4 البيضات
كاس معمرش زيت
كاس معمرش سنيدة
2 خمارات
كاس و نصف دقيق
(الكاس اللي تعبري بيه ديال العنبة)
للتزيين؛ 2 حكاك دانون فاني
طريفات ديال الشكلاط محكوك
الطريقة
نخلط في المولينكس البيض+السنيدة حتى يرغوي ثم نزول الغطا الصغير اللي في
الغلاقة و نخوي الزيت شوية بشوية مع الخلط ثم الدقيق +الخمارات
نضع في مول ودهون والسر هو انك كتدخليها للفران وهو بارد عاد كتشعليه
مللي طيب دهنيها بدانون خليها حتى تبرد عاد حكي عليها الشكلاط
وجربوها وردو علي الاخبار



سردين تاع العلب تاخذ كيلو تاع سردين+كاس ماء+كاس ونصف زيت، سدي عليهم في كوكوت والعافية مهيلة وهكذا تكوني حصلت على سردين معلب

الكيك بالخيزو
4البيضات
4الخمارات الحمراء
كاس و نصف من الزيت
2كيسان سنيدة
بكية بذرة الشكلاط
رابعة خايزو محكوك
3كؤوس دقيق متاز
للتزين
1ياغورت
100غ من الشكلاط

رقائق اللوز

الطريقة

الخليط 1 : البيض +الزيت+السنيدة يطحن الكل في الخلاط في اناء يخلط الخليط مع الدقبق]الخليط 2 : خيزو+بذرة الكاكاو يخلط جيدا
في الاخير يخلط الخيط 1 +الخليط 2+4 الخمارات ثم يصب الخليط في الطاوة المدهونة بالزبدة ومرشوشة بالدقيق تترك في الفرن 30min
وتزين بالشكلاط المذاب و مخلط مع ياغورت ثم ترش برقائق اللوز




غريبة حرشة ساهلة او لذيذة بزاف.
المقادير
500غ سميدة رقيقة+كاس زيت+كاس فورص+كاس او نصف
ماء+2خميرات حمرين+شوية خميرة الدار+كاس سنيدة+شوية حبة حلاوة والنافع
+شوية سميدة غليظة. الطريقة

في اناء نضع سميدة الرقيقة+الزيت ثم نبسبسوه
بالاصابع+الخميرة المعجونة في شوية الماء+السنيدة+......(الا سميدة
الغليظة)+الماء تترك ترتاح حتى تشرب الماء ثم نصنع كويرات على شكن غريبة
نفندوهم في السميدة الغليظة(ديال كسكس) وتفلح بالموس مربعات وتدخل الفرن

بالصحة او الراحة نتمنى
تجربوها او تعجبكم

صائح من عند السيدة فاطمة من مراكش 1-بقع الزربية ( مثل الشاي و القهوة) تنظف بماء غازي ثم تنشف بالسيشوار 2-بقع الشاي نفزكوها بخليط مكون من مقادير متساوية من الكحول و الخل الابيض و نخليوها مرقدة شوية ثم تنظف عادي بالمسحوق 3-الموكيت و الزربية خصوصا البلدية منين يكونو جداد ما نشطبوهمش بالسبيراتور في الاشهر الاولى ناخدو غير كراطة او شيتة عادية و نلبسوها ليبة موس و نشطبو بها في اتجاه الصوف و منين يقدامو شوية عاد نديرو ليهم السبيراتور 4-للمحافظة على الزربية من الرطوبة ما نفرشوهاش مباشرة فوق الارض نفرشو حصيرة ديال البلاستيك فوق الارض عاد نحطو عليها الزربية 5-الغلاية (الكافيتيرا) باش نزولو منها الكالكير نعمروها بمقادير متساوية من الماء و الخل العادي و نديرو الخليط يغلي ثم نطفيو عليه و نخليوها ليلة كاملة و في الغذ كتزول القشور ديال الكالكير كلها 6-اللوحات اللي كنعلقو في الحائط باش ما يميلوش لليمين او اليسار و يبقاو مقادين كناخدو السكوتش و نلويها مرة او 2 مرات على الخيط اللي كتعلق منه اللوحة ثم نعلقوها ]7-باش عنق القميجة (الكول) يخرج نظيف قبل التصبين ندهنوه بشوية شامبوان و نحكوه شوية بشيتة اسنان ثم نديروه في المكينة 8-للمعان الملابس الجلدية بعدما نصبنوهم نرقدوهم في الماء دافي + ملعقة زيت زيتون و نخليوهم حتى يبرد الماء ثم نديروهم في علاقة بلا ما نعصروهم و نخليوهم ينشفو في الظل بعيدا عن الشمس 9-باش اواني الزجاج و الكريستال يخرجو كيلمعو منين ننظفوهم نديرو 1 لتر ماء سخون + ربع لتر خل في اناء و نرقدو فيه الاواني ثم نحطوهم مقلوبين فوق قطعة ثوب و نخليوهم ينشفو بلا ما نمسحوهم ثم نرقدو اواني اخرى في نفس الماء حتى نكملو الاواني اللي عندنا كيوليو كيلمعو بحالا جداد لدجاج بالليمون لي قدمتو الأخت فاطنة من تزنيت وكان عليه طلب بزاف باش يتعاود وعاوداتو الأخت نادية الناية ليوم: اللقاء المفتوح المقادير: * دجاجة * 6 البرتقالات * 200 غرام زبدة * شوية القرفة * شوية الخرقوم * 3 معالق كبار سنيدة * معلقة صغيرة ابزار * الملح حسب الذوق الطريقة: نتغسلو الدجاج مزيان ونضعه في طنجرة الضغط ثم نضيف الزبدة والسنيدة والتوابل نقليوهم مزيان. بالنسبة لليمون تناخذو 3 ليمونات نقطعوهم دوائر و3 الآخرين تنعصروهم وتناخذو القشرة ديال ليمونة واحدة. ونزيدو على الدجاج عصير الليمون مع القشرة ديال ليمونة وفي الأخير تنزوقوا الدجاج بدوائ الليمون مرشوشين بالقرفة والسنيدة. وتنقدموه من لعصير لي قدمات لينا لالة نادية الناية ديال الحامض. غندنا الحامض مع لتر ماء مع عريشات ديال النعناع في تنقطعو الحامض طريفات صغار ونحيدو ليه العضام ونديرو في الخلاط الكهربائي مع الماء وعريشات النعناع وتنطحنوه ونصفيوة أكثر من مرة حتى يبقى لينا غير الماء. بالنسبة للسنيدة عندنا الاختيار الا بغينا حتى نبغيو نشربو العصير عاد نضيفو السنيدة واما تنديرو السنيدة ملي تنبغيو نطحنو العصير وأنا جربت هاد العصير جا غزال ما شهتكم فيه. صفة للهلات السوداء ]اللي عينيها زرقين من تحت يمكن لك توضعيها قبل متحطي المكياج اوا تكوني عادية صفر البيض ثلاث نقط الحامض شوي زيت الزيتون توضع نص ساعة حوالي العين كاملة وتشوفي النتيجة روعة انا مجربتها <table id="post209923" class="tborder" cellpadding="6" cellspacing="0" width="100%" align="center" border="0"><tr valign="top"><td class="alt1" id="td_post_209923" style="border-left: 1px solid #fff"> </td></tr><tr> <td class="alt2" style="border: 1px solid #fff; border-top: 0px"> </td> <td class="alt1" style="border: 1px solid #fff; border-right: 0px; border-top: 0px" align="left"> </td></tr></table>

[size=16][size=21]كيك بكاوكاو رائع [/size]
[size=21]جربتوا اوجا غزال اوحبيت نقل لكم. [/size]
[size=21] المقادير:[/size]
[size=21] كأس
حليب - كأس زيت- كأس سكر - كأس كاوكاو محمر او مطحون - 4بيضات -2خمارات
-الطحين حسب الخليط. الطريقة : في كأس مولينكس نضع كل من كأس زيت + كأس
حليب +كأس سكر + كأس كاوكاو [/size]
[size=21]نخلط الكل جيدا حتى نحصل على خليط متل الكريمة.ننقص كأس منها نحتفض به للتزين.تم نضيف للخليط 4بيضات +2خمارات+الطحين .[/size]
[size=21] بعد طهي الكيكة نتركها حتى تبرد مزيان او عاد نزينها بديك الكأس اللي نقصناه. سمحولي انسيت الكاس اللي انعبروا بيه هو كأس العنبة

[/size][/size]

<table id="post273085" class="tborder" cellpadding="6" cellspacing="0" width="100%" align="center" border="0"><tr valign="top"><td class="alt1" id="td_post_273085" style="border-left: 1px solid #fff"> وهي الكيكة الاسفنجية :7معالق كبار حليب سائل و7معالق كبار زيت و7معالق كبار سنيدة و8معالق كبارفورص و2خمارات حمرين و1لفاني راها ساهلة وبسيطة وتتجي هشيشة ومنفوخة </td> </tr> <tr> <td class="alt2" style="border: 1px solid #fff; border-top: 0px"> </td> <td class="alt1" style="border: 1px solid #fff; border-right: 0px; border-top: 0px" align="left"> </td></tr></table>

merci

هنا ان شاء الله تعالى سنقوم بتجميع النصائح التي تدرج في البرنامج الناجح اللقاء المفتوح 
نصائح من عن السيدة السعدية من اسفي
*الرشاشة ديال الحمام منين كتسد و كيتجمع فيها الكالكير ناخدو كاس ديال الخل و نزيدو عليه نصف لتر ماء و نديروهم فوق النار و منين يغلي الخليط مزيان نزولوه من فوق النار و نحطو فيه الرشاشة و نخليوها مدة 5 دقائق كتسرح و تولي تكب الماء بحال الاول

*الطنجرة ايلا تحرقات لينا نديرو فيها الماء و الملح و نغليوهم فوق النار ثم تنظف بسهولة

*منين يقدام الكيس ديال الحمام نستعملوه لحكان الاواني ديال الالمنيوم نفزكوه بالماء و نديرو فيه شوية الخميرة معجونة و الصابون البلدي و ندوزو على الاواني بعدما نفزكوهم شوية كنحكو غير بشوية و كيخرجو المواعن بلا مجهود

*الملابس ديال الصوف اللي مخدومة باليد منين تضياق علينا نحلوها و نلويو الصوفة على يدينا (من المرفق لليد)ثم نفوروها فالكسكاس و نخليوها تنشف ثم نديروها على شكل كبة و نخدموها مرة اخرى كتولي بحالا جديدة

*باش ماتبقاش ريحة الصباغة فالدار بعدما نصبغو ناخدو بانيو او سطل نديرو فيه بصلة مقطعة بقشورها و نحطوه في المكان اللي فيه الريحة كتزول تماما


*الثقوب اللي كيكونو في الحائط نسدوهم بمعجون الاسنان ما كتبقاش تبان نهائيا
نصائح من عند السيدة حميدة من تطوان
الجزء الاول
*لتنظيف الٲلبسة ديال الدان (اي لون) ناخدو ممحاة (ڭومة) نحكو بيها البقع حتى تزول ثم ناخدو شيتة خاصة بالثوب ديال المليفة و الدان
( كتباع عند المحلات الخاصة) و ندوزوها عليهم كتزول الخملة كاملة منهم

*باش نحافظو على ليبوط (les bottes) و ببقاو مزيانين و شادين الفورمة ديالهم منين نبغيو نخزنوهم ناخدو قرعة طويلة و نغطيوها بليبة او تقشيرة و نديروها فيهم الراس ديال القرعة يكون التحت و نعمرو الفم ديالهم بالتقاشر القدام او قطع ورق

* لإزالة الطبايع ديال الشمع من الملابس ناخدو موس ماضي مزيان و نزولو البقع ديال الشمع ثم نديرو كاغيط خفيف واحد تحت البقعة و واحد الفوق و نديرو عليهم المصلوح سخون و نحددو

*البيزاڭرات ديال البيبان و الشراجم منين كيتصداو و يوليو يديرو صوت مزعج كناخدو قطعة ثوب و نفزڭوها مزيان بالخل و نمسحوهم باش يزول الصدٲ و الاوساخ ثم ناخدو قطعة ثوب اخرى من الاحسن ديال القطن و نفزڭوها بالزيت الخاص بمكينة الخياطة و نمسحوهم كيبقاو مدة طويلة في حالة جيدة

*للتخلص من التونيا اللي كتكون فالحوايج ديال الصوف نديرو ٲكياس ديال الموسلين على حسب الطبقات اللي عندنا فالماريو و نديرو فيهم قشور الحامض ميبسين و الزعتر و مرد الدوش و الخزامى و نديرو كل خنيشة ديال الاعشاب فطبقة ٲو نعلقوها قرب الجلالب ديال الصوف ٲو المليفة اللي كيكونو معلقين. هاد الطريقة كتطرد التونيا و البرودة و كتعطي رائحة زوينة
*الملابس ديال الصوف خصوصا التريكوات منين كنعرقو فيهم كتولي فيهم رائحة كريهة باش تزول الرائحة كنرقدوهم في الماء مع شوية الخل مدة ساعة ٲو ساعتين ثم نصبنوهم بالصابون الخاص بالصوف كتزول منهم الرائحة تماما و ما كيشبروش رائحة العرق بسهولة منين نلبسوهم
3 طرق لتنظيف النحاس الٲصفر كل وحدة تشوف الطريقة اللي تناسبها
الطريقة1
نخلطو شوية الخل مع الملح رطبة و نمسحو بيهم النحاس
الطريقة2
نخلطو شوية ديال التراب رطب مع بصلة محكوكة (الماء و اللب ديالها) حتى نحصل على عجينة لينة و نحكو بيها الاواني ديال النحاس
الطريقة3
نقسمو بصلة على جوج و نغمسوها في الملح رطبة و نحكو بيها النحاس

و طبعا منين نبغيو نحكو النحاس نلبسو القفازات باش ما يكحالوش يدينا

************************************************** *****
*باش يبقاو السكاكين و الملاعق و الفورشيطات ديال الفضة كيلمعو منين نبغيو نخزنوهم نديروهم في كيس ٲسود لعدم تسرب الهواء و الضوء و نديرو معاهم 2 ٲصابع ديال الطباشير (ٲو حسب الكمية اللي عندنا)كيبقاو كيلمعو و الطباشير كيشرب الرطوبة و منين نبغيو نستعملوهم نمسحوهم ٲو نشللوهم

*منين كتذبال الباقة ديال الورد باش نرجعو الحيوية للٲزهار و الورود كناخدو بانيو و نديرو فيه ماء سخون (ماشي دافي و ماشي غليان) و نحطو فيه السيقان ديال الورود يكون الماء طالع على السيقان ب 10 سنتيم و نخليوهم حتى يدفى الماء ثم نعمرو عليه الماء البارد و نقطعو شوية من السيقان ديال الورد من التحت و نخليوهم في الماء حتى يشربو شوية ثم نردوهم للمزهرية و نديرو ليهم الماء عادي هاد الطريقة كتعطيهم الإنتعاش
نصائح من عند نورا

*كفاش نعرفو الحليب واش خاسر ولا مزيان
كناخدو ليبرة ديال الخياطة تكون نظيفة و معقمة وندخلوها فالحليب الى خرجناها فيها قطيرات ديال الحليب ر الحليب مزيان وإلى خرجناها مفيها والو رالحليب خاسر

*بالنسبة للخبز الى بغيناه يجي مورد وزوين كناخدو الشيتة للي كندهنو بيها الحلويات وكندهنو الوجه ديالو باللبن عاد كندخلوه للفران

*الى بغينا نحيدو رائحة الطياب وأي ريحة كاينة فالدار
كناخدو قشور البرتقال مع حبات ديال القرنفل وكنبخرو بيهم الدار

*البيض الى بغيناه يصبر بزاف
كندهنوه بزيت زريعة الكتان او نوضعوه فإناء وندفنوه فالملح

*الى بغينا الورد للي فالمحيبقات تبقى ريحتو زوينة
كناخدو الشنادر مدقوق (كيتباع عند العطار )مقدار معيلقة صغيرة كدار فليترو ديال الما وكنسقيو بيه المحيبقات وحتى الورد للي كيتباع مقطع كنوضعوه فنفس الما كتبقى ريحتو زوينة ومجهدة ونقدرو نضيفو مع الما ديال الشنادر الفاخر مدقوق إلى كنا غادين نسقيو بيه المحابق للي فالدار ديال الورد مثلا باش نزيدو ليهم فالبقاء ديالهم مفتحين
نصائح من عند امين من مراكش

*باش يبقى النعناع مزيان اطول مدة ممكنة و ما يكحالش منين نقيوه و نصاوبوه نغلفوه مزيان بورق كلاصي (بحال اللي كيكون عند الجزار) ثم نديروه فبلاستيكة و نديروه فالثلاجة و من الاحسن نديرو بلاستيكة خاصة بالنعناع و اخرى للتخليطة

*التخليطة ديال اتاي
السالمية + عطرشة + مرد الدوش + الشيبة + النعناع العبدي + تيميجّا + البٙيْسٙمْ

*ايلا كانت عندنا البقولة كثيرة بعدما نغسلوها و نقطعوها نطيبوها ثم نديروها في بلاستيكات دون اضافة التوابل و نديروها في المجمد و منين نبغيوها نجبدوها و منين تطلق نشحروها مع التوابل

*الميكة ديال الطبلة باش ماتكشفش و يذبال اللون ديالها منين نمسحوها ما نخليوهاش فازكة ديما نعاودو نمسحوها بزيف ناشف

*لتزيين الكيك نديرو اما فيرميسال الشكلاط مع الكوك او نديرو السكر كلاصي او اللوز او كركاع مهرمشين


نصائح من عند عائشة من تارودانت


*باش نزولو الصدا من الموس او الملعقة نقسمو بصلة على جوج و نحكوهم مزيان ثم نكبو عليهم شوية سنيدة و نزيدو نحكو حتى يزول الصدا

*باش يجيونا مكعبات الثلج زوينين و صافيين و يكون الثلج نقي عوض ما نديرو ماء بارد ناخدو ماء غليان و نخليوه يبرد شوية ثم نديروه في قوالب الثلج و نديروهم في المجمد

*باش ما نضيعوش الحامضة ايلا بغينا غير شوية منها نديرو فيها ثقب غليض شوية بالابرة او قطيب ثم نعصرو القطرات اللي بغينا و نسدو الثقب بالورق او بقرنفلة

*التقاشر الرقاق( ليبة)باش ما يتنسلوش دغيا و يصبرو لينا منين يكونو جداد قبل الاستعمال نشدوهم من الفوق و نبداو نعصرو عليهم الحامض و نتنيو و احنا كنعصرو الحامض كل مرة حتى نحسو بيهم تبللو و نخليوهم مدة ساعة ثم نشللوهم و نشروهم
او عوض الحامض يمكن نخلطو الخل مع الماء و نرقدو فيه التقاشر ساعة ثم نشروهم فالظل


نصائح اليوم من عند الاخت غيتة
*السجادات ديال الصلاة منين نصبنوهم و ينشفو نحكو عليهم المسك و نطويوهم كتكون فيهم ديما ريحة زوينة
*منادل الضياف عوض سرابت الورق نديرو فوطات صغار حسب لون الطلامط و نفزكوهم بمازهر و نسخنوهم في الميكرووند (ايلا كان الجو بارد) و نعطيوهم للضياف يمسحو بيهم بين الوجبات
*لتنظيف الهاتف الثابت نغطسو شيتة اسنان في صابون تنظيف الاواني مخلط مع جافيل و نفضوها باش ماتبقاش فازكة و ننظفو بيها الهاتف و les touches ديالو ثم نعاودو بمنديل ناشف ماكيطلقش الخملة
*لتلميع الاواني الفضية دون مجهود نعمرو بانيو بالماء طايب و نديرو فيه ورق الالمنيوم و نغطسو فيه الاناء و نخليوه مرقد مدة نصف ساعة ثم نمسحوه
نصائح اليوم من عند السيدة امينة من بركان
*1 لازالة رائحة الشوا من المنزل او غيرها من الروائح نبخرو المكان بشوية ديال ازير
*2 ايلا جبدنا الخبز من المجمد في اخر وقت باش يسخن دغيا نسخنو كوكوت مزيان ثم نطفيو النار و نديرو فيها الخبز و نسدو عليه شوية كيسخن بسرعة بدون حاجة للفران
*3 التشيشة ديال الشعير (البلبولة)باش تطيب دغيا و تجي رطبة كنديروها تفور التفويرة الاولى ثم نزولوها من الكسكاس و نديروها فالقصعة و نخويو عليها الماء طايب (جهد3 حتى 4 كيسان ماء لكيلو)
و نخليوها تشرب و نردوها للكسكاس تفور مرة او جوج و هاهي واجدة
*4 الفول باش يبقى مزيان فالمجمد و مايكحالش كنقيوه و نغسلوه ثم نخويو عليه الماء طايب و نخليوه شوية حتى يدفى الماء ثم نزولوه و نكبو عليه الماء بارد و نخليوه يقطر من الماء ثم نديروه فبلاستيكات و نحتفظ به في المجمد كيبقى بحالا جديد
*5 منين تكحال النقرة (الفضة) ندوزو عليها معجون الاسنان اي نوع و ناخدو اي حاجة مثل شيتة الاسنان نفزكوها و نبقاو نحكو بيها مع استعمال الماء مرة مرة و احنا كنحكو و يمكن نعاودو العملية حتى تبياض و تولي تلمع
*6 باش يخرج النحاس و يولي كيلمع نخلطو خميرة الحلوى مع شوية الماء و ندوزو الخليط على النحاس ثم نحكوه بالجيكس او اي حاجة كيخرج كيشعل و كيبقى مدة طويلة و منين ينشف مزيان نديرو شوية فازلين في زيف و ندوزو عليه باش يولي كيبري
*7 باش الدنجال مقلي يجي مزيان و مايشربش الزيت نخلطو الحليب مع شوية الفورص و الملح الخليط يكون سائل و نرقدو فيه الدنجال مقطع ساعة او اكثر و منين نبغيو نقليوه نصفيوه و ندوزوه من الدقيق ثم يقلى
*8 الحامض ايلا بغينا نرقدوه نخويو عليه الماء طايب و نخليوه ليلة كاملة و فالصباح نفتحوه و نديرو ليه الملح و نديروه فالقراعي ديال الزاج كيطيب دغيا و حتى ايلا بغينا نعصروه نديرو ليه الماء طايب باش يعطي عصير اكثر
*9 باش تبقى القطاني( مثل الفول و العدس و اللوبيا و الحمص)مزيانة مدة طويلة و ماتديرش السوسة نديروها في قراعي ديال الزاج و مع كل كيلو نديرو 3 او 4 ديال مزاود سودانية
نصيحة لازالة التونيا من الصوف
نرقدو الصوفة ليلة كاملة في بانيو فيه الماء مخلط مع مسحوق الة التصبين و في الغذ نشللوها شوية و نديروها تقطر في شبكة
نعمرو بانيو بالماء و نديرو فيه شوية الجير جهد طوبة و نلبسو القفازات و منين يدوب الجير نديرو الصوفة فالبانيو و نخليوها تبات مرقدة ليلة كاملة و في الغذ نزولوها من البانيو بلا مانشللوها و نخليوها تقطر
نخلطو الماء مع شوية الشبة مطحونة و نلبسو القفازات و نرقدو الصوفة مرة اخرى ليلة كاملة و في الغذ نديروها في شبكة و نخليوها تقطر من الماء بلا ما نشللوها ثم نسوسوها من الجير و الشبة و نديروها تنشف (مانحطوهاش فوق الارض نديروها فشي حفيرة او بلاصة مهزوزة على الارض باش تنشف مزيان)
و من بعد نديرو معاها كموسات فيهم سودانية و خزامى و قرنفل او نديرو فيها شوية قرنفل صحيح بوحدو
نصائح لاعادة استعمال الليبات les bas القدام
*ناخدو الليبات اللي قدامو يكونو طوال و نقطعوهم من الوسط و نلبسوهم للكراطة (من الجهة اللي كنكرطو بيها) نديرو 3 او 4 ليبات و نعقدوهم من القنات بجوج و نشطبو بيهم الزربية الرومية كتزول الغبرة و الخملة تماما و كذلك نشطبو بيهم تحت السرير و الفوطويات و السدادر و الاماكن اللي ما كتوصلهاش اليد كتزول الغبرة بحالا درنا ليهم لاسبيراتور (نستعملوهم ناشفين بلا مانفزكوهم)

*ناخدو ليبة و نديرو فيها قشور الليمون و الحامض ميبسين مزيان و مقطعين صغار باليد مع القرنفل و نديروها في البلاكار كتعطي ريحة زوينة

*نصيحة بالنسبة اللي كتعرف الكروشي تاخد الليبات و تقطعهم شرائط طوال و تدير فيهم عقدة صغيرة باش ماتبانش و تخدمهم كيس للحمام لاستعمال الصابون
نصيحة لازالة الطبايع ديال الصباغة او لاكريس او الربيع او ليدام او اي طبعة من الملابس (ما يكونوش ديال الصوف) نديرو شوية المسحوق في كسرونة مع الماء و نخليوه يغلي فوق النار و نديرو فيه الطبعة شوية ثم نصبنوها عادي

بالنسبة للثوب ديال النيلو او ايلاستيك اللي ماكتشدش فيه الابرة ديال المكينة نقطعو شرائح طوال ديال الجورنان من الحاشية ماتكونش فيهم الكتابة و نديروهم فوق الثوب و نحطو عليهم السباط ديال المكينة و نخيطو عليهم و من بعد نزولو الجورنان من الثوب
نصائح اليوم من عند السيدة اسماء من شيشاوة
*1 باش نحافظو على اصفر البيض بعدما نعزلوه عن البياض نديروه في زلافة و نحطوها فوق طبسيل فيه الماء و مكعبات ثلج و لكن فقط لمدة 3 ساعات لانه بعد ذلك كيولي فيه ضرر على الصحة

*2 باش مايتحلش لينا الدجاج و يبقى محافظ على الشكل ديالو منين نحمروه: نغسلوه و نديرو ليه الشرمولة العادية و نديروه فوق النار يتقلى شوية من 2 الى 3 دقائق باش يشرب الشرمولة ثم نديروه في طبسيل و ندهنوه مزيان من الفوق و بين الجلدة واللحم بملعقة كبيرة موطارد مخلطة مع السمن و ندخلوه للفران يتحمر و مرة مرة نحلو الفران و نهزو المريقة اللي غدي يطلق و نكبوها عليه بالملعقة و نحمروه من جميع الجهات مع سقيه بالمرق ديالو مرة مرة بهذه الطريقة كتبقى الجلدة ديالو صاينة و كيجي زوين فالمنظر
و بالنسبة للشرمولة اللي بقات فالطنجرة نزيدو عليها البصلة مشلضة و القشيوشات مقطعين و الزيت و نخليوهم يطيبو و تختار المرقة و توقف

*3 باش مايكحالش لينا الفول منين نشرملوه نديرو معاه بصلة خضارية و الثومة و ملعقة كمون و ملعقة قزبر يابس و شوية خرقوم و ملح و شوية معدنوس مقطع و الزيت البلدية و حامضة طرية مقشرة نلوحوها صاينة معاه( و هذا هو السر باش مايزراقش الفول) و نغطيوه بالماء و نسدو الكوكوت الى كان الفول صغير كيحتاج من 10 الى 15 دقيقة نخليوه حتى يطيب و يوقف فليدام ديالو و بالنسبة للحامضة كتدوب و ماكتبقاش تبان و الفول كيبقى اخضر

*4 لتعويض الفرماج الاحمر ناخدو فرماج مثلث او مربع او الفرماج المثلث الاحمر و نديروه ييبس في المجمد ثم نحكوه فوق الكراتان بالحكاكة الغليضة كيعطي منظر هائل للكراتان

*5 باش نعرفو العجائن مثل اللازانيا واش طابو نديروهم في ماء غليان مع الملح و نخليوهم و منين يطلعو الفوق نعرفوهم طابو ثم نزولوهم و نديروهم مباشرة في اناء فيه ماء بارد و مكعبات ثلج ثم نصفيوهم من الماء و نحطوهم فوق فوطة ثم نديروهم فالكراتان. اللازانيا ديال الدار كتاخد وقت اقل فالطياب من اللي كتباع فالسوق

*6 طريقة تحضير اللازانيا في البيت
المقادير
100 غرام دقيق
بيضة
2 معالق كبار زيت زيتون
ملح
الطريقة
الى بغينا نسموهم بالسبانخ نغليو اوراق السبانخ في ماء و ملح و نديروهم في الخلاط الكهربائي مع البيض و الزيت و نطحنوهم مزيان و نجمعو بيهم الدقيق ثم نخليو العجينة ترتاح باش تسهال فالخدمة ثم نورقوها بالدلاك و ندوزوها من المكينة ديال الكعب و نديروها فوق طبلة و نرشوها بالدقيق و نقطعوها و نخليوها تنشف ليلة كاملة و يمكن عوض السبانخ نسموهم بمرق الكروفيت و طبعا يمكن نضاعفو المقادير

*7 باش مايتشققش الفقاص فالطياب نخليو العجينة ديالو مرخوفة بزاف كتلصق و نجمعوها بالزيت و نحربلوها و ندهنو الحرابل بالبيض ثم ندخلوهم لفران بارد عاد نشعلو النار و نخليوهم يطيبو على نار مهيلة نصف طيبة و منين يخرجو من الفران نديرو عليهم منديل فازك معصور و نغطيوهم كاملين بالميكة و نخليوهم يبردو ثم نقطعوهم و نرجعوهم يكملو الطياب بهذه الطريقة الفقاص ماكيتفرتتش فالتقطاع و ماكيحتاجش يبقى ليلة عاد نقطعوه

*8 لتحضير صلصة الطماطم و ماتجيناش حامضة نديرو 2 مطيشات بقشورهم فالكوكوت و نزيدو عليهم بصلة مقشرة متكوكة كلها بالقرنفل و عريش ديال ازير و عريش ديال الحبق و ورقة سيدنا موسى و ضرس ثومة و 3 معالق كبار ماء و نسدو الكوكوت و نردو البال حيت مافيهاش الماء بزاف غير تصفر شي جوج تصفيرات و نحسو بيها طابت نزولوها من فوق النار و نخليو الكوكوت تبرد ثم نحلوها و نقشرو مطيشة و نديروها في الخلاط و نزيدو عليها البصلة بعدما نزولو ليها القرنفل و نطحنوهم و نديرو الصلصة في مقلة مع شوية الزعتر و الملح و زيت العود و الثومة و ملعقة مطيشة الحك و نخليوها تغلي و توقف ثم نستعملوها مع البيتزا او اي حاجة كتحتاج صلصة الطماطم

*9 السفة مولات ليميش
الى كنا غدي نطيبو كيلو ديال السفة نقصو منو رابعة و نديروها في مقلة مع 2 معالق كبار زيت مائدة و نحمروها مع التحريك حتى تولي لون واحد (قرفية) ثم نزيدوها على السفة الاخرى و نفوروها بالطريقة اللي موالفين نديرو كتجي غزالة و كيجيو فيها جوج الوان
نصائح من عند فاطمة من تمارة

1) نغسلو مطيشة وتقطع طريفات ونخليوها الطيب بلا ماء ولما تبرد تطحن فى الخلاط وتصفى فى شبكة عيونها رقيقة وترجع الطيب مع ورقة موسى والنعناع
حتى تنشف من الماء مزيان وتنديروهم فى قراعى معقمين ونحطوهم فوق مانطا حتى يبردو مزيان ونحتافظو بيهم فى البلاكار

2) تنديرو القراعى فى الماء وهما واقفين وممسودينش غير يغلى الماء نزولوهم

3) نحتافظو بقشور مطيشة فى المجمد وملى نحتاجوهم نجبدو الكمية اللى بغينا ونطيبوهم ونطحنوهم وتصفى
) الفلفلة تغسل وتمسح ونديروها فى المجمد وملى نبغيوها نشووها مباشرة
كتبقى مزيانة

2) قراعى الزجاج الى كان بهم وساخ او الكحولية من الداخل وما عدناش كيف نديرو نغسلوهم تنديرو 2 م الملحة الغليظة+ 2 م الخل الابيض تنحركوها مزيان
ونخليوها شوية راه كلشى تيزول

3) العود = 2 م لالكول+عصير حامضة+2 م الزيت البلدية كيتخلط ونمسحو بيه تم نرشو بشوية الطحين ونحكو بمنديل يكون رطب

4) الرودييات نديرو معاهم 2 م النشا مع الصابون وتغسل فى الة التصبين
نصائح من عند الاخت كريمة

*باش يكون عندنا الشكلاط ديما موجود لتزيين الكيك و الطورطات ناخدو لوح ديال الشكلاط و نديروه في المجمد حتى يقصاح مزيان ثم نحكوه في الحكاكة و نديروه في بلاستيكات و نحتفظ به في المجمد فينما بغيناه نلقاوه موجود

*للاحتفاظ بالفواكه الجافة مثل الزبيب و البرقوق يابس و المشماش يابس نديروهم في قرعة كتسد مزيان (القراعي الخاصين بالترقاد اللي فيهم الكاواتشو فالسدادة ديالهم) و نكبو عليهم عصير برتقال او اي عصير او مشروب عندنا و نديرو القرعة فالثلاجة و وقتما بغينا نزينو شي طورطة او حلوى نلقاوهم واجدين

*البطاطا فريت باش تجي زوينة و لذيذة منين نقطعوها نرقدوها في الماء و الخل عاد نقليوها

*بالنسبة اللي فيه الفواقة يدير طوبة سكر في الفم ديالو و غدي تزول

*باش نبوكليو الشعر للبنيتات الصغار بعدما نغسلو الشعر نضفروه كله و هو فازك ثم نشفوه مزيان بالسيشوار و من بعد نحلو الضفيرات و غدي يولي الشعر بوكلي بلا كوافورة
















نصائح من عند السيدة الغالية من اسفي

*الى كانت عندنا اباجور عندها الغشا ديال الثوب نصبغو المصباح ديالها اللي كيضوي
(l'ampoule) باي لون مغلوق مثل الاحمر او الاخضر منين كتشعل كتعطي لون زوين

*باش ما يدمعوش العينين اثناء تقطيع البصل نديرو البصلة في الماء دافي و نخليوها شوية عاد نقشروها و نغسلوها بالماء البارد ثم نستعملوها

*باش نزولو الغبرة من التلفزة و خصوصا ليباف نستعملو السيشوار

*الى شكينا ان الحليب اللي عندنا خاسر مانفيضوهش كامل نديرو غير شوية في ملعقة و نجربوه فوق البوطة

*في بعض الاحيان كيتخلط لينا الدواء و ماكانبقاوش عارفين ديال من و لاش كيصلاح باش نتفاداو هاد المشكل ناخدو ورقة و نكتبو عليها اسم صاحب الدواء و التاريخ و لاش كيصلاح الدوا و نديروها معاه و يمكن نلصقوها عليه

*الى سالات الحجرة ديال الراديو نضربوها شوية بشي حاجة و نستعملوها غدي تعاود تخدم



النصائح من عند شريفة من الرباط

1) باش نزولو المداد على اليدين نحكوهم بمطيشة مزيان

2) الزربية الى اللون ديالها تبدل تنرشوها بماء معدنى ونخليوها 10 د ونشطبوها على شكل دائرى ومن بعد تشطب عادى ونديروها فى الشمس

3)الزربية الى طبعات بالمربى او القهوة نفزكو منديل بالماء ولالكول ونمسحو مكلن الطبعة ونحكوه مزيان

4) الملابس الى كان فيهم الصدا تندهنوهم بعصير الحامض ونخليوه فيها ومن بعد تغسل بصابون الحجرة

) الى كان عندك الدباب فى المنزل تديري كاسرونة فيها الماء مع الخزامة وتبقى تغلى راه ماتيبقاش

6) باش نحيدو رائحة الشواء من المنزل ملى نساليو الشواء نديرو طرف من قشرة الحامض او البرتقال فى المجمر

7) طبايع ليدام فى الملابس ترشو بطالك ونفركوهم باليد بلا ماء من بعد نغسلوهم بصابون الحجرةنصائح اليوم من عند السيدة نتيجة من تمارة

*الشكلاط باللوز مكلي
نغسلو اللوز و نديروه في مقلة ثقيلة و نخليوه يتحمر بلا زيت على نار مهيلة ثم نخليوه يبرد و نهرمشوه
ندوبو شكلاط اسود نوع مزيان في حمام مريم ثم نزيدو عليه اللوز مهرمش و نخلطو و نسرحوه فوق ورق المنيوم او بلاستيك و نخليوه يبرد ثم نجمعوه حتى نحتاجوه للحلوة او اي حاجة اخرى و يمكن نديروه في قوالب و منين يجمد نزولوه و نحتفظ به فبلاستيكة الى حين الاستعمال

*منين نعصرو الحامض نحتفظ بالقشور في المجمد و منين نبغيو نديرو القشرة ديال الحامض في حلوة او كيكة نجبدوهم و نحكوهم فالحكاكة الرقيقة و نستعملوهم

*منين نسلقو الخضر لتحضير السلطة كنديرو معاها ضرس ثومة و شوية الملح و منين تسلق نصفيوها من الماء و نستعملو ماء السلق فالطاجين او المرقة و ضرس الثومة اللي صلقنا كنحكوه و نديروه مع صلصة السلطة كنخلطو شوية شوية ملح و ابزار ابيض مع زيت بلدية و شوية خل و عصير حامض ثم نزيدو عليهم ضرس الثومة مسلوق و محكوك و شوية معدنوس مقطع و نخلطو و نديروها مع الخضر اللي سلقنا

*ماء سلق البطاطا نستعملوه لتحضير البريوش مثلا نديرو شوية زبدة و شوية ملح و خميرة معجونة و خمارة و نصف كاس سنيدة و الحليب و شوية من ماء سلق البطاطا و نخلطو و نجمعو بالدقيق و نديروه على شكل بريوش

*ضامة البنة
باش نحصلو على ضامة البنة منين نبخرو اللحم او الدجاج او الحوت ناخدو الماء اللي تبخرو فيه و نديروه في قوالب الثلج و نجمدوه ثم نحتفظ به في اكياس في المجمد و نعزلو كل نوع بوحدو بالنسبة لضامة اللحم او الدجاج يمكن نديروها فالحريرة او اشياء اخرى و بالنسبة لضامة الحوت نديروها في صلصة الحوت كتجي زوينة بزاف

*منسم للساندويتش
ناخدو بصلة نقشروها و نقطعوها طريفات صغار و نشحروها فالزيت و الملح ثم نزيدو عليها فلفلة خضرا و فلفلة حمرا مقطعين مكعبات صغار و نخليوهم يتشحرو مزيان و منين يبردو نديروهم في بواطة فالثلاجة و منين نبغيو نديرو ساندويتش للوليدات نديرو لحم او دجاج و نديرو عليه شوية البصلة و الفلفلة ثم فرماج و يمكن نزيدو على البصلة و الفلفلة الثومة الى بغيناه فسندويتشات للكبار و كيبقى صالح فالثلاجة لمدة 3 ايام

*السمن الحار
نغسلو الزبدة بلدية (باش يزول الحليب اللي فيها) و نخليوها جانبا
نديرو كاس ماء مع 2 معالق زعتر و نخليوه يغلي شوية و منين يبرد مزيان نصفيوه
ناخدو الزبدة اللي عندنا نزيدو عليها الملح و الماء ديال الزعتر و نخدموها مزيان باليد باش يدخل فيها ماء الزعتر ثم نديروها في قرعة ديال الزجاج و نكبو عليها شوية ماء الزعتر الفوق و نسدوها و نخليوها مدة 40 يوم ثم نحلو القرعة و نخويو الماء اللي فيها و غدي نلقاو السمن واجد للاستعمال

*بالنسبة للحلوة اللي كتلصق بالمربى و كتكون وحدة عادية و وحدة مثقوبة من الوسط باش نحصلو على منظر زوين ناخدو مربى جاري و نخلطو شوية مع سيرو احمر و شوية مع سيرو اخضر ثم نلصقو الحلوة باش نحصلو على لون اخضر و احمر و نزوقو بشوية اللوز مقلي و مهرمش من الجناب

*بعض المرات منين كنوجدو حلوة الصابلي كيكون الدقيق خايب و كتفرتت لينا العجينة و ماتبغيش تجمع في هذه الحالة ناخدو ابيض البيض (ماشي الاصفر) و نخلطوه مع العجينة ثم نديرو الاشكال اللي بغينا

نصائح اليوم من عند الحاجة رقية و السيدة مليكة من ازرو
نصائح الحاجة رقية
ترقاد الحامض
ناخدو كيلو حامض او اكثر من النوع الغليض و نديروه في اناء و نكبو عليه الماء سخون مزيان و نغطيوه و نخليوه يبرد ثم ننشفوه و نشقوه و نعمروه بالملح و نديروه في قرعة و ناخدو صريرة نديرو فيها شوية الزعتر و 3 او 4 حبات من عود النوار (القرنفل) و 2 وريقات من الورد البلدي و نديروها فوق الحامض و نديرو بلاستيكة بيضاء و نسدو القرعة مزيان و نقلبوها على فمها و نخليوها يومين حتى لاسبوع عاد نحطوها عادية هاد الطريقة كنديروها باش ماينشفش الحامض اللي الفوق و يخسر


*المسكة منين تلصق فالملابس ناخدو شوية زبدة و ندهنو بيها الظهر اللي مافيهش المسكة و نلويوها و نديروها فالثلاجة ثم نخرجوها و نكرطوها بسهولة

*لتصبين ملابس الصوف بحال الهيدورة او سلهام او جلابة او عبانة نفزكوهم و نديرو ليهم الصابون و ناخدو واحد الشطبة تسمى تيغيغشت (تباع عند العطار) و ننقيوها من العويدات و نخبطو بيها ملابس الصوف كتطلق الرغوة مزيان و كتخرج نقية و اللون الابيض صافي

زميطة صحية
كيلو طحين شعير محمر فالفران و مغربل (غير يتذهب اللون ديالو صافي)
كاس عنبة عامر مخلط نافع و كروية و حبة حلاوة
ملعقة صغيرة قرفة مطحونة
3 معالق كبار سكر
كاس عنبة ايلان
الطريقة
نحمرو ايلان مع النافع و كروية و حبة حلاوة في الفران ثم نطحنوهم ونغربلوهم
نخلطو جميع العناصر و نديروها في قرعة و نبقاو ناخدو ملعقة او جوج نديروها فالفم و نشربو عليها اتاي او قهوة او ماء سخون تشرب في الصباح او الليل و هي اعشاب مقوية و تصلح للمراة المرضع حيت كتزيد الحليب
نصائح السيدة مليكة من ازرو

*المجوهرات ديال البلاكي اور « plaqué or » كتطلق الكحولة فالعنق او اليد منين كنعرقو لتفادي هذا المشكل منين نشريوها ندهنوها بلاباز ( الصباغة اللي كيكون لونها شفاف) بالنسبة للكورميط و الخاتم ندهنوهم من الجهة الدخلانية و السنسلة ندهنوها كاملة و منين تزول لاباز و تقشر نعاودو نفس العملية

*المسكة فالحوايج نحكو عليها قطعة ثلج او الى كنا مزروبين ندخلوها للمجمد و منين تجمد نزولوها بالموس بسهولة

*لتنظيف الجلدة ديال باب الثلاجة ندهنوها كاملة من الفوق للتحت بمعجون الاسنان و نخليوها من 2 الى 3 دقائق و ناخدو شيتة ديال الاسنان (خاصة بهذا الغرض) و نبقاو نحكو بيها ثم نمسحو بزيف فازك و نعاودو بزيف ناشف بهذه الطريقة كتولي الجلدة نظيفة و كتبقى ريحة زوينة فالثلاجة

*الجلدة ديال الكوكوت مع الاستعمال كتشقق و تولي الكوكوت تتنفس باش نتفاداو هذا المشكل منين تكون الجلدة جديدة قبل مانركبوها ندهنوها بالزبدة و نخليوها ليلة كاملة و في الغذ نركبوها فالغطاية ديال الكوكوت كتبقى مزيانة مدة طويلة و ماكتنفسش الكوكوت

*السفة ديال الشعرية باش يجي فيها لون زوين و مذاق رائع عوض الماء نرشوها بالحليب فجوج التفويرات الاخيرة



نصائح من عند مليكة

1) باش نحيدو الطبايع المداد فى اليدين نحكوهم بقشرة البنان من جهة الداخل

2) الى نقينا الخرشوف او الفول او اى خضر وبقات الطبايع فى اليدين تنحكوهم
بقشرة البرتقال مغطوسة فى الخل من جهة الداخل للبرتقال وحتى تشققات كتزول

3) كاسرونات ديال اينوكس نحكوهم ببطاطا وتكون مقسومة على 2 عاد نغسلوهم

4) ناخدو طرف التوب 30 سنتم فى العرض على 60 سنتم فى الطول ونخيطو الجوانب ونديرو منين نعلقوهاونركبو فيه 4 جيوب تقريبا على شكل قلب او اى شكل وهاد القطعة كتعلق فى المطبخ والجيوب نديرو فيهم كنور الى كانت كتيرة و التومة والولاعة.......

5) ملى تبغى تخضرى بالفول تيطلق اللون فى المرق بحال الازرق غنديرو الفول فى انية ونصبو عليه الماء طايب وشوية الملح ونخليوه حتى يطلق ونصفيوه ونرميوه مع اللحم
نصائح من عند الحاجة رقية من اموزار

1) الزيتون مشرمل
2 كيلو الزيتون او اكتر نديروه فى بيدون مع الملح فقط ونسدو عليه ونحركوه مرة مرة حتى يطيب نغسلوه ونسقطروه
فى طنجرة نديرو ربطة المعدنوس +2 ضروس التوم+1 م ص الكامون+2 م تحميرة+شوية الزعتر+القزبر حبوب مهرمش شوية+1 م ص الملح+كاس كبير الماء+كاس كبير زيت المائدة حتى يغلى مزيان نزولو المعدنوس نديرو الزيتون فى قرعة ونصبو عليه الشرمولة والهريسة حسب كل واحدة او الاستغناء عنها
وحامضة مقطعة دوائر بلا زريعة هتا تنديرو الحامض على شكل طبقات اى الزيتون تم الحامض تم الزيتون وهكدا تقفل القرعة وتفلب على فمها تبقى 4 ايام او اسبوع حتى تصبح صالحة للاستهلاكترقاد الفلفلة

كيلو الفلفلة حمرا او اكتر نغسلوها وتسقطر مزيان ونفوروها فى الكسكاس مع ربطة المعدنوس +راس التومة صحيح ملى تفور وتبرد نحيدو ليها الزريعة والقشرة نديروها فى الخلاط مع التومة اللى تفورات غير تنمعسوها والمعدنوس
وكاس كبير الزيت الرومية +1 م ك الكامون +الملح+الزعتر+حامضة مصيرة نخلطوهم مزيان ونصبوهم فى طنجرة على نار مهيلة حتى تنشف تماما او تدخل للفرن ونديروها فى قرعة هى صالحة مع العدس او الحوت او شرمولة ديال الملاوي .................
كيف يمكن تنسم بالفلفلة حارة ملى تنفوروها

3) الى كنا مزروبين وجبدنا اللحم او اى شئ من المجمد تنديرو ليه غير الملح
ونخليوه واحد شوية فهو تيطلق واخة كيبقى فى البلاستيك

طبق ساهل بالسردين
المقادير
1 كغ سردين منقي ومحيدين ليه السنسول
2 حبات خيزو
2 حبات طماطم
2 خيارات
كاس صغير خل
كاس صغير ماء
كاس صغير زيت مائدة
2 ورقتا سيدنا موسى
الطريقة
في طنجرة الضغط نستفو قطع خيزو دواور ثم ماطيشة دواور بالقشرة ولا بلاش لكم الاختيار ثم نديرو طبقة الخيار دواور و نخويو عليهم الزيت والخل والماء وورقتا موسى ونسدو عليه ونخليوه ايطيب ونخليوه ينشف كتبقى غير شوي دالزويتة قالت السيدة كايجي رائع

شنيك من عند رشيدة من القلعة


المقادير

250غ طحين
125 غ زبدة
ملح
ماء دافىء
الحشوة
100غ زبيب
100 غ زبدة
3 م ك سنيدة
بيضة
م ص قرفة
الزبييب نفزكوه ف ماء الزهر
الكلاصاج
60غ سكر صقيل
م ك حليب
الطريقة
نعجنو ااطحين مع الزبدة والملح والماء كتكون رطبة ونخليوها ترتاح
نشدو 100 غ د الزبدة ديال الحشوة و نزيدو عليها سنيدة و البيضة والقرفة كتولي بحال بوماض
كنشدو العجينة و نسرحوها على شكل مستطيل كتكون غليظة شوي وندهنوها ب الحشوة ديال الزبدة وندردرو الزبيب الي سبق لينا استقطرناه ونلوويها ونخليوها 30 دقيقة في الثلاجة و نقطعوها غليظة و ندخلوها لفران ملي طيب ندهنوها ب الكلاصاج

غريبة بالكوك :


6بيضات
2خميرة
نصف كيلو كوك
2كيسان سكر كلاصي
2كيسان زيت
2كيسان طحين

نخلط كلشي ونخلوها ترتاح شوية وندهنو يدينا بماء الزهر ونعملوا كويرات نفندو وجها فسكر كلاصي وندخلها للفرن





الكيكة :


المقادير :

زلافة سنيدة + زلافة زيت+زلافة ماء+ دقيق حسب الخليط +50غ بودرة الكاكاو او باكية ديال كاوبيل+1فاني+3خميرة الحلوة + 4البيضات

الطريقة :

* ناخد مولينكس نضع فيها سنيدة + زيت +الماء +كاوبيل +فاني نخلطوهم مزيان
ونوضعوهم فوق النار حتى يغليوا مزيان ونخليوهم يبردوا ثم كنقسوا واحد الكاس
او نصف زلافة باش نسقيوا الكيك ملي يطيب
* ناخد البيض نعزلوا الاصفر عن الابيض نطربوا الاصفر مزيان ونضيفوه على
الخليط الاول ثم نضيفوا الدقيق والخميرة ثم نضيفوا ابيض البيض من بعد ما
طلعناه بحال الثلج مع قبيصة ديال الملح ونديروها في مول كبير شوية و ما
متقوبش
* من بعد ما طيب نحيدوها من المول ونسقيوها بالسقوة اللي نقسنا في الاول
وندردروا عليها كاوكاو محمر او اللوز او..........الخ حسب الرغبة


بريوات بمذاق مالح و حلو :


المقادير :

رابعة كفتة

بصلة صغيرة محكوكة

شوية الملح

راس ملعقة سكينجبير

2 معالق كبار معدنوس مقطع رقيق

كاس زبيب بلا عظم مرطب في مازهر و مصفي

كاس لوز مصلوق و مفسخ ومنشف( ندهنوه بالزيت و نحمروه فالفران ثم ندقوه بالمهراز من الاحسن)

نصف ملعقة كبيرة مازهر

شوية القرفة مطحونة

ملعقة صغيرة سنيدة

2 معالق كبار زبدة

حكيكة صغيرة ديال الكوزة

رابعة من ورقة البسطيلة


الطريقة :

في مقلة فوق النار نديرو البصلة مع الزبدة والملح و نخليوها ترخى شوية ثم نضيف الكفتة و نشحروها

مزيان و في الاخير نضيف المعدنوس و الكوزة و سكينجبير و نحركو و نزولوهم من فوق النار نديرو الزبيب في

مقلة مع شوية القرفة و شوية سنيدة و نحركو شوية فوق النار ثم نزولوه و نخلطوه مع اللوز و العناصر

الاخرى ثم نعمرو البريوات و ندهنوهم بالزبدة مخلطة مع الزيت و ندخلوهم للفران يطيبو و عند التقديم

نزينوهم بالقرفة والسكر او بالعسل مخلط مع القرفة و نقدموهم سخان بالصحة


كيك بالكريمة و البنان :

المقادير :

* 12 معالق كبارعصير البرتقال

* 12 معالق كبارزيت

* 6 معالق كبارسنيدة

* رشة ملح

* 2 بيضات

* 1 خميرة الحلوة

* 1فاني

* 9 معالق كباردقيق.

للتزيين:

* 1 كاس كبيرعصير البرتقال

* 3 معالق كبار سنيدة

* 2 معالق كبار مايزينا

. طريقة الكريم:

ناخذ كاس عصير برتقال نزيدوا عليه سنيدة ومايزينا كنديروه فوق النارمهيلة مع التحريك حتى يعقد و كنصبوه فوق لكيكة .

الطريقة :

كنخلطوا المقادير المدكورة في مولينكس كلها من غير طحين وخميرة حمراء من بعد الخلط نزيدوا الطحين

والخميرة كنصبوها فطاوة ديال الفران المدورة بعد ما ندهنوهابالزبدة و نرشو عليها طحين كندخلوها لفران

لسخناه من قبل او نطفيو لفوق او ملي نحسو بها طابت من تحت نشعلو لفوق او نخليوها تحمر .

ملي نخرجوها من الفران نديروا ليها الكريمة من الفوق ونزينوها بالبنان دواورثم الى بغينا نرشوا الشكلاط

محكوك وندخلوها الثلاجة ومن الافضل تبات فيه.


بالصحة و الراحة

الكاشير ديال الدجاج :


المقادير :

125 غ كفتة دجاج
2 فرماجات مربعين
5بيض

كاس عنبة زيت عادية

شوية الكوزة

2 تومات

الربيع مقطع

1 م ص قزبر يابس

3 م ك سميدة رقيقة

ملح ابزار

تحميرة

سودانية و الزيتون لي بغا يديرهم لي ما بغاش بلاش

الطريقة:

نخلطو جميع المقادير فالخلاط الكهربائي ونديروه فالكاس الخاص بالكاشير يطيب فالماء ساعة ولي

معندوش الكاس يديرو فالورق الخاص بالمطبخ ويعقدو من الجناب بحال الفانيدة ويديرو فورق الالمنيوم

ويطيبو فالكسكاس 45 دقيقة ولي ماعندوش يديرو فقط فالبلاستيكة ديال سباكيتي ويطيبو فالكسكاس

كريمة لدهن الخبز للاطفال :


250غ من تمر مفور مزيان نضيف

2معالق كبار ديال اللوز مسلوق مقلي في الزيت ومطحون مثل بوماد نضيف 2معالق كبار شكلاط غبرة اي

كاكاو نضيف ملعقة ديال الزبدة باش ماتجيش ناشفة ونخلط الكل جيدا ونخزنها في قارورة الزجاج

راه كتجي لذيذة



مربى مطيشه كيجي غزال:

2كيلو مطيشه

كيلو سكر

2فاني

رأس معلقه القرفه

كاس الليمون كبير

مطيشه تفور باش تزولي ليها القشره و الزريعه تم تقطع و تضيفي عليها الليمون و سنيدة في كوكوط

على نار مهيلة ملي تقرب تطيب تضيفي القرفه و فاني كتاخد من ساعتين حتى 3 .

كيكة :

4 البيضات

كاس معمرش زيت

كاس معمرش سنيدة

2 خمارات

كاس و نصف دقيق

(الكاس اللي تعبري بيه ديال العنبة)

للتزيين :

2 حكاك دانون فاني

طريفات ديال الشكلاط محكوك

الطريقة :

نخلط في المولينكس البيض+السنيدة حتى يرغوي ثم نزول الغطا الصغير اللي في الغلاقة و نخوي الزيت

شوية بشوية مع الخلط ثم الدقيق +الخمارات نضع في مول مدهون والسر هو انك

كتدخليها للفران وهو بارد عاد كتشعليه مللي طيب دهنيها بدانون خليها حتى تبرد عاد حكي عليها الشكلاط

كيك بكاوكاو رائع :

المقادير:

كأس حليب

كأس زيت

كأس سكر

كأس كاوكاو محمر او مطحون

4بيضات

2خمارات

الطحين حسب الخليط.

الطريقة :

في كأس مولينكس نضع كل من كأس زيت + كأس حليب +كأس سكر + كأس كاوكاو

نخلط الكل جيدا حتى نحصل على خليط متل الكريمة.

ننقص كأس منها نحتفض به للتزين.

تم نضيف للخليط 4بيضات +2خمارات+الطحين .

بعد طهي الكيكة نتركها حتى تبرد مزيان او عاد نزينها بديك الكأس اللي نقصناه.



الكيكة الاسفنجية :

7معالق كبار حليب سائل

7معالق كبار زيت

7معالق كبار سنيدة

8معالق كبارفورص

2خمارات حمرين

1لفاني راها ساهلة وبسيطة

وتتجي هشيشة ومنفوخة



كيكة بالليمون طايب (خديجة من البيضاء):

المقادير:

برتقالة وحدة كبيرة

رابعة سنيدة

2 بيضات

كاس عنبة زيت

50 غرام كوك

200 غرام فورص

1 خمارة حلوى

قبصة ملح

الطريقة :

نديرو الليمونة مع الماء في كسرونة فوق النار و نخليوها تطبخ ثم نصفيوها و نعاودو نديرو ليها الماء و

نخليوها تطبخ مرة اخرى حتى تولي رطبة ثم نقطعوها بقشورها و نزولو ليها العظام و نطحنوها في الخلاط

الكهربائي مع سنيدة ثم نديرو الخليط في اناء و نزيدو البيض و الزيت و نخلطو بالضراب اليدوي ثم نزيدو رشة

ملح و الكوك و نخلطو و نزيدو الدقيق و اخيرا الخمارة و نديرو الخليط في مول مدهون و ندخلوه للفران اللي

سخنا من قبل و نخليو الكيكة تطيب على نار مهيلة (كتحتاج من نصف ساعة الى 45 دقيقة) و منين

تطيب الكيكة نخرجوها و نخليوها تبرد شوية بينما وجدنا السيرو

السيرو :

كاس كبير عصير برتقال

شوية سنيدة (حسب الذوق)

نديروهم فوق النار و نخليو الخليط يطبخ و يعقد شوية ثم نسقيو بيه الكيكة و نخليوها تبرد ثم تقدم

كيكة بالكركاع و التفاح :

المقادير:

4 بيضات
1/2 كاس عنبة سكر
1/2 كاس عنبة زيت
1/2 كاس عنبة حليب بودر
2 فاني
كاس عنبة تفاح مقشر ومحكوك ف الحكاكة الغليظة
2 كيسان عنبة دقيق ماعامرينش
2 خمارات
50غ كركاع مهرمش رقيق
1/2 م ص قرفة
تفاحة كبيرة مبشورة و محكوكة ف الحكاكة الغليظة

للتزيين :

ناباج او عسل دافىء

الخليط 1 :

بالضرابالكهربائي نضربو البيض مع السكر و الفاني لمدة 10 دقائق من بعد نزيدو الزيت ونضربو ونزيدو الحليب ونضربو وناخدو دابا غير الضراب اليدوي ونزيدو التفاح و الدقيق و الخميرة ونخلطو حتى يتجانس الخليط ندهنو مول بالزبدة ونرشوها بالطحين ونصبو الخليط

الخليط 2 :

نخلطو الكركاع و التفاح والقرفة مزيان ونفرتتوه على الوجه ديال الخليط الاول و ندخلوها لفران ملي طيب ندهنوها بناباج ولا العسل

بريوش منسم بالحامض :

المقادير :

(العبار بالكاس الصغير ديال اتاي)
2 بيضات
نصف لتر حليب
كاس مازهر
كاس زبدة مدوبة
كاس زيت
كاس و نصف سنيدة
2 خمارات
2 معالق كبار خميرة الخبز
قشرة 2 حامضات محكوكة
دقيق حسب الخليط

الطريقة :

نخلطو جميع العناصر مزيان و نبداو نزيدو الدقيق شوية بشوية مع التخلاط خاص العجينة تكون بين و بين

ما مرخوفة بزاف ما قاصحة ثم نغطيوها و نخليوها تخمر نصف ساعة ثم نديروها كريصات و نحطوهم في

لاطة مدهونة و نخليوهم يخمرو مرة اخرى مدة نصف ساعة و ندهنوهم بالبيض و نرشوهم بسنيدة ثم

ندخلوهم للفران يطيبو كيجيو ممتازين و كيجيو محمرين و مفلحين بفعل سنيدة.