هذا الجز الأول يخص لي معرفت منين تبدا توجاد العرس تدخل لهنا نوريها كلشي أش خصها توجد
على هاد الرابط
https://lalaboutayna.yoo7.com/t4479-topic#9475
هذا الجزالثاني يخص ألا لة العروسة شريتي المكياج و العطور ولا مزال دايخة دخلي نتبتك ونوريك
على هاد الرابط
https://lalaboutayna.yoo7.com/t4480-topic
وهدا بحول لله الجز الثالت ومازال عندي المزيد إلى حبيتو أكتر
اليوم موضعنا على شنو خاصك توجدي
بالنسبة للباس التقليدي والبيجامات


بالنسبة للعرائس اللي غيبقاو فالمغرب

تكشيطة وحدة فقط لان الوزن كيتغير والموضة كتغير وغير غتخسرو فيها الفلوس من الافضل تكون غير وحدة (بيضاء الا بغيتي تخليها كذكرى او تعطيها لبنتك ذكرة بحال فستان العرس)

ولي بغات تزيد تزيد عباية من عبايات الهند كيكونو مرصعين بالاحجار وثمنهم مغاليش مقارنة مع ثوب وخياطة تكشيطة
وموضتهم مكتمشيش وفصالتهم غزالة وكيناسبو جميع الاعمار








.بالنسبة للجلابة
جلابة بقفطانها (ضرورية)تكون بيضاء او بلونكاسي تلبسيها صباح يوم العرس.+فولار+بلغة+صاك مناسب.
وفالخياطة مدخلوش فيها الوان داكنة ممكن تدخلو اصفر خفييييييف او زهري او ازرق فاتح

جلابة اخرى تكون بجبدور
وتستغلي الجبدور فالدار +فولار+بلغة

جلابة عادية بدون جبدور او قفطان ممكن تكون مطروزة مثلا.+صباط او صندال+فولار


بالنسبة للقفيطنات

اللي غتلبسي صباح العرس هو اللي سبق قلنا مع جلابة ديالو.

وقفطان بسروال ديالو

وقفطان عادي

القفيطنات غتحتاجوهم الا مشيتو عند اهل الزوج او الا جاو عندك او فالاعياد...


بالنسبة للعرائس اللي غيمشيو للخارج

تكشيطة وحدة فقط لان الوزن كيتغير والموضة كتغير وغير غتخسرو فيها الفلوس من الافضل تكون غير وحدة (بيضاء الا بغيتي تخليها كذكرى او تعطيها لبنتك ذكرة بحال فستان العرس)
(ممكن تستغناي على التكشيطة)

بالنسبة للجلابة

جلابة بقفطانها (ضرورية)تكون بيضاء او بلونكاسي تلبسيها صباح يوم العرس.+فولار+بلغة+صاك مناسب.
وفالخياطة مدخلوش فيها الوان داكنة ممكن تدخلو اصفر خفييييييف او زهري او ازرق فاتح






بالنسبة للقفيطنات

اللي غتلبسي صباح العرس هو اللي سبق قلنا مع جلابة ديالو.

وقفطان على حسب البلد اللي غتمشي ليه يعني الا كان بلد بارد عملي ثوب ديال البرد(موبرة مثلا)
الا كان ساخن عملي (حرير او مليفة مثلا)

بالنسبة للملابس العصرية

للعرائس اللي غيبقاو فالمغرب

3 الى 4 اللبيسات على ذوقك

للعرائس اللي غيمشيو للخارج
اهم حاجة الا كان بلد بارد تشري المونطو وليبوط من هنا لان فالخارج ثمن مرتفع بزاف
خوذي الالوان الاساسية بني /اسود/..

4 الى 6 اللبيسات(على حسب مناخ البلد )


بالنسبة لملابس الدار(بيجامات...)

شورطات وتيشورتات
كسيوات....

بيجامات

ضروري بيجامة طويلة بالكم(الا مشيتي عند اهل زوجك او جاو عند وكنتي غتباتي او غادي يباتو بالنهار تلبسي قفيطين وبالليل بيجاما طويلة)
اما الباقي نوعي بيجامات بالشورت وديباردو واخرى بسروال واخرى قصيرة....
شحال ما بغيتي







قمصان النوم والملابس الداخلية
ايضا شحال ما بغيتو
وضروري يكونو هاد الالوان
احمر/ابيض/اسود/زهري
+كولونات+ديباردورات..



الاحذية والصنادل
ضروري 2 صنادل وحدة حمراء +وحدة سوداء(تلبسوهم مع قمصان النوم)

وبالنسبة للصبابط او الصنادل على حسب الفصل
المهم الالوان الاساسية
اسود/ابيض/بيج او بني
بونتوف الا كان الجو بارد
صندالة دلميكة(ههههههه حتى هادي منسيتها ولكن ممنووووع تلبسوها هادي مخصصة للوضوء فقط راك عروسة )

بالنسبة للدار شريو صندالة او 2 مريحين(غير من ديال 30 درهم)
وممكن تاخذو شي حجيرات من شي شوكة ديال الفولار قديمة او شوكة تلصقيها فالصندال وتولي تبان انيقة اكثر






الحقائب

الالوان الاساسية
اسود/بيج/ابيض
اللي بغات تبدل شي لون من هادو بشي لون كتلبسو بزاف تبدلو

كنتمنا تستافدو من هاد المواضيع حيت حتى أنا أكتر منكم ههه
وإذا وجدت ردود نزيدكوم مزال عندي ميتقال