ماهو أحسن منتج جربتيه للوجه و الجسم ووا فقك دخلي فيدي واستفيدي
كل وحدة تحط افضل منتجات جربتها للبشرة

كل مرة كتبغيو تخرجو تعملو شوبينغ الواحد كيدوخ مكيبقى عارف ميشري

وحتى بعد المرات كنشريو شي حاجة وكندمو عليها

ولا كنشريو ونحطو لاننا ممحتاجينهمش

هاد الموضوع يكون مرجع للكل نحطو المنتجات اللي مجربينها ومندمناش عليها

في انتظار مشاركاتم وياريت بالصور غير ماتكونش فيها أسماء المنتدايات بش صاحبة المنتدى متقلقش علينا هههه

نبدا براسي
صراحة أحسن كريم وافقني للجسم ديالي هو ديال نيفيا الشيبي


بالنسبة ليبوان نوار :


افضل منتج هو كلين اند كلير ونيتروجينا خودو المنظف من نيتروجينا وخودو كوماج من كلين اند كلير




فوندوتان كراجا :


هد البخاخ فن فن فنننننننن بزاف :

كيدار حتى كتسالي المكياج ديالك تيضفي واحد اللمعة خفييييفة وتيثبت المكياج النهار كامل كتغمضي عينيك وترشيه من بعيد وشوفو النتيجة



كحل كريمي من ميبيلين :



هدا كحل كريمي من ميبيلين رااائع للتحديد وتكحلو بيه من الوسط مغتعرفو بقيمتو حتى تجربوه


فوندوتان بورجوا زوين وتيبان طبيعي :


من100dhsحتى ل 150dhs




ماسكارا clinique الثمن 120 درهم :

حتى هي غزالة بزاف





dream mat mousse ديال mybelline راه زوين :




مسكارا من لانكوم
Hypnose drama



لانكوم كتحمق بزاف زوينة فيها كحولة كتهبل خصوصا إلا درتو عليها ماسكارا الصفرا نتاع مايبيلين
جربو هاد الطريقة وردو عليا الخبار

مسكارا ميبيلين



هذا كريم غزال بزاف و الواقي ديالو روعة كايحيد ليتاش





الماسكرارا الى بغيتوها شوية ثقيلة خودو الغوز ديال مايبيلين ولا HYPNOSE ديال لانكوم ررررائعة بزااف




بالنسبة لبومادا لكتحيد ليطاش كدار بالليل :

DUCARY MELASCREEN




بالنسبة لديال الحبوب سميتها :

ERYECNE 4 GEL


كديريها على بلايص الحبوب بنهار والى كان الحبوب بزاف تزيدي معها وحدة ديال الليل سميتها

DIFFERIN 0.1




ريحات الشعر :

كاين ديال عبد الصمد القرشي اسمهم مخمريات الشعر


المجموعة من لوريال :

تتصلاح للبشرة المختلطة الغسول والمقشر و لوسيون



هادشي لي طاح ف بالي دابا إنشاء الله لي عودة بالمزيد و الجديد

إلى لقيت بزاف الردود

يالله بنات متبخلوش علينا بتجاربكم

ممممم رائع جدا جادووووووووووووووووووور فحال هاد المواضيع شكرا أختي صاحبة الموضوع حتى أنا مانبخلش عليكم بداكشي لي كنعرف

ملي كانبغي نعس
انا عن نفسي اغسل وجهي بنتيتروجينا بامبلومس



بعد كاندير ماسك منظف من هيمالايا او من نيتروجينا


بعد كنغسل وجهي بصابونة المره والكركم او فير اند وايت


من بعدارش وجهي ماء الورد
بعد احط ماجيك قبل النوووووم

كريمي المرطب هو جرجنز فير اند سوفت...........مرطب ومفتح للجسم رووعه
هذه صورته


افضل غسول للوجه / كلينانس من افين
افضل مرطب للوجه / فازلين بالفيتامين
افضل حمام زيت للشعر/ فاشكول بالبيض
افضل زيت للشعر / ام الجدايل

وتشكراتي الحاره , موضوع قيم
هادشي لي تفكرت ولي العودة بالمزيد

شكرا ليكم البنات شجعتوني نغير حتى أنا شي شوية
حتى أنا نوريكوم براكتي لا قبلتو علي
بسم لله نبدو
ا
نبدا بالعطور والول عطر هي مجموعة ايفيدونس عطررري المفضل واللي كنديروا خصيصا لراجلي ولفت ليه وفورماطيتوا على هاد العطر هههههههه
هادي اللي كان جاب ليا نيت كادوا باقى الريحة مستعملتهاش حيث باقي عندي فوحدةاخرى
كاين العطر وديودورن والباندوش والحليب







وهادا عطر غزاااااااااااااااال من اوريفالام كيحمق اسموا ECLAT WEKEND وديددورون GIORDANI GOLD مكنديرهاش بزاف الديودورن عندي حساسية منهم
كندير غي بيبي سات




وهادي برفان من افون حتى هي خفيفة وزوينة سميتها PERCEIVE وهدا جل للمنطقة الحساسة حتى هو من افون زوين صراحة


وهدا شمبوان صراحة غزاااااااااال وافقني لشعري اسموا كليس وراه معروف صناعة المانية

وهادوا الزيوت زيت جوجوبا و زيت أفوكا وزيت بدور العنب زيت الدرة وزيت بدور الكتان
وهدا ك الاخضر سيروم




وهادوا زيوت مصاوباهم بييدي زيت الجنجلان وزريعت الكتان وزيت لتقوية وتطويل الشعر



وهادي زبدة الكارتي للشعر والبشرة غزااااااااااالة صراحة جربتها فنة درتها لبشرتي وشعري والنتيجة طوووووووب



وهادي خلاص لبلاك مي مكنصوبش بيها بزاف قليل

ودابا ندوزوا للمكياج هادي لاتروس المكياج

وهادوا العكورة وليكلوص


وهادوا كحول وماتبقى كل شي باين كندير فيهم غي الكحل والريسيل وبس
ومتبقى حتى لشي مناسبة او فاش كيكون راجلي

وهادوا لولانجيت والقطن لازالة المكياج


دابا ندوزوا للبشرة واليدين
هاداك الاخضر كريم للجسم واليدين طبيعي من اركان وخلاص ايضا كنستعمل للجسم جونسون


وفازلين للرجيلات

وهدا بندوش زوين فيه ريحة واعرة وهديك صابونة لوكس كنغسل بيهم فالحمام كنوع وهديك بيبي سات كنديرها للعرق غزالة ومكتديرش ليا الولسيس
الديودورنات الاخرين كيمرضوني خرجوا عليا





بالنسبة لوجهي كنستعمل كل ماهو طبيعي مكنحملش البردويات لوجهي
كنغسلوا بصابونت الطاوس بزيت اركان غزالة وماء الورد وليكرون وديك نيفيا كنديرها قليل فالبرد الا نشف وجهي
وكندير وصفات طبيعية


والازالة الشعر الغير مرغوب فيه عندي هاد لاباراي ولاسير ولبوند
وبومدا لازالة الشعر وشفرة الحلاقة نسائية ولاموس ديالها







وكنستعمل الفوطة الصحية نانا زوينة بزاف صراحة

وهادوا صبايغ لا ظافر ومبارد



وهادا باش كنحك سنيناتي معجون كرست زوين كيبيض الاسنان وفرشات الاسنان



وهادي لاتروس كنجمع فيها بعض من هاد الشي


اوى هاد الشي باش كنهتم بنفسي قولوا ليا كيجاكم

القسم الأول
القسم الأول
باليت مومبر أ بوبيار
من عند
كلامور كليتز
استوديو ميكاب

فون دو تان
بيبي كريم
روفلون

بوم ألافر
كلور ريش بلام
من عند لوريال


لي عودة بالمزيد إنشاء لله

 تبارك الله عليكم البنات واللهيلا شهيتوني نشري هادشي كامل ولكن تكم مزالا كنقرا والو زاويا ههههههههههههه المهم بغيت نسول على الزيت الي كيتقطر فالقريعة مناش مصنوع ولاش كيصلاح

hhadak zit dyal zanjlan ozari3t lkattan mi9dar nas kas man kol haja mhamra omathouna o dirihom f kas    dzit l3oud apres dirriom man ba3d matkhaltihom f hamam maryam ohiya zwina lche3ar bzaf katharb tasa9ot omzyane memra mera diri hadak takht mli tbri tmchi lhmam ollah i3tikom sahha jamiiiiiiiiiiiii3an 

سلام حبيبتي دائماً مواضيعك حلوين بحالك
بالنسبة لبشرة الوجه مكندير والو (و نهار كتجيني الزيغة و ندير شحاجة كتندمني )من غير أني كنغسل ب gel nettoyoyant Depiderm Citywhite من Uriage كينظف و يفتح لون البشرة
بالنسبة للشعر انا لحد الان مازال ما فهمت هاد الشعكوكة منين اصلها المهم دابة كندير la game noire ديال gliss وافقاتني شوية و قبل الغسل بديت كندير واحد الخلطة حتى نشوف النتيجة و نرد عليكم(زعما يولي قوي و طويل)
و بخصوص الجسم مكتخطانيش الحنة + الصابون البلدي+ لعكر الفاسي +السكر كلاصي+الحامض منعاودش ليك غادة تحكي و تعيطي على اللي يحك معاك كتخرج لوسخ و مع المداومة كتصفي الجسم و دابة وليت كنزيد حتى الدوا لحمر و bain douche اللي جربتو دابة هو ديال johnson's baby غزال و كيخلي الجسم رطااااااااااااب
لا سير كنديرها ف الصالون
العطور كتعجبني بزاف و اللي عندي دابة و غزالين انا بعدا عجبونيchance de Chanel و allure sensuelle de Chanel و lady million de pacco rabane
هادشي اللي عطا الله هاد الساعة و معذرة على الإطالة و الى تفكرت شي منتوج ها انا معاكم
اما الوصفات ختكم مازال عير كتكنش مازال ما حيدت لعكز باش نجرب
انا مجربة زيت الخرواع لالشفار كيطولهوم وكيقويهوم والنتيجة سريعة والله ديريه ف شي قرعة خاوية ديال الماسكارا ولكن غسليها مزيآآآان و من الاحسن ب الما سخون باش يحيد ديك المادة كاملة ديال الماسكارا وديري فيه الزيت و بقاي ديريها راها ايفيكاس و كنديرها ديما
انا قدامي كانو كي البناي والله ماخلتي مدرت ليهوم كنحكهوم كندهن فازلين و والو قاسحين ومفلحين و واحد النهار كندهن شعري ب زيت فاتيكا و بقا شوية ف ايدي  انا نديرو ليهو منعاودش ليكوم البنات وآآآآآو كي ولاو رطبين و حمرين و زوينين و براو هادوك الجروح اللي فيهوم والله نتيجة فورية

على الموضوع المهم انا كتعجبني أي حاجة طبيعية وكنبغي نصيب داكشي بايدي حقاش لقيت غير تضياع الفلوس فالبرودويات والنتيجة ماشي مبهرة المهم الماسكات للي وافقو ليا وجهي انا بشرتي مختلطة وكيبقى نيفي مزيت شوية كنغسل بصابون الكف العادي وكنصايب صابونة بالأعشاب كناخد صابونة ديال الطوس ونحكها ونضيف المعدنوس ربطة تغلى فالماء كنصفيه ونضيفو على الصابون+ الخزامة والورد مطحونين وشوية ديال مغلى الزعتر وكندير كاسرول فوق البوطة ونخليهم اطيبو وكنطفي عليهم وكنديرهم فالمكعبات للي فالثاتجة ونخليهم اجمدو وكل نهار نجبد طرف نغسل بيه المهم كيحيد الآثار وكيصفي الوجة بالنسبة للفوندوتان كنستعمل مايبلين سوبر ستاي 24 ساعة و لا فوندوتان ديال افون سميتها اكسترا لاستينغ ريحتها فنا وزوينة كتبقى ناشفة فالمناسبات كنستعمل فق منها البودر ديال كلينيك حتى هو غزال طيبقى ثابت اما الكحل كندير أقلام ديال أفون ولا ايلينر سائل ديال ماك حتى هو فن ماسكارا قليل كنديرها فالمناسبات عندي شفران طوال كندير ليهم زيت الخرواع الاصلي+ العسل الحر كنخلطهم ونديرو فشفراني فالليل الماسكارا للي كندير ماشي ديما لانكوم زوينة بزاف و احمر الخدود كندير وحدة من صوفي كتبان طبيعية اما الشعر كنديره ليه الخلطات وحمام الزيت كل اسبوع اولا زوج اسابيع كنخلط زيت العود مع الخزامة الحرمل الورد والسنبل حبة راس لزاز وشي اعشاب كيجمعهم ليا العطار وكندهن شعري مزيان وندير فوطة سخونة ولا كندير ماسك البنان بنانة طايبة وكنزيد عليها الزبدة والزيت وندير ماسك الشامبوان كندير جونسون ديال الاطفال وافق ليا شعري والزيت باش كندهن زيت الحبة السوداء ولا زيت الحية من دابر أملا بالنسبة للجسم كندير كل اسبوع خلطة ديال الكركم + الصابون البلدي + الخميرة+ حامضة معصرة كنخليهم ليلة كاملة ونديهم الحمام كيخلي الجسم روعة والمرطب كندير نيفيا ديال الورد ولا جونسون اما السنينات كندير حبة حلاوة مطحونة+ فاخرة مطحونة +عصير الحامض كنعمس الفرشات فهاد الشي ونحك كيرجعو كي الجوهر اما البارفان كندير كوكو شانيل ولا أمور أمور و لا دو غيف كلهم زوينين اوا هادشي للي كاين

حتى آنآ نقولكمّ تجربآتي ، بالنسبه للشعر آنآ كندير مره في آلأسبوع المخ ديال العظم مع زيت الزيتون كنبآت بيهم والصبآح كندوش ومن بعد نغسلو مزيان وندير الغااسول ونشفو وندهنو بزيت الزنجلآن كيبقى رطب بلا سشوار وغزاال ، ووجهي مكنديرش لبرودوي غير تضياع الفلوس وصآفي 
كندير كومآج لوجهي مره ف آلأسبوع ب فيشّي وكلين اند كلين ومن بعد كندوز ع وجهي خيار مثلج ونخليه شوي ونرشو بماء ورد اصلي ويوميا كندير الخميره وماء ورد غزاااله وكل يومين كندير العسل الحر وماء ورد كيرطب ويبيض البشره ، والميك آب كندير فونديشن سمتو facefinity all day dayflwzss واخا غالي المهم غزاال كيبقى 24 ساعه وكيخلي البشره طبيعيه 
والكحل كندير قلم من khol/contour كيبقى تابت في العين 
وماسكرا كندير volume glamour max
والبودر كندير اللي من ماكس فاكتور 
والبلاشر والروج من مااك 
والريحهّ today tomorrow always احس برفااان كتبقى فيك اسبوووع كااامل غاليه شويه ولكن تستااهل 

ب 300 درهم واحد النهار سولت مول المكياج عليها لقيتها عندو 200 درهم ونفسها هاد البرفاان مستحيل نبدلهاا كتحمق