السلام عليكم
نبداو بسم الله وقبل منبدا بغيت نقول ليكم اقسم بالله انني غير كنشري ونقول اليوم نهتم براسي ونعكز وانا على هاد الحال من نهار ولدت ولادي وتلهيت معاهم يعني من زمان كنشري المنتوجات وتبقى حتى تولي منتهية الصلاحية ونرميها دون الاستفادة منها ونرجع نتشهى المنتوجات ونشرييها ونفس المشكل الى يومنا هادا ولكن مع منتدانا الجميل درت النفس وبغيت نتحدى نفسي ونبدا نهتم براسي شوية



نبداو من اليمين هادي زيت الجدايل شريتها من عند عبد الصمد القرشي ناوية نشقق بيها شعر بنتي حيت عندها شعرها خفيف ومكيطوالش واخا راه عندها غير 5 سنوات وكاين زيت الفاتيكا ولي حداها زيت اخرى كاتبين عليها مصنوعة من الثوم وكتصلاح للقشرة لكن للاسف محيدتش القشرة لولدي
وهادو نبداو من اليمين



زيت الجرجير زيت السمسم زيت كبد الحوت زيت لافوكا زيت المرمية زيت جنين القمح زيت الخزامة زيت الورد هادو كلهم معرفتش تاهم فين نوظفهم
هادو زيوت اخرى دائما من اليمين




زيت اللوز وزيت الخروع وزيت الخردل زيت الج....ا زيت الكوكو زيت اميمة وكيف العادة لم اعرف كيفية استعمالها غالبا مكنستعملهم غير لبنتي لشعرها وعاد كيف قلت ليكم العكز مسيطرفي هاد الامور كنفضل الجاهز اما نبقا نخلط في الزيوت ونشقق كنتعصب كيعجبوني الكريمات والماسكات
على فكرة هاد الزيوت كلها شريتها من البارافاويل يعني ماشي دوك العاديين من عند مالين الماكياج
وهادي تشكيلة اخرى فيها
من اليمين



زيت الفاتيكا باللوز وزيت دابر املا وزيت فازلين وزيت فاتيكا بالزيتون وزيت فاتيكا بالكوكو
هنا من اليمين منتوجات للوجه



كاين كريم كلين اند كلير كنت حاكراها الساعة صدقات زوينة كنعملها حتى في الزنقة بحال اكرو وقلت ليكم صدقات ليا حيت انا وجهي حساس اي حاجة عملتها فيه ماشي ماركة كينوض ليا الحبوب وهادي منين دلرتها مدارت ليا والو
كاين حداها فيراند لافلي قالت ليا واحد صاحبتي زوينة ولكن انا شريتها مازال مبديتهاش
هادا جيل يومي تاهو غزال deep cleanمن نتروجينا وكوماج ديال المشمش من evoludermومن ايف روشي خديت demaquillantخاص بالوجه والعين والفم وحداه كوماج وماسك ديال النعناع نصحاتني بيهم الله ينولها لي في خاطرها زوينين بزاف خديتهم من ايف روشي وكاين كوماج يومي ديال نيفيا تاهو زوين وكريم الليل من صوفي واخيرا صابونة دوف
من اليمين



فراجو ديال الكويرات من افون وماسك للوجه من بيوفوريو وفوق منو طلاء كيحافظ على صحة الاظافر من اوريفلام غزال ولوسيون للوجه من اوريفلام درتو شي 2 مرات وعكزت مداومتوش



وفون دوتان من صوفي زوين بزاف وصباغة ديال الاظافر من افون واحدة لونها ابيض والاخرى غوز بارد واخيرا الماء ديال ازالة الصباغة من الاظافر
نبداو التشكيلة الاخرى سخفت حيت مالفة غير كنهمل هادشي اليوم منين عطيتهم وقتهم عيت بالكتابة ههههة
من اليمين



مشطة للشعر وفيمينيل لنظافة المنطقة الحساسة من اوريفلام زوين تاهو و2 سينيال تاهما من اوريفلام وستيك ديال دوف من زمان الزمان وكنستعملو افضل الستيكات لي عجبوني من قبل زواجي وهاداك بان دوش ديال الفاني روعة روعة من ايف روشي تاهو شريتو  ومشطة الشعر من افون والوسط كاين بومادا كنديرها منين كيضرني ظهري او البرودة لانها كتعطي واحد السخونية زوينة وريحتها بحال فليو مجهدة و2 حكاكات ديال الرجلين الصغيرة من صوفي والكبيرة من اوريفلان واخيرا فرشاة الاسنان
والان كاين دايمن من اليمين



كريم اليدين هادا خديتو من شي وحدين كيدورو في الادارات صدق زوين وطبعا كريم اتريكس وكريم جليسوليد المشهورين وكريم الرجلين نتروجينا وكريم الرجلين من صوفي

الان



ستيك من اوريفلام تاهو صدق جد رائع وحداه مجموعة فولاري من اوريفلام فيها كريم الجسم والريحة وستيك تاهي زوينة وحداه كريم الجسم والريحة ديال فارواي من افون طبعا بزاف الاخوات كيعرفوها مبيهاش واخيرا عطر eclat weekendريحتها زوينة زوينة بزاف انا شخصيا عجباتني

هنايا عطور اخرى من اليمين



عطر mudsummer من اوريفلام ومن افون perceive rare perle tomorrow ومن اوريفلام كاينة divine هاد العطور كلها زوينة كتبقى ريحتها عاطية وغزالة

هنايا



كريم ضد تجاعيد العين من اوريفلام مصدقش والو وحداه كريم بعد الحمام ولي حداه كريم يوضع في الحمام على بشرة مبلولة وصابونة الكل من العسل والحليب ديال اوريفلام وفي الامام كاين 2 عكورة من اوريفلام وداك لي حداه غشاء ازرق غير لدهن الشفايف من الصيدلية ولي قدامو عكر 3 الفعالية اي منو عكر منو دهن منو علاج من اوريفلام ولي قدامو تاهو لدهن الشفايف في البرد من التشقق والجفاف من اوريفلام ولي في اليسار 2 عكورة من افون وقلم حواجب من اوريفلام وفرشاة للفراجو وداك العكر الاخضر هو من الشاي الاخضر وراه ماشي عكر راه ديال تحت العينين فيه جهة لتغطية الهالات السوداء لونها بيج وجهة لونها اخضر لمعالجة الهالات السوداء وهو من اوريفلام

هادا



ماسك ديال الخيار مابيهش وزيت الحلبة وشمبوان القطران من بيوفريو ولكن باقي مستعملتهمش

كاينة



عطر so elixirو evidenceمن ايف روشي راهم غنيين عن التعريف غزالين بزاف
وهاديك التانية من اليمين اسمها your choiceجابتها ليا صديقتي كادو ولي حداها هي والاخيرة من عند عبد الصمد القرشي اي التالتة من اليمين واسمها برق والاخيرة اسمها الدوق

هادو رويحات عاديين



يالاه فيهم celebre و farway من افون زوينين و بون بون ديال بنتي


هادي ريحة من عند عبد الصمد القرشي



هادا ماء ورد رشاش من بيوفوريو والاخر ماء ورد عادي وصابونة ديتول


والان



جيل للشعر من افون وماسك للشعر والقرعة الطويلة كيدار بعد الشمبوان ديال nutri care وفوق الماسك كاين ماسك للشعر الجاف من بيوفوريو باقي مستعملتوش وحداهم كريمات الفاتيكا واحد ديال اللوز والاخر ديال الحامض وفوق كريم الفاتيكا كريم بانتين معرفش كيف نستعملو مكتوب عليه بديل للزيت معرفتش واش ندهن بيه بعد الحمام او نشقق بيه بحال الزيوت المرجو من الاخوات لي عرفات كيفية استعمالو تجاوبني



هادا جيل للشعر شريتو من البارافارماسي ديال بيولان وحداه جيل للشعر ديال فريكتوس وحداه زيت من البارافارماسي ديال جيرا فلور وحداه سيروم من مالين الماكياج وسيروم ديال لوريال


وهنايا الشمبوانات كاين ديسانج شمبوان وماسك مجاوش معايا وحداه شمبوان ديال كليس  وفعلا غزال باقي عنشري ديميلور والسبراي ديالهم حيت ملقيتهمش عندو منين شريت الشمبوان وهاداك شمبوان والديميلور ديال الترا دو ديال لافوكا تاهما زوينين غير كنوع من التغيير درت شمبوان كليس
نتمنى نكون شرحت مزيان خاصة للاخوات لي بحالي كيبقاو يتساألأوا هاد الصورة مبايناش وهادي منين مشرية الخ نتمنى نكون وضحت كلشي
اساكم الدعاء لي ولابي الغالي على نفسي
اتمنى من  تشوف هادشي وتنصحني بما يمكن النصيحة بيه والسلام عليكم
اخواتي كيهمني رايكم بزاف بزاف
تصبحن على الف الف خير