سلام جربو البنات هادي عالله تنفعكم وتفرحكم يا ربي هادي كنت تنديرها انا
تمشيو عند عطار وتكوليه عطيني الغلاي ديال اللي بغات تولد راه اسمو غلاي لكن ماشي غللاي اللي تعرفو راهم غير عشوب ديال البرد تيجمعهم ويسميوه الغلاي وتغليها في الغلاي او ما يسمى بالابريق بغيتي دبال قصدير ولا ديال البديع وتطبخيهم وتولي تشربي كاس سخون مع الريق في الصباح بكري ايلا جبرتي تشربيها مع 6 ديال الصباح وانتي واقفة ماشي قاعدة غاديا تحسي بشي حاجة سخونة نازلة للرحم ديالك تحت من كرشك وتكاي رجعي نعسي على ضهرك وخلليه يخدم مفعولو ومللي تفيقي فطري عادي وهاد العشوب اللي غاديا تشربيهم غادي تشربيه مع
حفنة ديال حب الرشاد منقية مزيان وتديريها في قرعة ديال زاج وتكبي عليه قرعة ديال الخل عادي وسدي القرعة وفي الصباح مللي غاديا تفيقي وتحليه غادي تلقايه تنفخ وشرب هاداك الخل ووللي كلو معلك ومنفوخ بحال ايلا طايب وخودي ملعقة صغيرة عامرة منو وكوليها واخا تجيك حامضة غير صبري ودوزيها مع الماء ديال العشوب اللي طبختي وانتي تاكلي فيه وتشربي من داك الكاس حتى تكمللي ملعقة كاملة غير صبري للحموضة والله راه حب الرشاد هو المنعة اللي يديروها العيالات اللي بغاو يولدو ونزيدك هاداك الشي اللي طبختوه صبرو وشربوه هكاك وما تزيدو فيه سكر ا ياي حاجة طبختوها وشربتوها باش تحافضو على فوائدها وتدير خدمتها ما تزيدوليهاش السكر راه يتلف ليها العناصر والفوائد ديالها الصبر اخواتي راه حتى ج حاجة ما بقات تتجي بالساهل في هاد الزمن العجاب الخايب وبقاي ا تاخدي ملعقة في الصباح على هاد الطريقة خلال فترة الحيض فقط وفي الليل نفس الشئ ايلا قديتي تديرها في الليل واخا ما قدرتيش بلاش تبعيها غير بنهار في الصبح واي تساؤول اخواتي انا رهن الاشارة وربي هو الموفق ليكم الله يسهل ليكم والله يبلغ المقصود