الموضوع الأصلي من  منتدى لالة بثينة على الرابط التالي http://www.lalaboutayna.com/t7301-topic#15294

أحبتى بتبوتات  منتدانا الغاليات
الله يتقبل اعمالكن ومبارك عليكن العيد
و يعود عليكن بصحه وسعاده وعمر مديد
بالبهجة والأفراااااح


طاقم اداريات أقسام الحلويات تبعث لكن أرق التهانى وأجمل الأمانى بقدوم عيد الفطر المبارك
ونتمنى من الله عز وجل أن يكون عيدا سعيدا
ويعم الأمن والآمان فى بلدناالمغرب  الحبيب ان شاء الله
وكعادتكم بنا حاولنا بقدر المستطاع أن نسهل ونيسر عليكن بحثكم عن وصفات حلويات العيد 
التي يتم إدراجها إلى راديو شدى إيفم  مع الشيف هدى اليداري 
ونتمنى من الله ان نكون عند حسن ظنكم بنا وتستفيدوا بما نقدمه لكن
وكل عـــــام وانتم بــــخـــــير


سنتطرق إنشا الله برفقتكم 

















معانا  مش حتقدر تغمض عينيك  عنداكم تغيرو المحطة هههههه 

صابلي بالقهوة - هدى اليداري
250 غ زبدة عادية + كاس عنبة سنيدة رقيقة بزاااف او سكر كلاصي + 2 ساشي قهوة سريعة دوبان مدوبة في م ك الما او روح القهوة ونخلط + 1 م ك بودرة الكاكاو + بيضة ونخلط مزيااان + الطحين حسب الخليط بدون خميرة .
نجمعوه و نديروه في الثلاجة 5 دقايق ونطلقوه ما بين 2 ساشي بلا طحين ونقطعوا بالشكل اللي بغيت ما يمونش رقيق بزاااف
مللي يطيب نزينو بالشكلاط على شكل خطوط

بحلاوة - هدى اليداري
نص كيلو دقيق + قبصة ملح + 150 غ زبدة + 4 م ك سنيدة + ياغورت فرماج و نعجنها مع + 2 م ك كونفتير او م ك كليكوز ونجمعها ممكن نضيف 2 م ك ما زهر ايلا خص في الجميع
الحشوة : نص كيلو كاوكاو منقي + نص كيلو اللوز او كيلو ديال كاوكاو و نقطة روح اللوز + الكاوكاو منقي محمر في الفران و مهروش رقيق بزااااف + فواكه معسلة مقطعة رقيق اختياري + 2 م ك ما زهر + 2 بيضات + م ك كليكوز او 2 م ك كونفتير + 2 م ك زبدة + نكهة النوكا او فاني ونخلط مزياان
ناخد العجين نقسموا على 2 و نورقها بالمدلك فوق اللاطة اللي عندها الجناب طالحين او مول ديال الزجاج ديال الكرطان ندهن و نرش بالدقيق و نحط العجين الاول رقيق بحال البيتزا على قد المول وفوق منها الحشوة وفوق منها بيضة مطربة و من بعد العجين الثاني ندخلها نص ساعة في الثلاجة او 10 دقايق في المجمد و نقطعها بالموس مربعات و فوق كل مربع لوزة و دخل الفران و مللي تخرج نسقيها بالسير واو العسل سخون في ما زهر



كعب غزال - هدى اليداري
نص كيلو الفورص + رابعة زبدة + ملح قبصة + ما زهر + م ص سنييدة
ندوب زبدة و نضيفها للعجين + ما زهر و الملح نخلي العجين يرتاح
كيلو اللوز نغسلو 2 مرات و يتصلق يغلى غلية وحدة و نصفيه و نديرو في ميكة بيضا و نسد عليه 5 دقايق و نقشرو من بعد - هاد الشي قبل بليلة واحدة من اعداد الحلوى -
ناخد اللوز + نص كيلو سنيدة + 2 م ك ما زهر ونطحنوه + حبة مسكة حرة مدقوقة + م ك زبدة + ونعجنوا
ايلا جا خفيف نخلي العقدة حتى تنشف و نحربل اللوز و نطلق العجين و ندير وسط منو الحرابل و نقطع بالجرارة و يبقى ليلة كاملة و غدا يدخل الفران







صابلي مالح - هدى اليداري
رابعة زبدة عادية و في حالة استعملنا الماركرين نضيف في كل رابعة نصف كاس زيت
نصف م ص ملح + 3 فرماج + راس م ص ابزار + 2 بيضات
ونعجن زبدة مع فرماج + 2 بيضات + ملح و ابزار و نعجنها + الطحين كيلو الا ربع او اكثر على حسب ونقسموا العجين على 3 او 4
العجين الاول + فرماج محكوك
العجين 2 + زعتر مطحون ربع م ص
العجين 3 + بافو او زنجلان ابيض
نطلقوا بالدقيق ما بين 2 ساشي و نطبعوا وندهنوا بالبيض وندير فوق منو الزريعة منقية
ديال الزعتر ندير فوق منو اللوز محمر و مملح ومهروش
ديال الفرماج احمر ندير فوق منو الفرماج احمر
ويدخل الفران بارد



صابلي بالحليب المركز المحلى – هدى اليداري
رابعة زبدة + كاس سكر كلاصي + 2 فاني او م ص روح الفاني + قبصة ملح + طحين نصف كيلو ممكن اكثر بشوية حسب الخليط و نجمعوا و نخليه يرتاح في ساشي في الثلاجة 10 دقايق
نجبدوه ونطلقوه بلا دقيق ما بين 2 ميكات و نرشموه و ندخلوه الفران
مللي يخرج ندهنو الوسط بالحليب المركز المحلى كراميل ونلصق واحدة مع وحدة وندهن الجوانب كدلك وندوزهم في اللوز مهروش
الحليب المركز المحلى كراميل : ناخدوه و نديروه في كوكوط مع شوية الما حتى يوصل لنصف العلبة ونخليه 45 دقيقة ونحل الكوكوط و نخليها تبرد ساعة ونجبدو


قاص - هدى اليداري
300 غ زبدة + 300 غ سنيدة + قبصة ملح و يتعجنوا مزيااان + كاس عنبة او اكثر اللوز بالقشرة مهروش +الزبيب 3 م ك يتجمدفي بلاطو في المجمد و يتطحن + الزنجلان 2 م ك + فاني او نكهة النوكا و نعجن بلا دليك + 7 بيضات + 2 م ك كونفتير او م ك كليكوز و نطرب مزيااان + كيلو و نص طحين مع خمارة و نص ونجمعوا بحال كورة و نغطيه يرتاح 5 دقايق و نحربلوه وندهن بالحليب ربع كاس مع م ص الكاكاو وندهن و نخليه 5 دقايق و نعاود ندهن و ندخل الفران بارد يطيب نص طيبة غير من لتحت على نار مهيلة حتى ينشف من الوسط مللي ندخل السكين فيه ويكون باقي ابيض اللون
نخرجو ونغطيه بزيف مبلل بالما و الزهر و معصور شوية ونخليه عليه 10 دقايق
من بعد نحطو فوق شي زيف ناشف ونديروا في المجمد من نصف ساعة الى ساعة وقت اللي بغيت الفقاص نجبدو ونقطعوا ونرجعوا للفران





غريبة بالفواكه الجافة - هدى اليداري
رابعة الزبدة مرخوفة اي نوع + رابعة سنيدة + 4 بيضات + كاس عنبة الزيت نطربو مع قبصة ملح باليد + فاني + 2 خمارات او وحدة اختياري او وحدة و نص باش تجي في الحجم متوسطة
كيلو الا ربع الدقيق + 2 م ك النشا ومغربل + 2 م ك حليب مجفف ... نضيف اما الزبيب بوحدو او مع باقي الفواكه الجافة او الزنجلان او النافع .... و نجمعوها ونديرها كويرات ونطبعها في وسط اللاطة و ندخلها الفران و مللي تخرج نخليها تبرد و ندوزها في سكر كلاصي

صابلي ديال التمر - هدى اليداري
رابعة زبدة العبار تعجن مع 200 غ سكر كلاصي + حبة مسكة حرة مدقوقة مع شوية سكر + فاني او روح فاني و تعجن + بيضة + نص كيلو دقيق + نص خمارة الحلوى
نعجنها و نديرها في الثلاجة 15 ساعة بينما قبطات في راسها
ناخد التمر المعجن نص كيلو + م ك الزهر + م ص الزبدة + حبة مسكة حرة مدقوقة و نعجنو مزيان حتى يرطاب
ناخدو العجين يتقسم على 2 و يتورق بالنشا ما بين 2 بلاستيك و نورقها بالمدلك على شكل مربع و نقطع الجناب و ناخد التمر و نطلقو ما بين 2 ساشي بالنشا و ندير نفس قياس المربع ديال العجين
ناخد المربع ديال التمر و نديرو فوق العجين رقم 1 و نجيب العجين رقم 2 ندير الفوق و نضغط شوية باش يلصق و ندهنوا ببيضة مطربة مع ساشي قهوة سريعة الدوبان او شوية الكاكاو و نزوقها بالفورشيط و نبدا نقطعها مستطيلات و ندخلها الفران و مللي تخرج نفندها في سكر كلاصي او غير نرشوه بالصفاية على وجه الصابلي



حلوى ديال النخلانة و الزنجلان - هدى اليداري
نص كيلو الزنجلان يتنقى و يتحمر و يتطحن + رابعة ديال النخالة الرقيقة + 2 م ك الكونفتير او م ك الكليكوز + م ك زبدة مرخوفة + 4 او 5 بيضات على حسب اشنو يجمع العجين + م ك ماء زهر + خمارة او خمارة و نص + فاني . 150 غ سكر كلاصي للعجين
ناخدو الزنجلان من بعد ما تحمر و تطحن + نخالة + سكر كلاصي + كونفتير + الزبدة + ماء زهر + خميرة + فاني + و نبدا نضيف البيض وحدة بوحدو مع التخلاط
نكوروها و نفندوها في سكر كلاصي سبيسيال
ندخلها الفران سخون شوية واحد 10 دقايق حتى تشقق من الفوق






حلوى الكوك - هدى اليداري
3 ابيض بيض + 150 غ سنيدة + 1 فاني + نص خمارة الحلوى + 250 غ الكوك +1 م ك الفورص + نص ساشي فاني + قبصة ملح
نطرب ابيض البيض + الملح و نطربو بطراب كهربائي حتى يولي بحال الثلج + سنيدة و يتطرب بملعقة خشب + الكوك و يتطرب + الفورص و الخمارة
+ فاني و نديروها في جيب حلواني و نخرجها وريدات و نزوقها بطريفات البنان كونفلي او قشرة الليمون معسلة و ندخلها الفران بارد تقريبا ربع ساعة .
ممكن عدم اضافة الخميرة للحفاظ على شكل الوردة





مادلين - هدى اليداري
نص رابعة الزبدة دهنية نباتية + كاس سنيدة + فاني + 4 بيضات + شوية الخل
يتطربو ....
نص كاس عنبة عصير البرتقال نطرب مزيان + 2 كاس عنبة الدقيق + 2 م ك النشا + او نص كاس الفورص + نص كاس بودرة اللوز + 2 خمارات
نخلط و نضيف الدقيق مع الخميرة يتغربلوا و نخلط
و نديرهم في كويغطات بلا ما نعمرهم و نقدر نضيف شوية الكونفتير الفوق و ندخلهم الفران




الصابلي – هدى اليداري
250 غ زبدة عادية + 200 غ سنيدة او رابعة ناقص 2 م ك + نص كيلو الدقيق + 4 م ك النشا + 2 فاني + خمارة و نص + 2 م ك الكونفتير + 2 م ك الما بارد + ربع كاس الما زهر + نص قرعة صغير ديال المشماش ديال الحلوى للتزيين + رابعة اللوز مصلوق ومحمر غير شوووووووية و مهروش + ايلا ما بغاش يتجمع نضيف اصفر بيضة
الطريقة : في اناء الزبدة + سنيدة و نعجنها حتى تولي كريمة + ما زهر + فاني + كل المكونات واخر شيء هو الدقيق و النشا و الخميرة ونعجنها
من بعد 5 دقايق ناخد لاطة ديال الفران و ندير فوق منها ورق الطهي مدهون شوية او لاطة مدهونة بالزيت و الدقيق ونقسم العجين على 2 و نورقو فوق البوطاجي مرشوش بالدقيق واو فوق بلاستيك و نديرو في لاطة من بعد ما نلويه في المدلك و نكمل التوراق في اللاطة و ندهن بالكونفتير وجه الصابلي و نجيب اللوز و نرشو ناخدو قطاعة البيتزا و نقسموه مربعات او مثلثات ونصيفطها الفران او نطيبها في الدار و مللي تخرج نعاود نقطع على الاثر الاول





حلوى الكوك و الزنجلان معلكة - هدى اليداري
رابعة الكوك الرقيق + رابعة الزنجلان محمر غير شوية و مطحون + نص كاس حمرة النخالة الرقيقة + ندير حفرة الوسط +رابعة سنيدة + فاني + 2 م ك ما زهر + م ك الكليكوز او 2 م ك الكونفتير + 3 خمارة + نص كاس زبدة مدوبة + 4 او 5 البيضات على حسب اللي غيجمع لينا العجين
نديوهم كويرات و نفندهم في سكر كلاصي سبسيال بدون ما تبسط باليد وندخلها الفران سخون شوية طيب من الفوق حتى تشقق عاد طيب من لتحت







اسهل طريقة للفقاص - هدى اليداري

في كصعة : كيلو ونص الدقيق + في وسطو حفرة فيها 300 غ زبدة مرخوفة + 7 بيضات + قبصة الملح + 300 غ سندة + اللوز بالقشرة مهروش بلا تحمار + شوية النافع و الزنجلان و الزبيب اختياري + 2 م ك ماء الزهر + 2 م ك ماء بارد + خمارة وحدة باش ما يتشققش لينا الفقاص + ربع م ص الخميرة الفورية باش يجي رطب و منفوخ + م ك كونفتير باش يجي معلك
الزبيب ممكن نجمدو ونهروشو باش ما يبانش في العجين
في بلاصة الزنجلان و اللوز و النافع و الزبيب نديرو في بلاصتهم فواكه كونفي مع قشرة نص ليمونة
نعجنوا العجين وندلكوه غير شوية و نديروه حرابل و ندهنوه نصف كاس الحليب و م ك بودرة الكاكاو و فاني - و نخليوه يخمر 15 دقيقة
من بعد نعاود ندهنوا و ندخلو الفران بارد حتى يطيب من لتحت على نار 180 ندهنو اللاطة بشوية الزيت
نعرفوه بالسكين ندخلوه في العجين
ومن بعد نطيبوه من الفوق
مللي نخرجوه نغطيوه بفوطة مبللة بشوية ديال الما زهر 3 دقايق
من بعد ساعتين نقطع واو نديروه في المجمد ساعة و نقطعوه
ونعاود ندخلو الفران بلا ما ندهن اللاطة
ايلا كان كيتحل فاش نكونوا كندوروه حرابل نضيفو ما زهر ولا الماء





غريبة بالكوك – هدى اليداري

نص كيلو الكوك + 4 بيضات + كاس صغير زبدة مدوبة + خميرة ونص الى 2 خمارات + الطحين فورص 4 م ك + او 4 م ك سميد رقيق + م ك كونفتير او الكليكوز + نص كاس زبدة + 150 غ سنيدة
نديروها كويرات و تفند في سكر كلاصي






قريشلات حلويين - هدى اليداري

نص كيلو الدقيق + كاس زبدة مدوبة + م ك نافع + م ك الزنجلان + بيضة + خمارة + كاس و نصف سنيدة + شوية مسكة حرة + ماء بارد للعجين + 2 م ك ماء زهر
نعجنوها عجين عادي بحال ديال الخبز
و من بعد نديروهم حريبلات رقاق و نقطعهم ديك الساعة

حلوى السميد و الكوك – هدى اليداري
رابعة السميد + رابعة الكوك ابيض اللون و نخلط + كاس الا ربع زبدة مدوبة + 3 خمارات + كاس سنيدة او سكر كلاصي ديال العنبة + روح الحامض اونحك قشرة حامضة + قطع فواكه معسلة اختياري ممسوحة بما زهر + 4 م ك زيت + 3 غالبا او 4 بيضات حسب اللي يجمع الخليط -
ما تكونش قاسحة ونكورها بلا ما ندير يدي في ما زهر و نفندها في سكر كلاصي سبيسيال
ونزيد شوية السكر من الفوق من بعد ما نفندها ونضغط شوية حتى يولي بحال القشرة و نحطها فوق ورق الطهي او فوق لاطة مدهونة وندخلها الفران سخون ب 4 دقايق من الفوق و لتحت و تكون النار قليلة
كيفية صنع سكر كلاصي سيبيسيال : كيلو سكر كلاصي يتغربل + كاس النشا ديال عنبة مغربل ونخلط صافي ..... باش ما تحرقش الحلوى و يبقى السكر ابيض




حلويات مشكلة ديال اللوز – هدى اليداري
عقدة اللوز : نص كيلو اللوز مغسول و مصلوق و منقي و ناشف من البارح + رابعة سنيدة رقيقة و نطحنهم + م ك ما زهر + اصفر بيضة + م ص زبدة و تخلط ونقسمو
شوية نضيف عليه فواكه معسلة ونكور ويتغطس في ابيض البيض و نفندو في اللوز مهروش ما يكونش مقلي بزااف يكون دايز غير في الفران احسن و مهروش رقيق ونديرو يطيب على شكل كويرات
وشوية نديرو على شكل حرابل و ندوزوه في ابيض البيض و نفندوه في الزنجلان محمر شوية او اللوز ايفيلي ما محمرش – على شكل كعب غزال
وشوية نضيف عليه ساشي قهوة سريعة الدوبان مدوبة في م ص الما و نكور ويدوز في ابيض البيض و يتفند في اللوز مهروش و نديرها على شكل غريبة فيها حفرة صغيرة الوسط



بيسكوي - هدى اليداري
نص كيلو فورص + 3 بيضات + نص رابعة سكر كلاصي + 3 م ك الكوك + كاس عنبة زبت + خمارة .
الكوك و السكر و البيض و الزيت في كصعة و يتخلط مزيااان + م ك كونفتير + الطحين شوية بشوية مغربل مع خمارة ونعجنوا مزيااان و نطلقوا وندير منو اشكال مختلفة
او نديروه على شكل دمالج و مللي يطيبون غطسوه في الشكلاط دايب ونرشوه بكاوكاو مهروش ومحمر




فقاص ديال اليهود – هدى اليداري
600 غ الطحين + 300 زبدة + خمارة + 300 غ سنيدة + + 12 م ك زيت + 10 م ك ما زهر + م ك كونفتير او م ص كليكوز + شوية الكركاع محمر شوية ونقشروه و شوية اللوز نحمروه غير شوية و نهروشوه و الزبيب مقطعين صغار
ناخد الزبدة و الطحين و نخلطو بحال الفقاص عادي ونحربلوه بشكل مربع ويدخل الثلاجة في المجمد يبرد نص ساعة و نجبدو نقطعوا مربعات و يدخل الفران بارد يطيب من الفوق و لتحت على اساس الفوق تكون النار مهيلة



غريبة الكوك بالكاوكاو - هدى اليدراري
رابعة الكاوكاو منقي و محمر يكون كبير ومهروش رقيق + زلافة الكوك + 150 غ سنيدة او نص زلافة + 2 م ك بودرة الكاكاو او م ك فورص ايلا ما كانش الكاكاو + 2 خمارات + م ك زبدة + 4 بيضات كبار او 5 صغار + 2 م ك كونفتير مشماش خفيف او م ك كليكوز او 2 م ك عسل + 2 م ك ما زهر
نخلط كولشي نديرها كويرات و تفند في السكر كلاصي و نبسطوها غير شوية و ندخلها الفران
ايلا كان فران ديال الضو نسخنو قبل شوية و نطيبها غير من لتحت بلا ما نطيبها الفوق
وايلا كان الفران عادي نسخنو غير 2 دقايق و نشعل عليها من لتحت و الفوق تكون العافية مهيلة




الكعك الوجدي - هدى اليداري
كيلو فورص او ربعة ديال الزلايف + كاس كبير زيت + رابعة سنيدة + شوية زنجلان تقريبا كاس عنبة + 2 بيضات + 2 م ك حبة حلاوة مطحونة اختياري + م ك النافع مطحون و ايلا كان صغير بلدي غير نحمرو و نديرو بلا طحين + 2 خمارات + كاس كبير الما + م ص خميرة الخبز + م ك كونفتير او م ص كليكوز
في كصعة نغربلوا الفورص و خميرة الحلوى فيه حفرة نديرو وسطها الخميرة ديال الخبز مدوبة في الما + الزيت + البيض + سنيدة + نافع + حبة حلاوة ونخلط و نعجن باليد و نزيد باقي المكونات ونعجنها شوية مع شوية ديال الدليك
نخليه يرتاح 5 دقايق و يكون مغطي بشي منديل
نديرو حرابل صغار بزاف ونسدهم على شكل دمليج ونخليهم يخمروا 30 دقيقة
وندهنهم باصفر البيض او بيضة كاملة مع قبصة سكر ونفلحوا بالموس من الجناب وندخلوا الفران يكون شوية سخون تقريبا 5 دقايق و نقصوا تكون النار مهيلة و يطيب من لتحت بوحدو

halwa barda 


حلوى الرخامة - هدى


كسكسو بسبع خضاري - هدى



حلوى ديال مرضى السكري - هدى اليداري