موضوع خاص باختصاصية التجميل لطيفة نتمنى تستافدو من الوصفات وما تنساونيش اخواتى من دعائكن




اختصاصية التجميل لطيفة الخضرواى ليوم 29/03/2012
بخار للبشرة الدهنية
كاس الازير مع نصف لتر ماء يغلى وتعملى بخار للبشرة
مدة 10 دقايق
بخار اخر للبشرة الدهنية
كاس القرنفل مع نصف لتر ماء يغلى وتعمل بخار مدة
10 دقايق
بخار للبشرة الجافة
كاس اوراق النعناع فى ماء يغلى وضيفى ليه
10 قطرات من زيت الكلسيرين خليه ربع ساعة
بخار للبشرة الحساسة
كاس الورد بلدى مايكونش كارم مع نصف لتر ماء
وتعملى بخار مدة 5 دقايق فقط
او
كاس الريحان مع نصف لتر ماء يغلى وتعملى بخار
5 دقايق
وصفة للشعر المتضرر من الصباغة
زيت الخروع وزيت الزيتون وزيت الذرة
تسخنى اناء وخوى فيه الزيوت تخلط وتعمل
خصلة خصلة للشعر منين تكملى تاخدى فوطة
وتعمل فى ماء سخون وتعصر وتعمل للشعر
وكل 10 دقاييق عادوى عملى الفوطة فى الماء سخون
هاد الخلطة تعمل من مرة حتى ل 2 مرات فى الاسبوع
وصفة للشعر المتضرر من الصباغة
2 بنانات مع 5 معالق زيت الذرة تمعك حتى تنسجم
وتعمل على خصلات الشعر مدة 30 دقيقة وتغسل
وتبقاى تدهنى بزيت الكوك
وصفة لمنع تساقط الشعر
كاس القزبر حبوب مع قبطة القزبر ووراق الرمان
الكل يغلى فى الماء ويبرد وتعملى الما فى قراعى
تفزكى بيه الشعر وتبقاى تدلكى بيه عدة مرات فى اليوم
وصفة اللى عندها اثر البثور
2 معالق الخرطال + 2 معالق العسل الحر
معلقة ص زيت اللوز + معلقة الزنجلان مطحون
تعمل للوجه 20 دقيقة مرة او 2 مرات فى الاسبوع
وصفة للتخفيف من الشعر فى الوجه
قشور الدنجال كرميهم فى الشمس وطحنيهم وخلطيهم بماء
الورد وتعمل للاماكن اللى فيها الشعر 5 دقايق وتعملى حركات دائرية

وهدرات على الروز كينمى الشعر وكيرمم خلايا بشرة الانسان
قناع من الروز كيقوى الزغبة ومفيد اللى عندهم شعر مجعد
نصف كيلو الروز تصلق مزيان غير الروز العادى يطيب مزيان
حتى يتعجن وصفيه من الماء وضيفى ليه قطرات من زيت الخروع
وهو سخون والماء خليه جانبا
الروز وهو سخون دلكى بيه الشعر خصلة بخصلة بحال الترطيبة
ونتى كتجبدى منين ينشف الروز فى الشعر ماتقيسيش الشعر
منين تبغى تغسلى كبى الماء وعملى حركات عاد سرحيه
والماء ديال الروز يصلح اللى عندى مسام واسعة او اثار الحبوب






وصفات لطيفة الحضرواى ليوم 12/04/2012وصفة للحد من حب الشباب
معلقة ك بابونج + معلقة ك خزامى مطحونين
عصير ليمونة + 3 نقاط من زيت سكنجبير
معلقة ص من خل التفاح تخلط تحصلى على عجين
يوضع على حب شباب فقط ماشى على البشرة كاملة
هاد الوصفة تعمليها نهار ايه ونهار لا
لوسيون لغسل الوجه
معلقة ازير + معلقة الخزامى يغلاو فى الماء وتمسحى بيهم الوجه
وصفة لازالة لاتراس ديال الحبوب
بطاطا ص مصلوقة + حامضة ص مصلوقة
طحنى البطاطا وتمعك مع قلب الحامضة وتضيفى ليهم 2 معالق ك
الروز عادى مطحون ومعلقة ص زيت العود و 2 بياض البيض
تخلط على شكل كريم وتوضع على الوجه كل ليلة نصف ساعة
عاد غسلى الوجه
وصفة اللى عنده القشرة والشعر جاف
بصلة تحكيها وتعمل فى اناء تغلى وفرقى الشعر و تعمل على
فروة الشعر
تاخدى زيت الافوكا وزيت الليمون وزيت الخروع
وتعمل للشعر خصلة بخصلة وتاخدى فوطة معمولة فى الماء
طايب ومعصورة وتعمل للشعر وكل ربع ساعة كررى العملية
وغسلى الشعر الماء ما يكونش سخون
صباغة لشعر لونه مفتوح وفيه الشيب
كاس الريحان مطحون + نصف كاس قهوة سريعة الدوبان
خلطيهم بالماء وعمليهم للشعر بحال الا كتصبغى الشعر
صباغة لشعر لونه مغلوق
كاس الريحان والحنة وتجمع بالماء دافئ وتعمل للشعر
صبغة الشعر باللون اكاجو
كميو من الكركديه وكاس الشاى مطحون
الكركديى غليه فى الماء وخلطى بيه الحنة مع الشاى
الا ما بغيتيش تستعملى الحنة زيدى فى كمية الشاى
صباغة الشعر باللون بنى
نسكافى ومعلقة الحرمل مطحون ومعلقة الشاى مطحون
تخلط مع الماء وتعمل للشعر
تبقاى تعاوديها حتى تحصلى على اللون المطلوب
وصفة لمنع جفاف وتكسر الاضافر
عصير ليمونة مع معلقة الحلبة فى اناء دفيهم على
نار مهيلة ووضعى اليدين فى الرجلين فى الخليط
مدة نصف ساعة
وصفة اللى عنده مشكل تعفن الاضافر
معلقة بابونج مع معلقة ملح و 2 معالق ك الخل
سخنيهم شوية وعملى فيهم الاضافر 3 مرات فى الاسبوع
وصفة اللى كيزراقو ليه اليدين بعد الحمام
قبطة الكرافس تقطع قطع كبيرة وتعمل فى اناء تغلى مع
لتر ماء مدة 10 دقايق وغطسى فيه اليدين
وصفة لمشكل الاجهاد فى اليدين والرجلين
كاس الورد البلدى + كاس الخزامى فى اناء
يغلى مع الماء ووضعى فيه اليدين والرجلين مع
حركات نشفى يديك ورجليك
تاخدى وراق النعناع وكرضيهم بحال الربيع
وخوى عليه الماء سخون وخليه 5 دقائق وصفيه
ومسحى بيه اليدين والرجلين بلا ماتغسلى منه
وصفة لترطيب الشعر
معلقة ك زيت الكلسيرين + معلقة ص زيت الخروع
يتخلطو فى قرعة الزجاج وتحط فى اناء فيه ماء سخون
منين يطلقو حركى مزيان وتعمليه فى اطراف الشعر ماشى الجلدة
وتعملى بلاستيكة للشعر مدة ربع ساعة وشللى بالماء فقط
وصفة اللى عنده الشعر خاوى
كاس الروز تصلق مزيان والماء دياله يكون خاتر
داك الماء ضيفى عليه معلقة زيت الازير وتخلط وتعمل
على فروة الراس






وصفات اختصاصية التجميل لطيفة الحضراوى ليوم 10/05/2012
لوسيون للبشرة الجافة
نصف برتقاله تخلط مع معلقة من ماء الورد
وتبقاى تدهنى به الوجه
بالنسبة للبشرة الدهنية
دهنى بنصف برتقالة مع معلقة خل التفاح
ماسك مفيد للشعر
حكى مطيشة وتخلط مع زيت الحوت وتعمل للشعر
ماشى الفروة وتبقاى بيه ساعة وغسلى ودهنى بزيت
الذرة كتحمى الزغبة من حرارة الشمس
وصفة للبشرة الجافة
نصف بنانة + 2 حبات الفريز + الدقيق الابيض
وتخلط بماء الورد وتعمل للوجه 20 دقيقة وتغسل
بماء بارد
تعمل 2 مرات فى الاسبوع
وصفة كتزول لاتراس اللى فى الوجه
2 معالق من الخرطال + 2 معالق من العسل الحر
2 معالق من زيت اللوز + معلقة الحلبة
وتخلط ببياض بيضة بلدية
تعمل 20 دقيقة للوجه مرة فى الاسبوع
وصفة لتضييق المسام فى الوجه
معلقة ك خميرة بلدية + معلقة ك دقيق ابيض
وتخلط بماء الورد
تعمل 20 دقيقة للوجه وتغسل بماء بارد
3 مرات فى الاسبوع
وصفة للبشرة الحساسة وفيها الحبوب
2 معالق من الحليب بودر + نصف خيارة محكوكة
وخيزوة محكوكة تجمع وتعمل للوجه
ولكن قبل نضفى البشرة مزيان ونشفيها عاد عملى الوصفة
وصفة لازالة الكلف وتنقية البشرة
2 معالق من الروز عادى مطحون
بطاطا مصلوقة + معلقة ك خميرة عادية
تخلط وتعمل 30 دقيقة
قناع مفيد للشعر المتضرر والخاوى من القدام
2 بصلات حكيهم و عمليهم فى كاسرونة يغليو
زولي الكاسرونة من فوق العافية وضيفى معلقة ك
من زيت الخروع
تاخدى قطن و دهنى الفروة وحتى الشعر خصلة بخصلة
خلى الخليط مدة ساعة وغسلى الشعر
تعمل مرة فى الاسبوع
و صفة للشعر الناشف بحال السيروم
2 معالق ك زيت الخروع + 2 معالق ك زيت الذرة
2 معالق ك زيت الكليسرين
خلطيهم وعمليهم فى قرعة الزجاج وعمليهم فى حمام مريم
وحركى مزيان
منين تغسلى شعرك ونشفيه تاخدى شوية من السيروم
وتدهنى شعرك مزيان
صباغة الشعر باللون اكاجو
هاد الصباغة بالنسبة اللى ما عمرهم صبغو شعرهم
2 معالق كركديه يطبخ فى الماء وخلطى معه 2 معالق الحنة
ومعلقة الدباغ وتوضع على الشعر ساعة عاد غسلى
وصفة لاطالة الشعر
تاخدى 5 رؤؤسس ديال الفجل وحكيهم و تعمل للفروة الراس تبقاى بيه ربع ساعة وتعملى مساج لفروة الراس مدة 5 دقايق
وتبقاى بيه نصف ساعة وتغسلى
ترطيبة خاصة للشعر
رابعة الروز تطيب مع الماء حتى تعجن وضيفى ليه
زيت الكلسيرين او زيت الخروع وتعمل بحال الترطيبة
للشعر خصلة بخصلة منين يكرم ما تلمسيهش
منين تبغى تغسلى فزكى مزيان شعرك حتى يترخى
وزولى الروز بايديك مزيان عاد غسلى ومنين تغسلى
ضرورى تدهنى بزيت الكليسرين
لوسيون للبشرة للبشرة
اوراق النعناع مع الماء طايب و داك الماء
تمسحى بيه الوجه 3 مرات فى النهار كتحسى بالراحة من
بعد هاد الوصفة