قشور الفواكه و الخضر لا ترميها دخلي نوريك كيفاش تستفدي منها


بقايا الأشياء لا ترمى لها فوائد كثييييييره تفظلي :


*قشور اللوز :

حبيبتي مثلا لما كتصلقي لوز باش تصوبي لبريوات أو الحلوى مترميش لقشور ،بل دخليهم للفرن ينشفو وطحنيهم وضيفيم إلى
الصابون البلدي فلحمام وحكي عادي وشوفي هاد لكوماج كيف غينفعك
أو يمكن ضيفيهم للحناء + الفول مطحون+روز مطحون +ماء ورد وستعمليه فلحمام لتنقية الجسم وتصفيته

وكذالك بنسبة لكيكة طحنيهم ونسمي بيهم تايعطيو نسمة غزالة وحتى كيكة تاتجي منمشة


*قشور القمرون :

كيتحمرو فلفرن ويطحنو ونضيفو معاهم ملح صينيه وشوية زعتر شوية لقزبر كارم مطحون وملي تبغي طيبي لحوت أو بسطيلة الحوت أو لبايلا كضيفي ملعقه وتشوفي لبنه كيف عامله

أو ممكن تنسمي بهم الأرز أو تزيدهم ف شوربة


* قشور البنان (الموز) :
كلنا كنكلو لبنان ونرميو لقشور ،لكن من ليوم مغيترماوش خديهم سلقيهم وطحنيهم مع كأس زيت زيتون مرطب خطير للشعر ومغدي كذلك



*قشور الطماطم:

ملي تقشري مطيشه جمعي قشورها فبواطا بلاستيكية حتا تجمعي كمية كبيره ، طبخيهم فكسرول مع كقليل من الما ضيفي ملعقة تحميره ملعقة ملح إبزار وخليها طيب مزيان
ملي طيب طحنيها وصفيها مزيان خليها تبرد ضيفي زيت نباتي مع قليل من الخل وضيفيها فلمربعات ديال ثلج تلجيها وجمعي فبلاستيك وخبيهم فلفريكو وهنتي حصلتي على معجون طماطم



* قشور رمان :

كرميهم فشمس لمده 3 أيام على حسب الجو وطحنيهم كيستعملو لمشاكل المعده
وكيستعملو مع لحنا لصباغة الشعر وتتبيته

وكيليق مزيان لتختير مني الرجل يعني تعملي غير شوية في المآكلا ماتبانش نسمة وف نفس وقت مفيد
كذالك بنسبة لكتعاني من إفرازات المهبلية كايفيد مزيان كاينشاف وكيجمع المراة






*قشور الحامض :

ملي تعصري الحامض خدي القشره وحكي بها الركب والكوعين مع الإستمرار كتبيض
أو حكي القشور وحاتفضي بهداك زيست نسمي به الحلويات الكيكة و الفقا س




*قشور الدلاح :




للحصول علىles fruits confixe ملي تكلو دلاح قشري المنطقة البيضاء لي جات مبين الأسفل الأخضر والفوق الأحمر
خديها قطعيها مكعبات صغيرة جدا ضيفي ليها سكر سنيده قسمي لتلاتة أجزاء كوب من القشر مع كوب من سكر وضيفي الملون الإصطناعي السائل ،جزء فيه الملون الأحمر وجزء بالأخضر وجزء بالأصفر بيتيهم في التلاجه الغد ديريهم يطيبو حتى ينشفو ويتكريميليزيو ،وضعيهم فبواطات وخبيهم فتلاجه وملي تبغي تصوبي لكيك أو أي حلوة كتحتاج الفواكه المجففه ديريهم
إوى بصحتهم وراحتكم

الله يعطيك الصحة هاد الشي عندك زوين

نصائح رائعة الله يعطيك الصحة

الله يعطيك الصحة شكرا

merci bien c est superbe

bsah had lma3lomat mofida bzaf merci

ما اروعك ومااروع نصائحك ربي ميحرمناش منك يارب

Merci c'est très intéressant

lah ynawrak oya3tik matmaniti

الله يعطيك الصحة

السلام عليكم الله يعطيك الصحة والعافية إنها افكار جهنمية وانا كتعجبني مثل هذه الافكار واصلي