سلطة بسطيلة الكريب من طرف الشاف زهرة ذو الفقار
عشرين ورقة كريب
زوج حبات من الخس وريقاتهم مزيانين
زوج خيزوات فتين
مطيشة وحدة
حبة لافوكا
ياغورت طبيعي
زوج بواطات طون زيت لكن كنقطره من الزيت
زلافة مايونيز
نص كيلو كروفيت
زلافة فروماج محكوك
زوج معالق عصير حامض
شوية الحباق
للتزين قشرة مطيشة وزوج وريقات من الحباق
طريقة تحضير الكريب
رابعة دقيق فرص نزيدو عليه معلقة صغيرة سكر سنيدة وقبصة ملح و زوج بيضات ونص لتر حليب معلقة صغيرة زيت ونخلطو الكل بالخلاط الكهربائي ونخليو ه ترتاح لمدة ساعة عاد نطيبو الكريب
طريقة السلطة
كناخدو طبق التقديم كنزلو فيه وريقات الكريب بحال طريقة البسطيلة فالدورة ديالها وكندهنو بزيت بلدية ونلاصقو الكريب منين نحطوهم يعني كل كريب كتجي كروزي اي وحدة بجنب الاخر و كنلاصقو بشوية المايونيز حتى كنكملو الدورة وكنعملو الكريب فالوسط وكنخليو ثلاثة او اربعة كريبات جانبا
كناخدو سلادي او زلافة كبيرة كنحطو فيه الخس بعدما غسلناه ونشفناه وكنقطعوه متوسط كنزيدو عليهم الطون الخيزو محكوك مطيشة محيد ليها الزريعة مقطعة قطع مربعة صغيرة
تم كناخدو حبة لافوكا كنقشروها وكنمعسوها بالفورشيت حتى كتولي بوماد كنزيدو عليها ياغورت وعصير الحامض كنخلطو مزيان وكنضيفوهم على المكونات اللي فالصلادي وكنخلطو الكل وكنقسم الحشوة على زوج
كناخد الكروفيت منقي وكنشحره في مقلة مع شوية الزيت بلدية وملح وابزار
كنمشي لطبق التقديم اللي نزلت فيه الكريب كنحط عليهم نص الحشوة كنفرشو تم كنزل الكروفيت تم كنغطي بالنص التاني ديال الحشوة وكنسد الكريب بحال البسطيلة وكنقاد الدورة بالكريبات اللي خلينا جانبا ودائما كنلصق بالمايونيز تم كنرش الفوق الفروماج محكوك وكنزين بقشرة مطيشة على شكل وردة وكنحط بجناب هاد الوردة وريقات الحباق

للاشارة يمكن نعملو الفرماج حتى فالداخل ديال الحشوة




طبان بيني ....شاف زهرة دو الفقار
نص كيلو شرائح بيبي او دجاج منقطعهوم لقطع
شوية سكنجبير طري
شوية ابزار النلح
عصير نص حامضة
معلقة كبيرة من الموطاغد
الصلصة
2 معالق من صلصة الصوجا
معلقة كبير من العسل
الطريقة
كناخدو صلادي كنعملو فيها قطع البيبي مع سكنجبير عصير الحامض الابزار و الملح والموطاغد وقرقدو ها قطع البيبي لمدة ساعة تقريبا
تم كنعملو هد الطريفات البيبي في القطبان ديال العود ونعملوهم يتشواو
في هدا الوقت كنوجدو الصلصة كنخلطو العسل وصلصة الصوجا وكناخدو فرشات اي شيتة وكندهنو القطيبات البيبي وهما سخان وكنزلوهم في طبق التقديم اللي فرشنا ليه وريقا الخس او النعناع وكنرشو القطبان بشوية الجنجلان محمر وبالصحة والراحة



سلطة امليط البيض بالالوان زهرة دو الفقار
8 البيضات
2 مطيشات متوسطين
بصلة
100 غرام زيتون اسود بلاعضم وشوية بالعضم
قبيطة من المعدنوس مكرد
حبة من الخس
شوية اللح والابزار
وشوية الزيت المائدة
الطريقة
كناخدو زلافة كنعملو فيها 2 بيضات مع شوية الملح والابزار زكناخدو مطيشة وحدة كنقشروها ونقطروها من الزريعة ونقطعوها قطع صغيرة وكنضيفوها على البيضات وكنضربو وكنطيبو الامليط هده الاول غتكون حمرة بمطيشة
التانية كنضربو 2بيضات وكنضيفو عليهم نص بصلة مقطعة صغير والملح الابزار وكنضربو ونطيبو الامليط
التالتة 2 البيضات كيضربو مع المعدنوس المكرد الملح والابزار ونطيبو الامليط
الرابعة 2 البيضات اللي بقاو مع الزيتون بلا عضم مكرد والملح والابزار
منين كنكلمو 4 الامليط اي اسعملنا 8 ديال البيضات 2 بزوج وكل وحد بلون ومداق مختلف كنقطعوهم على شكل اشرطة بحال الطاكليتيل كناخدو طبق التقديم كنحط فيه وريقات من الخس وكنزلو عليهم الشريطات ديال البيض اللي خلطناهم مع بعض وكنزينو بمطيشة اللي بقات كنقسموها على اربع وكنحطوها فالجناب النص البصلة كيتقطع دوائر وحبات الزيتون اسود وبالصحة والراحة






التمر معمر بالكيو والسكنجبير والاناناس المعسل .....زهرة دو الفقار
كيلو ونص تمر نوع مجهول او اي نوع
رابعة مابين سكنجبير معسل واناناس معسل
100 غرام كيو
4 م ك عسل
4 م ك بودرة اللوز
نص كاس ماء زهر
عقدة للوز
كنقطعوهم الفواكه المعسلة قطع تم كنزيدو اللوز بودرو والعسل كنجمعو الكل وكنفتحو التمرات وكنمسحوهم بماء الزهر وكنعمرهم بهاد الخليط وكنسدوها بعقدة اللوز اللي كطلق بالمدلك وشوية النشا كناخد مرشم اناس متلا او و وريقة او وريدة وكنرشمو العجينة اللوز وكنسدو هد التمرات بالعجينة كنرشو عليه بودرة دهبيه تاع الحلوة تم كنعملو التمر في الكغويطات طولات
الحشو اللي بقا كناخدو منو الاناناس والسكنجبير كنعملو به نخلة في طبق التقديم كنعرضو من التحت وكنرقو من الفوق ام الجريد النخل كنعملوه بكيو اللي بقا




الزلابية زهر دو الفقار
المقادير
رابعة الفرص
زوج م ك النشا
شوية الزعفران شعرة مدقوق او ضامة
2 م ك جنجلان مطحونين
نص كاس اللبن
خمار
رابعة ديال ماء دافي
الطريقة
كنخلطو كلشي مزيان اي المقادير في صلادي وكنعاود نطحناها في الخلاط الكهربائي خاصهداالعجين تجي تقيلة من عجينة الكريب بحال ديال البغرير تقريبا ترتاح ربع ساعة تم كنبداو نصبو شوية بشوية في براد او الدواز الجيب الحلواني
المبتدئات عملو البرد كندير الخليط ونبغيو نقطعو كنسدو فم البراد بصبعنا كناخدو مقلة عادية كنعملو فيه الزيت ميفوتش واحد سنتيم في الطول اي الزيت حامية كنعملو وريدات منين تحمر كنقلبوه تحمر على الجهة الاخرى وكنهزوها وكنخليوها تستقطر على الورق النشاف عاد كنطفيو في في العسل دافي كنزينو الزلابية الجنجلان او الجنجلان مع الورد يابس

تشيز كيك بالمونك شاف زهرة دو الفقار
2 باكيات ديال بسكوي
3 م ك زبدة بحرارة المطبخ
حبة من المونك توزن نص كيلو
6 القطع من فرماج مربعات
3 البيضات
طريف من فرماج الريكوطا
حك من القشدة الطرية
الطريقة
في الخلاط الكهربائي كنطحنو البسكوي مزيان تم كنعملوه في زلافة كبيرة كنضيفو عليه الزبدة وكندخلوها فيه مزيان تم كناخدو مول الحلو يكون كيتحل من التحت كنسرحو فيه البسكوي بالزبدة كنقدوه بيدينا على المول مزيان تم كندخلوه للتلاجة 15دقيقة في هدا الوقت كنطحنو المونك بعدما قشرناه مع قطع الفرماج والقشدة الطرية والبيض والريكوطا تم كنخرجو الكيك البسكوي من التلاجة تم كنكبو عليه خليط المونك وندخلو للفران 45 دقيقة تقريبا من نخرجوه من الفران كنخليوه يبرد 10 الدقايق تم كندخلوه للتلاجة الى غنعملوه في الفريكو كنخليوه 6 الساعات والى غنحطو غير في وسط التلاجة كيبقى ليلة كاملة تم وكنزينو من الفوق ببودرة الشوكولا او اللوز مهرمش ومنين نبغي نقطع التشيز كيك نخليها شوية تطلق ونقطع بالصحة والراحة


سلو ملبس بعجينة اللوز شاف زهرة دو الفقار
المقادير
نص كيلو طحين ممتاز محمر
نص كيلو جنجلان
نص كيلو لوز
رابعة الزبدة
رابعة سكر كلاصي او اقل حسب الدوق
م ص نافع بلدي مطحون و م ص نافع بستاني
نص م ص مسكة حرة مدقوقة
شوية الكوزة محكوكة
عجينة اللوز
الطريقة
كنسلقوه اللوز كلو تم كنفسخوه تم كنقليوه في شوية الزيت شوية بشوية تم كنقسموه على زوج النص الاول كنطحنو مزيان حتى كيطلق الزيت والنص التاني كنهرمشوه كناخدو الجنجلان كيتغسل مزيان ويتحمر في المقلة التقيلة تم كناخد قصعة او بانيو كنعمل فيه الطحين المحمر اللوز كلو الجنجلان والمسكة الحرة والكوزة والنافع البلدي والبستاني مطحونين كنخلطو تم كنجمعوه بالزبدة المدوبة ونخلوه جانبا
كناخدو عجنة اللوز كنطلقوها فوق طابلة او رخامة مرشوشة بالنشا سمك العجينة واحد سنتيم وكنبدا نقطع العجينة بمقاطع على شكل نجمة او هلال
كنمشي لسلو للي حضرت كنطلقو حتى هو بالمدلك بلا منرش النشا حيت الزبدة اللي فيه مغتخليهش يلصق ولكن كنرش فوق الطبلة او الرخامة شوية جنجلان محمر ونطلق العجينة بالمدلك وسمك العجينة سلو زوج سنتيم وكنقطعو بنفس المقاطع اي مرشم هلال او نجمة
كناخد فيدى هلال من العجينة اللوز وكنحط عليه هلال من سلو تم هلال من عجينة اللوز وكنبقى غاديا بهاد الطريقة حتى كنكمل عجينة اللوز وسلو
وللتنزين كنرش عليهم بودرة فضية غدائية

وصفة تحضير خبز صغير اللي عندهم حساسية من الدقيق
250 طحين الدرة
2 م ك او 100 غرام من دقيق النشا
م ص من الزبدة
م ص من خميرة الخبز
نص خمارة من الحلوة
م ص من الحليب بودرة
ماء العجين بارد
شوية الملح
الطريقة
كنخلطو الدقيق الدرة مع دقيق النشا وخمارة الحلوة وكظيفو الزبدة +الخميرة العجين كتخلط مع شوية الماءدافي وسكر
وكنجمعو العجينة مزيان
كنسخنو كوكوط و كنطفيوها وكنحطو فيها العجينة وكنسد بالصفارة تلت ساعة من بعد كنقسم العجينة كويرات وكنعمل بها خبز الهامبوركر كندهنو بالحليب السايل وكنرش على الخبيزات الجنجلان تم كندخلوهم للفران يتحمرو





الحريرة بالقرفة النعاع العبدي ...زهرة دو الفقار
رابعة قطبان اللحم
بصلة متوسطة
قبطة المعندوس
قزبور قبطة
نعاع العبدي
نص م ص ابزار
م ص سكنجبير
نص م ص ملح
م ك سمن
م ك زبدة
م ص قرفة
كاس ديال العدس مرطب في الماء ساعة الوقت
كاس الحمص مفسخ
نص كيلو مطيشة مطحونة
ضامة بنة
باش ندورو الحريرة
بطاطة كبيرة مطحونة مع الما اللي تسلقات فيه +وبيضة +م ك قزبور
شوية القرفة
2 م ك مطيشة الحك
2 م ك شعرية نجميات
1 م ك قزبور يابس
الطريقة
البصبلة مشلضة صغير كتشحر مع السمن والعطرية واللحم +مطيشة مطحونة +الحمص +العدس +نص لتر من الماء
وكنسدو عليها في الكوكوط ربع ساعة تم كندورها بالبطاطا بوري و بيضة وقزبور وقزبور يابس و القرفة مطيشة الحك ونعاع مكرد عاد كنزيدو ونجيمات








البريوات بحوت الفرخ و الفلفلة....زهرة دو الفقار
نص كيلو ورق كبيرة
كيلو حوت من نوع الفرخ
تلاتة فلفلات ملونين خضرة حمرة صفرة
م ك قزبور ومعدنوس
نص كيلو قمرون
م ك كبيرة من التومة
ملح ابزار
فلفة صغيرة حارة مقطعة قطع صغيرة
م ك صلصة صوجا
باكية صغيرة من الشعرية الصينية
نص كاس من زيت العود
الطريقة التحضير
كنشحرحوت الفرخ فكاسرونة
مع الزيت البلدية التوابل والتومة ام الماء اللي طلق الحوت كنحتافضو به جانبا تم كنفرتو الحوتو الحوت كنزيدو عليه القزبور والمعدنوس والصوجا والفليفلة الحارة
كناخد القيمرون كنقيوه ونشحروه في نفس المقادير من بعد كناخدو الشعرية الصنية كترطاب في الماء طايب وكتصفى وتقطع قطع صغيرة وكنضيفها هي والقمرون على الحوت الفرخ ونخلطو مزيان
الفلفلات كنشويهم تم كنقشروهم ونقطعوهم قطع صغيرة
كنخدو الورقة وكنعمل فيها شوية من الحشوة تم الفلفلة وكنطوي البريوة وكنقلي في الزيت ام ندخلهم للفران








البريوات بحوت الفرخ و الفلفلة....زهرة دو الفقار
نص كيلو ورق كبيرة
كيلو حوت من نوع الفرخ
تلاتة فلفلات ملونين خضرة حمرة صفرة
م ك قزبور ومعدنوس
نص كيلو قمرون
م ك كبيرة من التومة
ملح ابزار
فلفة صغيرة حارة مقطعة قطع صغيرة
م ك صلصة صوجا
باكية صغيرة من الشعرية الصينية
نص كاس من زيت العود
الطريقة التحضير
كنشحرحوت الفرخ فكاسرونة
مع الزيت البلدية التوابل والتومة ام الماء اللي طلق الحوت كنحتافضو به جانبا تم كنفرتو الحوتو الحوت كنزيدو عليه القزبور والمعدنوس والصوجا والفليفلة الحارة
كناخد القيمرون كنقيوه ونشحروه في نفس المقادير من بعد كناخدو الشعرية الصنية كترطاب في الماء طايب وكتصفى وتقطع قطع صغيرة وكنضيفها هي والقمرون على الحوت الفرخ ونخلطو مزيان
الفلفلات كنشويهم تم كنقشروهم ونقطعوهم قطع صغيرة
كنخدو الورقة وكنعمل فيها شوية من الحشوة تم الفلفلة وكنطوي البريوة وكنقلي في الزيت ام ندخلهم للفران

شربة الكرعة الحمرة والقشدة الطرية زهرة دو الفقار
نص كيلو كرعة حمرة
بصلة كبيرة مشلضة
وبطاطة كبيرة
5 م ك زيت العود
لتر الاربع من الماء
حك كريم فريش / قشدة طرية
شوية الكوز
ملح ابراز
ضويمة من الزعفران
2 دراهم من الزريعة البيضة ديال القرعة
الطريقة
كناخدو الكرعة كتنقي كتغسل والبطاطا كدلك تم كنقطعوهم مكعبات ونخليوهم في الماء البارد
البصلة كتشخر مع الزيت العود تم كنزيدو عليها مكعبات البطاطا الكرعة وتشحروهم 5 الدقائق + الملح الابزار كنزيدو لتر الا ربع من الماء وكنخليوهم 30 دقيقة كنطيوفوق البوطا متوسطة منين يطيبو كنخليوهم يبردو وكنطحنو الكل في الخلاط الكهربائي تم
كنزيدو الكريما اي القشدة الطرية وكنرجعو الشربة تغلى 5 الدقائف كنصبو الشربة في الزلايف كنرشو عليهم شوية الكوزة وشوية من الزريعة البيضة منقية وبال





الشربة الكرعة خضر والسبانخ زهرة دو الفقار
نص كيلو كرعة خضرة
نص كيلو من السبانخ
2 معالق زبدة
باكية من الفرماج مربع
شوية الملح الابزار
وضامة الربيع
لتر من الماء
كاخدو طنجرة فيها الزبدة مع مكعبات الكرعة والسبانيخ مقطع مع الملح وضامة الربيع و كيتشحرو 5 الدقايق كنزيدو الماء كنخليهم كيطبيو 20 دقيقة كيبردو كنطحنوهم مع 6 القطع من الفرماج وكنقدموهم فالزلافة مزينين بقطع صغيرة من الفرماج او الحبق






















كريم بحليب الكوكو زهرة دو الفقار
كاس حليب سائل
حك حليب الكوكو
2 بيضا ت كاملين +2 صفار البيض + 2 م ك سكر +حبة الاناس +4 م ك كوك مطحون
الطريقة
الاناس كنقيه مزيان كتقطع على 2
كناخدو الحليب سائل + 2 م كوك +نص الحبة ديال الاناس كنطحنوهم في الخلاط الكهربائي
كناخدو الحك الحليب الكوكو + الخليط اللي طحناه
وكناخدو كاسرون كيعملوهم فيه وكنخليوهم يغلاو تم كنحيدوه من على البوطا
كناخدو زلافة فيها البيض كامل والصفر كيضرب مع السكار كنبقو نزيدو هدا خليط البيض على الخليط اللي في الكاسرون وحنى كنحركو حتى كتعقاد شوية
وكنعملوالكريما في كؤوس الفران كنطيبوهم في حمام مريم اللي كندخلوهم بيه للفران ساعة الاربع كنخرجوهم كبيردو كنزينوهم بالاناس اللي بقا تم كندخلوهم الاتلاجة




بطبوط معمر زهرة دو الفقار
عجينة بطبوط كنسرحوها بالمدلك وكنطرسيوها بكادغ مربع او دائري ونطيبوهم في المقلة التقيلة تم كنحلوهم شوية ونخليوهم جانبا
الحشوة
ربطة من سبانخ مقطعة رقيق شوية كنشحروها في الزبدة او زيت العود ملح وابزار و ضامة معدنوس
فرماج حمر محكوك 50 غرام
التزين بالدرة والفرماج حمر محكوك
الطريقة
كناخدو البطوط كندهنوه بالفرماج مثلث وكنعملو فيه الحشوة لسبانيخ تم كنزينو فم البطبوطة بالدرة والفرماج محكوك وكندخلوهم للفران شوية الوقت تم كنقدموهم





شربة الكروفيت زهرة دو الفقار
نص كيلو كرفيت منقى مشحر مع بصلة مشلضة +2 معالق قزبور +2 ضروس توم +شوية حامض محكوك
قشور الكروفيت كيتغلو في نص لتر الماء تم كنصفيوه وهدا الماء كنزيدو على الكرفيت المشحر مع شوية الملح الابزار خيزو محكوك القرعة محكوكة البطاط 2محكوكة هده اضافة + وكندورو الشربة ديالنا بمعلقة كبيرة من نشا في كاس الماء وكدور الشربة تم كنسمو بالربيع كنرافق الشربة بزلافة من الصوجا





بريوات معمرين بالارز زهرة دو الفقار
رابعة الارز اللي كتيعجن ايالبلدي مسقلوقة
م ك زبدة
2 ك من الحليب المركز المحلى او 2 سكر صقيل
كنسم بخنشة ماء الزهر او الفاني او شوية القرقة
شوية اللوز مهرمش شوية او كاوكاو مهرمش
او فواكه معسلة
ورقة البسطيلة

الطريقة
كناخد الارز المسلوق وهو باقي سخون كنضيف عليه الزبدة واللوز او الكاوكاو او الفواكه المعسلة قطع صغيرة وكنسم بالفاني +2 م ك من الحليب المركز المحلى وشوية القرفة كنخلط هدا المكونات مزييان تم كنعمر بيهم الورقة وكنقليهم او ندخلهم للفران