سلام البنات الله يرزق كل محرومة الذرية الصالحة يا رب
البنات هادي بنت عمتي عيات ما داوي باش تولد ووالو والاخر ليها تلاقات مع واحد السيدة عند واحد القابلة ايوا وعطاتها الوصفة وكالت ليها ديريها وكوليها كاع اللي باغا تولد ودارتها وفعلا ربي سهل عليها وحملت ودابا راها والدة بنية بعد ما عانات واللي دارتها وحملات تداعا مع المراة اللي عطات لبنت عمتي الوصفة وحتى انا ايلا حبيتو
الوصفة هي كالتالي وسمحو ليا طولت عليكم
مللي تكوني فيك العادة الشهرية تناكد مللي تكون فيك خودي درس توم حمراء تكون كبيرة شوية ومن بعد قليها في شوية زيت البلدية غير شوية حتى تدبال ماشي تحرقوها ومن بعد تكوني طاحنة خزامى الزرقا ودقاها ومغربلاها في غربال رقيق نيلون او شي زيف اللي يغربلها مزيان من بعد خودي هديك التومة تكون دافيه شوية وفلحليها من جنب او الوسط ماشي تقسميها على زوج غير فلحيها شوية بحال غادي تخوخيها من الوسط سمحو ليا على هاد المصطلح باش تعمريها بهديك الخزامى ايوا مللي تعمريها بالخزامى منهديك التفليحة اللي درتي صافي وطلعيها معاك حشاكم طلعيها من القدام تكوني غاسلة يديك مزيان بالصابون وطلعيها حاولي تصعديها حتى الفوق وسيري تنعسي ونسايها في الصباح راها غاديا تطيح وكاتلك المرا ايلا ما طاحتش مزيان راها ما تتضر ما والو وصدقوني راها بالتجريب غير جربوها وديرو النية وتبقاي تديري كل نهار وحدة لمدة الحيض ومللي تسالي منك وتمشي للحمام تكوني معشبة مزيان واحد فرخ ديال الحمام او الفروج بلدي ورقديه ليلة اللي غاديا تمشي فيها للحمام بشوية المساخن شريهم من عند العطار ودقيهم على يديك من الاحسن وشوية زعفرانحر وقرنفل وتومة بقشرتها وشوية الخزامى مدقوقة والكمون الملح والسمن الحر ودهنو بيها الدجاجة وفلحوها مزيان باش تشرب هاد العطرية وطيبها لغد مللي تكوني غاديا للحمام كنتي عندك شي حد في الدار خليه هو يطيبها ليك كنتي بوحدك طيبيها عاد سيري للحمام كيف تجي وانتي واقفة شرب اتاي بالزعفران الحر صبري واخا يكون فيك العطش ما تشربيش ديري كلمة ماما في عينيك وغاديا تنساي العطش واستراحي فوق الناموسية وحتى تبغي تنعسي وكولي هاديك الدجاجة ودوزيها بالروا ديالها ايوا وسيري نعسي وتغطاي وما تنوضيش وهاديك الليلة وابتداء من هاديك الليلة عطي للنعاس مع راجلك وكل وحدة وايام الاباضة عندها تحسب ليها وتنعس مع راجلها مزيان وتحاول مللي تنعس معاه ما تنوضش تدير غير فوطة تحت منها وتنعس جامعة رجليها تانياهم قدامها ىع على الاقل ساعة ايوا الله يسخر والله يرزق كل محرومة الله يفرحكم في القريب يا رب ا