الفول مقشر ومطحون .

في اناء كتفرشي أولا الكفتة ثم الفول ثم البطاطس مطحونة ثم نرشو بالفرماج محكوك و ندخلوه للفرن حتى يتكرمل .

* زليخة من الناظور : الفلافل بالفول // 1 زلافة الفول يابس نرطبوه ليلة كاملة و في الصباح يطحن ثم تضيفي 5 ضروس ثوم و بصلة متوسطة مشلظة و معدنوس و القزبر ، 1 خمارة بيضاء ، خرقوم و الكامون ، التحميرة ، نخلطو الكل حتى يولي بحال الا مطحون ثم تشكلي كويرات صغار و تفنديهم في النشا أو الزنجلان محمر حتى تسخن الزيت مزيان وتنقصي النار عليها ثم نشكلو كويرا و نقليوهم فيها .

*مريم من مكناس : طاجين الفول الأخضر بلا لحم // الفول الأخضر مقشر ومفلح من الرأس ، يتسلق نصف سلقة مع الملح . في طاجين نشلظو بصلة مزيانة مع القزبر و المعدنوس ، ثومة ، مطيشة محكوكة ، ملح ، ابزار ، خرقوم ، زيت بلدية ثم تضيفي شوية ديال الماء حتى يغلي ثم تلوحي فيه الفول و نخليوه يطيب بالمهل .

* نزهة من خريبكة : الطعمية // رابعة من الفول يابس مرقد في الماء ليلة كاملة مع تغيير الماء ، وفي الصباح يطحن مع قبصة المعدنوس حتى يعطي اللون الأخضر و الثوم ، ابزار ، كامون ، رأس بصلة خضارية ، و نطحنوه مزيان ثم نضيفو 2بيضات ، ثم تبداي تهزي بالمعلقة و تحطي في مقلا بها الزيت على شكل كريصات صغار ثم تقطريهم شوية و يجب أكل الطعمية سخونة .

- طريقة صنع العيش بالمنزل : نصف كيلو فرص ، شوية قمح ، خميرة ، ملح ، شوية سنيدة ونجمعو الكل و ندلكوه بحال الخبز و تخلط بحركات دائرية كبيرة وفاش تخمر تديريها في مقلا بلا زيت كيجي منفوخ ثم يفتح من الجنب و يعمر بالطعمية و الصلصات و الخص و مطيشة بالصحة و الراحة .

* مليكة من البيضاء : الفول منكوب ( طريقة مراكشية ) // الفول الأخضر الطري من الأحسن الصغير مع الماء و الثومة و التحميرة ، الكامون و الابزار و سكينجبير ، مطيشة محكوكة و الخرقوم البلدي و شوية الملح و تشعلي عليها النار بدون زيت ، حتى يختر ثم تضيفي زيت العود و الحامض مصير و الربيع مكرص .

* فتيحة من تطوان : فول كناوة // يرطب الفول ليلة كاملة وفي الغد تضيفي ليه الماء و بصلة مشلظة و 1 مطيشة ، زيت مخلطة ، ملح ، ابزار و الخرقوم وسكينجبير و فلفل أحمر ، الثوم ثم تشدي عليه حتى يغلى و يختر و يقدم بالصحة و الراحة .

* زينب من سلا : الفول مشرمل // الفول الأخضر الطري يتفلح و يتسلق و يطيب مباشرة ، مطيشة ، ثوم ، ربيع ، سوداني ، تحميرة ، كامون ، ابزار ثم نخليوه يتقلى و يشرب و نقدموه بالصحة و الراحة .

اليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير المسمن و هذه بعض الشهيوات :

* نعيمة من البيضاء : ملوي بمايزينا // نصف كيلو طحين ، 1 كأس من الزبدة ، 1 بيضة ، ملح يجمع الكل بماء الزهر و تكور ونتركها ترتاح ثم تطلق بالمدلك رقيقة مع رش بمايزينا بكمية كثيرة ثم تدوريها و تقطع بالسكين و تبداي تكرصي و تبداي تضربي بشيتة فيها العسل وهي سخونة وترشي بالسكر أو اللوز و ندخلوهم للفرن .

* احسان من أكادير : 2زلايف من الفرص ، نصف زلافة من القمح ، 1فانيلا ، سنيدة ، ملح ، تخلط العجيث و نتركها ترتاح حتى الغذ .

ناخذو بصلة مشلظة و تحميرة ، كامون ، ابزار ، سودانية ، سكينجبير ، 1 فلفلة خضراء مقطعة صغيرة ، زيتون أخضر و أسود مقطع ، قزبر و معدنوس ، ثومة ، نطيبو الكل في زيت الزيتون و نخليوه يبرد و نعمرو بها العجين حتى ما يتقطعش و ماتكرصش و نقطعوها مربعة و نوضعوها فوق عافية مهيلة حتى تبدا توقف ثم من بعد تدهني المسمنة بالبيض و ترشي بالنشا و تقليها في شوية الزيت و نقدموها بالصحة و الراحة.

* دنيا من فاس : مسمن بالخضر // نحضرو عجينة عادية ديال الملوي .

الخضر : الكرعة الخضراء ، فلفلة ، خيزو و بطاطا ، يتسلق الكل ماعدا الفلفلة نصف سلقة ثم تخلطيهم مع الشعرية الصينية مسلوقة نصف سلقة و قبل تضيفي كفتة شوية حسب المتوفر، و التوابل الملح ، الابزار ، كامون ـ تحميرة  ثم يخلط الكل و تضيفي الحامض مصير وتبداي تعمري الملوية  ثم تشديها ة تطيبيها .

* الحاجة خديجة من البيضاء : مسمن بالخليع // نصف كيلو فرص و رابعة من الحرش و الخميرة بحال عجين الخبز و لكن تكون مطلوقة ، بطاطا مقطعة و مسلوقة نصف سلقة و تشدي بصلة و الفلفة خضراء و حمراء و خيزو محكوك ثم تعمري و تستعملي عجين واحدة ثم نضعهم في لاطة و ندخلوهم للفرن .

* ابتسام من سلا :ملاوي معمرين بالكفتة // زلافة الفرص ، ملح ، سنيدة ، ويعجن بالماء الدافئ .

العمارة : بصلة مشلظة فلافل خضراء و حمراء مشويين ، ملح ، سوداني ، تحميرة ، ربيع مكرص ، الكفتة تضيفي ليها التوابل وتشحريها جانبا ثم تخلطي الكل و تتركي العمارة تبرد كي لا تتقطع .

اليوم في حديث ومغزل مع سناء الزعيم قدمو لينا المستمعات مجموعة من الأفكار لتحضير القطاني من عدس و لوبيا .... ، وهذه بعض الشهيوات و الأفكار  : 

*حليمة من تارودانت : العدس بالكديد// يرطب القديد و نقليوه مع الثومة و البصلة و الزيت و الابزار ، ثم يغسل العدس مزيان ونضيفي ماء بارد والعدس حتى يطيب نصف طيبة ثم تضيفي مطيشة محكوكة و القزبر و الكامون والملح و التحميرة و المعدنوس و أطراف الحامض المصير ثم يقلى مجددا وتقدم بالصحة بالراحة .

*لمياء من البيضاء : اللوبيا بلحم البقري // ترقدي اللوبيا في الليل و في الصباح تاخذي لحم بقري و البصل و 3رؤوس الثومة و الكامون ، الملح ، ابزار ، خرقوم و الزيت ، تشحريه ثم ترويه و تشدي عليه 20 دقيقة ومن بعد تحكي 2 أو 3 طماطم وتكملي الطياب ديال اللحم و تلوحي اللوبية و تضيفي الربيع في الأخير .

*سعاد من طنجة : الجلبانة يابسة // تغسل جيدا ثم تضيفي لها البصلة وضروس ثومة و معدنوس و الكامون و الابزار و تخليها تتقلى في الطاجين ديال الفخار .

* فاطمة الزهراء من مكناس : اللوبيا بالقديد // يرطب الكديد و يرطب ليلة كاملة و كذلك اللوبيا ، تنصب اللوبيا مع البصل و الثومة و الابزار و القزبر و المعدنوس و سكينجبير و التحميرة و الزيت البلدية و مطيشة محكوكة بلا زريعة ثم تشدي عليها ثم تضيفي الكديد و نخليوها تطيب بالمهل .

* عزيزة من سطات : العدس بالخضر // يسلق العدس ثم يقطر و نحكو مطيشة و الثومة و البصل و الربيع مكرض ، الابزار و الملح و الكامون ثم زيت العود و تشحري الكل و تروي بالماء و تضيفي العدس و طريفات الخيزو و طريفات البطاطا الحلوة حتى يتقلى مزيان .

اليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير البلبولة و هذه بعض الوصفات :

* خديجة من سيدي قاسم: حسوة البلبولة // 1بصلة محكوكة ، 2مطيشات محكوكات بلا زريعة ، ربيع مكرض ، كرافس ، سمن ، ابزار ، ملح ، سكينجبير ، فليو ، زعتر ، رأس ثومة كامل ، يشحر الكل مزيان بزيت العود و تمرقي .

تاخذي البلبولة الغليظة و تغسليها مزيان وحتى يطبخ الماء و تلوحيها حتى توجد و تدوريها بمطيشة ديال الحك وشوية الربيع ونخليوها تغلي شوية و نقدموها بالصحة و الراحة .

* خديجة من أكادير : البلبولة مفورة على شكل كسكس// 1 كيلو من تشيشة البلدية ديال العبار ، ثم تنقيها و تغبريها ، ومن الأحسن تكون الحبة متوسطة ديال البلبولة و يفضل تحضيرها مع الكرشة أو الدوارة .

الخضر :نصف كيلو من  الفول ، اللفت المفور ، الكرعة الحمراء البلدية ، خيزو و بصل و طماطم .

سكينجبير ، خرقوم بلدي ، ابزار ، ملح ، زيت المائدة ، يتقلى البصل مع الدوارة أو الكرشة و تضيفي عليها مطيشة بالقشور مغسولة و مقطعة ثم الخضر الأخرى ، تفزك البلبولة مزيان و تبداي تفوريها و تضيفي زيت العود و الملح و الماء و نحضرو الكسكس ديالنا كيف العادة و نقدموه بالصحة و الراحة .

*خديجة من البيضاء : خبيزات البلبولة // نصف كيلو بلبولة رقيقة تفزك بالماء سخون و الخميرة و تخليها تحمر شوية ثم تجمع بالفرص و تبداي ترشي عليها البلبولة و تكرصي في مقلاة ثقيلة في الفطور بالصحة و الراحة.

* سهام من الفقيه بنصالح : حسوة البلبولة بمطيشة// بصلة مشلظة ، 2طماطم مطحونين ، توابل ، تقلي الكل ثم تضيفي الماء وتدوريها بالحليب وضامة البنة ديال الغنمي وورقة الرند في الأخير ومن الأفضل تكون البلبولة رقيقة.

* أم نضال من البيضاء : حرشة البلبولة // كأس من البلبولة ديال الشعير رقيقة ، نصف كأس سميدة رقيقة ، زيتون أسود مقطع أطراف ، زعتر ، ملح ، زيت المائدة ، شوية سنيدة ، نصف خميرة حمراء ، شوية الخميرة ، تخوي على البلبولة الماء غليان حتى يتشرب وتضيفي من بعد الزيتون و الزعتر و تعجنيها و تكوريها وتخليها تحمر ثم تكرص و تطيب ونقدميها بالصحة و الراحة . 

اليوم في حديث و مغزل مع سناء الزعيم قدمو لينا المستمعات مجموعة من الوصفات بالخبز الكارم و هذه البعض منها :

*أم الاء من البيضاء : سندويش بالخبز الكارم // تجمع كمية من الخبز الكارم ثم تاخذي الحليب و ماء الزهر و القرفة و تعركيه مزيان مع هاد العناصر ثم تديري كويرات صغار بهم ، تطربي 2بيضات و تاخذي النشا و تغطسي فيها الخبيزات و ندخلوهم للفرن تطيب أو نقليوهم في الزيت .

* زبيدة من الرباط : السفة بالخبز كارم // الخبز كارم يقطع طريفات و يرش بالماء ثم يفور في كسكاس و يدهن بالزبدة و ممكن اضافة السكر كلاصي و نقدموه بالصحة و الراحة .

* مريم من مكناس : الزميتة بالخبز كارم // يفزك الجبز بالماء لمدة 10 دقائق ثم تعصريه و تفرتيه بحال الكسكس و نضيفو ليه المسكة الحرة مدقوقة مع السكر و النافع مدقوق و 2 معالق كبار من الزهر ، وفي مقلا تذوبي 2معالق من الزبدة ثم تلوحي عليها الخبز و نقدموه بالصحة و الراحة .

*خديجة من مكناس : تامبصلت أو الرفيسة العمياء // البصل في طنجرة مقطعة بحال التفاية ، خيزو مقطع طويل ، لفت ، كرعة حمراء ، كرعة خضراء ، شوية العدس ، القليل من الحلبة ، ثوم بقشورها ، الربيع مكرض و مربط .

ابزار ، سكينجبير ، خرقوم ، ملح ، زيت ، زعفران حر ، تمرقي و تطيبي الكل .

ناخذو الخبز مقطع طريفات في الطنجرة و منين تختر المرق و الخضر تسقي الخبز و تقدميه بالصحة و الراحة .

* فاطمة الزهراء من بني ملال : الخبز اليابس بالفرماج // شرائح الخبز ترش بالزيت البلدية و الزعتر و شوية الملح و الفرماج و الزيتون الأسود أو الأخضر مطحون ويدهن به شرائح الخبز و يدخل للفرن يتحمر .

* بديعة من مكناس : تردة بالخبز و القديد // 2 بصلات ، 2 طماطم ، ربيع مكرض ، ثوم ، العدس ، الفول ، ملح ، ابزار ، سكينجبير ، الكديد و الكرداس ، السودانية ، الحلبة حسب الاختيار .

الخبز يقطع طريفات صغار ثم يفور ثم يسقى بالخليط و يقدم بالصحة و الراحة.

* أم رياض من فاس : البيتزا // فاش كيشيطو خبيزات كاملين يقسمو من الوسط على العرض و تحضر صلصة البيتزا حسب الاختيار ، يدهن بالصلصة و نضيفة الطون و الزيتون و الفرماج محكوك و يدخلو للفرن وممكن تطبيق هذه الوصفة مع الكومير .

ليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير الأومليط وهذه البعض منها :

* بشرى من سلا : أومليط بالخضر // 2 بطاطس مقطعة مكعبات و تسلق في ماء مملح ثم تقطر ، نطربو 4 البيضات مع الملح و الابزار و نصف كأس حليب و الربيع مقطع ثم تزوقي بالفرماج.

* نزهة من مكناس : أومليط بالبطاطا مقلية // بطاطا مقطعة صغيرة و مقلية ثم تضيفي عليها البيض مطرب مع الكاشير و الكرافس و المعدنوس .

* نادية من سيد الزوين : أومليط بالزيتون // زبدة ، ملح و الزيتون الأخضر بلا عظم مقطع ثم الكاشير محكوك و يطرب البيض و تضيفي كأس ياغورت طبيعي وتخلطي ثم تطيبيها بالصحة و الراحة.

* زينب من بني ملال : أومليط بالبصل // بصلة خضارية تقطع شرائح ثم تقلى مع زيت العود و الملح ثم يطرب البيض و تخويه ثم تحكي الفرماج عاى الوجه و تضيفي حب رشاد و نقدموه بالصحة و الراحة.

* رقية من أكادير : أومليط باللوبيا الخضراء// اللوبيا الخضراء مقطعة أطراف صغيرة ثم توضع في الماء وتصفى ثم تشحر في الزبدة ، نطربو البيض مع الملح و الكامون و الزبدة ونخلطو الكل و نطيبوهم في مقلا مدهونة بالزبدة.

* نجية من وجدة : أومليط بالفلفلة ملونة // تشحري بصل مقطع بالطول مع الثومة و الملح والزيت ، تضيفي فلفلة بالألوان ثم المعدنوس حتى يطيب الخليط ثم تطربي البيض و تسكبيه في مقلا أخرى و تاخذي شوية ديال الخليط و تحطيه في الوسط ثم تلصقي الجانبين مع الحفاظ على الوسط و تقدميها بالصحة و الراحة.

* نعمة من باريس : أومليط بالفطر// الفطر الطري يقطع شرائح ثم يتقلاو في الزبدة مع الملح و الابزار و تطربي البيض مع الحليب وشوية الكوزة وتخلطي وتقدم بالصحة والراحة .

*وفاء من البيضاء : أومليط بالدجاج// صدر الدجاج مقطع طريفات صغار و يتشحر مع الملح والابزار و زيت العود و تطربي 3 البيضات و تسكبيهم على الدجاج و تغطيها وتطيب من الجهتين ويمكن اضافة الفرماج محكوك في الأخير.

اليوم في حديث ومغزل مع سناء الزعيم قدمو لينا المستمعات مجموعة من الشهيوات للمملحات و هذه البعض منها :

* نادية من شيشاوة : مسمن بالخضر و الطون // نصف كيلو بصل ، 4 خيزو ، 4 الكرعات خضرين ، الكل يكون محكوك ومشحر مع الملح  والابزار و زيت العود ثم نضيفو الزيتون مقطع و الفرماج محكوك أو الفرماج مثلث بعدما يتجمد و يتحك و نزيدو الطون و الشعرية الصينية بعدما تخوي عليها الماء غليان و تصفى و تقطع ثم نعمرو المسمن و تنسمي بالزعتر و تضاعفي العجين حتى ما تقطعش ، ثم نطيبوها في مقلا .

* سعاد من الكارة : الفقاص الحار // كأس من زيت الرومية ، 1بيضة ، 1 فرماجة ، 2 معالق من التحميرة ، شوية الخميرة ، 2 معالق من الهريسة ، تعجني و تدلكي بالماء و تديري حرابل بالطول ثم يتصهدو في الفرن و يقطعو و يقطعو و نرجعوهم للفرن يطيبو .

* أمال من البيضاء : البيتزا // 3 الكيسان من الفرص ، معلقة كبيرة من الخميرة ، 3 معالق من الحليب غبرة ، ربع كأس زيت العود ، شوية من الملح ، 1 معلقة من سنيدة ، و يخلط بالماء الدافئ و نتركها تخمر .

الحشوة : 1 مطيشة محكوكة ، ثوم ، ربيع ، زيت العود ، ابزار ، تحميرة ، فلفلة مقطعة و مشحرة ، البصل مشنف و تضيفي الكفتة أو الحوت حسب الموجود ، ثم تبداي تفرشي فوق العجين الحشوة ثم المورتاديلا وتنسمي بالزعتر و تدخليها للفرن .

- البريوات معمرين : خيزو محكوك بالطول ، كرعة محكوكة ، ثوم ، ربيع ، ضامة البنة ، سوداني ، ملح ، ابزار ، تحميرة ، تشحري الكل ثم تعمري بها الورقة ديال البسطيلة على الطول و تحمريهم في الفرن أو يتقلاو .

* نادية من خنيفرة : الشنيك مملح // نصف كيلو فرص ، 1كأس زيت بلدية ، زعتر محكوك ، ملح ، ابزار ، نجمعو العجين و نخليوها ترتاح .

الصلصة : مطيشة محكوكة ، ثوم ، زعتر ، زيت بلدية ، ملح ، ابزار ، تحميرة ، و بالنسبة للحشوة ممكن استعمال كل ماهو متوفر كفتة أو طون ...، تدهن العجين بالموطارد ثم الصلصة ثم الفرماج الأحمر محكوك ، زيتون أسود مقطع ، الفلفلة مربعات ، الطون أو الكفتة أو البيض مسلوق ثم الفرماج ، ثم تلف دائريا بالطول و تدخليها للثلاجة حتى تجمع ثم ندخلوها للفرن من فوق و تدردري الفرماج على الوجه ثم تنزليها لتحت تتحمر.

*نورا من ميسور : الشوصون مملح // 5 حبات من الخيار مخلل، كاشير مقطع صغير ، بصلة مشلظة ومحمرة مع طريفات من صدر الدجاج ، 2 معالق من المايونيز و الفرماج محكوك.

العجين المورق : رابعة من الدقيق ، 2معالق من الملح ، 2 معالق صغار من الخل ، رابعة من الزبدة ، يعجن الكل و تطلق بالدلاك مزيان ثم ترتاح في الثلاجة مدة 10 دقائق وتقطع بالجرار و تعاد العملية 5 مرات .

في الأخير تدلك و تعمر بالحشوة و تقطع بالجرار و ترش بالفرماج على الوجه و تدخليها للفرن وتقدم بالصحة و الراحة.

* بشرى من فاس : بطبوط معمر// العجين ديال البطبوط حسب كل سيدة .

الحشوة : حبة خيزو ، زلافة المكور محكوك ، علبة الطون ، 3 معالق مايونيز ، زلافة زيتون بلا عظم ، هريسة ، 3 معالق كبار من الذرة ، يخلط الكل وتبداي تعمري البطبوط و اذا أرادت السيدة ممكن اضافة الكورنيشو.

اليوم في حديث ومغزل مع سناء الزعيم قدمو لينا المستمعات مجموعة من الشهيوات لتحضير الصابلي وهذه البعض منها :

*فاطمة من بركان : الصابلي بالقهوة سريعة الذوبان // رابعة من الزبدة ، كأس عنبة من  سنيدة ، معلقة كبيرة من القهوة مذوبة في معلقة من الماء ، 1فانيلا ، نصف خمارة و الشكلاط .

تدعك الزبدة مع سنيدة و ممكن اضافة شوية من الزيت للزبدة حتى أنها تليان ثم تضيفي الفانيلا و باقي المكونات ، تطلق العجين بلا ما ترتاح و تقطع على شكل قلوب و نوضعوها في الفرن يكون ساخن وعافية مهيلة ، يذوب الشكلاط في حمام مريم ثم نغطسو الصابلي في الشكلاط ثم ندوزو نصفها في الشكلاط ثم النصف الاخر في الكوك .

* هدى من الداخلة : صابلي بالكوك و المربى // رابعة من الزبدة ، رابعة السنيدة ، 2كيسان من الزيت ، 2بيضات ، 2خمارات والدقيق حسب الاختيار ، تجمع الزبدة مع السنيدة حتى يولي بحال الكريمة ثم نضيفو باقي المكونات و نجمعو العجين بالفرص كنقطعو العجين بالشكل اللي يعجبنا ثم ندخلوه للفرن يطيب .

نسمو المربى مع شوية الزهر و نغليوه شوية فوق نار عافية ثم نغطسو الصابلي بالمربى ثم الكوك و نقدموه بالصحة و الراحة.

اليوم في حديث ومغزل مع سناء الزعيم كانت الحصة للشهيوات المفتوحة و قدمو لينا المستمعات مجموعة من الشهيوات حسب كل مستمعة وهذه البعض منها :

*جميلة من القنيطرة : الدنجال معمر و ملفوف// الدنجال بالقشرة مقسوم على أربعة يتسلق أو يتفور .

الشرمولة : الربيع مكرض ، الكامون ، فلفل أحمر و حار ، زيت ، ثوم ، حامض ، ونعمرو الدنجال بهاد الشرمولة و يستف في مول ثم نوضعوه في الفرن لمدة 20 دقيقة و نقدموه بالصحة و الراحة.

* عيشة من الداخلة : الصابلي بالروز // الروز مطحون مزيان بحال الدقيق ، 4 البيضات ، ياغورت طبيعي ، نصف كأس زيت نوار الشمس ، يجمع الخليط مزيان بدون سكر و حسب المذاق ، الكوكو مطحون أو اللوز مهرمش أو الشوكولا و يجمع ثم تعمر العجين و ترشم ثم تدخل للفرن سخون حتى يطيب ثم تدردري السكر كلاصي على الوجه في الأخير و تقدم بالصحة والراحة .

* سميرة من البيضاء : الكيك بالخيزو // 250 غرام دقيق ، 2معالق قرفة ، 400 غرام سنيدة ، 350 مللتر زيت ، 4 البيضات ، 350 غرام من الجزر محكوك  ، 120 غرام لوز مسلوق و مقلي و مطحون ، 2 خمارات ، يخلط الكل للحصول على عجين لزج بالخلاط و تدخل للفرن ثم يزين الوجه حسب الاختيار .

*ندى من وجدة : خبز الهامبرغر // نصف كيلو فرص ، 1بيضة ، نصف كأس صغير حليب دافئ ، كأس صغير من الماء الدافئ ، معلقة كبيرة من مايزينا ، ماح ، سكر ، زنجلان للتزيين ، تعجن العجيم و تترك تخمر ساعة ثم تورق و تكرص و نتركهم يخمرو مدة ساعة أخرى ثم يطهو في الفرن .

* أسية من ايفران : مربى بخيزو // كيلو خيزو رقيق و فتي ، 4 المندرينات مغسولات و نصف حامضة و نبيتوهم في المجمد ، نحكو خيزو ثم تضيفي الماندرين و الحامض بعدما نحيدو ليهم العظام ثم تضيفي 5 الكؤوس من سنيدة و 1 فانيلا و نخليو الكل يكيب لينا فوق عافية مهيلة و يقدم بالصحة و الراحة .

* أسماء من وجدة : كران أو الحمص مطحون // 500 غرام من الحمص مطحون بحال الدقيق ، 1 كأس زيت ، 1 بيضة ، ملح ، كامون ، قطعة باكيت ، 2لتر من الماء .

في الخلاط توضعي الماء الدافئ و الباكيت و تخلطي مع بيضة ثم رابعة الأولى من الحمص و الكامون و الملح مع التخلاط ثم تخلطي الجزء الاخر من المقومات و تسخني الفرن و نوضعوه في لاطة و ندخلوها للفرن كيجي بحال الكراتان

اليوم في حديث ومغزل مع سناء الزعيم قدمو لينا المستمعات مجموعة من الوصفات المختلفة و هذه البعض منها :

* مريم من فاس : الدجاج في الفرن // في طنجرة تنصبي الدجاجة بالملح و الابزار ، الزعفران ، 2 أوراق سيدنا موسى و تغطيها بالماء نخليوها تسلق و فاش تغلى نضيفو الزعيترة ثم نقطروها و نلويوها في الأليمينيوم و تدخل للفرن لتشوى و تقدم مصحوبة بالبطاطس مقلية و صلصة الطماطم و سلطة الخص .

* هدى من الداخلة : الفلان باللوز // رابعة لوز مطحون بقشوره ، 400 غرام سنيدة ، 10 البيضات ، كأس كبير من الماء الدافئ ، 2 فانيلا ، و للتزيين الكاراميل اللي غادي نوجدوه بالسكر مع شوية الماء و نخليوه يذوب و يتعسل فوق عافية مهيلة ثم نخلطو المقادير.

نوضعو الكراميل هو الأول في المول و نكبو الخليط ديال الفلان و ندخلوه للفرن في حمام مريم لمدة 45 دقيقة الى ساعة و فاش يبرد يقلب في طبسيل و يقدم بالصحة و الراحة .

* اشراق من فرنسا : الحلوى ديال الوردة // رابعة ديال الزبدة ، كأس زيت ، كأس سكر ، كأس زبيب مقطع ، كأس زنجلان محمر ، خمارة حمراء ، دقيق حسب الخليط و كأس ماء الزهر .

تخلط الزبدة بسنيدة مزيان ثم الزيت و ماء الزهر ثم الزنجلان و الزبيب و خاص العجين تكون خفيفة و رطبة ثم تدلكيها و ترشميها بطابع الوردة ثم تتحمر في الفرن و تفند في سكر كلاصي .

- حلوى الكاوكاو : كيلو كاوكاو مقشر و مطحون ، زلافة سكر سنيدة ، زلافة الزيت و الدقيق حسب الخليط ، يخلط الكل و الدقيق تدريجيا حسب الخليط ثم تجمعيها صبيعات و تدخليها للفرن بدرجة حرارة 180 درجة ثم تفند في السكر كلاصي و توضع في كويغطات .

* فوزية من البيضاء : بسطيلة بالسردين // كيلو سردين محيدة ليه القشرة ديالو و نشرملوه بالتحميرة و الابزار و الكامون و سكينجبير و السوداني ، القزبر طري مدقوق ، شوية الزعفران ، ثومة كارمة ، وفي الطحان يطحن الكل مع اضافة الملح .

4 الخيزويات كبار محكوكات و مشحرين في مقلا مع الملح و الابزار و نصف ضامة البنة ديال السمك و شوية زيت العود ، على نار مهيلة ، ونفس الشيء بالنسبة ل 2حبات من الكرعة الخضراء .

في كاسرنة فيها شوية الماء نوضعو فيها السردين ونطيبوه ثم نضيفو ليه الخضر و الشعرية الصينية نطيبوها بحال الروز مع الماء و ضامة البنة و الملح و الابزار وفاش تبرد نضيفوها للمقادير الأخرى .

تاخذي الورقة ديال البسطيلة وتبداي تجمعي بحال الكموسة و تجمع على شكل وردة ، وتدهن بالزيت و تدخل للفرن و الا بغيتي تخليها في المبرد لاتدهن بالزيت .

*عيشة من الكارة : طاجين السمك // 1 كيلو من الفرخ مشرمل مع الثومة و الربيع و الحامض معصر و العطرية ديال الحوت ثم نضيفو ليه خيزو ، فلفلة مشوية ، ثم تفرشي طبقات في الطاجين و تزيدي شرائح الحامض الطري في الأخير تضيفي ورقة سيدنا موسى و الأزير ونخليوه يطيب بالمهل ونقدموه بالصحة و الراحة